Monday, July 7, 2014

ကမ္ဘာမြေအတွက် ဘုရားရှင်၏ လက်ဆောင် ပုပ်ရဟန်းမင်းကြီး ဖရန်စစ်

ကျွန်ုပ်တို့ လူသားများ၏ ဒုက္ခနှင့်သံသယများ မှုန်ဝါးနေသော ကမ္ဘာမြေပေါ်သို့ ဘုရားရှင်မှ အလင်းတန်းကြီး သဖွယ် အချိန်မှီ ပို့ပေးခဲ့သူမှာ ပုပ်ရဟန်းမင်းကြီး ဖရန်စစ်(စ်) အရှင်သူမြတ်ပင် ဖြစ်ပါသည်။ ဂျော့(ခ်ျ) မာရီယို(နာမည်ရင်း)သည် ဤနေရာနှင့် အလွန်ထိုက်တန်သော ပုဂ္ဂိုလ်ကြီးဖြစ်သည်။ ဆင်းရဲ ချမ်းသာအဆင့် အတန်း ကွာခြားလှသော လူ့လောကကြီးမှာ သူ၏ ချို့တဲ့လှသော ဒုက္ခသည်များအပေါ် ထားရှိသော မေတ္တာတရားသည်လည်း အလွန် ကြီးမားလှပါသည်။ ဘာသာစကား (၆)မျိုး ဖြစ်သော စပိန်၊ လက်တင်၊ အီတာလျံ၊ ဂျာမန်၊ ပြင်သစ်နှင့် အင်္ဂလိပ်စကားများကိုလည်း ကျွမ်းကျင်စွာ ပြောဆိုနိုင်သူ တစ်ဦး ဖြစ်သည်။ သူ၏ ယုံကြည်ခြင်းနှင့် လူသားတိုင်းအပေါ် ထားရှိသော ချစ်ခြင်းမေတ္တာတရားကြောင့် အခက်အခဲများနှင့် ရင်ဆိုင်နေရသော ကက်သလစ်အသင်းတော်ကြီး အတွင်းသို့ သန့်ရှင်းသော ၀ိညာဉ်တော်ဘုရား ကိုယ်တိုင် ထင်ထင်ရှားရှား ကြွလာတော်မူသည်ကို ခံစားကြရသည်။


သိပ္ပံပညာ အလွန် တိုးတက်လာပြီး ဘာသာရေး ယုံကြည်မှု အားနည်းလာသော ဥရောပနှင့် မြောက်အမေရိကတိုက်များသို့ ဘာသာရေး၏ အရေးပါပုံကို ပိုမို တိုးတက်စေရန် လုပ်ဆောင်ရန် ကြိုးစားအားထုတ် လာသည်ကို တွေ့ရှိရသည်။ ယခုခေတ်အခါမှာ နိုင်ငံတကာ၌ ဆင်းရဲ ချမ်းသာ ကွာဟမှု၊ လူသား အချင်းချင်း အနိုင်ကျင့် သတ်ဖြတ်မှုများ စသည့် လူ့အခွင့်အရေးဆိုင်ရာ ဆုံးရှုံးမှုများကို ဤရဟန်းမင်းကြီးမှ ပြန်လည် တည့်မတ် စောင့်ရှောက်ပေးနိုင်မည်ဟု ယုံကြည်ကြသည်။ သားဆက်ခြားခြင်း၊ ကိုယ်ဝန်ဖျက်ချခြင်း၊ လိင်တူပေါင်းသင်း နေထိုင်ခြင်းကိုလည်း တတ်နိုင်သ၍ ရှောင်ရှားကြရန် တိုက်တွန်း ကန်ကွက်လေ့ရှိသည်။ ရဟန်းမင်းကြီး ဖရန်စစ်(စ်)သည် အသက်အရွယ် ငယ်စဉ်ကပင် ခေါင်းဆောင် အရည်အချင်းရှိသူ တစ်ဦးဖြစ်သည်။ ရဟန်း သိက္ခာတော်ရပြီး (၅)နှစ်ပြည့်သောအခါ အာဂျင်တီးနားရှိ ယေဇူးအသင်းဂိုဏ်း၌ အမြင့်ဆုံး အုပ်ချုပ်သူ ဆရာတော်ကြီး အဖြစ် ခန့်အပ်ခြင်းခံရသည်။ အာဂျင်တီးနားနိုင်ငံ၏ ဂိုဏ်းအုပ်ဆရာတော် အဖြစ် (၁၅)နှစ်တိုင်အောင် ဦးဆောင် လမ်းပြနိုင်ခဲ့သည်။ ထို့အပြင် ကာဒီနယ်များ၏ ကောလိပ်နှင့် တစ်ကမ္ဘာလုံးဆိုင်ရာ ဆရာတော်ကြီးများ အဖွဲ့ချုပ် တို့မှာလည်း အဆင့်မြင့်မားသော အုပ်ချုပ်သူ ဆရာတော်ကြီးအဖြစ် ကြာမြင့်စွာ တာဝန် ထမ်းဆောင်ခဲ့သူ ဖြစ်သည်။ ရောမ ကက်သလစ်အသင်းတော်အတွင်း ချို့ယွင်းချက်များ တွေ့လျှင်လည်း မည်သူ့ကို မဆို ထိပ်တိုက် ရင်ဆိုင် ပြောဆိုရဲသည့် သတ္တိရှိသော ဆရာတော်ကြီး တစ်ပါး ဖြစ်သည်။ ရောမ ကက်သလစ်အသင်းတော် အတွင်း ရှေးရိုး ဆန်လွန်းမှု၊ ပွင့်လင်းမြင်သာမှု မရှိခြင်းတို့ကိုလည်း ညွှန်ပြပြီး၊
ဆန်းသစ် ပြောင်းလဲသော အတွေးအခေါ် ရှိသူများကိုလည်း လူအများကို သိသာစေခဲ့သည်။  သာသနာ့တာဝန်ကို ထမ်းဆောင် အုပ်ချုပ်နေသော သူ၏ ဆရာတော်ကြီးများကိုလည်း  အထူး လေးစားစွာ ဆက်ဆံတတ်ပြီး သူ၏ ချစ်ခြင်းမေတ္တာကို  ပြသတတ်သည်။  


ပုပ် ရဟန်းမင်းကြီးသည် ဆင်းရဲခြင်း ပါရမီကို ကျင့်ကြံသော အာဂျင်တီးနား ယေဇူးဂိုဏ်းဝင် ဘုန်းတော်ကြီးတစ်ပါး ဖြစ်နေခြင်းကလည်း ကျွန်ုပ်တို့ ကက်သလစ် အသင်းတော်အတွက် အင်အားကြီးတစ်ခု ဖြစ်စေပါသည်။ ကမ္ဘာ့တောင်ဘက်ခြမ်း လက်တင် အမေရိကန်နိုင်ငံရှိ  ကမ္ဘာ့ကက်သလစ် ဘာသာဝင်များ၏ (၅၀) ရာခိုင်နှုန်းကို ကိုယ်စားပြုထားသော ပုပ်ရဟန်းမင်းကြီး တစ်ပါးလည်း ဖြစ်ပါသည်။  စိန်အီညာစီအူး(စ်)၏  ၀ိညာဉ်ရေးရာ ကျင့်စဉ်များကို အမြဲ ကျင့်သုံးလာသော ရဟန်းတစ်ပါး ဖြစ်ခဲ့သည့်အတွက်လည်း ဥာဏ်ပညာနှင့် ပြည့်စုံသော၊  ပျော့ပြောင်း နူးညံ့သော၊ ရဟန်းတော်များ အချင်းချင်း အပေါ် မေတ္တာတရား ကြီးမားသော၊ အမှန်တရားအတွက် ကြောက်ရွံ့ခြင်း မရှိသော ရဟန်းမင်းကြီးတစ်ပါး ဖြစ်လာသည်။ ဘုရားရှင်၏ ကောင်းချီး မင်္ဂလာများကို ဖြန့်ဝေ ပေးနေသော ဤထူးခြားသော ပုဂ္ဂိုလ်ကြီးသည် ကျွန်ုပ်တို့၏ ဒဏ်ရာများနှင့် ပြည့်နှက်နေသော ကမ္ဘာမြေကြီး အတွက် မရှိမဖြစ် လိုအပ်နေသော ပုဂ္ဂိုလ်ကြီးပင် ဖြစ်သည်။ ထို့ကြောင့် ခရစ်ယာန်များ အားလုံး မှ ဤသန့်ရှင်းသော ၀ိညာဉ်တော်ဘုရား ကိုယ်တိုင် ရွေးချယ်ထားသော ပုပ်ရဟန်းမင်းကြီး အတွက် နေ့စဉ် ဆုတောင်းပေးဖို့ရာ မေတ္တာများစွာနှင့်  တိုက်တွန်း အပ်ပါသည်။

             Ref. Beloved of Christ .Vol.10.No.3 မှ Fr Robert Spiter S.J  ရေးသားမှုကို ဘာသာပြန် ဆိုသည်။
                                                               
ဘုရားရှင်၏ ကျေးဇူးတော်ကို အစဉ် ချီးမွမ်းလျက်
ကက်သလင်းခင်