Tuesday, December 10, 2013

ငွေသည် ချမ်းသာခြင်း၊ ငွေသည်ဆင်းရဲခြင်း


    လူတိုင်းလူတိုင်းဟာ မိမိရဲ့ဘ၀မှာတွေ့ ကြုံရတဲ့ စားဝတ်နေရေး ကိစ္စတွေအတွက် နေ့စဉ် လှုပ်ရှား သွားလာနေကြပါသည်။ အဲ့လို လှုပ်ရှားသွားလာရခြင်းရဲ့ အဓိက အကြောင်းအရင်းတစ်ခုကတော့ ငွေရရှိဖို့ အတွက်ပဲ ဖြစ်ပါတယ်။ ငွေသာလျှင် လူသားတွေ အတွက် အခြေခံအားဖြင့် စားဝတ်နေရေး ပြဿနာကို ဖြေရှင်းပေးနိုင်ပါသည်။ ငွေကို လိုတာထက် ပိုပြီး မက်မော တွယ်တာရင်တော့ဖြင့် အဲဒီသူအတွက် ငွေက သူ့ရဲ့ စိတ်ချမ်းသာမှုကို ပေးစွမ်းနိုင်တော့မှာ မဟုတ် သူ့အတွက် အန္တရာယ်ပင် ဖြစ်လာနိုင်ပါသည်။

    ပိုက်ဆံမရှိရင်လည်း လူလောကမှာ မျက်နှာငယ်ရတာ ကတော့ အမှန်ပဲ ဖြစ်ပါတယ်။ များသော အားဖြင့် ချမ်းသာမှ လူရာဝင်၊ လူရာ သွင်းချင်ကြပါတယ်။ အဲလိုဖြစ်ရပ် တွေ့ကြုံရဖန် များလာတဲ့အခါ (ဒါမှ မဟုတ်) လုပ်ငန်းတစ်ခုခုကိုလည်း ဇောက်ချလုပ်လိုတဲ့ စိတ်မရှိတဲ့ အခါမှာ ငွေရဖို့အတွက် အလွယ်လမ်းကို လိုက်ကြပါတယ်။ ဥပမာ ပြောရရင် သူများရဲ့ ဥစ္စာပစ္စည်းကို မတရား လုယူတာတို့ ၊ခိုးယူတာတို့နဲ့ အခြား  ဘယ်လိုနည်းနဲ့ပဲ ရရ ငွေရရင်ပြီးရော ဆိုပြီး စိတ်ရိုင်း တွေဝင်လာပြီး လမ်းမှားကို ရောက်ရှိသွားပြီး ပျက်စီး ကုန်ကြပါတယ်။

    ဘယ်လိုမှ နည်းလမ်းမကျပါပဲ “အနာသိမှ ဆေးရှိ" ဆိုသလို အခက်အခဲရှိရင် ဖြေရှင်းနိုင်မယ့် နည်းလမ်းရှိပါတယ်။   မိမိ ဘာကြောင့်      ဆင်းရဲရသလဲ၊  အလုပ်အကိုင် မကြိုးစားလို့လား  ၊
အချိန်ကို အကျိုးမဲ့ ဖြုန်းတီးနေလို့လား ၊ ထိုက်တန်တဲ့ လုပ်အားအတုပဲ ငွေ အလွယ် လိုချင်နေလို့လား ဆိုတာကို မိမိကိုယ်ကို ပြန်ဆန်းစစ်ရင် အဖြေ ပေါ်လာပါလိမ့်မယ်။ မှန်ကန်တဲ့ အဖြေကိုပဲ မှန်ကန်တဲ့ နည်းလမ်းနဲ့ ကြိုးစားလုပ်ကိုင်ရင်း   အခက်အခဲတွေ အားလုံးကို  သေသေချာချာ ဖြေရှင်းနိုင်ပါတယ်၊ မိမိ တွေ့ကြုံလာတဲ့ အခက်အခဲကို နည်းမှန် လမ်းမှန်နဲ့ ဖြေရှင်း ပေးရပါလိမ့်မည်။

    လောကမှာ လူအချို့ဟာ ကိုယ်လုပ်ချင်တဲ့ အလုပ်ကိုလုပ်ရရင် စိတ်ချမ်းသာကြတယ်။ ကိုယ်သွား ချင်တဲ့နေရာ သွားရရင် (ဒါမှမဟုတ်) ကိုယ်ဝတ်ချင် တာဝတ်ရရင် (ဒါမှမဟုတ်) ကိုယ်စားချင်တဲ့ အစားအစာတွေ စားရရင် စိတ်ချမ်းသာကြတာကတော့ အမှန်ပဲ ဖြစ်ပါတယ်။ ဒီလိုမှ မဟုတ်ရင်ဖြင့် ကိုယ်သွားချင်တဲ့ လမ်းလည်း မသွားရ၊ ကိုယ်စားချင်တာလည်း မစားရ ဆိုရင်ဖြင့်တော့ စိတ်ဆင်းရဲတော့ တာပါပဲ။ ဒါကြောင့် ငွေရှိရင်ပြီး ပြည့်စုံတဲ့ ဘ၀ကိုရောက်ပြီလို့ ယူဆတာဟာလည်း ပျက်စီးစေတဲ့ အကြောင်းအရင်းထဲမှာလည်း ပါဝင်ပါတယ်။

    လူသားတွေဟာ လောဘရဲ့ သားကောင်တွေ ဖြစ်နေတာကြောင့် များသောအားဖြင့် ချမ်းသာတဲ့သူတွေဟာ ပိုပြီး ချမ်းသာချင်ကြတယ်။ တစ်သိန်းရှိရင် နှစ်သိန်းလိုချင်၊ နှစ်သိန်းရှိရင် ဆယ်သိန်းလိုချင်၊ ကား တစ်စီးရှိရင် နှစ်စီးလိုချင်ပြန်ရော။ အဲဒီတော့ သူတို့တွေဟာ ငွေအတွက်ပဲ လုံးပန်းနေရတော့ ငွေရှိပေမယ့် သွားချင်တဲ့နေရာ မသွားရ၊ လွပ်လွပ်လပ်လပ် မနေရတော့ဘူး။ ငွေဟာ သူတို့ရဲ့ အပြင် လောကမှာ ချမ်းသာခြင်းကို ပေးနေပေမယ့် ငွေအတွက် သူတို့ရဲ့ စိတ်ဟာ အရမ်းကို ဆင်းရဲ နေကြပါတယ်။ ဒါကြောင့် ငွေဟာ လူတွေအတွက် ချမ်းသာခြင်းအကြောင်း ဖြစ်သလို ဆင်းရဲခြင်း အကြောင်းလည်း ဖြစ်လာပါတယ်။ အမှန်မှာ ငွေကြောင့် မိမိကိုယ်ကို အပျက်အစီးမခံပဲ သတိ တရားနဲ့ အလုပ်လုပ်ရပါမယ်။

    ငွေကို ချွေတာရမယ်။ စုဆောင်းရမယ်။ ငွေကို ရှာရင်လည်း သမ္မာအာဇီဝနည်းနဲ့ပဲ ရှာဖွေရပါမယ်။ ငွေကြေးကို ရှာဖွေရာမှာ ၀ီရိယ လိုအပ်ပေမဲ့လည်း ၀ီရိယတစ်ခုတည်းကို အားကိုးပြီးလည်း မရပါ။ ဉာဏ်လည်း လိုအပ်ပါတယ်။ ငွေအပေါ်လည်း စိတ်ထားတတ်ရပါမယ်။ 
ကျွန်ုပ်တို့တွေဟာ ငွေကိုရှာတယ် ပြီးရင် အဲ့ဒီငွေဟာ သုံးမခံဘူးလို့ များသောအားဖြင့် သိရှိ လက်ခံပြီး လိုက်နာ ကျင့်သုံးကြပါတယ်။ အမှန်မှာ ငွေကို ကျွန်ုပ်တို့ ရှာရမယ်။ ရှာလို့ရတဲ့ ငွေအချို့ကို အသုံးပြုပြီး အချို့ကို ထိထိရောက်ရောက် ရင်းနှီးမြှုပ်နှံမှု ပြုရမယ်။ ကျွန်ုပ်တို့တွေဟာ ထိထိရောက်ရောက် ရင်းနှီးမြှုပ်နှံမှုပြုရေး အပိုင်းမှာ အရမ်းကို အားနည်းနေတာ တွေ့ရပါတယ်။ ဖြစ်နိုင်ရင် ငွေကို သုံးခုခွဲပြီး သုံးစွဲသင့်ပါတယ်။ နံပါတ် တစ်အချက်ကတော့ အရင်းကို ထပ်ဖြည့်ပြီး လုပ်ငန်းတိုးချဲ့ဖို့၊ ဒုတိယအချက်ကတော့ စားဖို့နဲ့ လှူဒါန်းဖို့ ၊ တတိယအချက်ကတော့ သေရေးရှင်ရေးအတွက်ပဲ ဖြစ်ပါတယ်။

    ငွေက ချည်းမပေးနိုင်တဲ့အရာ ငွေနဲ့ ချည်းဖြေ ရှင်းလို့မရတဲ့ ကိစ္စတွေ အများကြီးရှိတာကိုလည်း သတိရသင့်ပါတယ်။ ငွေနဲ့ ပတ်သက်ပြီး မာကု (ဒဿန) ရေး သားထားတဲ့ ရှင်သန်ထိုက်သည့် လူ့ဘ၀စာအုပ်ထဲမှာ ရေးသားထားတဲ့ အကြောင်းအရာလေးအချို့ကို လူငယ်တွေကို ဝေမျှ ချင်ပါတယ်။ ပိုက်ဆံနဲ့ နူးညံ့တဲ့ အိပ်ရာ ၀ယ်နိုင်ပေမယ့်၊ အိပ်မက်ကောင်းကောင်းကိုတော့ မ၀ယ်ယူနိုင်ပါဘူး၊ ပိုက်ဆံနဲ့ ဇိမ်ကျကျနေနိုင်တဲ့ အိမ်ကို ၀ယ်နိုင်ပေမယ့်၊ ငြိမ်းချမ်းပျော်ရွှင်တဲ့ မိသားစုကိုတော့ ၀ယ်မယူနိုင်ပါဘူး။ ပိုက်ဆံနဲ့ နတ်သုဒ္ဒါမျှ ကောင်းတဲ့ ထမင်းပုံကို ၀ယ်နိုင်ပေမယ့် ကောင်းတဲ့ အရသာကိုတော့ ၀ယ်မယူနိုင်ပါဘူး။ ပိုက်ဆံနဲ့ လေယာဉ်လက်မှတ်တစ် စောင်ဝယ်နိုင်ပေမယ့်၊ ကောင်းကင်ဘုံ (ချမ်းသာစစ် သုခမှန်) လက်မှတ်တစ်စောင်ကိုတော့ မ၀ယ်နိုင်ပေဘူး။ ပိုက်ဆံနဲ့ ကိုယ်လိမ်းပေါင်ဒါ၊ မျက်နှာလိမ်း မိတ်ကပ် ရောင်စုံဝယ်နိုင်ပေမဲ့ နူးညံ့သိမ်မွေ့ပြီး ကြင်နာတတ်တဲ့ နှလုံးသားတစ်ခုကိုတော့ ၀ယ်မယူနိုင်ဘူး။ ပိုက်ဆံနဲ့ သိန်းသန်းချီတဲ့ စာအုပ်တွေ ၀ယ်နိုင်ပေမယ့်၊ ဉာဏ်ပညာကိုတော့ ၀ယ်မယူနိုင်ပေဘူး။ ပိုက်ဆံနဲ့ အချိုဆုံး သကြားလုံးကို ၀ယ်နိုင်ပေမယ့်၊ အချိုသာဆုံး နှလုံးသားကို ၀ယ်မယူနိုင်ဘူးလို့ ရေးသားထားပါတယ်။

    ဒါကြောင့် လူငယ်များလည်း ငွေသည် ချမ်းသာခြင်းပေးသလို၊ ဆင်းရဲ ပင်ပန်းခြင်းကိုလည်း ပေးနိုင်တယ်ဆိုတဲ့ သတိတစ်ခုထားရှိပြီး လိမ္မာ ပါးနပ်စွာနဲ့ ငွေကို အကျိုးရှိစွာ အသုံးချပြီး လောက လူ့ဘ၀ကို ဆက်လက် ရုန်းကန်သွားနိုင်တဲ့ လူငယ်မောင်မယ်လေးများ ဖြစ်နိုင်ကြပါစေ၊

                   စန်းသွယ်အေး



Read More...

Friday, December 6, 2013

ဘာကြောင့် မေလကို စိတ်ပုတီးလလို့ သာသနာတော်က သတ်မှတ်ပေးထားတာလဲ။

    ဒီတစ်ပတ်မှာဖြေကြားပေးရမယ့် မေးခွန်းလေးကတော့ “ဘာကြောင့် မေလကို စိတ်ပုတီးလလို့ သာသနာတော်က သတ်မှတ်ပေးထားတာလဲ။

    မေလကို စိတ်ပုတီးလလို့ အမိကက်သလစ် သာသနာတော်ကြီးက သတ်မှတ်ပေးမထားပါဘူး။ သို့ သော် သာသနာတော်အတွင်းမှာတော့ May is the month of Mary မေလကို မာရီးယားသခင်မရဲ့ လဆိုပြီး မယ်တော်ရှင်ကို သဒ္ဓါ ကြည်ညိုထားတာပါ။  စိတ်ပုတီးကို Mini-bible (သမ္မာကျမ်းစာငယ်)လို့ ခေါ်ပါတယ်။ စိတ်ပုတီးစိပ်ခြင်းဟာ ခရစ်တော်ဘုရားရှင် ပြုတော်မူခဲ့တဲ့ ကယ်တင်ခြင်း သမိုင်းတစ်ခုလုံးကို ပြန်လည်ထောက်ရှု ဆင်ခြင်တဲ့ ဆုတောင်းမေတ္တာ ဖြစ်ပါတယ်။ 
ဒါကြောင့် စိတ်ပုတီးဟာ မယ်တော်သခင်မရဲ့ အနှစ်သက်ဆုံး ဆုတောင်း မေတ္တာဖြစ်တဲ့အတွက် မယ်တော်နဲ့ စိတ်ပုတီး ခွဲမရသလို မယ်တော်ရှင်ရဲ့ မေလမှာလည်း စိတ်ပုတီးစိပ်ခြင်းနဲ့ မယ်တော်ရှင်ကို သဒ္ဓါကြည်ညိုခြင်း အမှုဟာ ခွဲခြားပစ်လို့မရတဲ့ အတွက် ဘာသာဝင်တွေရဲ့ မနောထဲ၊ သဘောထဲမှာ စိတ်ပုတီးလလို့ သတ်မှတ်ထားခြင်းမျှသာ ဖြစ်ပါတယ်။ တကယ် အမိ ကက်သလစ်သာသနာတော်ကြီးက စိတ်ပုတီးလ အဖြစ် သတ်မှတ်ပေးထားတဲ့လ ကတော့ အောက်တိုဘာလ ဖြစ်ပါတယ်။ October is the month of the Holy Rosary အောက်တိုဘာလဟာ သန့်ရှင်းသော စိတ်ပုတီးလ ဖြစ်ပါတယ်။ ခရစ်သက္ကရာဇ် ၁၈၇၈ ၁၉၀၃ ခုနှစ်များအကြားတွင် သာသနာတော်ကို အုပ်ချုပ်တော်မူခဲ့တဲ့ သာသနာပိုင်ချုပ် (၁၃)ဆက်မြောက် ပုပ်ရဟန်းမင်းကြီး လေအိုအရှင်သူမြတ်က “စိတ်ပုတီးနဲ့ ကက်သလစ်မိသားစုများရဲ့ အိမ်ထောင်စု စိတ်ပုတီး စိပ်ခြင်းနဲ့ ပတ်သက်တဲ့” (၁၃)ခုမြောက် စာချွန်တော်ကို ရေးသား ထုတ်ပြန်တော်မူခဲ့ပြီး အဲ့ဒီ စာချွန်တော်ထဲမှာ -The month of October has been speci- ally selected as the ''Month of the Rosary'' and the feast of the Holy Rosary is now celebrate on the 7th of this month အောက်တိုဘာလကို စိတ်ပုတီးလအဖြစ် အထူး ရွေးချယ်လိုက်သည်။ ဤ စိတ်ပုတီးပွဲတော်ကိုလည်း ဤလရဲ့(၇) ရက်နေ့ ရောက်တိုင်း ကျင်းပလျက်ရှိနေသည်” တဲ့။ နှစ်စဉ် အောက်တိုဘာလ (၇)ရက်နေ့ကို စိတ်ပုတီးပွဲတော်နေ့ အဖြစ် ပေါ်ပေါက်လာရပုံမှာ ခရစ်သက္ကရာဇ် ၁၅၇၁ ခုနှစ် အောက်တိုဘာလ (၇)ရက်နေ့တွင် ခရစ်ယာန်များနှင့် တူရကီလူမျိုးများ လေပန်းတို ရေကြာင်းတိုက်ပွဲမှာ ရဟန်းမင်းကြီးရဲ့ နှိုးဆော်ချက်အတိုင်း  ကမ္ဘာတစ်ခွင်မှာ ရှိနေတဲ့ ခရစ်ယာန်များရဲ့ စိတ်ပုတီးစိပ် ဆုတောင်းခြင်း၊ ခရစ်ယာန် စစ်သားများကလည်း တစ်ညလုံး စိတ်ပုတီးစိပ်ကာ ဆုတောင်းမေတ္တာဖြင့် ပြင်ဆင်ခဲ့ကြလျက် သုံးချိုး တစ်ချိုး စစ်အင်အားသာ ကျန်တော့တဲ့ ခရစ်ယာန်ဘက်မှ စစ်သားများဟာ ခံစစ်အဖြစ် တိုက်ခိုက်ခဲ့ရာ အင်အားနှစ်ဆမျှ ပို၍ ကြီးမားတဲ့ တူရကီတပ်များ အရေးနိမ့်ကာ စိတ်ပုတီးတန်ခိုးဖြင့် ခရစ်ယာန်များတိုက်ပွဲ အောင်လံ လွှင့်ထူနိုင်ခဲ့ပါတယ်။ စိပ်ပုတီး တန်ခိုးတော်နဲ့ ခရူးဆိတ် ဘာသာရေးစစ်ပွဲကြီးကို အောင်လံ လွှင့်ထူနိုင်ခဲ့တဲ့ အောက်တိုဘာလ (၇)ရက်နေ့ကို ထိုစဉ်အခါ ခရစ်သက္ကရာဇ် (၁၅၆၆) ခုနှစ်မှ (၁၅၇၂) ခုနှစ်အတွင်း သာသနာတော်ကို အုပ်ချုပ်တော်မူခဲ့တဲ့ သာသနာပိုင်ချုပ် ပုပ်ရဟန်းမင်းကြီး ပဉ္စမမြောက် ပီဦး အရှင်သူမြတ်မှ အလွန်သန့်ရှင်းသော စိပ်ပုတီးပွဲတော်နေ့ အဖြစ် နှစ်စဉ် ကျင်းပသွားကြရန် သတ်မှတ် ပေးတော်မူခဲ့ခြင်း ဖြစ်ပါတယ်။

    မေလဟာ ဘယ်လိုလုပ် မာရီယားသခင်မရဲ့ လဆိုပြီး သဒ္ဓါကြည်ညိုခြင်း ဖြစ်လာခဲ့ရတာလဲ။ အခြေခံအားဖြင့် အချက် (၃)ချက် ရှိပါတယ်။ ပထမအချက် အနေနဲ့ May is the month of blossoms, flowers and new life မေလသည် သစ်ပင်ပန်း မာလာများ ပွင့်ဖူးသောလ၊ ရွက်သစ်ခက်သစ်များ ထွက်သော လ၊ ဘ၀သစ်ဖြင့် ရှင်သန်လာသောလ ဖြစ်ပါတယ်။ ဥရောပတိုက်မှာ ဆောင်းတွင်း
တစ်လျှောက်လုံးမှာ ဆီးနှင်းများ ထူထပ်စွာ ဖုံးလွှမ်းပြီး အအေးဒဏ် ပြင်းထန်လွန်းလို့ သဘာဝတစ်ခုလုံး အသက်မဲ့တဲ့ ဘ၀ရောက် သွားသည့်အလား ဖြစ်ရှိနေသောကာလ ဖြစ်ပါတယ်။ သစ်ပင်ပန်းမာလာများဟာ အရွက် မရှိ၊ ပန်း မရှိ အရိုး ပြိုင်းပြိုင်း ခါး ကိုင်းကိုင်း သဏ္ဍာန်သို့ ရောက်ချိန်ဖြစ်ပါတယ်။ ဆောင်းအကုန် နွေအကူး၊ မအေးလွန်း မပူလွန်းတဲ့ မေလမှာ သစ်ပင်ပန်းမာလာများဟာ ရွက်နုတွေဝေ၊ ပန်းတွေဝေနဲ့ အရည်ရွှမ်း နုထွား မြိန်ယှက်ဖွယ် ကောင်းတဲ့ သီးနှံများ သီးလာချိန် သတ္တ၀ါအများ ပျော်မြူးပြီး ကမ္ဘာတစ်ခုလုံး အသက်ပြန် ၀င်လာချိန် ဖြစ်ပါတယ်။ ဒီလို နှစ်လိုအားရဖွယ် အရမ်းကောင်းတဲ့ မေလဟာ မယ်တော်ရဲ့ အသက်တာနဲ့ ဆက်စပ်လာပါတော့တယ်။  မယ်တော်ဟာ ဘုရားဖန်ဆင်းခံ သတ္တ၀ါထဲမှာ အလှဆုံး လက်ရာ၊ အပြောင်အမြောက်ဆုံး ပန်းတစ်ပွင့် ဖြစ်ပါတယ်။ မယ်တော်အားဖြင့် ထာဝရအရှင် ဘုရားသခင်ဟာ ဒီလောကကြီးထဲသို့ ကယ်တင်ခြင်းနဲ့ အသက်ကို ပို့ဆောင်ပေးခဲ့ပါတယ်။ မယ်တော်အားဖြင့် သီးပွင့်လာတဲ့ ကယ်တင်ရှင် ခရစ်တော်သခင်ကို လူသားတွေ ရရှိခြင်းအားဖြင့် ဘ၀အသစ် အသက်တာသစ်နဲ့ ရှင်သန်လာနိုင်ခြင်း ဖြစ်ပါတယ်။ သေနေတဲ့ ကမ္ဘာမြေကြီး မယ်တော်အားဖြင့် ခရစ်တော်၌ ရှင်သန် နုပျိုအသက်ဝင်လာရပြန်လို့ မေလကို မယ်တော်မာရီးယားရဲ့ လအဖြစ် လူတွေရဲ့ ဘ၀ထဲမှာ သတ်မှတ်လျက် သဒ္ဓါကြည်ညိုလာခြင်း ဖြစ်ပါတယ်။

    ဒုတိယ အချက်အနေနဲ့ May is the month of the Easter season မေလဟာ အီစတာ အခါတော်သမယရဲ့လ ဖြစ်တယ်။ အမိ သာသနာတော်ကြီးက ပါစကားနက်နဲရာ အကျိုးဆက်များကို ထောက်ရှု စဉ်းစားနိုင်ဖို့အတွက် ဘာသာဝင် သားသမီးများကို ရက် (၅၀)တိတိ ပေးထားပါတယ်။ လူသားအားလုံးရဲ့ ကယ်တင်ခြင်းဟာ ခရစ်တော်၌ ခရစ်တော်အားဖြင့် ဖြစ်ပါတယ်။ ဒီလို အီစတာ၊ ပါစကား အခါသမယမှာ ကျွန်တော်တို့ အားလုံးကို ကောင်းကင်နိုင်ငံတော်ရဲ့ အသစ် ပြုပြင်ခြင်းခံရသော သားသမီးများအဖြစ် ပြောင်းလဲပေးတော်မူတဲ့ သေခြင်းမှ ရှင်ပြန်ထမြောက်တော်မူသော သခင်ရဲ့
တန်ခိုးတော်ကို ကမ္မဌာန်း ရှုကြရပါတယ်။ အထူးသဖြင့် ကယ်တင်ခြင်းကို ပြည့်ဝ စုံလင်စွာ အခံရဆုံးသော ပုဂ္ဂိုလ်ကတော့ မယ်တော်မာရီယားဘဲ ဖြစ်ပါတယ်။ မယ်တော်နဲ့ မေလရဲ့ ဆက်နွယ်မှုက မယ်တော်နဲ့ အီစတာ၊ မယ်တော်နဲ့ သားတော်ရဲ့ ကယ်တင်ခြင်းအမှု စတဲ့ ဆက်နွယ်မှုများကို မာရီယားသခင်မရဲ့ မေလက မီးမောင်း ထိုးပြနေပါတယ်။ မယ်တော်ရဲ့ နှစ်လို အားရဖွယ်ကောင်းတဲ့ ပြည့်စုံတဲ့ ဘ၀ဟာ ခရစ်တော်ဘုရားရှင်ရဲ့ ကယ်တင်ခြင်း အမှုတော်မှ သီးပွင့်လာကြောင်း ဖော်ပြလိုတဲ့ အတွက် ပါစကားပွဲတော် အကြို သုံးရက်ကို ခမ်းနားစွာ အမိအသင်းတော်ကြီးက ကျင်းပစေခြင်း ဖြစ်တယ်။ ဒါ့ကြောင့် မေလကို မာရီယား သခင်မရဲ့လအဖြစ် သတ်မှတ်ပေးခြင်း ဖြစ်ပါတယ်။

    တတိယ အချက်အနေနဲ့ Comparison between Maia and Maria မာအီးယဆိုတဲ့ နတ်ဘုရားမနဲ့ မာရီယားသခင်မတို့ နှိုင်းယှဉ်ချက်ပဲ ဖြစ်ပါတယ်။ “မေ”လို့ခေါ်တဲ့ မေလဟာ မာအီးယားလို့ခေါ်တဲ့ နွေဦး ဘုရားမရဲ့ နာမည်ကနေ ဆင်းသက်လာပါတယ်။ ဂရိ ဒဏ္ဍာရီ ပုံပြင်အရ မာအီးယားဟာ ဟားမက်စ်လို့ ခေါ်တဲ့ စေတမန် နတ်ဘုရားရဲ့မယ်တော် ဖြစ်တယ်။ အထူးသဖြင့် စိုက်ပျိုးရာ နွေဦးကာလမှာ အသီးအနှံတွေ အောင်မြင်ဖို့ အဲ့ဒီ မာအီးယားကို ပူဇော် ပသကြရပါတယ်။ မာအီးယားကို ယုံကြည်သူတွေဟာ နောက်ပိုင်းမှာ ယုံကြည်ခြင်း ဆုကျေးဇူးရရှိလာပြီး ခရစ်ယာန်တွေဖြစ် လာကြတော့ နတ်ဘုရားမ မာအီးယားနေရာမှာ ဘုရားရှင်ရဲ့ မယ်တော် မာရီယားကို အစားထိုး လိုက်ခြင်းဖြစ်တယ်။ မာအီးယားဟာ ဟားမက်စ်လို့ ခေါ်တဲ့ စေတမန် နတ်ဘုရားရဲ့ မယ်တော်ဖြစ်သလို  မာရီယားသခင်မ ဟာ ကောင်းကင်မှ ခမည်းတော် ဘုရားရှင်ရဲ့ လောကသို့ စေလွှတ်ခြင်း ခံရတဲ့ စေတမန် ဘုရားရှင်ဖြစ်တဲ့ ယေဇူး ခရစ်တော်ရှင်ရဲ့ မယ်တော် ဖြစ်တော်မူပါတယ်။ မေလကို ရှေးခေတ် နတ်စားတွေက မာအီးယားကို အပ်နှံခဲ့သလို ခရစ်ယာန်တွေက မေလကို မာရီယားသခင်မ လက်တော်ထဲ အပ်နှံလိုက်ကြခြင်း ဖြစ်ပါတယ်။ သူတို့တတွေ မာအီးယား နတ်ဘုရားမကို ပူဇော် ပသခြင်း ပြုလာခဲ့ကြသလို သူတို့အားလုံး ခရစ်ယာန်တွေလည်း ဖြစ်လာကြတော့ မာအီးယား အစား  မယ်တော် မာရီယားကို မွေးကြိုင်သော ပန်းများဖြင့် မေလ၌ ပန်းကပ်လှူကြခြင်း အားဖြင့် မယ်တော်မာရီယားကို ဂုဏ်ပြုလာခဲ့ကြခြင်း ဖြစ်ပါတယ်။ ဒါ့ကြောင့် မေလဟာ မာရီယားသခင်မရဲ့ လဖြစ်ပေါ်လာခဲ့ရသလို အောက်တိုဘာလဟာ စိတ်ပုတီးလ အဖြစ် အမိ ကက်သလစ် သာသနာတော်ကြီးက သတ်မှတ် ပေးထားပါကြောင်း ဖြေကြား လိုက်ရပါတယ်။ ဘုရားရှင် ကောင်းချီးပေးပါစေ။

                                                                                         ဘုန်းဘုန်း ဒိုးမနစ် ဦးဂြိုဟ်တု

Read More...

Monday, December 2, 2013

ချစ်လျှက်ပါကွယ် ချစ်သူရယ်


    အတူပျော်ခဲ့နေ့ရက်တွေ
    နင်လေမေ့လို့ နေပြီး
    ဒုက္ခများတဲ့ ငါ့အနား
    နင်စိတ်ပြောင်းပြီး ထွက်ခွါသွားခဲ့တယ်နော်။    ။
    အဖော်မပါ တစ်ယောက်သာမို့
    ငါ အထီးကျန်ဖြစ်နေပြန်လဲ
    နင်လေဝေးရာထားခဲ့ ရှာတယ်နော်။    ။
    ချွေးအစားသွေးကျသွားအောင်
    ငါ့အချစ်တွေပေးလို့နေလည်း
    မချိုမြိန်အနမ်း နင်ပေးကမ်းပြီး
    ငါ့ဘ၀အား နင်ဖျက်ဆီးသွားရက်တယ်နော်။    ။
    ဒဏ်ရာတွေ ဗလပွနဲ့
    အကြင်နာတွေ ငါပြခဲ့လည်း
    နင် ငါ့အဝေးထွက်လို့ ပြေးတယ်နော်။    ။
    ငါချစ်တဲ့သူရယ်.............
    နင့်ရဲ့ အချစ်ပြောင်းလဲပစ်လည်း
    ငါလေချစ်တာ နင့်ကိုသာမို့
    ပေးဆပ်သူရဲ့ နှလုံးသား
    ဒဏ်ရာတွေဖြစ်နေငြားလည်း
    ကာလ်ဝါရီ လမ်းတစ်လှမ်းချင်းလှမ်းပြီး
    ငါ့အသက်ကိုစတေး အချစ်တွေပေးခဲ့ပါတယ်...........

                    J. လမင်းလေး

Read More...