Thursday, October 11, 2012

စိန်ပီတာ၏ သံကြိုးကြီးများ

ကျွန်ုပ်တို့ ကက်သလစ် ခရစ်ယာန်အသင်းတော် မှ ရဟန္တာ အားလုံးတို့၏ အထွတ်အမြတ် (အိမ်ရှေ့မင်းသား) ဟုညွှန်းဆို ခံရသော ရဟန္တာကြီးစိန်ပီတာသည်အ သက်ရှင်စဉ်    ကာလက၊ ဘုရားရှင် ၏ကောင်းသတင်းများ ဟောကြားခဲ့ခြင်းကြောင့်ရောမ အကျဉ်းထောင်ကြီးများထဲသို့ အကြိမ်ကြိမ် အကျဉ်းကျခံ ခဲ့ရရှာသည်။ ထောင်ထဲတွင် လည်းလေးလံသော ကြီးမားသော သံကြိုးကြီးများ အနက်၊ ပျက်စီး ယိုယွင်းခြင်းမရှိသော ထူးခြားသောသံကြိုးကြီး တစ်စုံကို ၊ရှေးဦး ခရစ်ယာန်များ၏ ထိန်းသိမ်းစောင့်ရှောက်ခဲ့ခြင်းကြောင့် ယနေ့တိုင် အ ကောင်းပကတိ ကျန်ရှိနေပါသည်။ ယနေ့တိုင် ရောမမြို့တော်ရှိ စိန်ပီတာအက်(ဒ်)ဗင်ကူလာ ဘုရားကျောင်းတော်ကြီး၌ အလေးအ မြတ် ထိန်းသိမ်း ထားပါသည်။
 
ရှေးရောမခေတ် ဘုရင်များ၏ ခမ်းနားသော တော်ဝင်ရေချိုးခန်းကြီး များဖြစ်သောတြာဂျန် ခန်းမဆောင် (Trajan's baths) ကြီးများ  အပေါ်၌ ငုံလျက် ဤဘုရားကျောင်းတော်ကြီးကို တည်ဆောက် ထားပါသည်။ ၅ ရာစုနှစ် အလယ်ပိုင်းလောက်တွင်ရောမ မင်းသမီးယူ ဒေါ့စီးယား (Eudoxia) မှပြန်လည်၍ ခန်းနား လှပစွာ မွမ်းမံပြင်ဆင်ခဲ့သောကြောင့် ဤဘုရား ကျောင်းကြီးကို ထိုစဉ်က ယူဒေါ့စီးယားဘုရား  ကျောင်းဟုခေါ်တွင် ခဲ့ကြသည်။

သြဂုတ်လ (၁)ရက်နေ့ သည်ရှေးအခါကရောမနတ်ဘုရားများ၏ ပွဲနေ့ဖြစ်ခဲ့သော်လည်းရောမ ဘုရင်ကြီး သြဂတ်(စ်)တပ်(စ)လတ် တက်ရောက်သော အခါ တရားတော်အတွက် အသက်ပေးသွားသော သူ တော်စင်ကြီး စိန်ပီတာအတွက် ဤနေ့ကို ပွဲနေ့ အဖြစ် အစားထိုး သတ်မှတ်ပေးခဲ့ပါသည်။ အဘယ် ကြောင့် ဆိုသော် စိန်ပီတာသည် ကက်သလစ် အသင်းတော်၏ ပထမဆုံးသောရောမပြည်၏ ဂိုဏ်းချုပ် ဆရာတော်ကြီးဖြစ်သောကြောင့်ဖြစ်ပါသည်။ စိန်ပီတာသည်ရောမပြည်တွင်း၌ သာမက အိမ်နီးချင်းနိုင်ငံများသို့ လိုက်လံ၍ ဘုရားရှင်၏ဒေသနာတော်ကိုဟောကြားခဲ့ခြင်းကြောင့် လူအများ၏ ချစ်ကြည်လေးစားမှုကို ခံရသည်။ သူ၏ဟောကြား ချက်များကြောင့် ခရစ်ယာန်များ ပိုမို တိုးပွားလာခဲ့သည်။ 

ထို့ကြောင့် နတ်ဘုရားကို ကိုးကွယ်သော ရောမဘုရင်တို့သည် အကြိမ်ကြိမ် စိန်ပီတာကို အကျဉ်းထောင် အတွင်းသို့ ထည့်သွင်း ချုပ်နှောင်ခဲ့ကြသည်။ သည့်နောက်လေးလံသော သံကြိုးကြီးများနှင့် ချီနှောင်ခါ ရိုက်နှက်နှိပ်စက် ခဲ့ကြသည်။နောက်ဆုံး ရက်စက်စွာသေဒါဏ်ပေးလိုက် ကြသည်။ စိန်ပီတာကို ချုပ်နှောင်ခဲ့သော သံကြိုးကြီးသည် အခိုင်အခန့်ပြုလုပ်ထားပြီးနှစ်ပိုင်း ခွဲခြား   ထားသည်ကိုတွေ့ရသည်။    အပေါ်ပိုင်း လက်ကို ချုပ်နှောင်သော သံကြိုးကြီး၌ သံကွင်းကြီးပေါင်း ဆယ့်တစ်ကွင်း ပါရှိသည်။ ထို သံကွင်းကြီးများ၏ အရင်းပိုင်းကိုခြေထောက်သို့ရောက်အောင် သံကွင်းငယ်(၂၃)ကွင်းနှင့် ချိတ်ဆက် ထားပါသည်။ ထိုသံကြိုးရှည်ကြီး၏ ထိပ်ဆုံး၌ လည်ပင်းကို စွပ်ထားရန် ထက်ဝက်ခန့် ပွင့်နေသော လခြမ်းပုံ သံကွင်းကြီးတစ်ခုကို ထိပ်ဆုံး၌ တပ်ဆင်ထားပါသည်။ ထိုသံကွင်းကြီး ကိုခြေနှင့် လက်များကို ချုပ်နှောင်ထားသော သံကြိုးကြီးများနှင့် အခိုင်အခန့် ဆက်နွယ်တုတ် နှောင် ထားပါသည်။ ထို့ကြောင့်ပင် ဤတောင် ကြီး၌ အကျဉ်းကျခံရသူများသည် မည်သို့မျှ ထွက်ပြေး၍ မရတော့ပါ။ သို့သော် တစ်ခါက ရဟန္တာကြီး စိန်ပေါ(လ်)အားသံကြိုးနှင့် ချည် နှောင်ထားစဉ်သူ၏ ဆုတောင်းခြင်း၊ အနစ်နာခံခြင်းနှင့် လူအများအတွက်လောက၌ ထူးကဲစွာ အကျိုးတော်ဆောင် ရဦးမည်ကိုဘုရားရှင်မှ သိမြင်သောကြောင့်ကောင်းကင် တမန် တော်များကိုစေလွှတ်ခါ ထိုသံကြိကြီးများကိုဖြေလွှတ်လိုက်ပြီး အကျဉ်းထောင်ထဲမှ လွတ် မြောက်စေခဲ့သည် ။ရှေးအစဉ် အဆက်မှ စတင်၍ ရဟန်းမင်းကြီးများသည် ဤသံကြိုး များမှဆွေးမြေ့ ကျိုးကြေ သွားသော အစအန လေး များကို ရိုသေစွာ သိမ်းဆည်းထား လေ့ရှိသည်။ စိန်ပီတာ၏ကောင်းကင်နိုင်ငံ တံခါးကိုစောင့်ရှောက်သော အထိမ်းအမှတ်အ ဖြစ်ရွှေသော့လေးများနှင့် တွဲလျက်၊ ကက်သလစ်နိုင်ငံ၏ခေါင်းဆောင်ကြီးများ၊ ရှင်ဘုရင်နှင့်တော်ဝင်မင်း မျိုးမင်းနွယ်များကို အန္တရာယ်ကင်း လက်ဆောင်မွန် အဖြစ်ပေးပို့လေ့ရှိသည်။ တစ်ခါ တစ်ရံရွှေလက်စွပ်များနှင့် လက်ဝါးကပ်တိုင်ပုံများထဲ၌ ထည့်သွင်း ဌာပနာပြီးလျှင် ဘုရားရှင်၏ အဆောင်များအဖြစ်ပေးပို့ လေ့ရှိသည်။ ကက်သလစ်အသင်းတော်မှ ဘုရားရှင်၏ တပည့် တော်ကြီးဖြစ်သော ရဟန္တာကြီးစိန်ပေါ(လ်)ကို ချည်နှောင်ခဲ့သော သံကြိုးကြီး၏ အပိုင်း လေးပိုင်း(သံကွင်းလေးကွင်း)ကိုလည်း စိန်ပီတာ၏ သံကြိုးကြီးနှင့်တွဲလျက် ချဉ်နှောင်ထားပါ  သည်။ ထို့ကြောင့် ဤကျောင်းတော်ကြီးကို စိန်ပီတာနှင့်စိန်ပေါ(လ်)တို့၏ အမည် နာမနှစ်မျိုးနှင့် ညွှန်းဆိုခေါ်ဝေါ် ခဲ့ကြသည်။ ဤကျောင်းတော်ကြီး အတွင်း၌ပင်ရှေးဦး ဓမ္မအာဇာနည်ကြီး(၇) ပါးနှင့် ၎င်းင်းတို့၏ မိခင်ကြီး၏ ဓါတ်တော်မွေတော်များကို မြှုပ်နှံထားပါသည်။ ထိုဓမ္မ အာဇာနည်မိသားစုကို (၁၅၀ဘီစီ)၌ရောမဘုရင် အင်တီယိုးကပ်(စ)အယ်ပီဖိန်း(စ်)မှ ခရစ်တော်၏ တရားတော်များကို ကိုယ်တိုင် ကိုးကွယ်ဆည်းကပ်ကြခြင်းသာမက ၊ပြန့်ပွားစေရန် လှည့်လည်ဟောကြားခဲ့ခြင်းကြောင့် ကွပ်မျက်ခြင်း ခံခဲ့ကြရသည်။
    ထို့ကြောင့် ဤစိန်ပီတာ၏ သံကြိုးကြီးများကို ဓါတ်တော်မွေတော်အဖြစ် ကြည်ညိုစွာ စောင့်ရှောက် သိမ်းဆည်းထားသော ဤကျောင်းတော်ကြီးသည် ကျွန်ုပ်တို့ ကက်သလစ် ခရစ်ယာန်များအတွက် အထူး မွန်မြတ်စွာအားထားရာ၊ ဆုတောင်းရာ ထူးခြားသော ဘုရား ကျောင်းတော်ကြီးဖြစ်ပါသည် ။နေ့စဉ် ကမ္ဘာအရပ်ရပ်မှလေ့လာသူများ၊ ဘုရားဖူးကြွလာ သူသိန်းနှင့် ချီ၍ ရှိနေကြောင်း သိစေအပ်ပါသည်။

                        ဘုရားရှင်ကိုထာဝရအစေခံလျက်
                            လေးစားစွာဖြင့်
                            ကက်သလင်းခင်