Wednesday, August 29, 2012

ဗေလန်ကန်နီ ကျန်းမာရေးမယ်တော်အား နိုဗီနာ ဆုတောင်းပတ္ထနာ

အစဉ်ထာဝရ ပုဂ္ဂိုလ်သုံးပါး ဘုရားတစ်ဆူအားဖြင့် ဘုရား၏ မယ်တော်အဖြစ် သို့ ရွေးချယ်ခြင်းခံရသော ယေဇူး၏ အလွန်သန့်ရှင်းသော ကညာမယ်တော်မာရီယား လူမျိုးတကာတို့ အား ကယ်တင်ခြင်းချမ်းသာ ရစိမ့်သောငှာ မယ်တော်၏ ၀မ်း၌ ကိုးလတိတိလွယ် ၍ ကျွေးမွေးပြုစု စောင့်ရှောက်ခဲ့သော ကျွန်ုပ်တို့၏ ယေဇူးသခင်အား ၀မ်းမြောက်ခြင်းများ ကို ပေးသနားတော်မူသော မယ်တော်ဖြစ်တော်မူပါ။ ကျွန်ုပ်တို့သည် ခံရသမျှ ဒုက္ခပင်ပန်းခြင်း၊ ရရှိသမျှ ၀မ်းမြောက် ၀မ်းသာခြင်းနှင့် ကျွန်ုပ်တို့ဘ၀၌ ဖြစ်ပျက်သမျှ အကြောင်း ခပ်သိမ်းတို့ကို စိတ်အား ထက်သန်စွာ မယ်တော့်သားတော်၏ အဆုံးမရှိသော သနားတော်မူခြင်းကို အမှီပြု၍ ကျွန်ုပ်တို့ ကိုယ်စိတ်နှစ်ဖြာ လိုအပ်သော ကျေးဇူးများကို တောင်းခံပေးတော်မူပါ။ ယုံကြည် အားကိုးခြင်းဖြင့် တောင်းလျှောက် သူတို့အား ပေးသနားတော်မူမည်ဟု ကတိရှိသည့်အတိုင်း လိုအပ်သော အလင်းကျေးဇူးတော် များနှင့် စောင်မခြင်း ကျေးဇူးများကို မယ်တော်၏ သားတော် ယေဇူး သခင်ထံ မှ တောင်းလျှောက်ပေးတော်မူပါမည့် အကြောင်း ကျွန်ုပ်တို့ ဆုပန်ကြပါသည်။ အာမင်။

ကျန်းမာရေး၏ ဗေလန်ကန်နီသခင်မ
ကျွန်ုပ်တို့ အဖို့ငှာ ဆုတောင်းပေးတော်မူပါ။

Read More...

Tuesday, August 28, 2012

အခါခါ

ဒေါင်ဒင် ဒေါင်ဒင်
ခေါင်းလောင်းသံကြောင့်
ဘုရားကျောင်းဘက်
ငါရောက်ခဲ့တာ
ငါ့ဘ၀မှာ ..... အခါခါ

ထိုင်ပြင် ထွက်ငေး
စီးကရက်နှင့်
ဝိုင်းဖွဲ့ အုံကျင်
ထွေရာလေးပါး
ခေါင်းလောင်းစင်အောက်
ပြောဖြစ်ခဲ့တာ.... အခါခါ

ဖော်လော် ၀တ်ကျူး
အပြတ်မြူးတဲ့
မော်ဒယ်တစ်သိုက်
ကိုယ်တော်ပင့်ချိန်
ငါငမ်းရတာ
ငါ့အတွက်တော့ ....အခါခါ

အိုကိုယ်တော်
တပည့်ပြစ်မှား အခါခါမို့
ခွင့်လွှတ်ပေးပါ .... အခါခါ
                ဝေလီ

Read More...

Saturday, August 25, 2012

ယုံကြည်ခြင်းနဲ့ အသက်ရှင်ခြင်း

    တစ်ခါတုန်းက (၆)နှစ်အရွယ် ကလေးမလေး တစ်ဦးက သူ့ သူငယ်ချင်းရဲ့ အိမ်က ထမင်းလာစားပါ ဆိုလို့ သွားခဲ့ပါတယ်။ ထမင်းဝိုင်းမှာ လူစုံပြီဆိုတော့ အဲဒီကလေးမလေးက ခေါင်း လေး ငုံပြီး ဘယ်သူက များ ထမင်းမစားခင် ဆု တောင်း မေတ္တာဆိုမလဲ ဆိုတာ စောင့်နေပါတယ်။ ဒါပေမဲ့ ဘယ်သူမှ ဆုမတောင်းပဲ ထမင်းစားကြတာကို တွေ့ရတဲ့အခါမှာ နှုတ်ခမ်းလေးစူပြီး စိတ်ထဲက နေ “နင်တို့ အားလုံး ငါ့အိမ်ကခွေးတွေ ကျနေတာပဲ။ မေတ္တာလည်း မဆိုကြဘူး။”ဆိုပြီး ခပ်ရိုင်းရိုင်း ခွေးနဲ့ နှိုင်းလိုက် ပါတော့တယ်။

     ကျမ်းစာမှာ ကာနန် အမျိုးသမီးတစ် ယောက်က ခရစ်တော်ထံမှာလာပြီး သူ့ သမီး နတ်ဆိုး ပူးကာဝေဒနာပြင်းထန်စွာ ခံစားနေရလို့ ကုသပေးဖို့ လျှောက်ထားပါတယ်။ ဒါပေမဲ့ ခရစ် တော်က ဘာမှပြန် မဖြေဘူး။ ကြားထဲက တပည့် တော်ကြီးတွေက သူတို့နောက်က လိုက်ဆူနေလို့ နှင်ထုတ် ပစ်ဖို့ ပြောနေကြပါတယ်။ နောက်တစ် ကြိမ် ခရစ်တော်က ထပ်ပြီး “ငါသည် ပျောက်နေ သော သိုးစုဖြစ်တဲ့ အစ္စရာအဲလ် အမျိုးသားများ အတွက်သာ လာခြင်းဖြစ်တယ်။”လို့ ပြောကာ ဖြေလိုက်ပြန်တယ်။

    အမျိုးသမီးကလည်း ပျပ်ဝပ်ပြီး “အရှင်၊ ကျွန်မကို ကူမတော်မူပါ ” လို့ ထပ်မံ လျှောက်ထားပါတယ်။ ဒီတစ်ခါ ခရစ်တော်က “သားသမီးတို့၏ အစားအစာကို ယူ၍ ခွေးတို့အား မကျွေးအပ်။” လို့ မိန့်တော်မူလိုက်ပါတယ်။ ဒါကတော့ ခရစ် တော်ဟာ သူ့ရဲ့ ယုံကြည်ခြင်းကို စမ်းသပ်တဲ့ အ နေနဲ့ လည်းခွေးနဲ့  နှိုင်းယှဉ် ပြောဆို လိုက်တာဖြစ်ပါလိမ့်မယ်။ ဒီစကားရဲ့နောက်ကွယ်က ခရစ် တော်ရဲ့ ချစ်ခြင်းမေတ္တာနဲ့ သနားကြင်နာခြင်းကို မြင်လိုက်တဲ့ ကာနန် အမျိုးသမီးကလည်း “မှန်ပါတယ်။ ဒါပေမဲ့ ခွေးများ ပင်လျှင် မိမိတို့သခင်ရဲ့ စားပွဲကနေ ကျလာတဲ့ စားကြွင်း စားကျန်များကို စားကြ ရပါတယ်လို့” ပြန်လျှောက်ထား ခဲ့ပါတယ်။
    တစ်နည်းပြောရမယ် ဆိုရင်တော့  ကိုယ် တော်ဟာ အီစရာအဲလ် လူမျိုးတွေကို ဦးစားပေး ရမယ်ဆိုတာ သိပါတယ်။ ဒါပေမဲ့ အီဇရာအဲတွေကိုကျွေးရင် ကျွန်မဆီကို စားကြွင်း စားကျန်လေး တွေ ထွက်မလာနိုင် ဘူးလား။ မိဘတွေ အလစ်မှာ ကလေးတွေဟာ သူတို့ရဲ့ ကြောင်လေး၊ ခွေးလေး တွေကို အစာပစ် သလိုပေါ့လို့ ပြောနေသလို ပါပဲ။ ဒီလို ကြီးမားတဲ့ ယုံကြည်ခြင်းကို သိရတဲ့အခါမှာ ခရစ်တော်က “သင်၏ ယုံကြည်ခြင်းသည် အားကြီးစွ တကား”လို့ ကြားလိုက်ရတဲ့ အခါမှာ  ကျွန် တော်ခေါင်းထဲ ကိုမေးခွန်းတစ်ခု ၀င်လာပါတယ်။

    ဘာကြောင့် တစ်ချို့ လူတွေဆီမှာ အားကြီးတဲ့ ယုံကြည်ခြင်း၊ သက်ဝင်ခြင်းရှိပြီး အချို့မှာ ကျတော့ ဘာကြောင့် ယုံကြည်ခြင်း အားနည်း ချိနဲ့ရတာလဲ။ အချို့လူတွေဟာ ဘာကြောင့် လွယ်လွယ် ကူကူ ယုံကြည်ပြီး အချို့ကျတော့ ယုံကြည်ဖို့ ခက်ခဲရတာလဲ။ ဒီမေးခွန်းတွေက ဒီထက် အ ရေးကြီးတဲ့ မေးခွန်းတစ်ခုကို ထပ်ထုတ်ဖို့ဖြစ်လာပါတယ်။ အဲဒါကတော့ ကျွန်တော်တို့ရဲ့ ယုံကြည် ခြင်းက  အားနည်းနေရင် ယုံကြည်ခြင်း ကြီးမားလာဖို့၊ ထက်သန်လာဖို့ ကျွန်တော်တို့ တစ်ခုခု လုပ် နိုင်မလား။

    မေးခွန်းတစ်ခုဆီကို ကျွန်တော်တို့ ဖြေကြည့်ကြရအောင်။ ဘာကြောင့် တစ်ချို့က ယုံကြည်ခြင်း အားကြီးပြီး၊ တစ်ချို့က ဘာကြောင့် ယုံကြည်ခြင်း အားနည်းရတာလဲ။

    ဒီမေးခွန်းက တစ်ချို့ လူတွေ ဘာ ကြောင့် ကျန်းမာရေးကောင်းပြီး တစ်ချို့ လူတွေ ဘာကြောင့် ကျန်းမာရေး ချို့တဲ့ရတာလဲ ဆိုတာနဲ့ ဆင်တူပါတယ်။ တစ်ချို့ ကျန်းမာရေး မကောင်းတာက မျိုးရိုး စဉ်ဆက်၊ မျိုးရိုးလိုက်ရောဂါ တစ်ခုခုဖြစ်ခဲ့ကြလို့ ချိနဲ့တဲ့ ခန္ဓာနဲ့ မလိုလားအပ်တဲ့ အရာတစ်ခုခု၊ ရောဂါတစ်ခုခုကို အမွေခံ တတ်ကြပါတယ်။             တစ်ဖက်မှာတော့ တစ်ချို့ ကျန်းမာရေး မ ကောင်းတာဟာ သူတို့ ကိုယ်တိုင်ဟာ ကျန်းမာ ရေးကို ဂရုမစိုက်ကြလို့ နားမလည်တော့ လျစ်လျူရှုကြလို့ ဖြစ်ပါတယ်။

    ခန္ဓာကိုယ် ကျန်းမာရေးလိုပဲ ကျွန်တော်တို့ရဲ့ ယုံကြည်ခြင်းဖြစ်တဲ့ ၀ိညာဉ် ကျန်းမာရေးကလည်း ဒီအတိုင်းပါပဲ။ တစ်ချို့ လူတွေဟာ ယုံကြည် ခြင်း အားနည်းတယ်။  ဘာကြောင့်လဲ ဆိုတော့ သူတို့ရဲ့ မိဘနဲ့ အုပ်ထိန်းသူတွေကလည်း သိပ်မဟုတ်ကြပါဘူး။ ယုံကြည်ခြင်းမှာပေါ့လျော့တယ်။  တာဝန်ကျေပဲ လုပ်ကြတယ်။ မိဘတွေက ဘာသာရေးမှာ မပူ မအေးဖြစ်တယ်။ အလေးမထားဘူး ဆိုရင် ဒါတွေက သားသမီးတွေဆီကို ကူးစက်သွားတယ်။  

    တစ်ဖက်ကို ကြည့်ပြန်ရင်တော့ ကျွန် တော်တို့ ကိုယ်တိုင်က ယုံကြည်ခြင်းကို ဂရုမစိုက်ဘူး။ မလေ့လာဘူး။ လျစ်လျူ ရှုတယ်ဆိုရင်လည်း ယုံကြည်ခြင်းမှာ အားနည်းကြပြီး၊  ဘုရားတရားနဲ့ လက်တွေ့ဘ၀ဟာ ကွဲပြား သွားပါတယ်။ ဒီတော့ ကျွန်တော်တို့ တစ်ဦး တစ်ယောက်ဆီဟာ ဘာသာတရား၊ ယုံကြည် သက်ဝင်မှု အပိုင်းမှာ မိမိ ပတ်ဝန်းကျင်မှာ လူတွေနဲ့ လာမယ့် သားစဉ်မြေးဆက် အတွက် ပုံစံ နာမူနာကောင်းဖြစ်ဖို့၊ ဘာသာတရားရေးကို ခိုင်မာစွာ အမွေပေးဖို့ တာဝန် ရှိနေပါတယ်။
    “ လောကမှာ အဖိုးတန်ဆုံး၊ အမြင့်မြတ်ဆုံး အမွေအနှစ်ဟာ ဘာသာရေး အမွေအနှစ်ဖြစ်တယ်”လို့ လူကြီးသူမတွေပြောတဲ့ အတိုင်း ယုံကြည်ခြင်းတရားကို လက်ဆင့်ကမ်းနိုင်အောင် အားထုတ်ရပါမယ်။ လောကမှာ ဘယ်ဘ၀ပဲ ရောက်ရောက် ဆင်းရဲသည်ဖြစ်စေ၊ ချမ်းသာသည်ြဖစ်စေ၊ ကျန်းမာရေးပဲ ကောင်းကောင်း၊ ရောဂါ ဝေဒနာပဲ ထူပြောပြော၊ ဘယ်အခြေအနေမှာပဲ ဖြစ် ဖြစ် တကယ်တမ်း တည်မြဲတာ၊ စိတ်ငြိမ်းချမ်း သာယာမှုကိုပေးနိုင်တာ၊  တကယ်တမ်း လူ့ရဲ့ ဖြေဆည်ရာဟာ ဘာသာတရား ယုံကြည် သက်ဝင်မှုသာ ဖြစ်ပါတယ်။ ယုံကြည်မှု ကြီးမားလေ  ဖြေဆည်နိုင်လေပါပဲ။ “ဘယ်လိုဖြေဆည် နိုင်မလဲ။ ”

            ဒုတိယမေးခွန်းကို ဆက် စဉ်းစားကြည့်ကြပါစို့။ ဘာအကြောင်းကြောင့်ပဲဖြစ်ဖြစ်  ကျွန် တော် တို့ရဲ့ ယုံကြည်ြုခင်းက အားနည်းနေရင် ဘယ်လိုများ ယုံကြည်ခြင်း အားကြီး အောင် လုပ်ကြမလဲ။ ယုံကြည်ခြင်းကို ခန္ဓာကိုယ်က မာဆဲလ်ကြွက်သားတွေနဲ့  နှိုင်းယှဉ်လို့ ရပါတယ်။ ကြွက်သားတွေကို ကျွန်တော်တို့က လေ့ကျင့်ခန်း မလုပ်ရင်၊ လှုပ်ရှား မပေးရင်ကြွက်သားတွေဟာ တဖြည်း ဖြည်း အားနည်း လာပါတယ်။  တစ်ဖက်မှာတော့ လေ့ကျင့်ခန်း ပိုလုပ်လေလေ (သို့) အသုံးများ လာ လေလေ ပိုမို သန်မာ ကြီးထွား လာလေပဲဖြစ်ပါတယ်။ ကြွက်သွားလိုပဲ  ကျွန်တော်တို့ရဲ့ ယုံကြည် ခြင်းဟာလေ့ကျင့်ခန်းလုပ်၊ လှုပ်ရှားမှုတွေကို တုံ့ ပြန်ပါတယ်။

    ယုံကြည်ခြင်းအား ကြီးဖို့အတွက် လေ့ကျင့်ခန်း တွေ အများကြီး ရှိပါတယ်။  ၀ိညာဉ်ရေး၊ ဘာသာရေးနဲ့ဆိုင်တဲ့ စာအုပ် စာပေတွေကို ဖတ်ရှု့ပြီး ဒီအကြောင်းတွေကို သူတစ်ပါးအား ပြန်လည်ဖောက်သည် ချဝေမျှနိုင်ပါတယ်။ သမ္မာကျမ်းစာကို ဖတ်၊ စဉ်းစား ဆင်ခြင်၊ ကမ္မဌာန်းရှု့ပြီး သူတစ်ပါးကို ဟောပြောနိုင်ပါတယ်။ ကက်သလစ် ခရစ်ယာန် ဘာသာဝင်များ ဆိုရင်တော့ မစ္ဆား ပူဇော်ခြင်းနဲ့ ကိုယ်တော်မြတ် စက္ကရမင်တူးဟာ ယုံကြည်ခြင်းအားကြီး ခိုင်ခံဖို့အတွက် မရှိ မဖြစ်တဲ့ ကဏ္ဍကနေ ပါဝင်ပါတယ်။

    နောက်ပြီး နေ့စဉ် ဆုတောင်း ပတ္တနာပြု၊ မေတ္တာပေးပို့ခြင်း အားဖြင့်လည်း ယုံကြည်ခြင်း အားကြီး လာနိုင်ပါတယ်။ ဒါပေမဲ့လို့ ဒီထဲမှာယုံကြည်ခြင်း ကြီမားဖို့ လေ့ကျင့်တဲ့နေရာမှာ  အကျိုးထိရောက်လှတဲ့ နည်းလမ်းတစ်ခု ရှိပါတယ်။  ဒီနည်းလမ်းကို ရှင်းရှင်းလင်းလင်းဖြစ်ဖို့ ဥပမာ လေး တစ်ခုနဲ့ တင်ပြချင်ပါတယ်။

    တစ်ခါတုန်းက အသက် အတော်လေး ကြီးရင့် ပြီးဖြစ်တဲ့ အဖွားကြီးတစ်ဦးဟာ သူမရဲ့ ကျန်းမာရေးချို့တဲ့ လာတာနဲ့  သူမရဲ့ ယုံကြည်ခြင်း ဖြစ်တဲ့ ၀ိညာဉ် ကျန်းမာရေးလည်း ဆိုးဝါး လာခဲ့ပါတယ်။ တစ်နေ့တော့ သူမရဲ့ ယုံကြည်ခြင်း ယိမ်းယိုင်ရတဲ့ပြဿနာကိုင်္ Fr.Zozsima (ဇိုးဇီးမား)ဆိုတဲ့ ဘုန်းတော်ကြီးနဲ့ သွားဆွေးနွေး တိုင်ပင်ပါတယ်။ ဘုရားသခင်က လူတွေကို တစ်ကယ် ချစ်ရဲ့လား။ တကယ် ဂရုစိုက်ရဲ့လား၊ သေပြီးရင် နောင်ဘ၀ဆိုတာ ရှိသလား။  စသဖြင့် သူမရဲ့ ယုံမှား သံသယ ဖြစ်လာတာ တွေကို မေးပါတယ်။

                  ဘုန်းတော်ကြီးကလည်း ကောင်းကောင်း၊ စိတ်ရှည်ရှည်နဲ့ ဂရုဏာမေတ္တာ အပြည့်နဲ့ နား ထောင်ပြီးတဲ့အခါမှာ “ဒီမေးခွန်း တွေ အတွက်  သိပ္ပံနည်းကျကျ လက် တွေ့တော့ မပြနိုင်ဘူး။  ဒါ ပေမယ့် ဒါတွေ အားလုံးဟာ  တကယ် ဟုတ်တယ်၊ မှန်တယ်ဆိုတာတော့ သင့်အနေနဲ့ သေချာနိုင်တယ်”လို့ ဖြေလိုက်ပါတယ်။ ဒါနဲ့ အဖွားကြီးက “ဘယ်လိုလုပ်ရမလဲ”လို့ မေးတဲ့အခါမှာ ဘုန်း တော်ကြီးက “ချစ်ခြင်းမေတ္တာတရားပြခြင်း အား ဖြင့်ပဲဖြစ်တယ်၊ မိမိနဲ့ နီးစပ်သူ၊ အတူနေရသူ တွေကို နှလုံးသားထဲမှ အမှန်တကယ် ချစ်ပါ။မေတ္တာ ပြပါ။ သူတစ်ပါးကို သင်ပို၍ ချစ်လေ၊ သေပြီး ဘ၀နဲ့  ဘုရားသခင် တည်ရှိတယ် ဆိုတာဟာ ပိုပြီး သေချာလာလေပဲ။ သင်ပိုပြီး ချစ်လေ၊ သင့်ရဲ့ ယုံကြည်ခြင်းဟာ ပိုမို အားကြီး ရုံတင်မကပဲ သင့်ရဲ့ သံသယတွေဟာ လျော့နည်းလာလိမ့်မယ်။ ဒီနည်းလမ်းက သေချာတယ်။  စမ်းပြီးပြီ။ အောင်မြင်တယ်လို့ အဖြေပေးခဲ့ပါတယ်။  

Fr.Zozsima ဆိုလိုတဲ့ အရေးကြီးတဲ့ အချက်ကတော့ ချစ်ခြင်းမေတ္တာနဲ့ ယုံကြည်မှုဟာ  အတူတကွ သွားတယ် ဆိုတာပါပဲ။ ချစ်ခြင်း မေတ္တာနဲ့ ယုံကြည်မှုဟာ မီးရထား သံလမ်းလို ပါပဲ။  သံလမ်းတစ်ခုကို တွေ့ရင် တစ်ခြား တစ်ခုဟာလည်းဘေးမှာပဲ ရှိပါတယ်။ ချစ်ခြင်းမေတ္တာနဲ့ ယုံကြည်မှုဟာ  ၀ိညာဉ်နဲ့ ခန္ဓာကိုယ်လို အမြဲ တမ်းတွဲလျက် ရှိနေပါတယ်။ နောက်တစ်ခါ Albert Schweitzer ဆိုတဲ့ သာသနာပြု ဆရာဝန်ကလည်း ဒီသဘောတရားမျိုးကို သူ့ရဲ့ Reverenue for life ဆိုတဲ့ စာအုပ်မှာ အောက်ပါ အတိုင်းပြောခဲ့တယ်။

    ခရစ်တော်မှာ သင် ယုံကြည်ချင် ပါသလား။ တကယ်ပဲ သူ့ကို ယုံကြည် သက်ဝင်လိုသည့် ဆန္ဒ ရှိပါသလား။     ဒါဆိုရင် သူ့အတွက် သင်တစ်ခုခု ပြုလုပ်ရမည်။ သံသယတွေ ပြည့်နှက်နေတဲ့ ဒီခေတ်ကြီး ထဲမှာ တစ်ခြားနည်းလမ်း မရှိ။ ခရစ်တော်ရဲ့ မျက် နှာကိုထောက်ပြီး တစ်စုံတစ်ယောက်ကို စားစရာ ပေးပါ၊  သောက်စရာရေပေးပါ၊ ပျော်စရာပေးပါ၊ စသည်ဖြင့် မိမိနဲ့ နီးစပ်သူ၊ အကူအညီလို နေသူကို  ပေးကမ်း၊ လှူဒါန်းခြင်းဟာ ခရစ်တော်အားပြု လုပ်ပေးကမ်းနေခြင်းနှင့် အတူတူပင် ဖြစ်ပါတယ်။         ဒါဆိုရင် သင်ဟာ ခရစ်တော်ရဲ့ ကောင်းကြီးမင်္ဂလာကို ခံစားရပြီး သင်လုပ်သမျှ အရာ တွေဟာ ခရစ်တော်ကိုပြုလုပ်နေတာလို့ တကယ်မြင်လာ ပါလိမ့်မယ်။ နောက်ပြီး ခရစ်တော် ကိုယ်တိုင်က သင့်ကို သက်ရှိ ဘုရားရှင် အဖြစ်ဖော်ပြ ပေးပါလိမ့်မယ်။

    ကျမ်းစာထဲမှာ ဖော်ပြတဲ့  ကာနန် အမျိုးသမီးကို ကြည့်ရင် ဒီအမျိုးသမီး ခရစ်တော်ဆီကို လာခဲ့တာ သူမ ကိုယ်တိုင်အတွက် မဟုတ်ဘဲ ခရစ်တော်ဆီလာပြီးတောင်းပန် ခယ တာဟာ သူ့သမီးကို သိပ်ချစ်လွန်းတဲ့ အတွက်ကြောင့်ပင် ဖြစ်ပါတယ်။ ခရစ်တော်ဆီလာတဲ့ အခါမှာလည်း  ချစ်တတ်တဲ့မိခင်၊ ယုံကြည်ခြင်း ကြီးမားတဲ့ မိခင် အဖြစ် လာခဲ့ပါတယ်။ ဒီတော့ ဒီကနေ ကျွန်တော်တို့ မိမိကိုယ်ကို ဆန်းစစ်ပြီးတော့ ဘာလုပ်ကြမလဲ။  ဆိုပါတော့ အခု ကျွန်တော်တို့ဟာ မိဘဖြစ် နေတယ်။ အုပ်ထိန်းသူဖြစ်နေပြီး ယုံကြည်ခြင်းကို ဖြည့်တင်းဖို့ လိုအပ်နေတယ်လို့ ခံစားရရင်  ဒီအမျိုးသမီး လုပ်သလို လုပ်ကြည့်ပါ။

    ဒီကနေ မိမိရဲ့ သားသမီးတွေကို ဘုရားသခင်ရဲ့ကောင်းကြီး မင်္ဂလာ သက်ရောက်ပါစေ ကြောင်း နေ့စဉ် ခရစ်တော်ထံမှာ ဆုတောင်းမေတ္တာ ပြုလုပ်ကြည့်ပါ။ ယုံကြည်ခြင်း တိုးပွားလာပါလိမ့်မယ်။ ဒါမှမဟုတ် ကျွန်တော်တို့ဟာ  အခုချိန်မှာ လူငယ်လူရွယ်ပဲ ဖြစ်နေပြီး ငါ့ရဲ့ ယုံကြည်ခြင်း က တော့ တိုးတက်ဖို့ လိုတယ်လို့ ခံစားရရင် အထက်ကပြောခဲ့တဲ့ Fr.Zozsima ရဲ့ အကြံ ပေးချက်အတိုင်း လုပ်ဆောင်ပါ။ အခုက စပြီး မိဘ ညီအစ်ကိုမောင်နှမတွေ တင်မက ပတ်ဝန်းကျင်မှာ ထိတွေ့နေရတဲ့ သူတွေကို ချစ်ခြင်းမေတ္တာ တရားပြည့်ဝစွာဖြင့် ဆက်ဆံပေးပါ။

    ယုံကြည်ခြင်းမှာ ထက်သန်လာတာကို တွေ့ရ ပါလိမ့်မယ်။ ချစ်ဖို့၊ ခွင့်လွှတ်ဖို့ စဉ်းစား ကြည့်ရင် ကျန်းမာရေး၊ ဒေါင်ဒေါင်မြည်နေတဲ့ သူ တွေတောင် တစ်ချို့ နေ့ တွေမှာ သိပ် မကောင်းတတ်ဘူး။ တစ်ခါတစ်ရံမှာ ခေါင်းမူးတတ်တယ်။ မအီမသာ ဖြစ်တတ်တယ်။ ၀မ်းလျောတတ် ပါတယ်။ ဒါကတော့  လူ့သဘာဝ ဖြစ်တတ်တာပါပဲ။

    ဥပမာ- တစ်ချို့နေ့တွေမှာ စိတ်ဓါတ်ကျ ဆင်းတတ်တယ်။ မရွှင်ပြဘူး။ သည်းမ ခံနိုင် လောက်အောင်တွေ့ကြုံ ရတတ်ပါတယ်။ တွေ့တဲ့ သူတွေကို အပြစ်ရှာတတ်တယ်။  အရာရာတိုင်း ကိုဒေါသထွက်နေ မိတယ်။ အဆင်မပြေ၊ မတည့်တဲ့ သူတွေကို ကျိန်ဆဲတယ်။ အိမ်သူအိမ်သား အ ပေါင်းအသင်းတွေကို အော်တတ် ပါတယ်။ တစ်ချို့နေ့ တွေကျတော့လည်း စိတ်လှုပ်ရှား၊ ပျော်စရာကြီး၊ ရင်ခုန်စရာအတိနဲ့ ဖြစ်နေပါတယ်။  ရွှင်ပျ လန်းဆန်းတဲ့ အတွေ့အကြုံပါပဲ။  အရာရာတိုင်းနဲ့ အဆင်ပြေတဲ့ လူတွေ၊  ကိုယ့်ကို ထိခိုက် ဆဲဆိုတဲ့ သူတွေကို ခွင့်လွှတ်ဖို့ အဆင်သင့်ဖြစ်သလို၊ ခွင့်လွှတ်တတ်ပြီး သူငယ်ချင်း အပေါင်းအသင်းများကိုလည်းပွေ့ဖက်ကာ အကြင်နာ ပိုခဲ့တတ်ပါတယ်။

    ယုံကြည်ခြင်းတရားဟာလည်း ဒီအတိုင်း ပါပဲ။ တစ်ချို့နေ့များမှာ ပေါ့ပေ့ါပါးပါး လန်းဆန်း ပျော်ရွှင်ပြီး၊ ရင်ခုန်နေတတ်သလို၊ တစ်ချို့နေ့များမှာ ကျတော့လည်း ညို့မှိုင်းမှောင်မဲပြီး စိတ်မရှည် ဒေါသထွက် စရာဖြစ်ပါနေတော့တယ်။ ဒီလိုဖြစ်လာရင် ဒုတိယ ကမ္ဘာစစ်ကြီး၊ နာဇီတွေ လက်က ထွက်ပြေးပြီး ပုန်းရှောင်နေတဲ့ သူတွေနေတဲ့မြေအောက်ခန်း တစ်ခုနံရံမှာရေးထားတဲ့ အောက်ပါ စာတန်းလေးကို သတိရကြပါစို့။

    အဲဒီ စာတမ်းကတော့ “နေမသာပဲ အုံ့ဆိုင်းနေချိန် မှ နေ ရှိတယ်ဆိုတာကို  ငါ ယုံကြည်တယ်။ ချစ်ခြင်းမေတ္တာတရားကို ငါမခံရရင် တောင်မှ ချစ်ခြင်း မေတ္တာကို ငါယုံတယ်။ ဘုရား သခင်ဟာ ဘာမှ မပြောပဲ တိတ်ဆိတ်နေရင်တောင် ဘုရားသခင်ကို ငါ ယုံကြည်တယ်” လို့ ဖြစ်ပါတယ်။


             ၀ဿန်မိုး

Read More...

Thursday, August 16, 2012

ယေဇူးခရစ်တော်ဘုရားရှင်ရဲ့ သင်္ချိူင်းဂူ

ဘာသာရေး အမေး အဖြေ ။        ။ ယေဇူး ခရစ်တော်ဘုရားရှင်ရဲ့ သင်္ချိူင်းဂူဟာ အိန္ဒိယနိုင်ငံ ကက်ရှမီးယားပြည်နယ်ရှိ၊ ရှရှိနာဂါအပိုင်၊ ကန်ဒီယာန်ဒီစကြိတ်တွင် တည်ရှိသည်ဆိုသည်မှာ အမှန်ပင်ဖြစ်ပါသလား။
 
။ဖြေ။    ။ယေဇူး ခရစ်တော်ဘုရားရှင်ရဲ့ သင်္ချိူင်းဂူဟာ အိန္ဒိယနိုင်ငံ ကက်ရှမီးယားပြည်နယ်ရှိ၊ ရှရှိနာဂါ အပိုင်၊ ကန်ဒီယာန်ဒီစကြိတ်တွင် တည်ရှိသည်ဆို သည်မှာ လုံးဝ မှန်ကန်မှု မရှိပါ။ မှားယွင်း သောပြောဆိုချက်သာ ဖြစ်ပါသည်။ ဗလီဝတ်ကျောင်း အတွင်းမှာ အုတ်ဂူပြုလုပ်၍၊ ခရစ်တော်၏ အုတ်ဂူ သချိူင်းအဖြစ် စာတမ်းထိုး၍ ၊ပြတိုက် အသွင်ဖန်တီးပြီး၊ ခရစ်ယာန်ဘာသာကို ဖျက်စီးရန် ကြိုးစားခြင်း တစ်ရပ်သာ ဖြစ်ပါသည်။ ဒီလို ထွင်ဇာတ်တွေကြောင့် ၊ခရစ်တော် ဘုရားရှင်ဟာ အငြိမ် မနေရပဲ၊ ခရစ်တော်ရှင်ဟာ ခု တိဗက်ပြည်က မွန်ဘုန်းကြီးကျောင်းမှာ ဗုဒ္ဓဘာသာ အနေနှင့်  ရဟန်းခံ ခဲ့တယ်ပြောလိုက်၊ တော်ကြာ ကက်ရှမီးယားမှာ  မူဆလင်ဘ၀နဲ့  အသက် (၁၂၀) ထိနေခဲ့တယ်ပြောလိုက် စသဖြင့်၊ ခရစ်တော်ရှင်နဲ့ ပက်သက်ပြီး ထွင်ချင်တိုင်း ထွင်နေတဲ့ ထွင်ဇာတ်တွေဟာ အတော်ကို များနေပါပြီ။  ထွင်ဇာတ်တွေကို သေသေချာချာလေ့လာ လိုက်ပြီဆိုလျှင် သမိုင်း ခုနှစ် လွဲနေရတာနဲ့၊ တစ်ခုနှင့် တစ်ခု ရှေ့နောက်မညီ၊ ဆန့်ကျင်ဘက်တွေ ဖြစ်နေရတာနဲ့ ၊မမှန် ကြောင်းပေါ်လွင်နေတာ ကိုလေ့လာ သိရှိနေရတယ် ဆိုတော့ “ ပတ္တမြားမှန်လျှင်နွံမှာ နှစ်သော်လည်း မညစ်”ဆိုသော စကားပုံဟာ မှန်လှပါသည်။ သမိုင်းမှန်ကို လိမ်ညာ၍ မရပါ။

    ယေဇူး ခရစ်တော်ဘုရားရှင်ရဲ့ သချိုင်းဂူဟာ အိန္ဒိယနိုင်ငံ ကက်ရှမီးယားပြည်နယ်ရှိ နာဂါအပိုင် ကန်ဒီယာန် ဒီစတြိတ်မှာ တည်ရှိတယ်ဆိုတဲ့အချက်ဟာ ထွင်ဇာတ်ဖြစ်ကြောင်းနဲ့ ဘယ်မှာ စတင်ဖြစ်ပေါ်ခဲ့တယ် ဆိုတဲ့ အချက်များကို ဖြေကြားပေးပါ့မယ်။

    အင်တာနက်ထဲက ၀ီကီပီဒီယာ ဖရီး စွယ်စုံကျမ်းကို အခြေပြုပြီးလေ့လာဖြေကြား ပေးပါ့မယ်။ ခရစ်တော် ဘုရားရှင်ဟာ လက်ဝါးကား တိုင်ပေါ်မှာ တင်သတ်တော့ မသေပဲ၊ အိန္ဒိယပြည်ကိုထွက်ပြေး ခဲ့ပြီး ကက်ရှမီးယားမှာ ပုန်းရှောင် နေခဲ့တယ်ဆိုပြီး မူဆလင်ဂိုဏ်းများထဲက တစ်ဂိုဏ်းဖြစ်တဲ့ အာမာ့ဒီးယား  အစ္စလာမ်ဂိုဏ်းမှ  မူဆလင်တစ်ချို့ရဲ့ ထွင်လုံးမှ ထွက် ပေါ်ခဲ့တဲ့ ထွင်ဇာတ်ဖြစ်ပါတယ်။ ဦးစွာ အာမာ့ဒီးယား အစ္စလာမ် ဂိုဏ်းဂဏ အကြောင်းကလေ့လာပြီးဖော်ပြပေးပါမယ်။

    အာမာ့ဒီးယား အစ္စလမ်ဂိုဏ်းဟာ ၁၉ ရာစု ဖြစ်တဲ့ ၁၈၈၉ခုနှစ်က မီရ်ဇာဂူလမ်အာမတ်လို့ အမည်ရတဲ့ ပုဂ္ဂိုလ်ကနေ အိန္ဒိယနိုင်ငံ Pun-jab ပန်ဂျပ်ပြည်နယ်က Qadi-an အရပ်ဒေသမှာ တည်ထောင်ခဲ့တဲ့ အစ္စလမ် အသင်းဂိုဏ်းကွဲ တစ်ခု ဖြစ်ပါတယ်။  မီရ်ဇာဂူလမ် အာမတ်ကနေ ထာဝရဘုရားသခင် ကတိထား တော်မူခဲ့တဲ့ မက်ဆီးယား ကယ်တင်ရှင်ဟာ ယေဇူး ခရစ်တော်မဟုတ်ဘူး မိမိသာလျှင် မက်ဆီးယား ကယ်တင်ရှင်ဖြစ်တယ်လို့ သွန်သင်ခဲ့ပါတယ်။ မီရ်ဇာဂူ လမ်အာမတ် ကွယ်လွန်သွားပြီး တဲ့နောက်ပိုင်းမှာ အရိုက်အရာ ဆက်ခံသူ အဖြစ် မော်လ၀ီပလီဆရာ “နူးအာဒ်ဒင်”ဟာရွေးချယ် ခြင်း ခံခဲ့ရပါတယ် ။နူးအာဒ်ဒင် မော်လ၀ီပလီ ဆရာကြီးလည်း ကွယ်လွန်ပြီးရော ၁၉၁၄  ခုနှစ်မှာပဲ အာမာ့ဒီးယား အစ္စလာမ်ဂိုဏ်းဟာ နှစ်ဂိုဏ်းထပ်ကွဲ ခဲ့ပါ တော့တယ်။ အဲဒီ ဂိုဏ်းနှစ်ဂိုဏ်းကတော့ အိန္ဒိယ နိုင်ငံ ထဲမှာ ရှိတဲ့ ကန်ဒီယာန် Qadianနယ် သား အာမာ့ဒီးယား အစ္စလာမ်များနဲ့၊ ပါကစ္စတန်နိုင်ငံရှိ လာဟော (Lahore) နယ်သား အာမာ့ဒီးယား အစ္စလာမ်များရယ်လို့ ဂိုဏ်းနှစ်ဂိုဏ်း ထပ်မံ ကွဲသွားခဲ့ပါတော့တယ်။ အဲဒီ ဂိုဏ်း နှစ်ဂိုဏ်းပေါင်း ဦးရေမှာ ကမ္ဘာပေါ်မှာ သန်းပေါင်း (၁၇၀) ရှိပါတယ်။ ကန်ဒီယာန် Qadian နယ်သား အာမာ့ဒီးယား အစ္စလာမ်များကနေ သူတို့ရဲ့ အသင်း ဂိုဏ်းထူထောင်သူ မီရ်ဇာဂူလမ် အာမတ်ကိုနောက်ဆုံး ပရောဖက်ဖြစ် လက်ခံခဲ့ကြပါတယ်။ ပါကစ္စတန်နိုင်ငံရှိ လာဟော (Lahore)  နယ်သား အာမာ့ဒီးယား အစ္စလမ်များ ကတော့ သူတို့ရဲ့ အသင်းဂိုဏ်း တည်ထောင်သူ မီရ်ဇာ ဂူလမ် အာမတ်ကို ပရောဖက်အဖြစ် လက်မခံပါ။ မူဟာမတ်သာလျှင် နောက်ဆုံး ပရောဖက်ဖြစ်တယ်လို့ လက်ခံထားပြီး မီရ်ဇာဂူလမ် အာမတ်ဟာ အစ္စလမ် ဘာသာကို ပြုပြင်သူအဖြစ် လက်ခံခဲ့ပါတယ်။ အာမာ့ဒီးယား အစ္စလမ်များရဲ့ ယုံကြည် ချက်သွန်သင်ချက်ကတော့ ဘုရား တစ်ဆူတည်း ဖြစ်ခြင်း ၊ ကိုးကွယ်မှု ဘာသာလည်း တစ်ဘာသာ တည်းဖြစ်ခြင်း ၊ကမ္ဘာ ပေါ်ရှိ လူမျိုးဟာ တစ်လူမျိုးတည်းဖြစ်ခြင်း ဆိုတဲ့ အချက်ကို ယုံကြည်လျက် သွန်သင်ကြပါတယ်။ ဒါကြောင့်  အာမာ့ဒီး ယားအစ္စလမ်များဟာ  တစ်ကမ္ဘာလုံးမှာ ရှိတဲ့ လူမျိုးများ အားလုံးကို တစ်လူမျိုးတည်း ဖြစ် အောင်၊ တစ်ကမ္ဘာလုံးမှာရှိတဲ့ ဘာသာတရားများကို တစ်ဘာသာတည်းဖြစ်အောင် အားလုံး အတူတကွ တစ်ဆူတည်းသော ဘုရားရှင်ကို ကိုးကွယ်ဘို့ ဆိုပြီး သူတို့ကြိုးစားနေကြခြင်း ဖြစ်ပါတယ်။  အီ အာမာ့ဒီယာ အစ္စလာမ်များဟာ အိန္ဒိယနိုင်ငံ ပန်ဂျပ် Punjabပြည်နယ် ကန်ဒီယာန်Qadian ဒစ်စတြိတ်မှာ စတင်ပေါ် ပေါက်ခဲ့ပေမဲ့  အများစုဟာ ပါကစ္စတန်နိုင်ငံမှာ မှီတင်းနေထိုင်ကြသူများဖြစ်ကြပါတယ်။ ဒီအာမာ့ဒီးယားဂိုဏ်းမှ မူဆလင်များဟာ အသင်းဂိုဏ်း တည်ထောင်သူ မီရ်ဇာဂူလမ်အာမတ်ကို လက်ခံပုံ လက်ခံနည်းက ကွဲနေတဲ့အတွက် သွန်သင်မှုတွေ မတူညီတာ တွေကိုလည်းတွေ့ ရှိရပါတယ်။ အိန္ဒိယနိုင်ငံ ကန်ဒီယာန် Qadianနယ်ရှိ အာမာ့ဒီးယား မူဆလင်များဟာ မိမိတို့ရဲ့ အသင်းဂိုဏ်း တည် ထောင်သူ မီရ်ဇာဂူလမ် အာမတ်ကိုနောက်ဆုံး ပရောဖက်အဖြစ် ကြွေးကြော်နေကြတဲ့ အတွက် တကယ့် စစ်မှန်တဲ့ မူရင်း အစ္စလမ်များရဲ့ ယုံကြည်ချက်နဲ့ သွန်သင်မှုများဖြစ်တဲ့ တမန်တော် မိုဟာမက်သာလျင် နောက်ဆုံး ပရောဖက် ဖြစ်သည် ဆိုတဲ့အချက်ကို ဆန့်ကျင်နေတဲ့အတွက် အိန္ဒိယ နိုင်ငံ ကန်ဒီယာန် Qadian နယ်သား အာမာ့ဒီး ယား မွတ်ဆလင်များကို  မွတ်စလင် ကမ္ဘာကနေ ဒိဋ္ဌိများ၊ အယူလွဲမှားသူများ အဖြစ် သတ်မှတ်ထားပြီး မူဆလင်များဟုပင် လက်မခံကြတော့ ပေ။ ဤကဲ့သို့ မူဆလင်ကမ္ဘာက မူဆလင်အဖြစ် လက်မခံကြသော်လည်း သူတို့ကိုသူတို့မူ၊ မူဆလင်များဟုပင် သတ်မှတ်ထားကြတာကို လေ့လာ သိရှိ ရပါတယ်။ အချို့သော အာမာ့ဒီးယား အစ္စလမ်တို့ ရဲ့  ယုံကြည်ခြင်းနဲ့ သွန်သင်ချက်မှာ၊ အသင်းဂိုဏ်း တည်ထောင် သူမီရ်ဇာဂူလမ် အာမတ်ဟာ ပရောဖက် မိုဟာမက်အနေနဲ့ ကြွလာတဲ့ ပုဂ္ဂိုလ်ဖြစ်သလို၊ ယေဇူး ခရစ်တော်ဝင်စားတဲ့ ပုဂ္ဂိုလ်လည်း ဖြစ်တယ်လို့ ယုံကြည် ကြပါတယ်။ နောက်ပြီး ဟိန္ဒူတွေ ကိုးကွယ်နေတဲ့ ခရစ်သျှနားနတ်ဘုရားလည်း ဖြစ်တယ်လို့ ယုံကြည်သူက ယုံကြည်ပြီး သွန်သင်နေသူက သွန်သင်နေတာကို အာမာ့ဒီးယားအစ္စလမ်များနဲ့ ပက်သက်တဲ့ စာ ပေအရေးအသားများ ကိုလေ့လာခြင်း အားဖြင့် သိရှိရပါတယ်။ မီရ်ဇာဂူလမ် အာမတ်ဟာမိုဟာ မက်အနေနဲ့၊ ခရစ်တော်အနေနဲ့၊ ဟိန္ဒူတွေရဲ့ နတ်ဘုရား ခရစ်သျှနားအနေနဲ့ ကြွလာတယ်လို့ ယူဆပြီး ရှင်ဂေါဒမဗုဒ္ဓအနေနဲ့ ကြွလာခြင်းလို့ ကြေွး ကြော်မှု မပြုတာဟာဖြင့် ထူးဆန်းနေပါပြန်တယ်။

    ခရစ်တော် ဘုရားရှင်ရဲ့ သချိုင်းဂူ အိန္ဒိယ နိုင်ငံ  ကက်ရှမီးယား ပြည်နယ်ရှိ ရှရှီနာဂါ တပိုင် ကန်ဒီယာန် ဒီစတြိတ်တွင် တည်ရှိသည်ဆိုတဲ့ အချက်ဟာ ၁၉၄၈ နှစ်နောက်ပိုင်းမှ  အာမာ့ဒီးယား အစ္စလာမ် အသင်း ဂိုဏ်းမှ ထွင်လိုက်တဲ့ ထွင်ဇတ်တစ်ခုသာ ဖြစ်ကြောင်း သိရှိရပါတယ်။ ခရစ်တော်ဘုရားရှင်ရဲ့ အလောင်းတော်မြှုပ်နှံခဲ့ရာ  ဂူသင်္ချိုင်းဟာ အစ္စရေးပြည်မှာ ယနေ့တိုင် ရှိပါတယ်။ အဲဒီ သချိုင်းဂူကပဲ သုံးရက်မြောက်တဲ့ နေမှာ ပြန်ရှင် ထမြောက်ခဲ့တာပါ။     သူတို့ တတွေဟာ အိန္ဒိယနိုင်ငံ ကက်ရှမီးယား မှာရှိတဲ့ ပလီဝင်းထဲမှာ သင်္ချိုင်းအုတ်ဂူ တစ်ခုကိုပြုလုပ်၍ “ယူဆပ်ဖ် ဂျိုးဇက်၏ သားယေဇူး၏ သင်္ချိုင်းဂူ”လို့ စာတမ်းထိုးရေးသားပြီး ကြေ ငြာ ခဲ့ကြသလို စာပေရေးသားမှုများ ပြုခဲ့ ကြပေမယ့်လည်း ၂၀ ရာစု အစောပိုင်းထိအောင် အာရုံစိုက်ခဲ့ကြသူများ မရှိခဲ့ပါ။

    ဘုန်းကြီးပင်လျှင် ၁၉၇၄ ခုနှစ် ပြင်ဦးလွင်မှာ ပညာသင်နေစဉ် မြန်မာဘာသာပြန် ဖတ်ခဲ့ဖူးပါတယ်။ အဲဒီ စာအုပ်ထဲမှာ ပြထားတဲ့ပုံ ကတော့ မန္တလေး ပုဏ္ဏားကုန်းက အဆောက်အဦး ပုံစံ ထရံကပ် သွပ်မိုးအောက်က အုတ်ဂူပုံ ဖော်ပြထားပါတယ်။ အခုတစ်ခါ အင်တာနက်ထဲ မှာ ကော၊ စာပေ ကျမ်းဂန်တွေထဲမှာ လေ့လာလိုက် တော့ ဖော်ပြထားပုံဟာ တစ်မျိုး ဖြစ်နေ ပါတယ်။ ဒီအချက်နဲ့ ပက်သက်ပြီးလာမည့် သိုးထိန်းသံ အမှတ် စဉ်(၈၄)မှာ ဆက်လက် ဖော်ပြပေးသွားမှာဖြစ်ပါတယ်။

    ဘုန်းတော်ကြီး ဦးဒိုးမိနစ်ဂြိုလ်တု

Read More...