Thursday, May 28, 2015

အင်းဝရောက်ခြေရာများ - အပိုင်း (၂၁)

မိမိလျှောက်ထားချက်ကို အကြီးအကဲများ လက်ခံခဲ့သည်။ သက္ကရာဇ် ၁၇၇၁ ခုနှစ်၊ ဒီဇင်ဘာလ (၂၉) ရက်နေ့တွင် အသက်တော် ၂၆ နှစ်သာရှိသေးသော ဘုန်းတော်ကြီး မန်တေဂါးဇားသည် မိမိအမိပြည်ကို စွန့်ခွာ၍ ၊မြန်မာပြည်သို့ သာသနာပြုရန် ထွက်ခွာခဲ့သည်။ မြန်မာပြည်သို့ချောမောစွာရောက်ရှိလာပြီး အထက်မြန်မာပြည် စစ်ကိုင်းတိုင်း ရေဦးမြို့နယ် ချမ်းသာရွာကျေးရွာ၌ကျောင်းထိုင်ဘုန်းတော်ကြီး အဖြစ် တာဝန်ယူ ထမ်းရွက်ခဲ့သည်။ အသက်အရွယ်အားဖြင့်နုပျိုပြီး၊ ပညာမြော်အမြင်ကြီးမားသဖြင့် ဆရာတော် ပယ်ကိုတို အတွက် အထူး အထောက်အကူ ရရှိခဲ့သည်။ သာသနာလုပ်ငန်းများ၌ အားသွန်ခွန်စိုက် လုပ်ဆောင်သည့်နည်းတူ စာပေ လောက၌လည်း အထူးဝါယမစိုက်ခါ ၊မြန်မာစာ၊ ပါဠိစာ ၊မြန်မာ့သမိုင်း ၊မြန်မာ့ယဉ်ကျေးမှု ၊မြန်မာ့ဓလေ့ထုံးတမ်းစဉ်လာများ၊ အစရှိသည့် မြန်မာ လူမှုလောကထဲသို့ တဟုန်ထိုး ၀င်ရောက်လာခဲ့သည်။ ပညာရေးကို အားပေးအား မြှောက်ပြုလုပ်ဆောင် ရွကပေးသည်။ ချမ်းသာရွာ၌ ကလေးသူငယ်များအတွက် စာသင်ကျောင်း တကျောင်းကို မိမိ ကိုယ်တိုင်ကြီးကြပ် ဆောင်ရွက် ဖွင့်လှစ်ပေးခဲ့သည်။

    ဆရာတော်ပယ်ရ်ကိုတို ပျံလွန်တော်မူပြီးသည့်နောက်ပိုင်းတွင် သာသနာတော်ကို ဆက်လက်ထိန်းကျောင်း ပေးသော ဘုန်းတော်ကြီး ဂေရားဒို ကိုယ်တော်တိုင်က မိမိအစား ဘုန်းတော်ကြီးဂေတားနိုးအား ဆရာတော်ရွှေးချယ် ပေးပါရန်  ရောမမြို့၊ သာသနာပိုင်အကြီးအကဲအား တင်ပြတောင်းဆိုခဲ့သည်။ သို့သော် ဘုန်းတော်ကြီး ဂေရားဒိုအားပင် ဆရာတော် အဖြစ်ရွှေးကောက်လိုက်တော်မူသဖြင့် ဘုန်းတော်ကြီး မန်တေဂါးဇားသည် လက်ထောက်အဖြစ် ဆက်လက် ထမ်းဆောင်ပေးခဲ့သည်။ အထက်တွင်ဖေါ်ပြပြီး သကဲ့သို့ ဆရာတော်ုသစ် ဂေရားဒိုသည် လမ်းခရီး ခုလတ်မှာတွင် ပျံလွန်တော်မူခဲ့သဖြင့် နောက်ထပ် ဆရာတော်အသစ်တပါးကို  ရွေးချယ်ရာ၌ မန်တေဂါးဇားကိုပင် ရွှေးချယ် တင်မြှောက်ခဲ့သည်။
 
၁၇၇၆ - ၁၇၈၂ အခြေအနေများ
    ၁၇၇၆-ခုနှစ် အကုန်တွင် ဆရာတော်ပယ်ရ်ကိုတို ပျံလွန်တော်မူခဲ့သည်။ ဆရာတော်သစ် ဂေရားဒိုသည်လည်း ၁၇၈၀ ခုနှစ်တွင် ဆရာတော် သိက္ခာတော် ခံယူပြီးနောက် အထက်မြန်မာပြည်သို့ပင် ပြန်လည် လာနိုင်စွမ်း မရှိတော့ပေ။ ၁၇၇၆-ခုနှစ်က မြန်မာပြည်သို့ရောက်ရှိ
လာခဲ့ကြသော ဘုန်းတော်ကြီးများ (၃)ပါး အနက် ဘုန်းတော်ကြီး ဖွန်တားဇီးယားသည် ကျန်းမာရေး ချို့တဲ့သဖြင့် ၁၇၇၈-ခုနှစ်တွင် အီတလီပြည်သို့ ပြန်လည် ကြွမြန်းသွားခဲ့သည်။ တဖန် ဘုန်းတော်ကြီး ဂျွန်းမေရီ အာဇုခယ်လီသည်လည်း ၁၇၈၁-ခုနှစ်တွင် ဖျားနာပြီး ပျံလွန်တော်မူခဲ့သည်။ ၁၇၇၈-ခုနှစ်တွင် နောက်ဆုံးရောက်ရှိလာခဲ့သော ဘုန်းတော်ကြီး လူဝီဂျီ ဂရွန်ဒိုးနား တပါးတည်းသာလျင် ထို(၃)ပါး အုပ်စုမှ အသက်တော် ရှင်ကျန်လျက် ရှိတော့သည်။

` သက္ကရာဇ် ၁၇၈၂-ခုနှစ်တွင် အီတလီမှ ဘားရ်နားဘိုက် (၃)ပါးမြန်မာပြည်သို့ ထပ်မံရောက်ရှိလာခဲ့ကြသည်။ ၄င်းတို့မှာ အောက်ပါတို့ဖြစ်ကြသည်။

    ၁။ ဘုန်းတော်ကြီး ဂျိုဇက်ပေ အါလက်ဇန်းဒြို ရိုဗယ်ရီဇီယို
         Giuseppe Alesandro Roverizio
    ၂။ ဘုန်းတော်ကြီး ဂျိုဇက်ပေ ဒါမားတိုး
     Giuseppe  D’Mato
၃။ ဘုန်းတော်ကြီး ဇင်ချန်းစို စန်ဂျယ်ရမားနိုး
   Vincenz0 Sangermano
ဘုန်းတော်ကြီး ရိုဗယ်ရိဇီယိုသည် ၁၇၈၂ ခုနှစ်၊ ဧပြီလ (၈)ရက်နေ့တွင် ပထမ ၀င်ရောက်လာခဲ့သည်။ ထိုနောက် ဘုန်းတော်ကြီး ဒါမားတို နှင့် စန်ဂျယ်မားနိုးတို့သည်  ၁၇၈၃-ခုနှစ် ဇွန်လိုင်လတွင် ရောက်ရှိလာခဲ့ ကြသည်။

     ၁၇၈၂-ခုနှစ်၊ နိုဝင်ဘာလ (၂၀)ရက်နေ့ ဘားရ်နားဘိုက်အသင်းကြေညာချက်။
ကက်သလိခ်အသင်းတော် သမိုင်းကို ပြန်လည် သုံးသပ်လျှင် သက္ကရာဇ် ၁၆၄၈-ခုနှစ် မှ ၁၇၈၉ -ခှုနှစ် များတွင်  အနောက် ဥရောပတိုက် ခရစ်ယာန် တိုင်းပြည်များသည် ရောမမြို့၊ သာသနာပိုင် ပုပ်ရဟန်းမင်းကြီး၏ အုပ်ချုပ်ရေး လက်အောက်ခံဘ၀မှ လွတ်မြောက်ရန် ကြိုးပမ်း အားထုတ်ခဲ့ကြသော ခုနှစ်များဖြစ်ခဲ့သည်။ အချို့ ဒေသများတွင် ဘာသာရေး အဓိကရုဏ်းများဖြစ်ပေါ်ခဲ့ပြီး ဘာသာရေး စစ်ပွဲများဖြစ်ပွားသည့် အဆင့်သို့ပင် ရောက်ရှိခဲ့ကြသည်။ အီတလီပြည်၊ လွန်းဘာဒီနယ် တ၀ိုက်တွင် ဘာသာရေး ဆန့်ကျင်မှုလုပ်ရပ်များ ၊ပြင်းပြင်းထန်ထန် ပြုလုပ်လာခဲ့ကြသည်။

ထိုသို့ အသင်းတော်အား ဆန့်ကျင်မှုများ တိုးပွားများပြားလာခြင်းသည် သာသနာလုပ်ငန်းများကို ထိပါး နှောက်ယှက်မှုများဖြစ်ပေါ်စေခဲ့သည်။ အထူးသဖြင့် သာသနာဘောင်သို့ ၀င်ရောက်သော လူငယ်လူရွယ် ဦးရေများ ကျဆင်းလာခဲ့သည်။

        ၁၇၈၂-ခုနှစ် နိုဝင်ဘာလ (၂၀)ရက်နေ့တွင် ဘားရ်နားဘိုက်အသင်း ဂိုဏ်းချုပ်ကြီး ရှီပိီအိုနေ၊ အမ်၊ ပယ်ရုဇီးနီ (Rev General Superior Scipione M Perruzini) သည် မိမိအသင်းဂိုဏ်း အလုပ်အမှုဆောင် အဖွဲ့နှင့် အစည်းအဝေးတရပ် ပြုလုပ်ခဲ့သည်။ ဥရောပတိုက်တွင် ရဟန်း ဘုန်းတော်ကြီးများ ဦးရေ ကျဆင်းနေသဖြင့် ရဟန်းသစ်များ လစ်လပ် သောနေရာများ၌ ပြန်လည်ဖြည့်စွက်ပေးရေး အတွက် မိမိတို့ အသင်းဂိုဏ်းကြီးမှ ၀ိုင်းဝန်းပံ့ပိုးပေးရန် ဆွေးနွေး တင်ပြခဲ့သည်။ သာမဏေဘောင်သို့ ၀င်ရောက်သော လူငယ်များလည်း နည်းပါးနေသဖြင့် မိမိတို့အနေဖြင့် လက်ရှိ ဘုန်း တော်ကြီးများကိုသာ ပြန်လည် စုရုံးပေးရန်ဖြစ်တော့သည်။ သို့ဖြစ်၍ ပထမပိုင်းအနေဖြင့် ပြည်ပသို့ ပို့ပေးနေသော သာသနာပြု ပုဂ္ဂိုလ် အရေအတွက်ကို လျော့ချသင့်က ၊လျော့ချဆောင်ရွက်သွားရန် ဖြစ်ကြောင်း ဝေးလံ ခက်ခဲသော နယ်မြေများသို့ ပို့ထားသော သာသနာပြုများ အားလုံးကိုပြန်လည်ခေါ်ယူကြရန်ဖြစ်ကြောင်းများကို ယင်း အစည်းအဝေးကြီးမှ ဆွေးနွေး အတည်ပြု ဆုံးဖြတ်ခဲ့ကြသည်။

အသင်းဂိုဏ်းချုပ်ကြီး အစည်းအဝေးမှ ထုတ်ပြန်ခဲ့သော ဆုံးဖြတ်ချက်သည် မြန်မာပြည်ရောက် ဘားရ်နား ဘိုက်သာသနာပြုအဖွဲ့ အတွက်လည်း အကျုံးဝင်ခဲ့ခြင်းဖြစ်သည်။ အမှန်မှုမြန်မာပြည်တွင် ဘားရ်နားဘိုက်သာသနာ ပြုတို့ စတင် လုပ်ဆောင်ခဲ့သည်မှာ နှစ်ပေါင်း ၆၀ ပင်ကျော်ခဲ့လေပြီဖြစ်သည်။ အခက်အခဲမြောက်မြားစွာထဲမှ ဘုရား ကျေးဇူးတော်ဖြင့် မြန်မာပြည် ကက်သလိခ်သာသနာသည် အတိုင်းမသိ တိုးတက်လာခဲ့သည်။ သို့ဖြစ်၍ သာသနာပြု ပုဂ္ဂိ္ဂုလ်များသည် မိမိတို့ စိုက်ပျိုး လုပ်ကိုင်နေသော နုငယ်သေးသည့် သာသနာလယ်ကွင်းပြင်ကို လုပ်ငန်းများ ဆိုင်းငံ့ကာ စွန့်ခွာလိုသော ဆန္ဒ လုံးဝ မရှိခဲ့ကြချေ။ တဖန် ယင်းသို့ ထွက်ခွါသွားကြရမည်ဆိုလျှင် ဘုရားသခင်၏ သားသမီးတို့အား ၀ိညာဉ်ရေး ဘာသာရေး စသည်တို့ကို မည်သူတို့က ဆက်လက် အကျိုးဆောင် သွားနိုင်ကြပါမည်နည်း ဆိုသော မေးခွန်း ပုစ္ဆာသည် မြန်မာပြည်ကို ဦးဆောင်နေသော ဆရာတော်လောင်း မန်တေဂါးဇား အပေါ်သို့ အထင်အရှား ထွက်ပေါ် လာခဲ့သည်။

ဆရာတော်လောင်း မန်တေဂါးဇား အီတလီခရီးစဉ်
မိမိပေါ်၌ ထွက်ပေါ်လာခဲ့သော သာသနာရေး အမေးပုစ္ဆာကို အဖြေရရှိနိုင်စေရန် အလို့ငှါ ဆရာတော် လောင်းမန်တေဂါးဇားသည်  အချိန် မစောင့်ဆိုင်းတော့ပဲ အီတလီသို့ ခရီးထွက်ခွာခဲ့သည်။ မိမိ အသင်းဂိုဏ်းချုပ်ကြီးမှ ထုတ်ပြန်လိုက်သော ကြေညာစာတမ်းကို မြန်မာပြည်အတွက် ထည့်သွင်း စဉ်းစားပေးပါရန်နှင့် တိုးချဲ့လုပ်ငန်းများကို အကောင်အထည်ဖေါ်ဆောင်ရွက်နိုင်ရေး အတွက် အကူအညီများတောင်းခံရန် ဆုံးဖြတ်ချက်များ ချမှတ်၍ ဆရာတော် လောင်း မန်တေဂါးဇားသည် အီတလီသို့ ခရီး ထွက်ခွာခြင်းဖြစ်သည်။ မြန်မာပြည်၏ သာသနာလုပ်ငန်းများ ရပ်တန့် မသွားစေပဲ မိမိ လက်ဝယ်ရှိ ဘုန်းတော်ကြီးများကို အောက်ပါ အတိုင်း တာဝန် အသီးသီး ခွဲဝေ ချထားပေးအပ်ခဲ့သည်။

၁။ ဘုန်းတော်ကြီး လူဝီဂျိီ ဂရွန်ဒိုးနားအား အထက်မြန်မာပြည် ချမ်းသာရွာကျောင်းထိုင်အဖြစ် ခန့်အပ်သည်။ မိမိ ခရီးထွက်ခွာနေခိုက် တပြည်လုံးရှိ သာသနာ တာဝန်များကိုလည်း မိမိကိုယ်စား ထမ်းဆောင် စေရန် ခန့်အပ်ခဲ့သည်။
၂။ ဘုန်းတော်ကြီး ဂျိုဇက်ပေ ဒါမားတိုးနှင့် ဘုန်တော်ကြီး ဗင်ချန်းစိုစန်ဂျယ်ရ်မားနိုး တို့အား မြောင်မြို့နယ် နဘက်ရွာ နှင့် အနီးရှိ ဘာသာဝင်ရွာများကို  တာဝန်ယူ ကြည့်ရှုစောင့်ရှောက်ရန် တာဝန်ပေးအပ်ခဲ့သည်။
၃။ ဘုန်းတော်ကြီး မီကောနီအား မုံလှရွာ၊ ရဟန်းဖြစ်သင်ကျောင်း၊နှင့် ဘာသာဝင်များအား ကြည့်ရှုရန် တာဝန် ပေးအပ်ခဲ့သည်။
၎။ ဘုန်းတော်ကြီး မာချဲလိုကော်တင်းနိုးဗစ်အား အမရပူရတွင် သာသနာ တာဝန်များကို ခန့်အပ်သည်။
၅။ ဘုန်းတော်ကြီး ဖီလိဘယ်ရ်တိုရေ နှင့် ဘုန်းတော်ကြီး ဂျိုဇက်ပေ ရိုဗယ်ရီဇီယိုတို့သည် အောက်မြန်မာပြည် ရန်ကုန် သာသနာတော်ကို ထိန်းကျောင်းရန် တာဝန်ပေးအပ်ခဲ့သည်။
 
    ဆရာတော် မန်တေဂါးဇား အီတလီပြည်သို့ ထွက်ခွာသွားသည့် ခရီးစဉ်တွင် အထူး အရေးပါသော လုပ်ငန်း တခုလည်း ပါရှိသည်။ ၁၇၇၆-ခုနှစ် ဆရာတော်ပယ်ရ်ကိုတို စတင်ခဲ့သော မြန်မာပုံနှိပ်လုပ်ငန်းကို ပြန်လည် စီစစ်၍ မွမ်းမံပြုပြင်ပေးရန်ဖြစ်သည်။ ဤတစ်ကြိမ်၌ ပယ်ရ်ကိုတို ခေတ်အခါက မြန်မာပုံနှိပ်လုပ်ငန်းကို ကူညီဆောင်ရွက် ပေးခဲ့သော "ရတနာဂျွန်း" ကဲ့သို့ ဆရာတော် မန်တေးဂါးဇားအား ကူညီဆောင်ရွက်ပေးသော ပုဂ္ဂိုလ်မှာ ဦးဆောင်းဆိုသူ ပုဂ္ဂိုလ်တစ်ဦးဖြစ်သည်။

ဦးဆောင်းသည် အသက် (၆၆)နှစ်၊မြန်မာလူမျိုး ဗုဒ္ဂ္ဓဘာသာဝင်တစ်ဦးဖြစ်ပြီး၊ ဘုန်းကြီး လူထွက်တစ်ဦး ဖြစ်သည်မြန်မာစာ ပါဠိစာပေများတွင် အထူး ကျွမ်းကျင်သူဖြစ်သည်။ ဦးဆောင်းသည် ဘားရ်နားဘိုက် သာသနာပြု အတော်များများကို မြန်မာစာ၊ ပါဠိစာများကို သင်ကြား ပို့ချ ပေးခဲ့သူဖြစ်သည်။ ဆရာတော် ပယ်ရ်ကိုတိုလက်ထက်တွင် ဘာသာထဲသို့ ၀င်လာပြီး၊ ဂျွန်းမေရီ ဘာသာအမည်ကို ယူခဲ့သည်။ရောမမြို့ရှိ ပုပ်ရဟန်းမင်းကြီးအားလည်း အထူး ဖူးမျှော်လိုသော ဆန္ဒပြင်းပြခဲ့သည်။ သို့ဖြစ်၍ မြန်မာပုံနှိပ်လုပ်ငန်းကို ဒုတိယအကြိမ်ပြန်လည် ထုတ်လုပ်ရန် မန်တေဂါဇားသည် ဦးဆောင်း၏ အကူအညီများကို ရလိုသဖြင့် ဦးဆောင်းအား အခြားသောမြန်မာ တိုင်းရင်းသားကလေး ပီအိုငနိုင် ဆိုိသူနှင့် အတူ အီတလီသို့ ခေါ်ဆောင်သွားခဲ့သည်။

    သက္ကရာဇ် ၁၇၈၄-ခုနှစ် ဇန်န၀ါရီလ (၄)ရက်နေ့တွင် ဆရာတော် မန်တေဂါးဇားနှင့် အဖွဲ့သည် မြန်မာပြည်မှ  ထွက်ခွာခဲ့ကြသည်။ (၉)လ အကြာ ၄င်းနှစ် စက်တင်ဘာလ (၈)ရက်နေ့တွင် အီတလီပြည်သို့ရောက်ရှိသွားကြသည်။
 
 စက်တင်ဘာလ (၁၀)ရက်နေ့တွင် ဆရာတော်လောင်း မန်တေဂါးဇားသည် မိမိဧည့်သည် တော် (၂)ဦးအား ခေါ်ဆောင်လျက် သာသနာပြန့်ပွားရေး ဌာနချုပ်ကြီးသို့ ခေါ်ဆောင်သွားခဲ့သည်။ ရောမမြို့ လည်ခေါင်တွင် မြန်မာရိုးရာ ၀တ်စားဆင်ယင်မှုအပြည့်ဖြင့်လျောက်လှမ်းနေကြသော အရှေ့ တိုင်းရင်းသား (၂)ဦးအား တွေ့မြင်သူတိုင်းအတွက် အလွန် ထူးဆန်းသော မြင်ကွင်းတစ်ရပ်ဖြစ်နေတော့သည်။ အီတလီ တိုင်းရင်းသားများ အနေဖြင့် ပထမဆုံးတွေ့မြင်ဘူးသော မြန်မာတိုင်းရင်းသားများဖြစ်သည်။ သာသနာပြန့်ပွားရေးနှင့် စီမံခန့်ခွဲရေး ဌာနချုပ်ကြီး၏ ဥက္ကဌ ဖြစ်သူ ကာဒီနယ် အန်တိုနယ်လီ နှင့် အထွေထွေ အတွင်းရေးမှုးမွန်ဆီညော် ဘောရ်ဂျီယာတို့သည် မန်တေဂါးဇားနှင့် ဧည့်သည် တော်များကို လှိုက်လှဲစွာ ကြိုဆိုခဲ့ကြသည်။

    သာသနာ ကိစ္စ အ၀၀တို့ကို ဆွေးနွေးတင်ပြပြီးနောက် မြန်မာစာ ပုံနှိပ်လုပ်ငန်းများကို ဒုတိယအကြိမ် ပြန်လည် မွမ်းမံပြုပြင်ပေးလို ကြောင်း တင်ပြခဲ့သဖြင့် သာသနာဌာနချုပ်ကြီးမှ အကြံပြုချက်များကို လှိုက်လှဲစွာ ကြိုဆို လက်ခံခဲ့သည်။

        ထိုနောက် ဦးဆောင်း၏ အကူအညီဖြင့် မြန်မာ ပုံနှိပ်လုပ်ငန်းများကို အစမှချီ၍ပြန်လည် စစ်ဆေးပေး ကြသည်။မြန်မာ ခဲစလုံးများကို ပြန်လည် ပုံသွင်းခြင်း ၊မြန်မာစာများကို သတ်ပုံ သတ်ညွှန်း ပြင်ပေးခြင်း ၊မြန်မာသဒ္ဒါကိုလည်း အမှားများပြင်ပေးခြင်း၊ စရှိသော လုပ်ငန်းများကို မန်တေဂါးဇားသည် ဦးဆောင်းနှင့်အတူ ပူးတွဲ လုပ်ဆောင်ခဲ့သည်။ သို့ဖြစ်၍  ဒုတိယအကြိမ် ရိုက်နှိပ်သော စာအုပ်သစ်တွင် စာလုံး ဘလောက်များ ပိုမို တင့်တယ်လှပါသည်။ သတ်ပုံသတ်ညွှန်း သဒ္ဒါ၊ အစရှိသော မြန်မာစာနှင့် ပတ်သက်သည့် အပိုင်းများတွင် အမှားအယွင်းများ ပပျောက်ခဲ့သည်။ သို့ဖြစ်၍ ဤစာအုပ်သည် အဆင့်အတန်း ပိုမို တိုးတက်မြင့်မားလာသည်ကိုတွေ့ရှိရသည်။

သက္ကရာဇ် ၁၇၈၅ ခုနှစ် သြဂုတ်လ (၂၂)ရက် နေ့စွဲဖြင့် ကာဒီနယ်အန်တိုနယ်လီ နှင့် မွန်ဆီညော်ဘောရ်ဂျီရာ တို့၏ ဥယျောဇဉ်ပါရှိသော ဒုတိယအကြိမ်မြောက် ပုံနှိပ် ထုတ်ဝေလိုက်သော ALPHABETUM BARMANUM ဆိုသည့် BURMESE ALPHABET ဟုခေါ် " မြန်မာ ဗျည်းအက္ခရာ သင်ပုံးကြီး အညျွှန်း" စာအုပ် ထွက်ခဲ့သည်။ ဤတစ်ကြိမ် ရိုက်နှိပ်ခဲ့သော စာအုပ်တွင် ကက်သလိခ်ဘာသာဝင်များ၏ ယုံကြည်ခြင်းစာအုပ် (၀ါ) ဘုရားစကားစာအုပ်ကိုလည်း ပိုမို တိုးချဲ့ ရေးသားထားသည်ကို တွေ့ရှိရသည်။

    ၁၇၈၅ ခုနှစ်၊ ဒုတိယအကြိမ်မြောက် ပုံနှိပ် ထုတ်ဝေခဲ့သော စာအုပ်၏ ခရစ်ယာန် အယူဝါဒမြတ်စာအုပ်။
ဆရာတော် မန်တေဂါးဇားရေးသားပြုစု ပုံနှိပ်သည်။
 ပျောက်ဆုံးနေသော ဆရာတော် မန်တေဂါးဇားရေးသားပြုစုသည့် သမိုင်းစာအုပ်။
သက္ကရာဇ် ၁၇၈၄ ခုနှစ်၊ အီတလီပြည် သို့ထွက်ခွာသော ခရီးစဉ်တွင် ၊ဆရာတော်လောင်း မန်တေဂါးဇားသည် အဖိုးမဖြတ်နိုင်သော စာပေလုပ်ငန်းတခုကိုရေးသားပြုစုခဲ့သည်။ ၄င်းစာအုပ်ကိုပြင်သစ် ဘာသာစကားဖြင့် ရေးသားခဲ့သည် စာအုပ်ခေါင်းစဉ်မှာ "အင်းဝ နိုင်ငံတော်နှင့် ပဲခူးနိုင်ငံတော်များ အကြောင်း" ဖြစ်သည်။ စာအုပ်မှာ လက်ရေးမူဖြင့် စာမျက်နှာပေါင်း (၃၀၀) ရှိသည်။မြန်မာပြည်မြေပုံကြီး (၂)ပုံ ပါရှိသည်။ မှတ်စုများ၊ မှတ်ချက်များနှင့် ပြည့်နှက်လျက် ရှိသည်။ မန်တေဂါးဇား တင်ပြထားသည့် မြန်မာပြည်ဆိုင်ရာ သမိုင်းစာအုပ်ကို အောက်ပါအတိုင်း ခေါင်းစဉ်များခွဲခြား၍ တင်ပြလိုက် ရပေသည်။

၁။ ဗမာခေါ် မြန်မာတို့၏ မူရင်းအမည် ခေါ်ဝေါ်ခြင်း၊မြန်မာပြည် တည်နေရာနှင့် မြန်မာတို့၏ သမိုင်း မူရင်း အကြောင်း၊
၂။ ဗမာတို့၏ ကိုယ်အင်္ဂါ ထွားကြိုင်းမှု၊ အရောင်အသွေး၊ ပုံပန်းသဏ္ဍာန်နှင့် မြန်မာတို့၏ ၀တ်စားဆင်ယင်မှု။
၃။ ဗမာတို့၏ စကား အသုံးအနှုန်း၊ အရေးအသား၊ စာအုပ် စာတန်းများ နှင့် သိပံ္ပ/၀ိဇ္ဇာ ရပ်ဆိုင်ရာများ အကြောင်းများ။
၎။ ဗမာတို့၏ အုပ်ချုပ်ရေးဆိုင်ရာများ အကြောင်းနှင့် အားနည်းချက်များ။
၅။ မင်းဧကရာဇ်တို့၏ အိမ်ထောင်ရေးနှင့် သိကောင်းစရာ အကြောင်းများ။
၆။ အုပ်ချုပ်ရေးပုံစံ၊ တရားစီရင်မှု ထုံးတမ်းများနှင့် ဘုရင်တို့၏ သက်ဦးဆံပိုင် အုပ်ချုပ်မှု အကြောင်း။
၇။ စစ်ဘက်ဆိုင်ရာ စီမံခန့်ခွဲမှု၊ တိုက်ပွဲများ၏ နည်းဗျူဟာများ နိုင်ငံတော်၏ စစ်အင်အားစုများ အကြောင်း၊
၈။ ဗမာတို့ လက်ခံယူထားသော လူ့အဆင့်အတန်း (၀ါ) ဂုဏ်ပကာသနများ အကြောင်း၊
၉။ ဗမာတို့ ကိုးကွယ်သည့် ဘာသာအယူဝါဒ နှင့် ရိုးရာ ဓလေ့များ အကြောင်း။
၁၀။ ရာသီဥတုနှင့် မိုးလေ၀သအကြောင်း။
၁၁။ နိုင်ငံတော်၏ ထုတ်ကုန်များ နှင့် မွေးမြူသည့် တိရစ္ဆာန်များ အကြောင်း။
၁၂။ ဗမာပြည်ရှိ တိုင်းရင်းသား လူမျိုးများ အကြောင်း။

မန်တေဂါးဇားသည် မြန်မာပြည် သမိုင်းကြောင်းကို ရေးသားတင်ပြရာ၌ ရှေးအထက်ကျောင် ကာလမှ စ၍ သက္ကရာဇ် ၁၇၈၄ ခုနှစ် အချိန်အထိ သမိုင်းကိစ္စရပ်များကို အသေးစိပ်ရေးသား တင်ပြထားသည်။ မန်တေဂါးဇားတင် ပြထားသော မြန်မာပြည်မြေပုံကြီး (၂)ပုံ တို့သည်လည်းရှေးဦး အကျဆုံးရေးဆွဲထားသည့် မြေပုံကြီးများဟု မဆိုသာလည်း အသေးစိပ်ရေးသား တင်ပြထားသော ပထမဆုံး ထွက်ပေါ်လာသည့် မြေပုံကြီးများ ဖြစ်ကြပေသည်။ မြန်မာပြည်၌ ထိုခေတ်ရှိ မြို့ကြီးများနှင့် ကျေးရွာများကို တိကျစွာဖော်ပြထားသည်။ မြို့ရိုးများနှင့် တည်ဆောက်ထားသော မြို့ကြီးများကိုလည်း သီးခြား အမှတ်အသားပြု၍ ဖေါ်ပြထားသည်။ တဖန်ဈေးကွက်ရှိသော မြို့ကြီးများနှင့် ကက်သလိခ်သာသနာမှ တည်ဆောက်ထားသော ဘုရားရှိခိုးကျောင်းများ ရှိသည့် မြို့ကြီး၊ ရွာကြီးများတို့ကိုပါဖော်ပြထားသည်။ ရှေးယခင်က ထွက်ပေါ်ဘူးခဲ့သော မြေပုံများမှာ မန်တေဂါးဇား ရေးဆွဲထားသည့် မြေပုံလောက် တိကျမှုနှင့် အသေးစိပ် တင်ပြထားမှုများ မရှိခဲ့ကြချေ။
 
ဤုသမိုင်းစာအုပ်ကို မန်တေဂါးဇား စီစဉ်ပြင်ဆင်ရေးသားခဲ့သည်မှာ ကြာမြင့်ပြီဖြစ်သည်။ သို့သော် ၄င်းစာအုပ်ကို အီတလီခရီးစဉ်၌ သာလျှင် အကောင် အထည်ဖေါ်ခဲ့ခြင်းဖြစ်သည်။ရောမမြို့သို့ ရောက်ရှိသွားသော အခါ ဆရာတော် လောင်းသည် မိမိရေးသားပြုစုခဲ့သော စာအုပ်ကို သာသနာပြန့်ပွားရေးနှင့် စီမံခန့်ခွဲရေး ဌာနချုပ်မှ အတွင်းရေးမှုးချုပ် ကာဒီနယ် အန်တိုးနယ်လီ(Cardinal Antonelli) သို့ ပေးအပ် ခဲ့လေသည်။

ဆက်ရန်
အင်းဝရောက်ခြေရာများ - အပိုင်း (၂၂)

Read More...

Friday, May 22, 2015

အင်းဝရောက်ခြေရာများ - အပိုင်း (၂၀)


မြန်မာပုံနှိပ်လုပ်ငန်းကြီးသည် အောင်မြင်သွားခဲ့လေပြီ။ ပထမ အကြိမ် ရိုက်နှိပ်လိုက်သည့် မြန်မာစာအုပ်နှင့် တကွ  ပုံနှိပ်စက်များ၊ မြန်မာ ပုံနှိပ်ခဲစလုံးများ၊ စာရေးကိရိယာ စက္ကူများ၊ အခြား ဘာသာရေးဆိုင်ရာ အသုံးအဆောင် ပစ္စည်းများကို အလွန်ကြီးမားသော သေတ္တာ(၇)လုံးတွင် ထည့်၍ ဘားရ်နားဘိုက် သာသနာပြု (၃)ပါးကို မြန်မာပြည်သို့ စေလွှတ်ပေးခဲ့သည်။ (၂၈) ဘုန်းတော်ကြီး ကာရ်ပါးနီသည် မြန်မာပြည်သို့ ပြန်လည် မကြွမြန်းတော့ပဲ။ အီတလီ ပြည်မှာတွင် ဆက်လက် သီတင်းသုံးနေထိုင်ခဲ့သည်။ ဆဌမမြောက် ပီဦးရဟန်းမင်းကြီးသည်လည်း အင်းဝ နေပြည်တော်ဘုရင် မင်းမြတ်အတွက် လက်ဆောင် ပဏ္ဍာများကို လည်းကောင်း၊ ရတနာဂျွန်းအတွက် လက်ဆောင်မွန်များကို လည်းကောင်း အဆိုပါ သာသနာပြုများနှင့် အတူ မြန်မာပြည်သို့ ထည့်သွင်းပါးလိုက်သည်။ အလားတူ သာသနာ ပြန့်ပွားရေးဌာနချုပ်မှ မြန်မာ ခဲစလုံး (၇၀၀၀၀)နှင့် လက်တင်ခဲစလုံး(၄၀၀၀၀)တို့ကို ထည့်ပေးလိုက်သည်။ ဆရာတော် ပယ်ရ်ကိုတို အနေဖြင့် မိမိ စိတ်တိုင်းကျ ပုံနှိပ်ထုတ်လုပ်နိုင်မည်ဟု မျှော်လင့်ခဲ့ရလေသည်။

ဘားရ်နားဘိုက်များ ထပ်မံရောက်ရှိ
မြန်မာပြည်သို့ ထွက်ခွာလာကြသော ဘားရ်နားဘိုက် (၃)ပါးတို့ မှာ အောက်ပါတို့ဖြစ်ကြသည်။ 
၁။ ဘုန်းတော်ကြီး လူဝီဂျီ ဂရွန်ဒိုးနား Fr.Luigi Grondona
၂။ ဘုန်းတော်ကြီး ဂျွန်းမေရီ မာဇုခေးလီ Fr. John Mary Mazzu chelli
၃။ ဘုန်းတော်ကြီး ပါစကား ဖွန်တားဇီးယား Fr. Pascal  Fontasia

ရှေးဦးဆုံး ဂျွန်းမေရီ မာဇုခေးလီ Fr. John Mary Mazzuchelli နှင့် ဘုန်းတော်ကြီး ပါစကား ဒွန်တားဇီးယား Fr. Pascal Fontasia တို့သည် ၁၇၇၆ ဦးပိုင်းတွင် အီတလီပြည်မှ ထွက်ခွာခဲ့ကြသည်။ ဤတကြိမ်၌ မြန်မာပြည်သို့ ခန့်အပ်လိုက်သော ဘားရ်နားဘိုက် (၃)ပါးတို့သည် အတူတကွ ခရီးထွက်ရန် လိုလားခဲ့ကြသည်။ သို့ဖြစ်၍ "ပိုတို အောရီရင့်" Porto Oriente သင်္ဘောကြီးမှ ကျန်ရှိနေသေးသော ဘုန်းတော်ကြီး လူဝီဂျီ ဂရွန်ဒိုးနားကို စောင့်မျှော်ခဲ့ကြသည်။ သို့သော် အခြေအနေ မပေးသဖြင့် တကွဲတပြားစီ ထွက်လာခဲ့ကြရာ ဘုန်းတော်ကြီး ဂျွန်းမေရီ မာဇုခေးလီ Fr. John Mary Mazzu chelli  နှင့် ဘုန်းတော်ကြီး ပါစကား ဖွန်တားဇီးယား Fr. Pascal Fontasia တို့သည် ၄င်းနှစ် စက်တင်ဘာလပိုင်းတွင် ပဲခူးသို့ ရောက်ရှိလာခဲ့ကြသည်။ ဘုန်းတော်ကြီး လူဝီဂျီ ဂ၇ွန်းဒိုးနားမှာမူ သင်္ဘောပျက်သဖြင့် ၁၇၇၈ ခုနှစ်၊ သြဂုတ်လ (၃၀)ရက် နေ့ကျမှသာလျှင် မြန်မာပြည်သို့ ရောက်ရှိခဲ့သည်။

(၂၈) Storia del Cristianesimo nellmpero Barmano Luigi Gallo pp.109 Milano 1862

ဆရာတော် ပယ်ရ်ကိုတို ပျံလွန်တော်မူခြင်း
ဆရာတော် ပယ်ရ်ကိုတိုသည် အသစ်ရောက်ရှိလာခဲ့သော ဘားရ်နားဘိုက် သာသနာပြုတို့အား ၀မ်းပန်းတသာ ဆီးကြိုခဲ့ကြသည်။ မြန်မာပုံနှိပ်လုပ်ငန်းကြီး ထမြောက် အောင်မြင်သွားသဖြင့် ဘုရားသခင်အား ကျေးဇူးတင် မဆုံးဖြစ်ခဲ့သည်။ ယခုမူ မိမိ လိုအပ်တောင့်တသည့် အတိုင်း မြန်မာစာအုပ်များကို ထုတ်လုပ်နိုင်တော့မည်ဟု ကြည်နူး ၀မ်းမြောက်နေတော့သည်။

ဆရာတော်ပယ်ရ်ကိုတို ရေးသား ပြုစုနေသော ကျမ်းမှာ မြန်မာ-လက်တင်-ပေါ်တူဂီ (၃) ဘာသာတွဲ အဘိဓာန်ကျမ်းကြီး ဖြစ်သည်။ ဆရာတော်သည် သာသနာ လုပ်ငန်းများနှင့် စာပေလုပ်ငန်းများ၌ အားတက်သရော လုပ်ဆောင်နေခိုက် ကျန်းမာရေး ချို့တဲ့လာခဲ့သည်။ သွေးအားနည်းခြင်း နှလုံးအားနည်းခြင်း၊ ခြေများ ယောင်ယမ်းလာခြင်း၊စသဖြင့် ခံစားလာခဲ့ရသည်။ သို့ဖြစ်၍ မိမိ ကျန်းမာရေးအတွက် ခေတ္တ အနားယူရန် အင်းဝနေပြည်တော်သို့ ရောက်ရှိခဲ့သည်။ အင်းဝတွင် ကိုရင်ကြီး ဘယ်ရ်ဂွန်းဇီ၏ ဆေးဝါးကုသမှုကို ခံယူခဲ့သည်။ ရောဂါသက်သာမှု ပြန်လည် ရရှိသည်နှင့် မုံလှရွာသို့ ပြန်လာခဲ့သည်။ 

လုပ်ငန်းခွင်၌ စိတ်အားထက်သန်မှုနှင့် လုပ်ဆောင်နေသော်လည်း ကျန်းမာရေးသည် ယခင်ကကဲ့သို့ အခြေအနေ မပေးတော့ပဲ ရှိခဲ့သည်။ မိမိ ကျန်းမာရေး အခြေအနေကို သိရှိလာသည့်အတွက် နဘက်ရွာတွင် ကျေင်းထိုင်နေသော ဘုန်းတော်ကြီး မီကောနီအား မုံလှရွာသို့ လာစေပြီး သာသနာလုပ်ငန်းများကို လွဲပြောင်း ပေးအပ်ခဲ့သည်။ ဘုန်းတော်ကြီး မီကောနီအား မုံလှရွာရှိ ရဟန်းဖြစ်သင်ကျောင်းနှင့် အခြားသော သာသနာရေး ကိစ္စအ၀၀တို့ကို လက်ပြောင်း တာဝန်ယူစေပြီး ဆရာတော်သည် အင်းဝသို့ ကြွသွားခဲ့သည်။ မိမိ ရေးသားပြုစုနေသော (၃)ဘာသာတွဲ အဘိဓာန်ကျမ်းကြီးကို အင်းဝမှာပင် ဆက်လက် ရေးသားပြုစုခဲ့သည်။ ၁၇၇၆-ခုနှစ် ဒီဇင်ဘာလ (၇) ရက်နေ့တွင် ဆရာတော်ခံစားရသော ရောဂါဝေဒနာမှာ ပိုမို ဆိုးရွားလာခဲ့သည်။ `

မယ်တော်သခင်မ အပြစ်မဲ့ သန္ဓေယူသောပွဲ အဖိတ်နေ့ ဖြစ်သည့်အလျောက် အာပတ်ဖြေခြင်း စက္ကရမင်တူးများကို ခံယူလျက် မိမိကိုယ်ကို ပြင်ဆင်ခဲ့သည်။ ဒီဇင်ဘာလ (၈) ရက်နေ့တွင် မယ်တော်ပွဲကို ကောင်းစွာ ကျင်းပနိုင်ခဲ့ပြီး၊ ကောင်းသော သေခြင်း ခံယူနိုင်ဘို့ မယ်တော်အား ဆုပန်ခဲ့သည်။ ဒီဇင်ဘာလ (၁၀) ရက်နေ့တွင် အင်းဝမြို့ရှိ ခရစ်ယာန်သုဿန် သို့ အပန်းပြေ လမ်းလျှောက်ထွက်ခဲ့သည်။ သုဿန်မှ အပြန်လမ်းတွင် မိမိနှင့် နှစ်ပေါင်းမြောက်မြားစွာ ခင်မင်ရင်းနှီးခဲ့သော မ်ိတ်ဆွေကြီး ပြင်သစ် အမျိုးသား ပေတလုဒ် မိလဒ်အား ၀င်ရောက် တွေ့ဆုံ နှုတ်ဆက်သည်။ ဒီဇင်ဘာလ (၁၁) ရက်နေ့တွင် ဗုဒ္ဓ္ဓဘာသာဝင် ပုဂ္ဂိ္ဂ္ဂ္ဂ္ဂ္ဂ္ဂ္ဂ္ဂုလ်တစ်ဦးနှင့် ဘာသာရေး ဆွေးနွေးရင်း စကားလက်ဆုံ ပြောခဲ့သေးသည်။ ၄င်း ညနေပိုင်း၌ ဆရာတော်သည် ညစာ မသုံးဆောင်နိုင်သဖြင့် အိပ်ရာသို့ စောစောဝင် နားယူခဲ့ရသည်။ ၁၇၇၆-ခုနှစ်  ဒီဇင်ဘာ (၁၂)ရက်၊ နံနက်ခင်းတွင် ဆရာတော်အိပ်ရာ မထသေးသဖြင့် အိပ်ခန်း အတွင်းဆောင်သို့ ၀င်ရောက် စစ်ဆေး ကြသောအခါ ဆရာတော်ပယ်ရ်ကိုတိုသည် အိပ်ရာတွင်း၌  မိမိ ရေးသား ပြုစုနေသော (၃) ဘာသာတွဲ အဘိဓာန် ကျမ်းစာမူများကို လက်တွင်း၌ ကိုင်ထားလျက် အသက်တော် ချုပ်ငြိမ်းနေသည်ကို တွေ့ရှိကြရသည်။

ဆရာတော်သည် အသက်တော် ၄၉ နှစ်ရှိပြီး၊ မြန်မာပြည်တွင် ၁၅ နှစ် သာသနာ တာဝန်များကို ထမ်းရွက်လျက် သီတင်းသုံး နေထိုင်သွားခဲ့သည်။ မြန်မာပြည် သာသနာအတွက်နှင့် မြန်မာလူမျိုးများအတွက် အလွန် အရေးပါ၍ သမိုင်းတွင် မှတ်ကျောက်တင် ကျန်ရစ်သော လုပ်ငန်းကြီးများကို ထမ်းရွက်ပေးခဲ့သည်။ အထက်မြန်မာပြည်ရှိ သာသနာတော်ကို ပြန်လည် ထူထောင်ပေးခြင်း၊ မြန်မာတိုင်းရင်းသားများ ရဟန်းဘောင်သို့ တက်လှမ်းနိုင်သော လမ်းစကို တင်ဖေါက်လုပ် ဖွင့်လှစ်ပေးခဲ့ခြင်း၊ ဘာသာရေး ကျမ်းဂန်စာအုပ်များကို ရေးသား ပြုစုခဲ့ခြင်း၊ မြန်မာအဘိဓာန်ကျမ်းကြီးကို ရေးသား ပြုစုပေးခဲ့ခြင်း၊ နောက်ဆုံး မြန်မာတိုင်းရင်းသားထု တစ်ရပ်လုံး၏ ကျေးဇူးရှင်အဖြစ် အမြော်အမြင် အလွန်ကြီးမားစွာဖြင့် မြန်မာပုံနှိပ်လုပ်ငန်းကြီးကို တီထွင် ဆောင်ရွက်ပေးခဲ့ခြင်းတို့ ဖြစ်ပေသည်။

အထက်မြန်မာပြည်ရှိ ကက်သလိခ် ဘာသာဝင်များ တက်ရောက်ပြီး၊ ရဟန်းတော်များ ခြံရံလျက် ဆရာတော်၏ ဈာပန အခမ်းအနားကို အင်းဝ နေပြည်တော်ရှိ ခရစ်ယာန်သုသာန်မှာပင် သင်္ဂြိုလ်ခဲ့ကြသည်။ ဆရာတော်၏ တပြည့်ရင်းသားဖြစ်ပြီး မိတ်ကောင်းဆွေကောင်း ဖြစ်သော "ကုလား ဗိုလ်ဘွဲ့ရ" ပေတလုဒ်မိလဒ်သည် ဆရာတော်၏ ဈာပနအခမ်းအနား ကုန်ကျစရိတ် အားလုံးကို လှူဒါန်းခဲ့ပြီး မိမိကိုယ်တိုင် တည်ဆောက် လှူဒါန်းသော ခရစ်ယာန်သုသာန်မှာပင် ဆရာတော်၏ ကြွင်းကျန်သော ရုပ်ကလပ်ကိုဂူသွင်းမြှုပ်နှံခဲ့သည်။  

ဆရာတော်အသစ် ခန့်အပ်ခြင်း

ဆရာတော်ပယ်ရ်ကိုတို ပျံလွန်တော်မူသော်လည်း ထာဝရဘုရားသခင်၏ သာသနာတော်သည် ဆက်လက် အဓွန့်ရှည် သွားလာရဦးမည်ဖြစ်သည်။ ဆရာတော်ပယ်ရ်ကိုတို၏ ရုံးခန်း၌ စာရွက် စာတမ်းများကို စစ်ဆေးပြုလုပ်နေသော ဘုန်းတော်ကြီး မီကောနီသည် လွန်ခဲ့သော (၈)နှစ်က ဆရာတော်ပယ်ရ်ကိုတို ရေးသားထားသည့် လှို့ဝှက် စာတမ်းတစ်စောင်ကို တွေ့ရှိခဲ့သည်။ စာတွင်းပါရှိသော အကြောင်းအရာမှာ မိမိ ပျံလွန်တော်မူခဲ့သော် မြန်မာပြည်ရှိ ကက်သလိခ်သာသနာတော်အား ဆက်လက်ထိန်းသိမ်းပေးရမည့် ပုဂ္ဂိ္ဂုလ်မှာ ဘုန်းတော်ကြီး ဂေရားဒို ကော်တင်းနိုးဗစ်ဖြစ်ကြောင်း ခန့်အပ်ထားသည်ကိုတွေ့ ရှိရသည်။

ဆရာတော်၏ သေတမ်းစာအရ ဘုန်းတော်ကြီးဂေရားဒိုသည် သာသနာတော်ကို ဆက်လက်ထိန်းသိမ်း စောင့်ရှောက်ပေးခဲ့ရသည်။ သို့သော် မိမိကိုယ်တိုင်၌ကား ဆရာတော် အရိုက်အရာကို လက်ခံဘို့ရန် ငြင်းဆိုခဲ့သည်။ ဘုန်းတော်ကြီး ဂေတားနိုမန်တေဂါးဇားအား ဆရာတော်အဖြစ် ရွှေးကောက်ပေးပါရန် ရောမမြို့၊ သာသနာပိုင် အကြီးအကဲတို့အား လျှောက်ထား တင်ပြခဲ့သည် (၂၉)။ သို့သော် သာသနာပိုင် ပုပ်ရဟန်းမင်းကြီး ဆဌမမြောက်ပီဦးမှ ပြန်ပေးစာတွင် ဘုန်းတော်ကြီး ဂေရားဒို ကော်တင်းနိုဗစ်အား မြန်မာပြည် ကက်သလိခ်သာသနာတော် အတွက် ဆရာတော်အဖြစ် ရွှေးချယ် တင်မြှောက်လိုက်ကြောင်း ပါရှိခဲ့သည်။ သို့ဖြစ်၍ ဘုန်းတော်ကြီးဂေရားဒိုသည် ဆရာတော် ဘိသိတ်ခံယူရန် အိန္ဒိယပြည် မာလိယပိုမြို့သို့ ကြွမြန်း သွားခဲ့လေသည်။

ဘုန်းတော်ကြီး ဂေရားဒို ကောတင်းနိုဗစ်သည် ၁၇၈၀ ခုနှစ် ဖေဖေါ်ဝါရီလတွင် အိန္ဒိယပြည်၌ အင်းဝ၊ ပဲခူးသာသနာတော်ပိုင်အဖြစ်  "ဆိုဇိုပိုလီတားနို" ဆရာတော်ဘွဲ့ (Bishop of Sozopolitano) ကို ခံယူ၍ ဆရာတော် ဘိသိတ်ခံယူခဲ့သည်။

(၂၉) (I) Letter of Rangoon.30 January 1777 Archives of Sacred Congregation for Propagation of Faith. Indie Orientali-Cina,raccolta 35,no .257.
       (II) Letter of Rangoon.10 January 1778/Archives of Sacred Congregation for Propagation of Faith. Indie Orientali_Cina, raccolta 35,no.543
      (III) Letter of Rangoon.25 .April 1779.Archives of Sacred Congregation for    Propagation of Faith. Indie Orientali_Cina, raccolta 36,no.72
(၃၀) Renzo  CARMIGANANL. La BIRMANIA  Ralazione inedita del 1784. Del Missionario  Barnabita  GM MANTEGAZZA ROMA 1950. CF P.25

အိန္ဒိယပြည်မှအပြန် ခရီးတွင် ဆရာတော် ဂေရားဒို ကော်တင်းနိုးဗစ်သည် မိမိသာသနာနယ်မြေဖြစ်သော နီကိုးဗားကျွန်းစုများတွင်  ၀င်ရောက် ကြည့်ရူခဲ့သည်။ အထူးသဖြင့် ဟိုင်းကြီးကျွန်းတွင် ကက်သလခ် ဘာသာဝင်များ တော်များများရှိခဲ့သည်။ သို့သော် ရဟန်းဘုန်းတော်ကြီးများ ရှားပါးမှုကြောင့် သာသနာလုပ်ငန်း ဆောင်ရွက်ပေးမှုများ လစ်ဟင်းခဲ့ရသည်။ ဟိုင်းကြီးကျွန်းတွင် သီတင်းသုံး နေခိုက် ဆရာတော်သည် ဌက်ဖျားရောဂါ ရရှိခဲ့သည်။ ၄င်းရောဂါ ဖိစီးမှုဒဏ်နှင့်ပင် ဆရာတော် ဂေရားဒို သည် "နီဂါရီ" ကျွန်းကလေးပေါ်မှာတွင် ပျံလွန်တော်မူခဲု့သည်။ (၃၁) သို့ဖြစ်၍ မြန်မာပြည်အတွက် ရရှိလိုက်သော ဆရာတော်အသစ်ကား မိမိသာသနာလယ်ကွင်းပြင်သို့ ပြန်လည် မရောက်သေးမီမှာပင် လက်ခုလတ်၌ ဘုရားသခင်၏ သိမ်းပိုက်ခြင်းကို ခံသွားရလေတော့သည်။ (၃၁) အထက်ပါ အညွန်းအတိုင်း ဖြစ်သည်။

ပြင်သစ်အမျိုးသားကြီး ပေတလုဒ် မီလဒ် (Chevalier Millard)

ပြင်သစ် အမျိုးသားကြီး ပေတလုဒ်မိလဒ်အကြောင်းကို ရှေ့ပိုင်းတွင် ဖော်ပြခဲ့ပြီး ဖြစ်သည်။ ပေတလုဒ်သည် ဆရာတော်ပယ်ရ်ကိုတို၏ ချစ်ခင်ရင်းနှီးသော တပြည့်သားရင်းတဦး ဖြစ်သည်။ မိမိဆရာတော် ပျံလွန်တော်မူခြင်းအတွက် ပေတလုဒ်သည် စိတ်အလွန် ထိခိုက်မိခဲ့သည်။ အလုပ် အားလပ်ချိန်များတွင် ပေတလုဒ်မိလဒ်အား ဆရာတော်ပယ်ရ်ကိုတို၏ သင်္ချိုင်းဂူအနားတွင် သွားရောက် ဆုတောင်းမေတ္တာများ ပြုလုပ်နေသည်ကို တွေ့ရှိတတ် ကြရသည်။ ဆရာတော်ပယ်ရ်ကိုတို ပျံလွန်တော်မူပြီး (၂)နှစ် အကြာ ၁၇၇၈ ခုနှစ်တွင် ပေတလုဒ်မိလဒ်သည်လည်း ကွယ်လွန်ခဲ့ရှာသည်။ မိမိ ကွယ်လွန်ပါက မိမိ၏ ကြွင်းကျန်သော ရုပ်ကလပ်ကို မိမိကြည်ညို ကိုးကွယ်သော ဆရာတော် ပယ်ရ်ကိုတို၏ သင်္ချိုင်းဂူအနီးတွင် သဂြိုလ်ပေးရန် မေတ္တာရပ်ခံခဲ့သဖြင့် ပေတလုဒ်မိလဒ်အား ဆရာတော်အနီးတွင် မြှုပ်နှံခဲ့ကြသည်။ ပေတလုဒ်မိလဒ်၏ သင်္ချိုင်းဂူတွင် အောက်ပါ လက်တင်ဘာသာနှင့် မြန်မာစာတို့ဖြင့် ရေးသားထားသော ကျောက်စာကို ဖတ်ရူကြရသည်။

ပြင်သစ်အမျိုးသား ကုလားဗိုလ်ဘွဲ့ရ ပေတလုဒ် မိလဒ် သင်္ချိုင်းဂူ ကျောက်စာ

         (HIC JACET)
PETRUS MILLARD GA LLIAE
EX CAPTIVO BELLI REGIB US
ACCEPTUS PRAESBITERIUM
ET.CIMITERIUM AECCLESIAE
        (CONSTRUXIT)
A REGE CLLIAE CENTURIO
ELECTUS, MORITUR ANNO
         MDCCLXXVIII

        ပရင်သစ်အမှု ပေတလူမီလတ်ပျင်သစ်ရှင် ဘုရာင်အမှုထဲသင် ဘောနှင့် လှည့်လည်သွားရမည် ခန့်ထား၍ လွင့်သွား သည်တွင် ဘိုးတော် အလောင်းမင်းတရားကြီးဘုရား ဟံသာဝတီကို သိမ်းရုံတော်မူသည် လွှတ်တော် ၁၁၁၇ နှစ် ရွှေစက်တော်မြတ်အောက်သို့ ရောံ၍ ဘိုးတော်အလောင်းမင်းတရားကြီး ဘုရား၊ ဘကြီးတော်ဘုရား၊ လက်ထက်တော် ဟံသာဝတီ၊ ယိုးဒယား ကသည်းမှစခု အရပ်ရပ်အမှုတော်ပေါ်ထွက်သမျှကို ထံရွက်ရသည်နှင့်ဘုရား၊ ခမည်းတော် ဆင်ဖြူရှင်ဘုရား၊ လွတ်တော်သက်တော်စောင့် ကုလားဘို အရာခန့်ထားတော်မူ၍ ရာဇာာရဘွဲ့အည်နှင့် တယ်မြို့ကို အသနားတော်မြတ်ခံရသည် ၄င်း နောက်ရာ ဇာသာရကျော်ထင်နှင့်၎င်းနောက် သီရိရာဇာသူရကျော်ထင်ဘွဲ့အမည်ကိုလည်း အသနားတော်မြတ်ခံရသည် ဘုရားရွှေလက် ထက်တော် သက်တော်စောင့်ကုလားဗို အရာထပ်၍ ခန့်ထားတော်မူသည် တဟ်မြို့နှင့် နေမျိုးသီရိရာဇူသရကျော်ထင်ဘွဲ့ အမည်ကိုလည်း အသနားတော်မြတ်ခံရသည်။ ကျေးဇူးတော်မြတ်ကို ဆက်ဆပ်ချင်လျှင် မရဏံ သေချင်းတည်းဟူသော အနိစ္စ ကံတရားနှင့် မကင်းမလွတ်နိုင်သည်ဖြစ်၍ သက်ကရာဇ် ၁၀၉၇ ခုတပေါင်းလဆန်း ၁၀ရက် ၄နေ့သား အသက်၄၃နှစ် အ၀င်သက ရာဇ် ၁၁၄၀ ၀ါခေါင်လပြည့်ကျော် ၇ရက် ၆နေ့တွင် အနိစ္စကံ တရားနောက်သို့လိုက်သည်။

မှတ်ချက်။      ။အထက်ဖေါ်ပြပါကျောက်စာကို မူရင်းအတိုင်း အပုဒ်မခွဲပဲ ပြန်လည်ရေးသား ဖေါ်ပြထားပါသည်။ လက်တင် ဘာသာဖြင့် ရေးသားထားသော ကျောက်စာကို အောက်ပါအတိုင်း မြန်မာပြန်ဆိုအပ်ပါသည်။

ဤနေရာ၌ လျောင်းစက်ခေါ်သည့်ပုဂ္ဂိုလ်မှာ
ပေတလုဒ်မီလဒ်ဖြစ်သည်။
စစ်မက်ဖြစ်ပွားချိန်တွင်
စစ်သုံ့ပန်းအဖြစ် အဘမ်းခံလာရပြီးနောက်
ယင်းသည် အသင်းတော်၏ သာသနာပြုများအတွက် ကျောင်းသင်္ကန်းကို
ဆောက်လုပ် လှူဒါန်းပေး၍
သုဿန်ကိုလည်း ဆောက်လုပ်လှူဒါန်းခဲ့သည်။
ပြင်သစ်ဘုရင်ခံတော်မှ  "ဆာရ်ဘွဲ့ " ကိုခံယူရရှိပြီး
သက္ကရာဇ် ၁၇၇၈ခုနှစ်၊ အသက် ၄၂ နှစ်တွင်
ကွယ်လွန်ခဲ့သည်။

မှတ်ချက်။   ။ လက်တင်ဘာသာစကားဖြင့် ရေးသားထားသော ကျောက်စာသည် လက်ျာဘက်ပေါ်ပိုင်းတွင် အပိုင်း အစများ အနည်းငယ် ကျိုးပဲ့နေသည်။ ကျောက်စာအစွန်အဖျားရှိ မူရင်းစာလုံးများလည်း အကျိုးအပဲ့များတွင် ပါသွားသည် ။ သို့သော် လက်တင်ဘာသာစကားလုံးများကို ပြန်လည် ဖြည့်စွက်ပေးရန် အခက်အခဲမရှိပါ။ ပြန်လည်ဖြည့်စွက် စလုံးများကို မျဉ်းတား အစောင်းစာလုံးများဖြင့် ဖေါ်ပြထားသည်။

အခန်း(၈)
ဆရာတော် ဂေတားနိုးမန်တေဂါးဇား။

ဂေတားနိုမန်တေဂါးဇားသည်  အီတလီပြည် မီလန်းမြိ့တွင် သက္ကရာဇ် ၁၇၄၅ ခုနှစ်၊ ဧပြီလ (၁၁) ရက်နေ့တွင် မွေးဖွားခဲ့သည်။ ဂေတားနိုးသည် အသက် ၁၆ နှစ်ရောက်ရှိသောအခါ၊ ဘားရ်နဘိုက်အသင်းဂိုဏ်း သူတော်စင်ဘောင်သို့ ၀င်ရောက်ခဲ့သည်။ ရဟန်းတို့ သင်ကြားအပ်သော ပညာရပ်များကို ဆက်လက် ဆည်းပူးခဲ့ပြီး၊ ၁၇၆၈ ခုနှစ်၊ မတ်လ (၂၈)ရက်နေ့ တွင် အသက် (၂၃)နှစ် အရွယ်၌ ရဟန်းသိက္ခခံယူခဲ့သည်။ ဘုန်းတော်ကြီး မန်တေဂါးဇား၏ ပညာ အရည်အချင်း ပြည့်စုံမှုရှိသောကြောင့် ၄င်းရဟန်းဖြစ် တက္ကသိုလ်ကြီးမှာပင် စာချပုဂ္ဂိ္ဂုလ် အဖြစ် ဆက်လက်ခန့်ထားခြင်းခံခဲ့ရသည်။

ဂေတားနိုးမန်တေဂါးဇားသည် ငယ်ရွယ်စဉ်ကတည်းကပင် သာသနာပြု ပုဂ္ဂိ္ဂုလ်တပါးဖြစ်ချင်သည်။ တိုင်းတပါးသို့ သွားရောက် သာသနာပြုလိုသော ဆန္ဒမှာ စာချပုဂ္ဂိ္ဂုလ်အဖြစ် ထမ်းဆောင်နေရင်း တနေ့တခြား ပို၍ပင် တိုးပွား လာခဲ့သည်။ အထူးသဖြင့် မြန်မာပြည်၌ မိမိတို့ ဘားရ်နားဘိုက်အသင်းဂိုဏ်းကြီးသည် သာသနာလုပ်ငန်းများ တိုးချဲ့ ထမ်းဆောင်နေကြောင်း၊ တိုးချဲ့လုပ်ငန်းများ အတွက် သာသနာပြု ပုဂ္ဂိ္ဂုလ်များ အထူး လိုအပ်လျက် ရှိနေကြောင်း၊ အစရှိသောသတင်းများကို ကြားသိရသောအခါ မိမိအား သာသနာနယ်မြေသို့ စေလွှတ်ပေးးပါရန် အထက်အကြီးအကဲတို့အား လျှောက်ထားခဲ့သည်။

ဆက်ရန်
အင်းဝရောက်ခြေရာများ - အပိုင်း (၂၁)

မှတ်ချက်။ ဆရာတော်ပယ်ရ်ကိုတို၏ ချစ်ခင်ရင်းနှီးသော တပြည့်သားရင်းတဦး ဖြစ်သည့် ဘုရင်ဂျီဘာသာဝင်  ပေတလူ မိတင်ဆိုသော ကုလားဗိုလ်(ပြင်သစ်လူမျိုး)၏ သချိုင်္င်းကျောက်စာ အပါအ၀င် ဖြစ်ရပ်မှန်ဇာတ်လမ်းတစ်ပုဒ်ကို "ကုန်းဘောင်ပြင်သစ်" နာမည်နဲ့ ဆရာရွှေစကြာက ရေးသားထားတဲ့ စာအုပ်တစ်အုပ် ကို အောက်ပါလင့်မှ တဆင့် ဖတ်ရှုနိုင်ပါသည်။

Read More...

Saturday, May 16, 2015

အင်းဝရောက်ခြေရာများ - အပိုင်း (၁၉)

မြန်မာပုံနှိပ်လုပ်ငန်း သမိုင်းအစ

သက္ကရာဇ် ၁၇၇၃ -ခုနှစ် ဇန်န၀ါရီလပိုင်းတွင် ဆရာတော် ပယ်ရ်ကိုတိုသည် အောက်မြန်မာပြည်သို့ ခရီး ထွက်ခွါခဲ့သည်။ ရန်ကုန်မြို့ရှိ အပြစ်မဲ့ သန္ဓေ္ဓယူသောသခင်မ ဘုရားရှိခိုးကျောင်းထိုင် ဘုန်းတော်ကြီး ကာရ်ပါးနီနှင့် တွေ့ဆုံခဲ့သည်။ မြန်မာပြည်၌ သာသနာရေး အခြေအနေများ ကောင်းမွန် တိုးတက်နေသဖြင့် လုပ်ငန်းသစ် စီမံကိန်းများ တိုးချဲ့ လုပ်ကိုင်ဆောင်ရွက်သွားရန်၊ ရောမသာသနာဌာနချုပ်နှင့်  ညှိနှိုင်း လုပ်ကိုင် ဆောင်ရွက်ဘို့ ဘုန်းတော်ကြီး ကာရ်ပါးနီကို အီတလီပြည်သို့ ခေတ္တ စေလွှတ်လိုကြောင်း တင်ပြဆွေး နွေးခဲ့သည်။ ထို့ပြင် ဆရာတော်ကိုင်တိုင် ရှေးယခင်က ရည်ရွယ်ချက်ရှိထားသော မြန်မာပုံနှိပ်လုပ်ငန်း ကိစ္စကိုလည်း အကောင်အထည်ဖေါ်ကြဘို့ ဆွေးနွေး တိုင်ပင်ခဲ့သည်။ မြန်မာစာပေကို ပုံနှိပ်လောကသို့ ပို့ဆောင် ပေးနိုင်ခဲ့ပါက မြန်မာစာပေလောကသည် ပိုမို ကျယ်ပြန့်လာပြီး၊ မြန်မာတိုင်းရင်းသား အားလုံးလိုလိုပင် အကျိုးခံစားရမည်ဖြစ်ကြောင်း ဆရာတော် မျှော်မှန်းခဲ့သည်။ သို့ဖြစ်၍ ရောမမြို့၊ုသာသနာ ပြန့်ပွားရေးနှင့် စီမံခန့်ခွဲရေး ဌာနချုပ်ကြီးမှ မြန်မာပုံနှိပ်လုပ်ငန်း ထမြောက် အောင်မြင်မှု ရရှိရေးအတွက် ကူညီပံ့ပိုးပေးဘို့ တောင်းခံရန် စီစဉ်များကို  ပြုလုပ်ပေးခဲ့သည်။

ဆရာတော် ပယ်ရ်ကိုတို ကိုယ်တိုင် မြန်မာပုံနှိပ်လုပ်ငန်းအတွက် ကြိုတင် ပြင်ဆင်မှုများကို ကွပ်ကဲကြပ်မတ် ဆောင်ရွက်ခဲ့ပြီး ဖြစ်သည်။ ဆရာတော်ပယ်ရ်ကိုတို စီမံခန့်ခွဲသော မြန်မာပုံနှိပ်လုပ်ငန်း အပေါ် တည်းဖြတ်ကြပ်မတ်ပေးသူမှာ "ရတနာဂျွန်း" ဆိုသူဖြစ်သည်။ ဤပုဂိုလ် ဂျွန်းသည် ပညာအမြော်အမြင်နှင့် ပြည်စုံသဖြင့် ဘုရင့်လွတ်တော်အမတ်များ၏ ကြည်ညို လေးစားမှုကိုလည်း ခံစားရရှိသူဖြစ်သည်။ အမှုကိစ္စ အ၀၀တွင် အကြံဥာဏ်ပေး ပုဂိုလ်ဖြစ်သည်။ ဂျွန်းသည် ရတနာရွာရှိ ဘုရားရှိခိုးကျောင်းကို ဆောက်လုပ်လှူဒါန်းခဲ့သဖြင့်  "ရတနာဂျွန်း"ဟု အမည်တွင်လာခြင်း ဖြစ်သည်။ ရတနာဂျွန်းသည် ဘုရားတရား ကြည်ညိုသူဖြစ်သည်။ မြန်မာစာပေ၊ ပါဠိစာပေများတွင် အလွန် ကျွမ်းကျင်သော ပုဂိုလ်လည်းဖြစ်သည်။ အထက်မြန်မာပြည်သို့ ရောက်ရှိလာကြသော ဘားရ်နားဘိုက် သာသနာပြုပုဂိုလ်များကိုလည်း မြန်မာစာ ချပေးခဲ့သူ ဖြစ်သည်။ ဆရာတော်ပယ်ရ်ကိုတို၏ တပြည့်ရင်းသားရင်း ဖြစ်သလို မြန်မာစာပေဖြင့် ပတ်သက်၍မှု ဆရာသမားလည်း ဖြစ်ခဲ့သည်။

မြန်မာပုံနှိပ်လုပ်ငန်း စီမံဆောင်ရွက်ရာ၌ ဆရာတော်ပယ်ရ်ကိုတိုသည် ရတနာဂျွန်း၏ အကူအညီကို များစွာရရှိခဲ့သည်။ ရတနာဂျွန်းသည် မြန်မာအက္ခရာစာလုံးများကို ပုံနှိပ်ခဲ စလုံး ပုံသွင်းမှု ဖြစ်မြောက်ရေးအတွက် ပုံတူ ရေးဆွဲရေးလုပ်ငန်းတွင် ဆရာတော် ပယ်ရ်ကိုတိုနှင့်အတူ ကူညီ ဆောင်ရွက်ပေးရသည်။ ပုံနှိပ်ခဲ စလုံးပုံတူများကို ပြန်လည် စီစစ် ကြပ်မတ်ဆောင်ရွက်ပေးရသည်။ မြန်မာ ပုံနှိပ်လုပ်ငန်း အောင်မြင်ပါက ပထမဆုံးရိုက်နှိပ်ရန် ဆရာတော်ပယ်ရ်ကိုတို စီစဉ် ရေးသားထားသည့် စာမှုကြမ်းများကို စီစစ် တည်းဖြတ်ပေးရသည်။

ဆရာတော်သည် မြန်မာပုံနှိပ်လုပ်ငန်း လွယ်ကူ ချောမွေ့စေရေးအတွက် ပုံနှိပ်လုပ်ငန်း လုပ်ကိုင်သူများ အဘို့ မြန်မာစာဆိုင်ရာများကို ရှင်းလင်းချက်များ ထုတ်လုပ် ရေးသားပေးပို့ခဲ့သည်။ ရတနာဂျွန်းကလည်း မိမိကိုယ်တိုင် သပ္ပာယ်လှပစွာ စီကုံးရေးသားထားသော ပေသ၀ဏ်လွှာစာစောင် တစောင်ကို ပုပ်ရဟန်းမင်းကြီး ဆဌမမြောက်ပီဦး (Pope Pius VI)ထံသို့ ပေးပို့ခဲ့သည်။ ယင်း ပေသ၀ဏ်လွှာသည် မြန်မာပြည်မှ ရောမမြို့သို့ ရှေးဦးဆုံး ရောက်ရှိသွားသော ပေစာဖြစ်သည်။ ပေသ၀ဏ်လွှာ၌ မိမိအား ဘုရားကားချပ်များ ရုပ်ပုံတော်များ ပေးပို့ရန်နှင့် ပုပ်ရဟန်းမင်းကြီး၏ ကောင်းချီးမင်္ဂလာများ တောင်းခံလျှက်၊ ဆုမွန်ကောင်းများ တောင်းချွေပေးပါရန် မေတ္တာ ရပ်ခံရေးသားထားသည်။

မြန်မာပုံနှိပ်လုပ်ငန်း အောင်မြင်ခဲ့ပြီ။

    သက္ကရာဇ် ၁၇၇၄ ခုနှစ်၊ နှစ်ဦးပိုင်းတွင် ဘုန်းတော်ကြီး ကာရ်ပါးနီသည် အီတလီသို့ ခရီး စတင် ထွက်ခွာခဲ့သည်။ သာသနာပိုင် ပုပ်ရဟန်းမင်းကြီး ဆဌမမြောက်ပီဦးအား ၀င်ရောက် တွေ့ဆုံဖူးမြင်ခဲ့သည်။ ဆရာတော် ပယ်ရ်ကိုတို၏ တောင်းဆိုချက်များကို တင်ပြခဲ့သည်။ ရတနာဂျွန်း ဆက်သလိုက်သော ပေသ၀ဏ်လွာကိုလည်း ရဟန်းမင်းကြီးအား ဆက်သခဲ့သည်။

  ပုပ်ရဟန်းမင်းကြီးကလည်း မြန်မာပြည်မှ တင်ပြလာသော သာသနာရေးကိစ္စများနှင့် ရတနာဂျွန်း ဆက်သသော ပေသ၀ဏ်လွှာကို ၀မ်းသာအားရစွာဖြင့် လက်ခံယူခဲ့သည်။ ရတနာဂျွန်း၏ မေတ္တာရပ်ခံ တောင်းဆိုချက်ကို ဖြည့်ဆည်း ဆောင်ရွက်ပေးခဲ့သည်။ ရတနာဂျွန်းအတွက် အထူးပန်းချီကားချပ် တချပ်ကို ရေးဆွဲစေခဲ့သည်။ ဘားရ်နားဘိုက် သာသနာပြု (၂)ပါးသည် မြန်မာတိုင်းရင်းသားတစ်စုကို လက်တွဲခေါ်လျက် ခရစ်တော်၏ ရုပ်ပုံတော်ရှေ့တွင် ရပ်လျက်နေကြသည့် ပန်းချီပုံကို သရုပ်ဖေါ် ရေးဆွဲထားသည်။

သာသနာ ပြန့်ပွားရေးနှင့် စီမံခန့်ခွဲရေးဌာနချုပ်အား မြန်မာ ပုံနှိပ်လုပ်ငန်းကို အကောင်အထည်ဖေါ်၍ အပြီး ဆောင်ရွက်ပေးပါရန် ပုပ်ရဟန်းမင်းကြီးမှ ညွှန်ကြားခဲ့သည်။ ဘုန်းတော်ကြီး ကာရ်ပါးနီသည်လည်း ယင်းဌာနချုပ်ကြီး၏ အတွင်းရေးမှုးချုပ် မွန်ဆီညော် စတေဖားနူး ဘောရ်ဂျီးယား (Stephanus Borgia) အား  ဆရာတော်ပယ်ရ်ကိုတို၏ မြန်မာပုံနှိပ်လုပ်ငန်း အစီရင်ခံစာများကို တင်ပြခဲ့သည်။ အတွင်းရေးမှုးချုပ်မှ ၀မ်းသာအားရ ကြိုဆိုလက်ခံလျက် ပုံနှိပ်လုပ်ငန်းဆိုင်ရာ သာသနာပြန့်ပွားရေးဌာနချုပ်မှ ဖွင့်လှစ်ထားသော "ပိုလီဂလော့ပုံနှိပ်တိုက်" တာဝန်ခံမှုး ခရစ္စတိုဖား အာမာဒုဇီဦးစ်(Christopher  Amaduzius) အား လွဲပြောင်း ပေးအပ်ခဲ့သည်။ အတွင်းရေးမှုးချုပ် စတေဖာနူး ဘောရ်ဂျီယား (Stephanus Borgia) သည် အရှေ့ဖျား တိုင်းပြည်များနှင့် အာဖရိကတိုက်၊ ဥရောပတိုက်၊ အစရှိသော တိုက်ကြီးများ၏ တိုင်းပြည်များတွင် အသုံးပြုသော ဘာသာစကား စာပေတို့ကို ပုံနှိပ်ထုတ်ဝေသော တာဝန်ခံမှုးလည်း ဖြစ်သည်။ မြန်မာပုံနှိပ်လုပ်ငန်း တီထွင်ဘို့ရန် ယခုအကြိမ်သည် ပထမဆုံးအကြိမ် ဖြစ်ခဲ့သည့်အလျောက် စတေဖါနှုး ဘောရ် ဂျီးယား၏ ကူညီပံ့ပိုးမှုသည် များစွာ ရေးပါရှိခဲ့သည်။

မြန်မာဗျည်း အက္ခရာစာလုံးများကို ပုံနှိပ် ခဲစလုံးများအဖြစ် ပုံသွင်းလုပ်ငန်းသည် အထူးပင် ခက်ခဲသော လုပ်ငန်းတခုဖြစ်ခဲ့သည်။ ဦးစွာပထမ ဤုသို့သော ၀ိုင်းစက်စက် ရေးထားသည့် မြန်မာဗျည်းအက္ခရာ စာလုံးမျိုးများကို ခဲစလုံးပုံသွင်း လုပ်သားတို့အနေဖြင့် မမြင်ဘူးခဲ့ကြပေ။ ဆရာတော် ပယ်ရ်ကိုတို အနေဖြင့် အနီးစပ်ဆုံး ပြင်ဆင် ရေးဆွဲပေးလိုက်သော်လည်း လက်တွေ့ လုပ်ငန်းရပ်တွင်မှု အခက်အခဲများ သက်ဝင်လာခဲ့သည်။ သို့ဖြစ်၍ ဘုန်းတော်ကြီး ကာရ်ပါးနီသည် အနီးကပ် ပြန်လည် မွမ်းမံ ဖြေရှင်းလုပ်ဆောင်ပေးရသည်။ တကယ့် လက်တွေ့လုပ်ငန်းများ အားလုံးကို ဘုန်းတော်ကြီး ကာရ်ပါးနီမှ အကျိုးဆောင် ပေးခဲ့ရသဖြင့် ကာရ်ပါးနီသည် မြန်မာပုံနှိပ်လုပ်ငန်း အောင်မြင်မှု အခမ်းကဏ္ဍတွင် အရေးပါသည့် ပုဂိုလ်ဖြစ်ကြောင်း မှတ်တမ်းတင်အပ်သည်။

မြန်မာပုံနှိပ်လုပ်ငန်းသည် သက္ကရာဇ် ၁၇၇၆ ခုနှစ်တွင် အောင်မြင်ခြင်း ပန်းကို ဆွတ်ခူးခဲ့လေပြီ။
ပုံနှိပ်လုပ်ငန်း တီထွင် အောင်မြင်မှု အောင်မြင်သည်နှင့် အမျှ ပထမဆုံး ပုံနှိပ် မြန်မာစာအုပ်ကိုလည်း တချိန်တည်းမှာပင် ရိုက်နှိပ်ခဲ့သည်။ မြန်မာစာအုပ်လောက၌ ပထမဆုံး ထွက်ပေါ်လာခဲ့သော စာအုပ်အကြောင်းကို အောက်တွင် ဆက်လက်၍ အကျဉ်းမျှတင်ပြလိုသည်။

စာအုပ်အမည်
ALPHABETUM BARMANUM

    မာတိကာများ
            အကြောင်းအရာ
            စာအုပ်အမည်ပါရှိသောမျက်နှာဖုံး
            စတေဖာနူး ဘော်ရ်ဂျီးယား၏ နိဒါန်း
            ခရစ္စတိုဖား အာမာဒုဇီဦးစ်၏ အမှာစာ
            ကာရ်ပါးနီ၏ နိဒါန်း
            ဂျေ၊ အိတ်က်စ်ပီလီ၏ အမှာစာ

        ဆရာတော်ပယ်ရ်ကိုတို၏ မြန်မာ ဗျည်းအက္ခရာများအကြောင်း၊ မြန်မာသတ်ပုံ သတ်ညွန်းအကြောင်း
မြန်မာသဒ္ဒါအကြောင်းများ ရှင်းလင်း ရေးသားထားသည်။

ကက်သလိခ်ဘာသာဝင်တို့ နေ့စဉ် အသုံးပြုသော ဆုတောင်းပဌာနာများ။
    အထက်ပါ မာတိကာတို့အောက်တွင် ဆက်လက်၍ အကျဉ်းဆက်လက်ဖေါ်ပြသွားလိုသည်။

၁။ စာအုပ်အမည်ဖြစ်သော ALPHABETUM BARMANUM ဆိုသည်မှာ၊ အင်္ဂလိပ်ဘာသာ စကားအားဖြင့် BURMESE ALPHABET ဟူ ဘာသာပြန်နိုင်ပြီး၊ မြန်မာမှု ပြန်ဆိုရလျှင်  "မြန်မာအက္ခရာသင်ပုံးကြီး အညွှန်း"ဟု ဆိုလိုသည်။

၂။ စတေဖားနှုး ဘောရ်ဂျီးယား ရေးသားသော နိဒါန်းကို အောက်ပါအတိုင်း ဖတ်ရှုရသည်။
    သာသနာတော်နှင့် ဘာသာအယူဝါဒ တရားတော်မြတ်ကို ထိန်းသိမ်းစောင့်ရှောက်ရတော်မူသော အသင်းတော်ကြီး၏ နာယက ဦးစီးမှူးဖြစ်တော်မှုသည့် အလွန်မြင့်မြတ် ရိုသေထိုက်လှသော ဆဌမမြောက် ရဟန်းမင်းကြီး ပီဦးအား လက်အုပ်ချီမိုး ပူဇော်ကန်တော့ပါ၏ ဘုရား။

အင်းဝနေပြည်တော်၌ အသုံးပြုသည့် ဗမာ (၀ါ) ဗိုမားခေါ် နိုင်ငံတော်သုံး ဗျည်းအက္ခရာစာလုံးများကို ပထမအကြိမ်အဖြစ် သာသနာပြန့်ပွားရေးနှင့် စီမံ ခန့်ခွဲရေးဌာနချုပ်ကြီး၏ ပုံနှိပ်တိုက်မှ ဦးဆောင် အကျိုးပြုလျက် တိကျမှန်ကန်စွာ တီထွင် ပြုလုပ်ဆောင်ရွက် ပေးလိုက်သည်။ ယင်း၏ ဘာသာစကားဖြင့် အရေးအသားတို့ကို အသုံးပြုပြီး၊ ဂင်္ဂါ မြစ်ဝှမ်း တဖက်ကမ်းရှိ အိန္ဒိယနွယ်ဖွားတို့အား၊ သံပေါလူး၏ တမန်တော်အသင်းသည် တိုင်းတပါးတို့အား ဟောပြော သွန်သင်ရာ၌ အချုပ်အာဏာတော်နှင့် ဦးဆောင်မှုကို ပိုင်ဆိုင်သော ရဟန်းမင်း၏ ဆန္ဒကို အစဉ်ခံယူလျက် ကက်သလိခ်ဘာသာ အယူဝါဒကို ဟောကြား သွန်သင်ကြသည်။

                စတေဖားနူး ဘောရ်ဂျီးယား

စာအုပ်၏ တတိယပိုင်းတွင် ပိုလီဂလော့ပုံနှိပ်တိုက်လုပ်ငန်း ဥက္ကဌဖြစ်သူ ခရစ္စတိုဖား အာမာဒုဇီဦးစ်၏ အမှာစာကို ဖတ်ရှုကြရသည်။ စာမျက်နှာ (၇) မှ (၁၆) အထိ ရေးသားထားသော အမှာစာ ဖြစ်သည်။ အမှာစာတွင် ဖတ်ရှုရသည်မှာ သာသနာ ပြန့်ပွားရေးနှင့် စီမံခန့်ခွဲရေး ဌာနချုပ်ကြီးသည် အိန္ဒိယနွယ်ဝင် ဘာသာစကားများ ဖြစ်ကြသော တီဗက်ဘာသာ၊ ဟိန္ဒူစတန်ဘာသာ၊ သက္ကတ္တဘာသာစကားများကို လေ့လာပြီးနောက် မိမိဌာနချုပ်သည် ပုံနှိပ်လုပ်ငန်းများ၌ ရင့်ကျက် ကျွမ်းကျင်နေပြီးဖြစ်သဖြင့် အဆိုပါ ဘာသာစကားသုံး စာပေများကို ထမြောက် အောင်မြင်စွာ ပုံနှိပ်ထုတ်ဝေနိုင်ခဲ့သည် ဖြစ်သည်။

ယခုအကြိမ်၌ မြန်မာဘာသာ စကားသုံး စာပေကိုလည်း ဘားရ်နားဘိုက်အသင်းဂိုဏ်းသား ဘုန်းတော်ကြီး မယ်လ်ခီအော ကာရ်ပါးနီမှ အထူး သင့်မြတ်သော အချိန်အခါတွင် ရောက်ရှိလာပြီး တင်ပြလာပါသည်။ ယင်းစာပေကို အောင်မြင်စွာ ပုံနှိပ် ထုတ်လုပ်နိုင်ပါသဖြင့် ၀မ်းမြောက် ဂုဏ်ယူမိကြောင်း ဖေါ်ပြထားသည်။ ထို့ပြင် မြန်မာဗျည်း အက္ခရာများအကြောင်းကို ရှင်းလင်း ထုတ်ဖေါ်ပြခဲ့သည်။ ထိုနောက် ဤဗျည်းအက္ခရာများကို ပထမအကြိမ် အဖြစ် တီထွင် ထုတ်လုပ်ပေးရာတွင် မည်သို့ ရေးသား မှတ်သားရကြောင်း မည်သို့ မိတ္တူကူး၍ မည်သို့ ပုံသွင်းရကြောင်းများကို ဖေါ်ပြသည်။ တဖန် "မြန်မာ ဗျည်းအက္ခရာ သင်ပုံးကြီး အညွှန်း" နှင့် ကက်သလိခ် ယုံကြည်ရာများ ဖြစ်သော  ဘုရားစကား စာအုပ်ပါဝင်သည့် ပထမဆုံး မြန်မာ ပုံနှိပ်စာအုပ်ကိုလည်း ပုံနှိပ် ထုတ်ဝေလိုက်ကြောင်း မှတ်တမ်း တင်ခဲ့လေသည်။

    လန်ဒန်မြို့ မှ ဘုရင့် သိပ္ပံပညာ ဖွံ့ဖြိုးရေးအသင်း၏ အတွင်းရေးမှုးချားလ်စ် မော်သွန် သည်၊ သက္ကရာဇ် ၁၇၅၉ ခုနှစ်တွင် သုတေသနပြု လုပ် ၍ စုဆောင်းရရှိခဲ့သော ကြေးနီအက္ခရာ (၂၇)လုံး တွင် မြန်မာဗျည်းအက္ခရာ စလုံးများ မပါရှိသေးကြောင်းတင်ပြခဲ့သည်။ သက္ကရာဇ် ၁၇၄၈ ခုနှစ်ကလည်း သုတေသန ပညာရှင်များ ဖြစ်ကြသော  ဖရက်ဒ် ဖရီဇီအုစ် နှင့် ဘင်ဂျာမီနုစ် စကူဇီအုစ် တို့ စုဆောင်း တွေ့ရှိရသည့်  "ကောင်းကင်ဘုံ မေတ္တာ"ကို ဘာသာစကား (၂၀၀) ပေါင်းချုပ်ဖြင့် ရေးသားထားသည့် အုပ်စုတွင် မြန်မာဘာသာ စကား မပါရှိသေးကြောင်းကိုပါ တင်ပြ ဆွေးနွေးထားသည်။ ၄င်းပြင် မြန်မာဘာသာစကားသည် မြန်မာတိုင်းရင်းသား အများစု အသုံးပြု ရေးသား ပြောဆိုသော ဘာသာစကားရပ် ဖြစ်ကြောင်း ၊ မြန်မာပြည်ဆိုသည်မှာလည်း ရှေးယခင်က သမိုင်းသုတေသီ ပညာရှင်များ ခေါ်ဝေါ်ကြသည့် အမည်မှာ မှားယွင်းနေကြောင်းများကို တင်ပြခဲ့သည်။

    စာအုပ်၏ စတုတ္ထပိုင်းတွင် စာမျက်နှာ (၁၇) မှ (၄၄) ထိဖြစ်ပြီး ဘုန်းတော်ကြီး ကာရ်ပါးနီ၏ နိဒါန်းကို ဖတ်ရှုရသည်။

    ဘုန်းတော်ကြီး ကာရ်ပါးနီသည် အောက်ပါ အကြောင်းအရပ် (၃)ခု အကြောင်းကို အဓိကထား ရေးသား ဖေါ်ပြခဲ့သည်။
        (က) မြန်မာတို့၏ သမိုင်းဦး အကြောင်း
        (ခ) မြန်မာတို့ ရိုးရာ ယဉ်ကျေးမှုအကြောင်း
        (ဂ) မြန်မာသဒ္ဒါ အကြောင်း

၁။ မြန်မာသမိုင်းဦး။      ။ မြန်မာလူမျိုးများ ဆင်းသက်လာသည့် အကြောင်းနှင့် ရှေးဦး သမိုင်းအကြောင်းကို ရေးသားထားသည့် မြန်မာ့သမိုင်းအကြောင်းတွင် အင်းဝ ဘုရင်မင်းမြတ်အကြောင်းကို အရင်းခံထား၍ ဖေါ်ပြထားသည်။

၂။ မြန်မာ့ ရိုးရာယဉ်ကျေးမှု။ မြန်မာလူမျိုးတို၏ ဓလေ့ထုံးတမ်းများ အကြောင်း ရိုးရာ ယဉ်ကျေးမှုအကြောင်း မြန်မာလူမျိုးတို့ ကိုးကွယ်သည့် ဘာသာအကြောင်းတို့ ပါရှိသည်။

၃။ မြန်မာသဒ္ဒါ။     ။ မြန်မာသဒ္ဒါနှင့် ပတ်သက်၍ အခြေခံ သဘောတရားများအကြောင်း၊ မြန်မာ စကား အသုံး အနှုန်းများနှင့် မြန်မာစာနှင့် ဒွန်တွဲလျက်ရှိသော ပါဠိစာပေအကြောင်းကို အကျယ်တ၀ံ့ ရေးသား တင်ပြထားသည်။

စာအုပ်၏ ပဉ္စမအပိုင်းတွင် ပုံနှိပ်ခဲစလုံးများ ထုတ်လုပ်ရေး တာဝန်ခံ ဂျေ၊ အိတ်က်စ်ပီလီ၏ အမှာစာဖြစ်သည်။ မြန်မာပုံနှိပ် ခဲစလုံးများကို တီထွင်ပေးရာ၌ မြန်မာစာလုံး အတွက် အ၀ိုင်းပုံစံများကို တီထွင်ပေးပြီး။ ပါဠိ စာလုံးများအတွက်မှု လေးဒေါင့် ပုံစံများကို တီထွင် ထုတ်လုပ်လိုက်သည့် အကြောင်းများကို  ရှင်းလင်း ဖေါ်ပြထားသည်။ ၄င်းအပြင် အင်းဝနေပြည်တော်တွင် အသုံးပြုသော ငွေကြေးပုံစံနှင့် နိုင်ငံတော်တံဆိပ်တုံးကို၎င်း၊ ပဲခူးမြို့တော်တွင် အသုံးပြုသော ငွေကြေးပုံစံနှင့် တံဆိပ်တုံးကို၎င်း၊ အသီးသီး ပုံသွင်း ရိုက်နှိပ်ပြခဲ့သည်။ ပါဠိ ပုံနှိပ် နမှုနာကို ပြလိုသဖြင့် ကမ္မ၀ါ ကျမ်းပုဒ်တပုဒ်ကို ရိုက်နှိပ်ပြထားသည်။ မြန်မာပုံနှိပ် ခဲစလုံးများကို ပုံစံအမျိုးမျိုးဖြင့် ပုံသွင်းပေးလိုက်သည့် အရေအတွက်မှာ စုစုပေါင်း ၇၀၀၀၀ (ခုနှစ်သောင်း) ခန့် ရှိသည်။

    စာအုပ်၏ ဆဌမပိုင်းတွင်မူ ဆရာတော်ပယ်ရ်ကိုတို၏ ရှင်းလင်းချက်များကို တွေ့ရှိရသည်။ မြန်မာ ဗျည်း အက္ခရာ (၃၃)လုံး ရှိကြောင်းနှင့် မြန်မာ  "သရ"တို့ အကြောင်းကို ရှင်းလင်း ရေးသား တင်ပြထားသည်။ ဥပမာ ဗျည်း နှင့် သရ တို့ ပူးတွဲ အသုံးပြုပုံ၊ မြန်မာ အသံထွက်ပုံတို့ကို အကျယ်တ၀ံ့ (က မှ အ) အထိ ရေးသား ဖေါ်ပြထားသည်။ ထို့နောက် သင်ပုန်းကြီးကို စတင် ရှင်းလင်း ဖေါ်ပြရာ၌ မြန်မာသတ်ပုံ အညွှန်းများအကြောင်း မြန်မာသဒ္ဒါ အကြောင်းတို့ကို တင်ပြ ရေးသားသွားခဲ့သည်။

    စာအုပ်၏ ပထမပိုင်းလည်းဖြစ်၊ နောက်ဆုံးအပိုင်းလည်း ဖြစ်သောနေရာတွင်၊ ကက်သလိခ် ဘာသာဝင်တို့ နေ့စဉ် ရွတ်ဆိုသော ဆုတောင်း ပဌနာတော်များကို ရိုက်နှိပ်ထားသည်။ ၄င်းတို့မှာ-
    ၁။ ဂုဏ်ကျေးဇူးတော်နှင့်မေတ္တာ
    ၂။ ကောင်းကင်ဘုံမေတ္တာ
    ၃။ အားလုံးစုံကို မေတ္တာ
    ၄။ သနားခြင်း၏ မယ်တော်မေတ္တာ
    ၅။ ပညတ်တော် (၁၀)ပါးတို့ပါဝင်ကြသည်။

Read More...

Saturday, May 2, 2015

ခရီးအရှိန် မဆုံးသေးတဲ့ မီးအိမ်လေးတစ်လုံး (အပိုင်း ၃)


အခန်း(၅)
ဖန်မီးအိမ်သည် 
အမှောင်ထဲက လူသားများအား အလင်းပေးရန်ဖြစ်သည်။

ဆရာတင်မိုး၏ ဖန်မီးအိမ် ကဗျာမှ အောက်ပါအပိုဒ်ကို ရွေးထုတ် ဂုဏ်ပြုလိုက်ပါသည်။
"သူ့အဆင်းသည် 
နေမင်းပမာ၊ သော်တာအလား၊
မ၀င်းငြားလည်း၊ သူ့အားသူ့မာန်
သူပိုင်ဟန်ဖြင့်၊ သူသန်ရာမှ
ဤလောကကို
အလှဆင်လို ဟန်တကား၊"
ထိုနေ့က အဖဆရာတော်ကြီး ပေါလ်သည် မြစ်ကြီးနား စိန်ပက်ထရိတ် ကာသီဒြယ်ဘုရားကျောင်းထဲ၌ အာပတ်ဖြေ နေချိန်ဖြစ်သည်။ ညနေ (၅း၀၀) နာရီခန့် ဖြစ်မည် ထင်သည်။ ရဟန်းတော်တစ်ပါး အာပတ်ဖြေရာသို့ ရိုကျိုးစွာ ချဉ်းကပ်လာသည်။ ထူးတော့ ထူးတော့မည်ဟု ရိပ်မိလိုက်သည်။ ဘာများ ထူးမည်နည်း၊ "ဆရာတော်ဘုရား အရေးကြီးတဲ့ ဖုန်းခေါ်မှုတစ်ခု ရောက်နေပါသည်။ အမြန်ဆုံး လာရောက် ဆက်သွယ်ပါလို့ မှာထားပါကြောင်း ပြောလာသည်။ သွားရကောင်း မကောင်း ချီတုံချတုန်နှင့် မိမိဘာလုပ်ရမည်နည်း၊ ဘာလုပ်သင့် သနည်း။

တကယ်တော့ ဆရာတော်ကြီး ၀ါသနာ အပါဆုံး အလုပ်နှစ်မျိုးရှိသည် ဘာသာတူများထံ သွားရောက် လည်ပတ်ခြင်းနှင့် အာပတ်ဖြေ နားထောင်ခြင်းပင် ဖြစ်သည်။
ဆရာတော်ကြီးသည် (၁၉၇၆) ခုနှစ် ဆရာတော် သိက္ခာတင်ပြီး နောက်ပိုင်း နယ်လှည့်ခြင်းကို ပထမ ဦးစားပေး လုပ်ဆောင်ခဲ့သည်။ မိမိ၏ သိုးများထံ မရောက်အရောက် သွားနိုင်ခဲ့သည်။ မည်သူသည် ဆရာတော်ကြီးလောက် နယ်လှည့်ခဲ့ပါသနည်း။

အမှန်ပါသည်။ ဆရာတော်ကြီးသည် မြစ်ကြီးနားမှ ပူတာအိုသို့  ခြေလျင်ခရီး နှင်ခဲ့သူ ဖြစ်သည်။ လမ်းတစ်လျှောက်ရှိ ဘာသာတူ ရွာများသို့ တစ်ရွာဝင် တစ်ရွာထွက်ဖြင့် တစ်လ ကိုးသီတင်းကြာလည်း သူက မမှုခဲ့ပါ။ ဆရာတော်၏ အဓိက ပစ်မှတ်က ဘာသာတူ သိုးများကို တွေ့လိုခြင်းပင် ဖြစ်သည်။ မည်မျှပင် ချောင်ကျသည့်ရွာ ဖြစ်နေပါစေ၊ ဆရာတော်ကို မတွေ့ဖူး မမြင်ဖူးသူ မရှိခဲ့ပါ။ ထို့အတူ ဆရာတော် မရောက်ခဲ့သည့် နေရာဟူ၍လည်း မရှိခဲ့ပါ။ ခရီးထွက်ရန် ၀န်လေးနေသူ မဟုတ်- အမြဲ ပေါ့ပါး လန်းဆန်းနေ၏။

နောက်တစ်ခုကတော့ အာပတ်ဖြေနားထောင်ခြင်းပင် ဖြစ်သည်။ ဆရာတော်ပေါလ်၏ အာပတ်ဖြေခြင်းနှင့် ပတ်သက် မိန့်ချက်က ဒို့ရဟန်းတော်တွေရဲ့ အဓိက တာဝန်သည်၊ သိုးများ၏ ၀ိညာဉ်ရေး ဖြူစင်မှုပင် ဖြစ်သည်။ သင် ရဟန်းဘ၀ ခံယူခဲ့သော်လည်း အာပတ်ဖြေရန် ၀န်လေးနေပါက ကား ဒရိုက်ဘာက ကားမမောင်းသလိုမျိုးပင် ဖြစ်ပေမည်။ ထို့ကြောင့်လည်း မည်သည့်နေရာ ဒေသသို့ ရောက်သည့်တိုင် ဆရာတော်ကြီးသည် အာပတ်ဖြေ နားထောင်ရန် ၀န်မလေးသကဲ့သို့၊ မိမိ၏ ၀ိညာဉ်ရေးအတွက်လည်း အမြဲ အာပတ်ဖြေလေ့ရှိသည်ဟု လေ့လာသိရှိရသည်။

ဆရာတော်သည် အာပတ်ဖြေ နားထောင်နေရာမှထကာ တယ်လီဖုန်းရှိရာသို့ ခြေလှမ်းလိုက်သည်။ ထိုအချိန်က လူတိုင်း တယ်လီဖုန်းကို တွင်တွင်ကျယ်ကျယ် မသုံးနိုင်သေးချေ၊
"ဟဲလို-- ကျွန်ုပ် ဆရာတော်ပေါလ်ပါ။ အမိန့်ရှိပါ"
"ဟုတ်ကဲ့... ရဟန်းမင်း ကိုယ်စားလှယ် စကားပြောနေပါတယ်၊"
ဆရာတော်ပေါလ် ဘာဆက်ပြောရ- ဘာဆက်လုပ်ရမှန်း မသိလောက်အောင် ဖြစ်ခဲ့မိပါသည်။

"တစ်ချိန်က ဆရာတော် မိန့်ခဲ့ဖူးပါတယ်။ အခြား တစ်နေရာရာကို 
ပြောင်းမိန့်ပေးရင် ကြည်ကြည်သာသာနှင့် ပြောင်းပေးမယ်လို့ ပြောခဲ့ဖူးပါတယ်၊ ပြန် သတိရပါသလား၊- ဆရာတော့်ကို မန္တလေး ဆရာတော် အဖြစ် ပြောင်းရွှေ့ တာဝန်ပေးလိုပါတယ်-လက်ခံနိုင်မလား"တဲ့။

အခန်း(၆)
လာခြင်းကောင်းသော ဖန်မီးအိမ်လေး 

ကက်သလစ် သာသနာတော်၌ အသစ်တက်လာသော ပုပ်ရဟန်းမင်းကြီးများ၏ အဦးဆုံး မိန့်ခွန်းကို ကမ္ဘာကြီးက နားစွန့်သည်၊ စိတ်ဝင်စားကြသည်။

ပုပ်ရဟန်းမင်းကြီး ဒုတိယမြောက် ယောဟန်ပေါလူးက သူ့ရဲ့ ဗွေဆော် ဦးမိန့်ခွန်းတွင် မကြောက်ကြနှင့် ( Don't be afraid)ဟု မိန့်ဆိုခဲ့သည်။ လက်ရှိ ပုပ်ရဟန်းမင်းကြီး ဖရန်စစ်ကတော့  ငါ့အတွက် ဆုတောင်းပေးပါ (Please pray  for me)လို့ ဆုတောင်းခိုင်းပါတယ်။

ဆရာတော်ကြီး ပေါလ်ကလည်း မန္တလေးသာသနာသို့ ရောက်သည့် နေ့က မန္တလေးသာသနာမှ ရဟန်းတော်များအား မိန့်ခွန်း ချွေခဲ့သည်မှာ "သင်တို့က င့ါကို အစေခံရန် လာခြင်း မဟုတ်၊ ငါကသာ သင်တို့ကို အစေခံရန် လာခြင်းဖြစ်သည်"ဟု မိန့်တော်မူခဲ့ပါသည်။
ဆရာတော်ကြီးသည် မိမိအပြောနှင့် အလုပ်ကို ကိုက်ညီအောင် ပြုမူ နေထိုင် ကျင့်ကြံသူတစ်ဦး ဖြစ်သည်။ သူ့အား ဦးစားပေးမှုကို မလိုလားသူ၊ ကိုယ်ချင်းစာနာတတ်သူ ဖြစ်သည်။
ဖန်မီးအိမ်လေး တစ်နေ့တော့ လေပြင်းမုန်တိုင်း မိခဲ့ဖူးသည်၊ မီးတောင်လေးလဲ ယဲ့ယဲ့သာ ကျန်တော့သည်။ နှလုံးသွေး ကြောပိတ် ရောဂါတဲ့၊ ဆရာတော်ကြီးသည် မန္တလေး အပူကို မကြုံဖူးတော့ အနေရ အထိုင်ရ ခက်ခဲ နေမည်သာဖြစ်သည်။ အဲယားကွန်းဆိုသည့် အအေးပေးစက်ကို မသုံးသောကြောင့် ပူအိုက်သည့် ဒါဏ်ကို အလူးအလဲ ခံခဲ့ရသည်။ (Heat Stoke) ခေါ် အပူဒါဏ် ခံခဲ့ရသည်။

(၂၀၁၀) ခုနှစ် မတ်လ (၂၃)ရက်နေ့တွင် စင်္ကာပူနိုင်ငံ၌ သွေးကြော ပိတ်ခြင်းကို ခွဲစိပ်မှု ခံယူခဲ့သည်။ ထိုစဉ်ဆရာတော်နှင့် ပတ်သက်သော (Beloved  of Christ)၏ အယ်ဒီတာ ဖာသာထွန်းမြင့်၏ စကားဖေါ်ပြလိုက်ပါသည်။ 

လေးစား ချစ်ခင်ရပါသော စာဖတ်ပရိသတ်များ ခင်ဗျာ။
လောကမှာ လူတစ်ယောက်၏ တန်ဖိုး၊ တစ်စုံတစ်ခု၏ တန်ဖိုး၊ အတွေး အမြင်တစ်ခု၏ တန်ဖိုး-ရပ်တည်မှု တစ်ခု၏ တန်ဖိုးဟူသည်။ ထိုအရာ၏ အရာရောက်မှု၊ အသုံးဝင်မှုထက်၊ ၎င်းမရှိတော့မှ တမ်းတမှု၊ လွမ်းစွတ်မှု၊ အပေါ်မှာပိုပြီး မူတည်ပါသည်။(အားလစ်မေရီဟီလ်တန်)။
ယခုလည်း သည်အတိုင်းပင် ဖြစ်သည်။ ကျွန်ုပ်တို့၏ ဆရာတော်ကြီး ပေါလ် မိမိ၏ ကျန်းမာရေးကြောင့် စင်္ကာပူနိုင်ငံတွင် ဆေးကုသမှု ခံယူနေသည်ဟု ကြားတော့ စိတ်ပူမိသည်။ စိတ်လည်း မချမ်းသာမိပါ။
အကြောင်းကတော့ (၁) မန္တလေး ဆရာတော်ကြီး ဖြစ်နေသောကြောင့် ဖြစ်သည်။ (၂) ဒုတိယအနေဖြင့် ကျွန်ုပ်တို့၏ စာစောင် အရှိန်ရနေခြင်းက ဆရာတော်ကြီး၏ အဖွင့်အမှာစကားများက များစွာမှ တွန်းအား သက်ရောက် လှပါသည်။ ယခုတော့ ပိုမို သိသာလှပါသည်။ ဆရာတော်ကြီး၏ နေရာ ကွက်လပ်သည် အစားထိုး၍ မရသော နေရာတစ်ခု ဖြစ်နေသောကြောင့် ဖြစ်သည်။ အခါတိုင်း ပုံမှန် စာမူရနေစဉ်ကတော့ မသိသာလှချေ၊ ဆရာတော်ထံမှ စာမူ- မရနိုင်ဟု အသိက ကျွန်တော့်ကို အတော် ချိန်းခြောက်နိုင်ခဲ့ပါသည်။
ဆရာတော်ကြီးသည် အပြောနှင့်အလုပ် ညီညွတ်သူတစ်ဦးဖြစ်သည်။ မိမိက အစေခံအမှုကို ပြုတတ်သူ၊ မိမိက အစပြု ကူညီ ရိုင်းပင်းတတ်သူ၊ မိတ်ကောင်းဆွေမွန်တစ်ဦး၊ ယုံကြည် စိတ်အချရဆုံး ဘ၀ခရီး သွားဖေါ်တစ်ဦး၊ ဦးဆောင်မှု အပေးနိုင်ဆုံး ခေါင်းဆောင်ကောင်းတစ်ဦးလည်း ဖြစ်သည်။
သိုးထိန်းကောင်း ပီသသော ဆရာတော်ကြီး အမြန်ဆုံး ကျန်းမာ လာပါစေ၊ သာသနာ့ အမှုတော်ကိုလည်း အမြန်ဆုံး ပြန်လည် ထမ်းဆောင် နိုင်ပါစေကြောင်း ဆုမွန်ကောင်း တောင်းပေးလိုက်ပါသည်။
ဆရာတော်ကြီးအပေါ်
ဘုရားရှင်တော်မြတ် ကောင်းကြီး ပေးတော်မူပါစေ၊
ဘုန်းတော်ကြီး ဂေဗြီအယ် ဦးထွန်းမြင့် (R.V.A)

Read More...