Thursday, June 28, 2012

အမိမယ်တော်အား ဘာကြောင့် ချစ်ခင်သင့်ပါသလဲ။

သမ္မာကျမ်းစာကို ဖက်ရှုသူတိုင်း သခင် ယေဇူးနှင့် မယ်တော်မာရီယားတို့၏ ရင်နှီးသော သားနှင့် မိခင် ဆက်ဆံရေးကို တွေ့မြင်နိုင်ပါသည်။ သခင်ယေဇူးသည် စံထားလောက်သော လူသား တစ်ဦးဖြစ်ပါက စံထားလောက်သည့် သားတစ် ယောက်လည်းဖြစ်ပါလိမ့်မည်။ အကယ်၍ သခင်ယေဇူးက စံထားလောက်သည့် သားတစ် ဦးဖြစ်မည်ဆိုလျှင် သူ့အနေဖြင့်သူ၏ မိခင်ကို နွေးထွေးခြင်း၊ လေးနက်ခြင်းနှင့် စစ်မှန်ခြင်း ဟူ သော ချစ်ခြင်းမေတ္တာတို့ဖြင့် ချစ်မြတ်နိုးမည်မှာ ဧကန်ပင်ဖြစ်ပါသည်။

ခရစ်ယာန်တစ်ဦး ဖြစ်ခြင်းဆိုသည်မှာ သခင်ခရစ်တော်၏ရွှေပုံသဏ္ဍန်ကဲ့သို့ လိုက် လျော ညီထွေအောင် ပြုမူနေထိုင်းခြင်းဖြစ်သည်။ ခရစ်တော်ရှင် ကဲ့သို့သော ကိုယ်ရည် ကိုယ်သွေးရှိခြင်းဖြစ်သည်။ ခရစ်တော်ရှင်၏ စံနှုန်း အတိုင်းပြုမှုနေထိုင်ခြင်းဖြစ်သည်။ ခရစ်တော်ရှင် ချစ်သည့်နည်းတူ ချစ်မြတ်နိုးခြင်း ဖြစ်သည်။ ကျွန်ုပ်တို့ပြုမူနေထိုင်ခြင်းများက ခရစ်တော်နှင့် ပိုမို နီးကပ်လာပါက ခရစ်တော်ရှင်နှင့် ပိုမိုပေါင်းစပ် လာနိုင်မည်ဖြစ်သည်။ ခရစ်ယာန်ကောင်းများလည်း ကျွန်ုပ်တို့ ဖြစ်လာကြမည်မှာ အမှန်ပင်။

သို့သော်လည်း သခင်ယေဇူး နည်းတူ ကျွန်ုပ်တို့၏ အပြောအဆို၊ အပြုအမူ အားဖြင့် စစ်မှန်သော သားသမီးတို့ပြသသော ချစ်ခြင်းမေတ္တာတို့ဖြင့် မာရီယားကို မချစ်နိုင်ပါက ကျွန်ုပ်တို့သည် သခင်ယေဇူး၏ရွှေ ပုံသဏ္ဍန်ကဲ့သို့ ပြုမူနေထိုင်နေပါသည်ဟု ဆိုနိုင်ပါအုံးမည်လော။ ထိုကဲ့သို့သော ချစ်ခြင်းမေတ္တာမျိုး မထား ရှိနိုင်သေးပါက ကျွန်ုပ်တို့ခရစ်ယာန် အသက်တာသည်လည်း အမြဲတမ်း မပြည့်မစုံ ဖြစ်နေအုံးမည် သာ ဖြစ်ပါသည်။

ဂမုန်း (မိုးမောက်မြို့ )

Read More...

Tuesday, June 26, 2012

ငရဲလမ်း

အကြင်လင်မယား ပေါင်းဖက်ထားလည်း
ဖြစ်သားသန္ဓေ ၀မ်းတွင်းနေသူ
ရင်သွေးလူကို ကြံတူစိတ်ယုတ်
ဖျက်စီးလုပ်မှား ဘုရားမကြိုက်
ဒုစရိုက်မည် ငရဲတည်၏။

တဏှာရမ္မက် လွန်ကဲဖက်လို့
စပ်ယှက်လိင်တူ ပြုမိသူမှား
ဘုရားမကြိုက် ဒုစရိုက်မည်
ငရဲတည်၏။

ကာမပိုင်ရှိရဲ့ သစ္စာမဲ့သူ
စည်းချဲ့ပျော်ပါး သွေးသားရမ္မက်
သီလပျက်ငြား ဘုရားမကြိုက်
ဒုစရိုက်မည် ငရဲတည်၏။

လောကရန်သူ တစ်မူသွေးသား
တစ်ပါးနတ်ဆိုး သုံးမျိုးရန်စွယ်
ရှောင်ဖယ်သတိ အမြဲရှိဖို့လိုပါသည်။

ဆီးလ်ဘက် ( ဆင်လူး)

Read More...

Friday, June 22, 2012

ဝိညာဉ်အိမ်

စားဝတ်နေရေးသည် လောက လူသားတိုင်းအတွက် အထူး လိုအပ်သောအရာများဖြစ်သည်။ ထိုအရာများတွင် နေထိုင်ရေးသည်လည်း အရေးကြီးသော အရာတစ်ခု အဖြစ် သတ်မှတ် ရ ပေမည်။ ကိုယ်တော်ရှင် ဖန်ဆင်းပေးထားသော လူတစ်ဦးအတွက် အပူ၊ အအေး၊ လေဒဏ်၊ မိုးဒဏ်တို့မှ ကာကွယ်ပေးရန် ““အိမ်”” ကို အလှပဆုံး အခမ်းနားဆုံး ဆောက်လုပ်နေထိုင် ကြပါသည်။ မိမိတို့ ကိုယ်ကာယ လုံခြုံမှု ရှိစေရန် ကြိုးစား ဆောင်ရွက်ကြသည်မှာ လူသားတိုင်း၏ သဘာဝပင်ဖြစ်သည်။

ကာယအတွက် အကောင်းဆုံးသောအိမ် တစ်လုံးကို ဆောက်လုပ်နိုင် သကဲ့သို့ ကျွန်ုပ်တို့ ကက်သလစ် ဘာသာဝင်များ အနေဖြင့် နောက်ထပ် နာမ်ဝိညာဉ် အိမ်တစ်လုံးကိုလည်း အသန့်ရှင်းဆုံး၊ အကောင်ဆုံးဆောက်လုပ်ပေးရန် လိုအပ်ပါသည်။

ကက်သလစ် ဘာသာဝင်များ သေဆုံးသွားကြပါက ခန္ဓာကိုယ်မှာ ပုပ်သိုးဆွေးမြေ့ သွား သော်လည်း မိမိတို့ ၀ိညာဉ်မှာ ပုပ်သိုးဆွေးမြေ့ မသွားပါ။ သေဆုံး မသွားပါ။ ကျွန်ုပ်တို့၏ ၀ိညာဉ်သည် ကိုယ်တော်ရှင်၏ ရင်ခွင်၌ ထာဝရ နားခိုနိုင်ရန်၊ ကိုယ်တော်ရှင် ထံသွားရာ လမ်း၌ အကောင်းဆုံး အိမ်တစ်လုံး တည်ဆောက် ကြရန် ဖြစ်သည်။ လူသား ပီပီ ကာယအတွက် နေရာ ပေးနိုင်သလို ၀ိညာဉ်အတွက်လဲ အကောင်းဆုံး နေရာပေးရန် အလေးအနက် စဉ်းစားသင့်ပါသည်။ ကိုယ်တော်ရှင်ပေးသော ဘ၀ အသက်တာတွင် ကက်သလစ် ဘာသာဝင်များ အားလုံးသည် ဆေးကြောခြင်း ခံပြီးသည့် အချိန်မှစ၍ မိမိတို့ ၀ိညာဉ်အတွက် လိုအပ်သည်တို့ကို ဆောင်ရွက်ရန် အရေးကြီးပါသည်။ ကိုယ်တော်ရှင် သတ်မှတ် ပေးထားသည့် မြေနေရာ၌ ကျွန်ုပ်တို့၏ ၀ိညာဉ်ကို ထားကြမှာလား၊ သို့တည်းမဟုတ် သွားချင်ရာ သွား၊ လွင့်ချင်ရာ လွင့် သဘောဖြင့် လွှင့်ပစ်ခြင်း ခံကြမည်လား အလေးအနက်ဆောင်ရွက်သင့် ကြပါသည်။

ထိုကြောင့် ကျွန်ုပ်တို့ ကက်သလစ် ဘာသာဝင်များအနေနှင့် ကက်သလစ် ဘာသာဝင် ပီသကြရန် ကိုယ်တော်ရှင်အား ဆည်းကပ် တန်ဖိုး ထားတတ်ရန်အတွက် ကွယ်လွန်၍ ခန္ဓာ ကိုယ်ပုပ်သိုးသွားသော်လည်း ကျန်ရှိနေသည့် ၀ိညာဉ်အတွက် အကောင်းဆုံးသော “၀ိညာဉ် အိမ်” တစ်လုံး တည်ဆောက်ကြရင်း ကိုယ်တော်ရှင်၏ ရင်ခွင်၌ ထာဝရ ခိုလှုံခွင့်ရရန် ကြိုးစား သွားကြပါစို့။


နန့် ဂျူလိုင်အေး

Read More...

Tuesday, June 19, 2012

ငြိမ်းချမ်းခြင်းအပေါ် နားလည်ခြင်း

    ကမ္ဘာပေါ်ရှိ ဘာသာတရားတိုင်းက လူ တွေရဲ့နှလုံးသားတွေမှာ ပဲ့တင်ထပ် ရိုက်ခတ် နေတဲ့အရာက ငြိမ်းချမ်းခြင်းဖြစ်ပါတယ်။ ခရစ်ယာန်တွေမှာဆိုရင် တစ်ယောက်နဲ့တစ်ယောက် ငြိမ်းချမ်းခြင်း အမှတ်လက္ခဏာကို ပြုလုပ်ခြင်း ရှိပါတယ်။ မွတ်စလင်တွေက သူတို့ဘာသာရဲ့ အမည်နာမ အစ္စလာမ်ကို ငြိမ်းချမ်းခြင်းဟူ၍ အနက် ဖွင့်ကြပါတယ်။ ဂျူးဘာသာဝင်တွေက တစ်ယောက်ကို တစ်ယောက် (salam) ငြိမ်းချမ်းခြင်း ရှိပါစေဟူ၍ နှုတ်ဆက် ကြပါတယ်။ ဗုဒ္ဓဘာသာဝင်တွေက ငြိမ်းချမ်းရေး ရရှိစေရန် ဆောင်ရွက်ကြတာကို ကျွန်ုပ်တို့သိ ကြပါတယ်။ ဆခ်စ်ဘာသာဝင်တွေ၊ မိရိုးဖလာကို ကိုးကွယ် ကြသူတွေလဲ အလားတူဖြစ်ပါတယ်။ ဒါပေမယ့် ကမ္ဘာပေါ်မှာ တင်းမာမှုတွေ၊ အကြမ်းဖက်မှုတွေ၊ စစ်ပွဲတွေ ဖြစ်နေတာကို နေ့စဉ်နှင့်အမျှ ကြား နေရပါတယ်။ ဒီလိုဖြစ်ပျက်နေတဲ့ ကြမ်းတမ်းမှု တွေ အတွက် ဘာသာတရားတွေက ဘယ်လို ဟောပြောကြမှာလဲ။ လူတွေပြောနေကြတဲ့ ငြိမ်းချမ်းခြင်းရဲ့ အဓိပ္ပါယ် အတိအကျကရော ဘာလဲ။ ကမ္ဘာ့ဘာသာကြီးတွေ အားလုံးက ငြိမ်းချမ်းခြင်းကို အထူးတလည် အမွှန်း တင်ကြပါတယ်။ ဒါဆို စစ်တွေ၊ အကြမ်းဖက်မှုတွေ၊ ခိုက်ရန် အငြင်းပွါးမှုတွေက ဘာကြောင့် ဖြစ်ရတယ်ဆိုပြီး၊ တစ်ချို့လူတွေက ဘာကြောင့် စွပ်စွဲ ပြောဆိုနေကြတာလဲ။ နောက်ပြီး ဘာသာရေးက ယဉ်ကျေးမှုရဲ့ အရေးကြီးတဲ့ အင်္ဂါရပ်တစ်ခု ဖြစ်တာကြောင့် ဘာသာတရား အချင်းချင်းတွေ့ဆုံခြင်း၊ ယဉ်ကျေးမှုတစ်ခုနဲ့ တစ်ခုတွေ့ဆုံခြင်းက တစ်စိတ် တစ်ဝမ်းထဲ ဖြစ်စေခြင်းထက်၊ ပဠိပက္ခကို ပို၍ ဖြစ်စေတယ်လို့ ကျွန်ုပ်တို့ တတွေ ဘာကြောင့်တွေးကြရတာလဲ။

    ငြိမ်းချမ်းခြင်းလို့ ကျွန်ုပ်တို့ပြောကြတဲ့ အခါမှာ ငြိမ်သက်ခြင်း ရှိနေခြင်းကို ဆိုလိုကြပါတယ်။ တရားမျှတခြင်း ရှိတဲ့ အခြေအနေဖြစ်တယ်။ လူတစ်ယောက်နဲ့ တစ်ယောက် အခွင့် အရေးတွေကို လေးစားခြင်း ရှိတဲ့၊ မှန်ကန်တဲ့ လူမှု ဆက်ဆံရေး အခြေနေဖြစ်တယ်။ လူတွေဘက်စုံ ဖွံ့ဖြိုး တိုးတက်မှုရှိလာနိုင်စေတဲ့ အခြေအနေတွေကို ဖန်တီးပေးလာတယ်။ တိုင်းသူပြည်သားတွေက တည်ငြိမ်အေးဆေးစွာနဲ့၊ ၀မ်းမြောက်ပျော်ရွှင်စွာနဲ့၊ သူတို့ရဲ့ ဘ၀တွေကို အပြည့်အ၀နေနိုင် ခွင့် ကိုပေးတဲ့ အခြေအနေဖြစ်တယ်။ ဒါ့ကြောင့် ငြိမ်းချမ်းခြင်းကို ကျွန်ုပ်တို့ ပြောတဲ့အခါမှာ လွတ်လပ်မှုရှိခြင်း ပါဝင်တယ်။ အမှန်တရားရှိ ခြင်းပါဝင်တယ်။ တည်ငြိမ် အေးချမ်းခြင်း ပါဝင်တယ်။ လူတစ်ယောက်ချင်းစီနဲ့ လူသားတွေ အားလုံးရဲ့ အဖက်ဖက်ကနေ ဖွံ့ဖြိုးတိုးတက်ခြင်း ပါဝင်ပါတယ်။ လူအချင်းချင်း တစ်ဦးနဲ့တစ်ဦး အကြား အပြန်အလှန် မှီခိုခြင်းဆိုတာက မဖြစ်သာလို့ သည်းခံမှီခိုခြင်းမျိုး မဟုတ်ဘဲ လွတ်လပ်တဲ့စိတ်နဲ့လက်ခံပြီး၊ ရက်ရောစိတ်ဖြင့် ရှင်သန်ခြင်းဖြစ်ပါတယ်။ အတိုပြောရမယ်ဆိုရင် စစ်မှန်တဲ့ ငြိမ်းချမ်းခြင်း ဆိုတာက နှစ်ဦးနှစ်ဖက် အပြန်အလှန် ချစ်ခြင်းမေတ္တာရှိပြီး၊ တစ်ယောက်ကို တစ်ယောက် ကောင်းကျိုးပြုခြင်း ဖြစ်တယ်။

ထိုကဲ့သို့သော လူတွေနေထိုင်ကြတဲ့  တည်ငြိမ်တဲ့ လူ့ဘောင် အသိုင်းအ၀ိုင်းဖြစ်တယ်။ ဒါ့ကြောင့် ငြိမ်းချမ်းခြင်းဆိုတာ အလွန်ကို အပြုသဘော ဆောင်တဲ့ အပေါင်းလက္ခဏာ ခံယူချက်ဖြစ်ပါတယ်။ ဘာမှ လှုပ်ရှားမှုမရှိတဲ့ အနှုတ် လက္ခဏာ သက်သက် မဟုတ်ပါဘူး။ တည်ငြိမ်အေးချမ်းမှုရဲ့ အရင်းအမြစ်ဖြစ်လာမဲ့ ဖွဲ့စည်းပုံစနစ်ကို တည် ဆောက်ရန်အတွက် တက်ကြွတဲ့ သန္တိဌာန်ဖြစ်ပါတယ်။

    ဒီလို စိတ်ထားမျိုးဖြစ်နိုင်ဖို့ ဘယ်အရာတွေက ကြီးမားစွာ အထောက်အကူပြုသလဲ ဆိုရင်၊ လူသားတွေ အားလုံးက မိသားစုကြီးတစ်ခု အတွင်းထဲမှာပဲ ပါဝင်နေကြတယ် ဆိုတာကို အသိအမှတ်ပြုခြင်း၊ လူသားတွေ ဖြစ်လာအောင် ဖန်ဆင်းရှင်တစ်ပါးတည်းသာ ရှိတယ်၊ လူသား တွေ အားလုံးရဲ့ မူလဇစ်မြစ်က တစ်ခုတည်း ဖြစ်တယ် ဆိုတာကို အသိအမှတ်ပြုခြင်း၊ လူတွေ အားလုံးမှာ လူ့သဘာဝဆိုတာ အတူတူပဲဖြစ်ခြင်း၊ လူသားတွေ အားလုံးဟာ ယေဇူးခရစ်တော် ဘုရားရှင်ကြောင့် ကယ်တင်ခြင်းကို ရရှိခြင်း၊ လူသား တွေအားလုံးရဲ့ နောက်ဆုံးပန်းတိုင်က အတူတူပဲ ဖြစ်ခြင်းကို အသိအမှတ်ပြုတယ် ဆိုရင် ငြိမ်းချမ်း ခြင်း စိတ်ထားတွေဖြစ်လာမှာ ဖြစ်ပါတယ်။

    ဒီလူသား မိသားစုကြီးထဲမှာ ဘုရားရှင်၏ အလိုတော်က လူတစ်ဦးချင်းစီက တစ်ခြားလူ တွေရဲ့ အခွင့်အရေးတွေကို လေးစားသင့်ကြပြီး ဘ၀ခရီးမှာ သွားနေကြတဲ့ ဘုရားဖူး ခရီးသွား ဖော်များအဖြစ် အတူ လုပ်ဆောင်လိုကြတဲ့ စိတ်ထားမျိုး ရှိကြဖို့ဖြစ်ပါတယ်။ ဒါပေမဲ့ အဲဒီလို တစ်ခြားလူတွေရဲ့ အခွင့်အရေးတွေကို ရိုသေ လေးစားခြင်းက တရားမျှတမှုရှိခြင်း စိတ်ဓါတ်ကနေ စီးဆင်းလာတာဖြစ်တာကြောင့်၊ စစ်မှန်ပြီး ရေရှည် တည်တံ့တဲ့ ငြိမ်းချမ်းခြင်း ရှိဖို့ဆိုရင်၊ တရားမျှတခြင်းရှိဖို့က လုံးဝ ဥဿုံ လိုအပ်ပါတယ်။ တရားမျှတခြင်းရှိ မရှိဆိုတာ ဘယ်လို ဖေါ်ပြနေသလဲဆိုရင်၊ ၀မ်းတွင်းမှာ စတင် ပဋိသန္ဓေတည်တဲ့ အချိန်ကနေ၊ ဘ၀ တစ်လျှောက် သေဆုံးသွားတဲ့အချိန် အထိ၊ လူ့အသက်ကို ရိုသေလေးစားမှုရှိခြင်း၊ အားနည်းတဲ့၊ ခုခံ ကာကွယ်၊ ပြောဆိုနိုင်စွမ်း မရှိသူတွေကို ရိုသေ လေးစားခြင်း၊ လူတစ်ဦးချင်းစီနဲ့ ဖြစ်စေ၊ အုပ်စုအသင်းအဖွဲ့ အတွက်ဖြစ်စေ၊ ဘာသာရေး၊ လွတ်လပ်မှုရှိခြင်းကို ရိုသေလေးစားခြင်း၊ ဘာသာ စကားမတူလို့၊ လူ့အဆင့်အတန်း မတူလို့၊ လူမျိုး မတူ၊ ဘာသာ၊ အရောင်၊ လိင်မတူလို့ ခွဲခြား ဆက်ဆံခြင်းတွေကို ဆန့်ကျင် ပယ်ရှားခြင်းတို့ ရှိရမှာ ဖြစ်ပါတယ်။ နောက်ပြီး တိုင်းသူပြည်သား တွေ အကြားမှာ တန်းတူ အခွင့်အရေးရှိရမှာဖြစ်တယ်။ အထူးသဖြင့် ပြည်သူက အုပ်ချုပ်တဲ့ စနစ် ရှိရမှာဖြစ်တယ်။

    ဒါကြောင့် ငြိမ်းချမ်းခြင်းဆိုတာ၊  အနုတ်လဏ္ခာ အခေါ်မဟုတ်ပါဘူး၊ စစ်ပွဲတွေ မရှိရုံလေးကို ငြိမ်းချမ်းခြင်းလို့ မခေါ်ပါဘူး။ ငြိမ်းချမ်းခြင်းဆိုတာ ဒီအရာတွေထက် အများကြီး ပိုပါတယ်။ အကယ်၍ နိုင်ငံတစ်ခုမှာ စစ် လက်နက်ပစ္စည်းတွေ ထုတ်လုပ် ၀ယ်ယူခြင်းမှာ ငွေကို အများကြီး အသုံးပြုနေတယ်။ နောက်ပြီး နူးကလီးယား လက်နက်အပါအ၀င် ခေတ်မှီတဲ့ လက်နက်တွေကို စုဆောင်းနေပြီးတော့ ထိုကဲ့သို့ ပြုလုပ်နေခြင်းက ကမ္ဘာကြီးပေါ်မှာ ငြိမ်းချမ်း ခြင်း စိုးမိုးစေဖို့ ပြောနေတယ် ဆိုရင် ငြိမ်းချမ်းခြင်း ဆိုတာကို သူတို့က တစ်မျိုးနားလည်နေကြခြင်း ဖြစ်တယ်။ ထိုနိုင်ငံကကြွေးကြော်နေတဲ့ တကယ့် အဓိပ္ပါယ်က သူတို့နိုင်ငံရဲ့ ပြိုင်ဖက်လို့ ထင်မြင်ရတဲ့၊ သူတို့ နိုင်ငံအတွက် ခြိမ်းခြောက်မှု၊ အန္တရာယ်လို့ ထင်မြင်ရတဲ့ အခြားနိုင်ငံ တစ်နိုင်ငံကို ပြန်ပြီး ခြိမ်းခြောက်ဖို့၊ ဒါမှမဟုတ် အနိုင်ရဖို့၊ ဖျက်ဆီးပစ်ဖို့ အတွက် လက်နက်တွေကို စုဆောင်းနေတယ်ဆိုတဲ့ အဓိပ္ပါယ်ဖြစ်ပါတယ်။ တစ်ဖက်နိုင်ငံ ကလည်း အလားတူပြန်ပြီးပြုမူမယ်ဆိုရင်၊ အပြန်အလှန် ခြိမ်းခြောက်မှုရှိခဲ့လာပြီး ငြိမ်းချမ်း ခြင်း မဟုတ်ပါဘူး။ ရှေးရောမ လူမျိုးတွေမှာ စကားပုံ အဆိုတစ်ခုရှိခဲ့ပါတယ်။
ငြိမ်းချမ်းခြင်းကို လိုချင်လျှင် စစ်ကို ပြင်ဆင်ပါ တဲ့။ ပြဿနာတစ်ခုကိုဖြေရှင်းနိုင်ဖို့ ကြိုးစား ရာမှာ ရှေးအကျဆုံးနည်းလမ်းတွေထဲက တစ်ခု အဖြစ် လက်နက်ကိုအားကိုးတဲ့ သူရဲ့ ကုသလို့ မရ နိုင်ဘူးလို့ ထင်ရတဲ့ အလေ့အထအရ ဆိုရင်တော့ ထိုအဆိုက မှန်တယ်လို့ ထင်မြင်ရပါတယ်။ ဒါပေမဲ့ လူသားတွေပြုလုပ်နိုင်စွမ်း ရှိကြတဲ့၊ ကိုယ်ကျင့်တရားဆိုင်ရာ၊ ဘာသာတရားဆိုင်ရာ၊ ယဉ်ကျေးမှုဆိုင်ရာမြင့်မြတ်တဲ့ အရာတွေကို သေချာ ဂရုစိုက်ပြီး စဉ်းစားကြည့်မယ် ဆိုရင်၊ ပိုပြီးတော့ အပြုသဘောဆောင်တဲ့ လူ့သဘာဝရဲ့ အမြင်ကိုက အလားအလာကောင်း ပါတယ်။ နောက်တစ်ခုက စိတ်အာရုံကြော စစ်ပွဲလို့ ခေါ် တဲ့ တင်းမာမှု အခြေအနေဖြစ်ပါတယ်။

    ငြိမ်းချမ်းခြင်းဆိုတာ တစ်ကယ်ပဲ အပေါင်းလက္ခဏာ အရာဖြစ်ပါတယ်။ လုံခြုံမှုကို အာမခံချက်ပေးတဲ့၊ စိတ်နဲ့နှလုံးသား အတိုင်းအတာတစ်ခုအထိ တည်ငြိမ်ခြင်း ပါဝင်ပါတယ်။ ထိုငြိမ်းချမ်းခြင်းက ပရောဖက် အီဇာရိယက ဟောပြောတဲ့ငြိမ်းချမ်းခြင်းမျိုးဖြစ်ပါတယ်၊ (အီဇာရိယ အနာဂ္ဂတိကျမ်း - ၃၂း ၁၇-၁၈ ) ဖြောင့်မတ်ခြင်းတရား မရှိလည်း ငြိမ်သက်ခြင်းကို ပြုစုလိမ့်မည်။ ဖြောင့်မတ်ခြင်း အကျိုးမူကား၊ ထာဝရ ငြိမ်းသက်ခြင်းနှင့် လုံခြုံခြင်းတည်း။ ငါ၏ လူတို့လည်း ငြိမ်သက်သောနေရာ၊ လုံခြုံသော မြို့ရွာ၊ ဘေးလွတ်သော ချမ်းသာရာ အရပ်တို့၌ နေရကြလိမ့်မည်။ ထိုကဲ့သို့သော ငြိမ်းချမ်းခြင်းကို ဘုရားကျေးဇူးတော်အဖြစ်၊ ယေဇူး ခရစ် တော်ဘုရားရှင်က၊ ကိုယ်တော်ရှင်၏နောက်လိုက် များကို ကတိ ထားတော်မူပါတယ်။

    (ရှင်ယောဟန် ၁၄း၂၇) ငြိမ်းချမ်း သာယာခြင်းကို သင်တို့အား ငါထားခဲ့၏၊ ငါ၏ ငြိမ်းချမ်း သာယာခြင်းကို သင်တို့အား ငါ ပေး၏။ ဤလောက, က ပေးသကဲ့သို့ သင်တို့အား ငါပေးသည်မဟုတ်။        

                                    ဘုန်းဘုန်းရစ်ချက်လှမင်းဦး

Read More...

Tuesday, June 12, 2012

နေ့စဉ်ဘုရားတရားရှိပြီး သဒ္ဒါကြည်ညိုခြင်းအတိ လွှမ်းတဲ့အသက်တာဖြစ်ဖို့ရန်

မေး။    ။ ဘုန်းဘုန်းဘုရား- တပည့်တော်ဟာ ကက်သလစ် ခရစ်ယာန် တစ်ဦးဖြစ်ပါတယ်။ နေ့စဉ် ဘုရားတရားရှိပြီး သဒ္ဒါကြည်ညိုခြင်း အတိ လွှမ်းတဲ့အသက်တာဖြစ်ဖို့ရန်အတွက် ဘာတွေ ပြုမူဆောင်ရွက် ရမလဲဆိုတဲ့ အချက်များကို ဖြေကြား လမ်းညွှန်ပေးပါဘုရား။

ဖြေ။    ။ ဒီမေးခွန်းကို စကားလေး တစ်ခွန်းတည်းနဲ့ ဖြေရမယ်ဆိုရင် ရိုးရိုးကျင်၊့ မြင့်မြင့်ကြံပေါ့။ အဓိပ္ပါယ်ကနေ့စဉ် သမရိုးကျ လုပ်သမျှ၊ ကြံသမျှ၊ စံရသမျှ၊ ခံရသမျှအားလုံးကို ဘုရားရှင်အား ပူဇော်ပြီး အသက်ရှင်ရင်း ဘုရားရှေ့မှာ တရားဝင်တယ်။ တစ်ချက်ခုတ် သုံးလေးချက် ပြတ်တယ်။ တမလွန်ထိပါတဲ့ ကုသိုလ်ကောင်းမှု တွေဖြစ်တယ်။ ကောင်းကင် ဘဏ္ဍာဖြစ်လာတယ်။

    (ရှင်မာဿဲခရစ်ဝင်-၆း ၁၉- ၂၁) မှာ သံချေးပိုးရွ ဖျက်ဆီး၍ သူခိုး မထွင်းမဖေါက် မခိုးမယူရာ ဘဏ္ဍာရှိ၏။ ထိုအရပ်၌ သင်တို့ စိတ်နှလုံးသည်ရောက်တတ်၏။ မိမိရဲ့ ဘဏ္ဍာဟာ လောကမှာလား၊ ကောင်းကင်ရွှေပြည်မှာလား ဆိုတာ ပြန်သုံးသပ်ရပါမယ်။ ဒီလ မေးထားတဲ့ မေးခွန်းကို အချက် (၁၈) ချက်နဲ့ အကျယ်တ၀င့်ပြောပြချင်ပါတယ်။ ဘုရားတရားရှိတဲ့ အသက်တာ၊ သဒ္ဒါ ကြည်ညိုခြင်းရှိတဲ့ အသက်တာဖြစ်နိုင်ဖို့အတွက် နေ့စဉ် လိုက်ရှောက်ရမယ့် အချက် (၁၈) ချက်ရှိပါတယ်။

(၁)   How should we begin the day? တစ်ရက်တာနေ့သစ်ကိုဘယ်လို အစပြုမလဲ။
    အိပ်ရာမှနိုးသောအခါ ခရစ္စတူး အမှတ်ကို တားပြီး နေ့စဉ် နံနက် ပူဇော်ခြင်း မေတ္တာကို ရွတ်ဆိုလျက် ကိုယ်စိတ်နှလုံး သုံးပါးကို ဘုရားသခင်ထံ ပူဇော်ရပါမည်။
(၂)    How should we rise in the morning ? မနက်စောစော အိပ်ယာက ဘယ်လို နိုးကြမလဲ။
    လုံ့လ ၀ီရိယနဲ့ ကြိုးစားကာ၊ ကာအိ နြေ္ဒရှိရှိ၊ အ၀တ်ဖိုး ရို့ဖားရားမဟုတ်ဘဲ ကောင်းကောင်းဝတ်ပြီး ဒူးထောက်၍ ဆုတောင်းမေတ္တာ ဆိုလျက် ပူဇော်ရပါမယ်။
(၃)    မစ္ဆားပူဇော်ခြင်း၌ ပါဝင်ခွင့်ရှိလျှင် သဒ္ဒါကြည်ညိုခြင်း အပြည့်နဲ့ ပါဝင် ပူဇော်ရပါမယ်။
(၄)    ရဟန္တာ သူတော်သူမြတ်တိုင်းသည် ကမ္မဋ္ဌာန်းရှုကြတယ်ဆိုတော့ နေ့စဉ် ကမ္မဋ္ဌာန်းရှုဖို့ လိုအပ်ပါတယ်။
(၅)    ကမ္မဋ္ဌာန်းရှုတဲ့နေရာမှာ ဘာတွေကို ရှုသင့်သလဲ ဆိုရင် သေခြင်း၊ တရားစီရင်ခြင်း၊ ငရဲနဲ့ ကောင်းကင်သုခချမ်းသာ အကြောင်း၊ ခရစ်တော်ရဲ့ သက်တော်စဉ် အကြောင်း၊ ကိုယ်တော်ရှင် ခံထမ်းတော်မူခဲ့သော ဒုက္ခ စရိယာ အကြောင်းတို့ကို ရှုရပါမယ်။
(၆)      ကောင်းသော စာပေများကို မကြာခဏ ဖတ်ဖို့ လိုအပ်ပါတယ်။
    သမ္မာကျမ်းစာကို အနည်းဆုံး (၁၅) မိနစ်ခန့် ဖတ်ဖို့ လိုအပ်ပါတယ်။ အထူးသဖြင့် ဧ၀ံဂေလိ ကျမ်းလေးစောင်ကို ဦးစားပေး ဖတ်ရှုဖို့ လိုအပ်ပါတယ်။ ရဟန္တာ သူတော် သူမြတ်ရဲ့သက်တော်စဉ်များ၊ အခြားဝိညာဉ် ခွန်းအား ရစေတဲ့ ဘာသာရေးစာပေများကို ဖတ်ရှုနိုင်ပါတယ်။
(၇)    စားသောက်စဉ်၊ အနားယူစဉ်၊ အပန်းဖြေစဉ် အလွန်အကျွံ မဟုတ်ဘဲ ဘုရားသခင်ရဲ့ အလိုတော်ကိုသာ ကျေနပ်စေဖို့ လိုအပ်ပါတယ်။
(၈)    အစာမစားခင် ကျေးဇူးတော် ချီးမွမ်းပြီးမှ သုံးဆောင်လျက် ပြီးလျှင် ကျေးဇူးတင် မေတ္တာဆိုပါ။
(၉)    တစ်နေ့လုံး ပြုလုပ်သမျှ ဆောင်ရွက် သမျှတို့ကို စင်ကြယ်မြင့်မြတ်စေဖို့ ဘုရားကို မကြာခဏ စိတ်ထဲက တိုးတိုးလေး စကားပြော ဆုတောင်းပြီး၊ မိမိ စိတ်နှလုံးကို ဘုရားသခင်ဆီ တင်ပူဇော်ဖို့ လိုပါတယ်။
(၁၀)    မာရ်နတ်ရဲ့ စုံစမ်းနှောက်ယှက်ခြင်း ခံရချိန်မှာ ဘုရားဆီ ဆုတောင်းပြီး၊ ကယ်မတော်မူပါ သခင်။ ပျက်စီးခြင်းမှ ကင်းဝေးစေတော်မူပါဘုရား ဆိုတဲ့မေတ္တာတိုလေးများကို ဆုတောင်းတတ် ဖို့လိုပါတယ်။ အောင်မြင်အောင်ကြိုးစား၊ တစ်ခုခုနဲ့ အစားထိုးပါ။
(၁၁)    အပြစ်ထဲ မတော်တဆကျ သွားခဲ့မိရင် ချက်ချင်း ဆုတောင်း၊ နောင်တယူပြီး စုံလင် သော နာကျင်ခြင်းနှင့် ခရစ်တော်ထံ အခွင့်တောင်းပါ၊ အသနားခံပါ၊ နောက်တဖန် မဖြစ်ရန် ကြိုးစားမည်ဟု ကတိထားပါ။ အပြစ်ကြီး ဖြစ်လျှင် အမြန်ဆုံး အာပတ်ဖြေနိုင်ပါက အာပတ်အမြန်ဖြေဖို့ လိုအပ်ပါတယ်။
(၁၂)    အနာရောဂါ စွဲကပ်ချိန်၊ ရောဂါခံစားနေရသောအခါ အိုသခင် ကိုယ်တော်၏ အလိုတော်အတိုင်း ဖြစ်ပါစေ။ တပည့်တော် ပြုခဲ့မိသော အပြစ်များအတွက် ဒဏ်ဆပ်ဖြေသောအားဖြင့် ခံထမ်း ပူဇော်ပါ၏လို့ တဖွဖွ ပူဇော် ဆုတောင်းတတ်ဖို့ လိုအပ်ပါတယ်။
(၁၃)    အန်ဂျေလူးမေတ္တာ တစ်ရက်သုံးခါ နံနက်တစ်ကြိမ်၊ မွန်းတည့်တစ်ကြိမ်၊ ညနေခင်းတစ်ကြိမ် ခေါင်းလောင်းထိုးချိန်၌ ဆိုဖို့ လိုအပ်ပါတယ်။ ဆိုရခြင်းအကြောင်း က တော့ မယ်တော်သခင်မနဲ့ သခင်ယေဇူးအား ကျေးဇူးတင်ဆပ်ရန် ဖြစ်တယ်။
(၁၄)  စကားစမြည် ဆုံဆည်းပြောဆိုတဲ့အခါ သူတစ်ပါးအကြာင်း မကောင်းပြောဆိုခြင်း၊ မုသားပြောဆိုခြင်း၊ ညစ်ညမ်းစွာပြော ဆိုခြင်းစတဲ့ အပြောအဆိုများကို ရှောင်ရှားရပါမယ်။
(၁၅)    ကျေးဇူးတော်တစ်ခုရလျင် ကျေးဇူး တော်ကို သိမှတ်နှလုံး သွင်းရမယ်။ ချစ်ခြင်း မေတ္တာတရား တိုးပွားအောင်၊ တည်မြဲအောင် ကြိုးစားရမယ်။
(၁၆)    ညအိပ်ရာမ၀င်မီ တစ်နေ့တာ အတွင်း ပြုမိခဲ့သော အပြစ်ဟူအမျှကို ပြန် သတိရနိုင်ဖို့ ကျေးဇူးတော် တောင်းခံ ရပါမယ်။ ပြီးရင်ပြုခဲ့မိသော အပြစ်အရေအတွက် များနဲ့ခံစားရရှိသော ကျေးဇူးတော်များကို ရေတွက်စစ်ဆေး၊ စီစစ်ပါ။ ဘုရားရှင်ကို ကျေးဇူးတင်ပါ။ အပြစ်များအတွက် အခွင့်တောင်းပါ။ ဘုရားသခင်ရဲ့ ရွှေလက်တော်၌ ကိုယ်စိတ်နှစ်ပါးကို အပ်နှံပူဇော် လိုက်ပါ။
(၁၇)နောင်တယူပြီး ညမေတ္တာဆို အပ်နှံပူဇော်ပါ။
(၁၈) ညအိပ်ရာဝင်စဉ် ကာအိနြေ္ဒသိက္ခာရှိရှိ အ၀တ်အစားလဲလှယ်ပြီး ခရုတူးမှတ် အသား ပြု၊ ဘုရားသခင်၊ မယ်တော်သခင်မ၊ ကိုယ် စောင့်သိကြားတို့အား အပ်နှံ၊ ကောင်းသော သေခြင်းနှင့်သေရအောင် ဆုတောင်းပါလို့ ဖြေကြားလိုက်ရပါတယ်။

          ဘုန်းဘုန်း  ဒိုမိနစ်ဦးဂြိုလ်တု

    Read More...

    Monday, June 11, 2012

    အဆင်းမလှ အချင်းလှသူ

    ရုပ်ဆင်းသဏ္ဍာန်
    အပေါ်ယံတွင်
    ဖုဖုထစ်ထစ်
    အဖုများဖြင့်
    အဆင်းကွယ်ပျောက်ခဲ့၏။

    စိတ်ပုံသဏ္ဍာန်
    နှလုံးသားဝယ်
    မေတ္တာဝေငှ
    တစ်ပါးသူအား
    အချစ်များစွာ ပေးဝေခဲ့၏။

    ရုပ်ဆိုးသော်လည်း
    စိတ်လှခဲ့သူ
    ဤသူသည်ကား
    အဆင်းမလှ
    အချင်းလှပေတည်း။

        ဘေဆဲလ်ဇေယျာ(ချောက်)

    Read More...

    Wednesday, June 6, 2012

    မန္တလေးကက်သလစ်သာသနာသမိုင်း

    မန္တလေးကက်သလစ်သာသနာသမိုင်း 



    မန္တလေး ကက်သလစ် ဂိုဏ်းချုပ်သာသနာ သမိုင်းကြောင်း
    History of Mandalay Catholic Archdiocese

    Read More...

    Monday, June 4, 2012

    ခရစ်တော်နှင့် အတူရှိနေဖို့

        ခရစ်တော်က ““ငါသည် သင်တို့ကို ချစ်သည့် နည်းတူ သင်တို့သည်လည်း အချင်းချင်း ချစ်ကြလော့၊ သင်တို့ အချင်းချင်း ချစ်ကြလျှင် သင်တို့သည် ငါ၏ တပည့်ဖြစ်သည်ကို သိရကြလိမ့်မည်”” လို့ သွန်သင်ခဲ့တယ်။ ခရစ်တော်က ဆက်လက်ပြီး ““ငါ့ကို ချစ်သောသူသည် ငါ့စကားကို နားထောင်လိမ့်မည်၊ ငါ့ခမည်းတော်သည် ထိုသူကို ချစ်တော်မူသည်၊ ငါတို့သည်လည်း သူ့ဆီသို့ကြွ၍ နေရာချမည်””လို့ (သံယောဟန် ၁၄၊၂၃) မှာ မိန့်ကြားတော်မူတယ်၊ ခရစ်တော်ဟာ တပည့်တော်ကြီးများနဲ့ ခေတ္တ ခွဲခွာရပေမဲ့ သူတို့ နဲ့ အတူ ထာဝရရှိနေမယ်ဆိုတဲ့ အကြောင်း မိန့် ကြားခဲ့ပါတယ်။


        ပါစကားပွဲနေ့ကစပြီး သခင်ခရစ်တော် ကောင်းကင်ဘုံသို့ တက်ကြွတော်မူသော နေ့တိုင်အောင် ပါစကားပွဲကို ဆက်လက် ကျင်းပနေကြပါတယ်။ ပါစကားပွဲပြီး နောက်ဆဌမ တနင်္ဂနွေနေ့ကို ပါစကားပွဲနဲ့ သခင်ခရစ်တော် ကောင်းကင်ဘုံသို့ တက်ကြွတော်မူသော ပွဲနေ့ကို ပေါင်းကူးပေးတဲ့နေ့ လို့ ပြောဆိုနိုင်ပါတယ်။ ခရစ်တော် အသေမခံမီ ကမ္ဘာပေါ် သက်ရှိထင်ရှားရှိခဲ့တဲ့ ဘ၀သက်တာ ကာလနဲ့ ကောင်းကင်ဘုံသို့ ပြန်ကြွသွားချိန် ကာလကြားမှာ နေထိုင်ခဲ့တဲ့ ခရစ်တော်ရဲ့ ရှင်ပြန်ထမြောက်ပြီး ဘုန်းဂုဏ်တော်နဲ့ ပြည့်ဝနေတဲ့ ခန္ဓာကိုယ် သက်ရှိထင်ရှားတဲ့ ဘ၀ သက်တာဖြစ်ပါတယ်။

        လူသားတိုင်းဟာ သေခြင်းကို ကြောက်ရွံ့ကြတယ်။ ဘာလို့လဲဆိုတော့ မိမိတို့ ချစ်မြတ် နိုးတဲ့ ဆွေမျိုး မိတ်သင်္ဂဟ အပေါင်းနဲ့ ခွဲခွာရမှာဖြစ်ပြီး လောကမှာ ထားရစ်ခဲ့ရမှာမို့ဖြစ်တယ်၊ ခရစ်တော် အသေမခံမီ ခရစ်တော်နဲ့ တပည့်တော်ကြီးများလဲ ထိုခံစားချက်မျိုး ခံစားရပါတယ်။ ဒါကြောင့် နောက်ဆုံး ညစာစားချိန်မှာ ခရစ်တော်က တပည့်တော်ကြီးများကို နှုတ်ခွန်းဆက် ခွဲခွာချိန်မှာ တပည့်တော်ကြီးများလည်း ခရစ်တော်နဲ့ ခွဲခွာရမယ် ဆိုတာ သိကြတော့ ၀မ်းနည်းကြတယ်။ အမှန်တော့ ခရစ်တော်ဟာ သေခြင်းအားဖြင့် တပည့်ကြီးများနဲ့ ခေတ္တ ခွဲခွာရပေမဲ့ ဤသေခြင်းအားဖြင့်သာ ခရစ်တော်ဟာ ကျွန်ုပ်တို့နဲ့ ထာဝရ အတူ ရှိနေမှာဖြစ်ပါတယ်။ ခမည်းတော်ဘုရားရဲ့ အလိုတော်အရ သေခြင်းကို ခံခြင်းအားဖြင့်သာ ဘုရားနဲ့ လူသား ထာဝရ တစ်လုံးတစ်ဝတည်း အဖြစ်သို့ ရောက်ရှိနိုင်ပါတယ်။ သခင်ခရစ်တော်ဟာ ဒီလောကမှ မထွက်ခွာမီ ညစာစားပွဲမှာ ကိုယ်တော်မြတ် စက္ကရမင်းတူးကို ကျွန်ုပ်တို့အား ပေးခဲ့ပါတယ်။ လူသားများအတွက် အသက်ပေးတဲ့ မုန့်ဖြစ်လာဖို့ သေခြင်းနဲ့ ရင်ဆိုင်ရမှာ ဖြစ်ပါတယ်။ ကိုယ်ခန္ဓာသေပြီး ရှင်ပြန်ခြင်းအားဖြင့်သာလျှင် လူသား အားလုံးအတွက် ထာဝရ အသက်ပေးတဲ့မုန့် ဖြစ်လာပါတယ်။ ကြက်၊ ၀က်များ အသက် မသေဘဲနဲ့ ကြက်သားကြော်၊ ၀က်သားကြော်တို့ မရရှိနိုင်ပါဘူး။ ခရစ်တော်လဲ အသက်မစွန့်ဘဲ ထာဝရ အသက်ပေးတဲ့ မုန့်ဖြစ်မလာနိုင်ပါဘူး။

        ဧ၀ံဂေလိကျမ်းစာမှာ ခရစ်တော်ရဲ့ သေခြင်းအားဖြင့်သာလျှင် ကျွန်ုပ်တို့ရဲ့ နှလုံးသားထဲမှာ ခရစ်တော် တစ်ပါးတည်း သာမက အဖခမည်းတော်ဘုရားရဲ့ ၀ိညာဉ်တော်ဘုရား ကိန်းအောင်း စံပယ်တော်မူတယ်၊ ““ငါ့ကို ချစ်လျှင် ငါ့ပညတ်တော်တို့ကို စောင့်ရှောက်လော့၊ ငါသည် ခမည်းတော်ကိုတောင်း၍ ခမည်းတော်သည် သမ္မာတရားကိုပြသော ၀ိညာဉ်တော်တည်းဟူသော တစ်ပါးသော ဥပဇ္ဈယ်ဆရာကို သင်တို့နှင့်အတူ တည်နေစေခြင်းငှါ သင်တို့အား ပေးတော်မူမည်။ ထိုဝိညာဉ်တော်ကို လောကီ သားတို့ မသိမမြင်သောကြောင့် မခံ မယူနိုင်ကြ၊ ထိုဝိညာဉ်တော်သည် သင်တို့နှင့် အတူတည်နေ၍ သင်တို့၌ ရှိတော်မူသောကြောင့် သင်တို့ သိရကြ၏””လို့ (သံယောဟန် ၁၄၊ ၁၅-၁၇) မှာ မိန့်ကြားထားပါတယ်။ ဒါကြောင့် ကျွန်ုပ်တို့ဟာ ခရစ်တော်ကို ချစ်ပြီး သူ့ရဲ့ ပညတ်တော်များကို လိုက်နာမယ်ဆိုရင် အဖ ခမည်းတော်ဘုရားဟာ ထာဝရ တည်ရှိမဲ့ ၀ိညာဉ်တော်ဘုရားကို စေလွှတ်ပေးမယ်လို့ အာမခံချက် ပေးထားပါတယ်။ ခရစ်တော်ရဲ့ အသေခံခြင်းဟာ ခရစ်တော်ရဲ့ တပည့်ကြီးများအကြား ထာဝရ စည်းလုံးမှုကို ရရှိစေတယ်။ သေခြင်းအားဖြင့်သာလျှင် ခရစ်တော်ဟာ တပည့်တော်ကြီး များထံ ပြန်လည် ရောက်ရှိလာပြီး တပည့်ကြီးများနဲ့ ယုံကြည်သူတို့ရဲ့ နှလုံးသားမှာ အမြဲတမ်း မထင်မရှား တည်ရှိပါတယ်။

        ဗျာဒိတ်ကျမ်း၂၁း ၁၀-၁၄၊ ၂၂-၂၃ မှာ ဘုရားသခင် ကိုယ်တိုင်ဟာ ဗိမ္ဗာန်တော် ဖြစ်တယ်လို့ သံယောဟန်ရဲ့ ရူပါရုံမှာ ထင်ထင်ရှားရှား မြင်ရတဲ့ အကြောင်း ဖေါ်ပြထားပါတယ်။ ကျွန်ုပ်တို့အားလုံးကလည်း ဘုရားသခင်ရဲ့ ဗိမ္မာန်တော်များ ဖြစ်တယ်လို့ သံပေါလူးက ဆိုထားပါတယ်။ ဒီကျမ်းချက်တွေ အားဖြင့် ကျွန်ုပ်တို့တတွေဟာ ပုဂ္ဂိုလ် သုံးပါး တစ်ဆူဘုရား၌ အသက်ရှင်သန်ကြတယ်။ ပုဂ္ဂိုလ် သုံးပါး တစ်ဆူဘုရားဟာလည်း ကျွန်ုပ်တို့ရဲ့ ၀ိညာဉ်ထဲမှာ စံပယ်နေတယ်ဆိုတဲ့ အချက်ကို ထောက်ပြနေပါတယ်။ ခရစ်တော် ဒီလောကမှာ သက်ရှိထင်ရှား ရှိစဉ်ကာလ ပကတိ စက္ခုအာရုံနဲ့ တွေ့မြင်ရပေမဲ့ နောက်ပိုင်း ဘုရားသခင်ဟာ ကျွန်ုပ်တို့ နှလုံးသားထဲ တည်ရှိတယ်ဆိုတာကိုတော့ ယုံကြည်ခြင်း စက္ခု အာရုံနဲ့ဘဲ တွေ့မြင်နိုင်ကြတယ်။ ဘုရားနဲ့လူ တစ်လုံးတစ်ဝတည်း ရှိနေခြင်းရဲ့ အကျိုးသက်ရောက်မှုကို အာရုံများနဲ့ မသိရှိနိုင်ဘဲ ယုံကြည်ခြင်း၊ ခရစ်တော်နဲ့ ပေါင်းစပ်နေထိုင်ခြင်းနဲ့ ဘ၀ အတွေ့အကြုံများအရ သိရှိနိုင်ပါတယ်။ ဥပမာပြရရင် ၀ါယာထဲမှာ ရှိနေတဲ့ လျှပ်စစ်နဲ့ သဏ္ဍန်တူပါတယ်၊ ၀ါယာကြိုးနှစ်စကို မဆက်သွယ်ဘူး၊ မီးခလုတ် မဖွင့်ရင် မီးအလင်းရောင် မရ ရှိနိုင်ပါဘူး။ ၀ါယာကြိုးနှစ်စ ဆက်လိုက်မှ မီးလင်း လာပါတယ်၊ မီးမဖွင့်တဲ့ အချိန် ဆိုရင် ၀ါယာထဲမှာ စီးနေတဲ့ လျှပ်စစ်ဓါတ်ကို အမှတ်တမဲ့ ထားတတ်ကြတယ်။ မီးဖွင့်လိုက်မှ မီးလင်းလာခြင်း အားဖြင့် လျှပ်စစ်ဓါတ် တည်ရှိမှုကို သဘောပေါက်ကြတယ်။ ၀ါယာ နှစ်စ ဆက်လိုက်ခြင်းရဲ့ အကျိုးသက်ရောက်မှုကတော့ မီးကို ရရှိပြီး နေ့စဉ်ဘ၀ အသက်တာမှာ ချက်ပြုတ်ရာမှာ သော်၎င်းင်း၊ ရေဒီယို၊ ကက်ဆက်၊ တီဗွီတို့ကို အသုံးပြုတဲ့အခါ လျှပ်စစ်ဓါတ်အားရဲ့ အကျိုး သက်ရောက်မှုကို လက်တွေ့သိရှိ အသုံးပြုကြရတယ်။ ဘုရားသခင် ကျွန်ုပ်၌ တည်ရှိနေတာဟာလဲ ထိုနည်း အတိုင်း ပါပဲ။ လျှပ်စစ် တည်ရှိနေမှုကို ၀ါယာကြိုး ဆက်လိုက်တဲ့အခါ သိရှိနိုင်သလို ကျွန်ုပ်တို့ရဲ့ ယုံကြည်ခြင်း၊ မျှော်လင့်ခြင်း၊ ချစ်ခြင်းအားဖြင့်လည်း ကျွန်ုပ်တို့ဟာ ဘုရားသခင်နှင့် အတူ အသက်ရှင်သန် နေကြောင်း ခံစားသိရှိရပါတယ်။


        ကျွန်ုပ်တို့ရဲ့ နှလုံးသားမှာ ဘုရားသခင် ရှိနေဖို့ အချင်းချင်း ချစ်ပြီး ခရစ်တော်ရဲ့ စကားကို နာခံကြရပါမယ်။ ဘုရားသခင်ရဲ့ တရားတော်ကို လက်တွေ့ ကျင့်ကြံရပါတယ်။ ဒီလို ပညတ်တရားတော်ကို နာခံတဲ့နေရာမှာ ခရစ်ယာန်များ ရှိကြသလို ခရစ်ယာန်ကို စိတ်ဝင်စားပြီး ပြင်ဆင်နေသူများလည်း ပါဝင်ကြပါမယ်။ ခရစ်တော်ရဲ့ တရားတော်ကို လိုက်နာတဲ့အခါ တမန်တော် ၀ထ္ထု ၁၅း ၁-၂၊ ၂၂-၂၉မှာ ပါတဲ့အတိုင်း ရှေးဦး အသင်းတော် တည်စကလို ပြဿနာမျိုးတွေ့နိုင်ပါတယ်။ ပင်တေကော့စ်ပွဲပြီးတဲ့ နောက် မကြာခင်အတွင်း အသင်းတော်ထဲ အများအပြား ၀င်လာသူများဟာ ဂျူးလူမျိုးများ ဖြစ်ပြီး နောက်ပိုင်း သံပေါလူးရဲ့သာသနာပြု လုပ်ငန်း အထူး လုပ်ဆောင်တဲ့အခါ ဂျူးလူမျိုး မဟုတ်သူများ အများအပြား အသင်းတော်ထဲ ရောက်ရှိ လာပါတယ်။ ဒီလို ၀င်ရောက်ကြတဲ့ အခါ အသင်းတော်အတွက် ၀မ်းသာမဆုံး ဖြစ်ရသလို ပြဿနာ အခက်အခဲများလည်း ပေါ်ပေါက်ခဲ့ရတယ်။ ဂျူးလူမျိုးများနဲ့ အခြားသော ဘာသာပများဟာ ဆေးကြောခြင်း ခံခြင်းအားဖြင့် ခရစ်ယာန်များဖြစ်လာကြပြီး ခရစ်ယာန်မိသားစု တစ်ခု ဖြစ်လာတဲ့အခါ ယခင်က ယုံကြည်ကြတဲ့ အယူအဆ၊ ဓလေ့ ထုံးစံ မတူညီမှု အပေါ် ပြဿနာဖြစ်ပွားခဲ့ရတယ်။ မိုးဇယ်ရဲ့ တရားဥပဒေ အရ ဂျူးလူမျိုးများဟာ ဘာသာပတို့ရဲ့ အိမ်များကို မ၀င်ကြရဘူး၊ သူတို့နဲ့အတူ အစာ မစားကြရဘူး၊ ဘာသာပတွေ စားသုံးနေတဲ့ တိရိစ္ဆာန်များရဲ့ အသားများကို ဂျူးများ မစားဖို့ ပိတ်ပင်မှုတွေ ဖြစ်ပါတယ်။ အဲဒီအချက်တွေ အားလုံးထဲမှာတော့ ဂျူးလူမျိုး ယောင်္ကျားတိုင်း မွေးဖွားပြီး ရှစ်ရက်မြောက်တဲ့နေ့မှာ အသားလှီး မင်္ဂလာခံယူရပေမဲ့ ဘာသာပများ အဖို့တော့ ထုံးစံ မရှိဘူး။ ဒီလို မတူညီမှုတွေမှ ပေါ်ပေါက်လာတဲ့ ပြဿနာကို အပူတပြင်း ဖြေရှင်းဖို့ အသင်းတော်ရဲ့အကြီးအကဲ နေထိုင်တဲ့ ဂျေရုဇလင်မြို့မှာ အစည်းအဝေး တစ်ရပ် ကျင်းပကာ သံပေတရူး၊ သံပေါလူး၊ သံယာကုတ် စသည်တို့ပါဝင်တဲ့ အဖွဲ့က ၀ိညာဉ်တော်ဘုရားရဲ့ လမ်းညွှန်မှု အောက်မှာ ဖြေရှင်း အဆုံးအဖြတ် ပေးခဲ့ပါတယ်။ အသင်းတော် ယုံကြည်ရာ အချက်များနှင့် ဆန့်ကျင်လာရင် မိမိတို့ရဲ့ မိရိုးဖလာ အယူအဆ၊ ယုံကြည်ချက်တွေကို သတ္တိရှိရှိ ဖယ်ရှားဖို့၊ လူမျိုးတို့ရဲ့ ဓလေ့ ထုံးစံများကိုတော့ အသင်းတော် အနေနဲ့ အတိုင်းအတာ တစ်ခုအနေဖြင့် လက်ခံတာကို တွေ့ရပါတယ်။ ကျွန်ုပ်တို့ရဲ့ ဘုရားဟာ လူသား အားလုံးရဲ့ ဘုရားဖြစ်ပါတယ်။ ဥရောပတိုက်သားတို့ရဲ့ ဘုရား၊ အာရှတိုက်သား တို့ရဲ့ဘုရားလို့ ခွဲခြားလို့ မရပါဘူး။ ဘုရားသခင်ရဲ့ တရားတော်ကို လိုက်နာမယ်ဆိုရင် ခရစ်တော်ရဲ့ အယူဝါဒနဲ့ ဆန့်ကျင်သမျှကို သတ္တိရှိရှိ စွန့်လွှတ် ကြရမှာဖြစ်ပါတယ်။ ရိုးရာ ယဉ်ကျေးမှု ဓလေ့ထုံးစံများကိုတော့ ခရစ်တော်ရဲ့ အယူဝါဒနဲ့ မဆန့်ကျင် သမျှ အတိုင်းအတာ တစ်ခုအနေဖြင့် ခွင့်ပြုလျက် ရှိပါတယ်။ ကျွန်ုပ်တို့ရဲ့ ၀ါရင့် ခရစ်ယာန်များ အနေနဲ့လည်း အသင်းတော်ကြီးက ခေတ်ကာလနှင့်အညီ သာသနာကြီး တိုးတက်ရေးကို ရှေးရှုကာ နည်းဗျူဟာမျိုးစုံနဲ့ ပြောင်းလဲမှုများ ပြုလုပ်နေတာကို နားလည် သဘောပေါက်စေချင်ပါတယ်။ ယုံကြည်ရာ အချက်တွေ မပြောင်းလဲပါဘူး၊ ခရစ်တော်ရဲ့ တရားတော် တိမ်းစောင်း မသွားပါဘူး။

        ဒါကြောင့် ခရစ်တော်ဟာ ကျွန်ုပ်တို့နဲ့ အတူရှိနေဘို့ ခရစ်တော်ရဲ့ မိန့်မှာ စကားကို နားထောင် လိုက်နာပြီး အချင်းချင်း မေတ္တာတရား ထားကြရမှာ ဖြစ်ပါတယ်။ ခရစ်တော်ရဲ့ တရားတော်ကို ခရစ်ယာန်ပီပီ ကျင့်ကြံ နိုင်ဘို့ ကျွန်ုပ်တို့ အားလုံးဟာ ဆေးကြောခြင်း မင်္ဂလာခံယူစဉ်က ပြုခဲ့တဲ့ ကတိသစ္စာများ အတိုင်း နတ်ဆိုးနဲ့ နတ်မိစ္ဆာ ဆိုင်ရာတို့ကို ပစ်ပယ်ကြလျက် ကျွန်ုပ်တို့ နှင့်အတူ ဘုရားသခင်ရှိနေခြင်းကို ယုံကြည်ခြင်း မျက်စိအားဖြင့် ရှာဖွေ ထိတွေ့ ခံစားနိုင်ဘို့ ကြိုးစားကြပါစို့။                    
      
    R.V.A ထုတ်လွှင့်ချက်မှ
             ရဟန်းတော်တစ်ပါး

    Read More...