Sunday, January 8, 2012

“နိုးနိုးကြားကြားစောင့် နေကြလော့

အာဒ်ဝင်တူး ပထမတနင်္ဂနွေနေ့ဟာ ကက်သလစ်အသင်းတော်မှာ ၀တ်ပြုကိုးကွယ်ခြင်းဆိုင်ရာ စတင်ကျင်းပတဲ့ နှစ်သစ်ဦးပဲဖြစ်ပါတယ်။ သခင်ခရစ်တော်ကြလာခြင်းအတွက် ကျွန်တော်တို့ လူသားများ ကြိုတင်ပြင်ဆင်ကြဖို့ အမိအသင်းတော်ကြီးက အာဝဒ်တူးကာလ ရက်သတ္တ(၄)ပတ် ကို သတ်မှတ်ကျင်းပစေပါတယ်။ လွန်ခဲ့တဲ့နှစ်ပေါင်း ၂၀၀၀ ကျော်က လူသားများကို ကယ်တင်ဖို့ အတွက် သခင်ခရစ်တော်ဟာ ဗက်သလေဟင်မြို့မှာ ဖွားမြင်ခြင်းကို ခံယူခြင်းအား လူ့ဇာတိကိုယူပြီး လူ့လောက ကိုပထမအကြိမ် ကြလာခဲ့ပါတယ်။ အဲဒီ မွေးနေ့ ကစပြီး ခရစ္စမတ်ပွဲအဖြစ် နှစ်စဉ် ကျင်းပကြပါတယ်။ သခင်ခရစ်တော်ဟာ ကမ္ဘာကုန်တဲ့နေ့မှာလည်း ဒုတိယအကြိမ် ကြလာပါအုံးမယ်။ အမိအသင်းတော်ကြီးက ခရစ်တော်ပထမအကြိမ်ကြလာခြင်း အကြောင်းကို ပြန်လည်သတိရ အောက်မေ့ စေဖို့ ခရစ္စမတ်ပွဲတော်ကို ကျင်းပစေသလို ကမ္ဘာကုန်တဲ့နေ့၊ ဒါမှမဟုက် ကျွန်တော်တို့ တစ်ဦးချင်းစီရဲ့ လူဘ၀သက်တာ ကုန်ဆုံး တဲ့ နေ့မှာ သခင်ခရစ်တော် ဒုတိယအကြိမ် ကြလာတဲ့အခါ နိုးနိုးကြားကြားနဲ့ အဆင် သင့် ဖြစ်စေဖို့ဆိုတဲ့ ရည်ရွယ်ချက်များနဲ့ အာဒ်ဝင်တူးကာလကို သတ်မှတ်ကျင်းပ ပြင်ဆင်စေပါတယ်။

    ခရစ္စမတ်အချိန် သခင်ခရစ်တော် ကြလာခြင်းကို ဘယ်လိုအဓိပ္ပါယ်နဲ့ ကြိုတင် ပြင်ဆင်ကြမလဲ။ လွန်ခဲ့တဲ့နှစ်ပေါင်း ၂၀၀၀ က သခင်ခရစ်တော်ပထမအကြိမ်ကြလာခဲ့ ပြီးတာကို ဘယ်လိုအဆင်သင့်ဖြစ်ပြီး ဘယ်လို  စောင့်မျှော်ကြိုဆိုကြရမှာလဲ။ မှန်ပါတယ်။ ခရစ်တော်ဟာ လူ့လောကကိုဆင်းကြလာခဲ့ ပြီးဖြစ်လို့ကျွန်တော်တို့တတွေဘယ်သူမှ မမီ လိုက်ကြပါဘူး။ ဒါပေမဲ့ဘုရား အတွက်တော့ အတိတ်ရယ် အနာဂတ်ရယ်လို့မရှိပါဘူး။ ခရစ်တော်ဟာ လူသားများကယ်တင်ရေး စတင်လိုက်တာနဲ့၊ လူသား ဖက်ကလည်း ခရစ်တော်ကို ယုံကြည် လက်ခံတာနဲ့ အဲဒီလူ တွေအတွက်ခရစ်တော်ကြလာတာပဲဖြစ် ပါတယ်။ လယ်သမားဟာ သူ့ရဲ့လယ်ကွင်း ပြင်ကို အမြဲတစေ ထွန်ယက်စို က်ပျိုး ရိတ်သိမ်း  နေသလိုပဲ၊ခရစ်တော်ဟာလည်းလူသားများ  ကယ်တင်ရေးလုပ်ငန်းကို စဉ်ဆက် မပြတ် ဆောင်ရွက်နေပါတယ်။ တစ်ချိန် တစ်ခါက လူသားများကိုကယ်တင်ဖို့ဆင်းကြလာခဲ့တဲ့ ခရစ်တော်ဟာ ခရစ္စမတ်ပွဲတိုင်းမှာဆန်းသစ်  တဲ့မေတ္တာတရားနဲ့လူသားတိုင်းရဲ့နှလုံးသား တိုင်းမှာ ဆင်းကြလာတယ် ဆိုတာသေချာပါ တယ်။ ဒါကြောင့်ကျွန်တော်တို့နှလုံးသားထဲ  ဆင်းကြလာမဲ့ ခရစ်တော်ကိုနွေးနွေးထွေး ထွေး ကြိုဆို နိုင်ရန်အဆင်သင့်ဖြစ်နေကြဖို့ အာဒ်ဝင်တူးကာလကို တထူးတခြား သတ်မှတ်  ပြင်ဆင်စေပါတယ်။ အာဒ်ဝင်တူးကာလရဲ့ ပထမနဲ့ဒုတိယအပတ်များမှာ ခရစ်တော် ဒုတိယအကြိမ်ကြလာမဲ့ အကြောင်းကိုပိုမို အာရုံစူးစိုက်ကြပြီးကျန်ရက်သတ္တပတ်(၂) ပတ်မှာတော့ ခရစ္စမတ်ပွဲတော်မှာ ခရစ်တော်  ကြလာမဲ့အကြောင်းကိုအာရုံစူးစိုက်ကြဖို့ အမိအသင်းတော်ကြီးက လိုလားပါတယ်။

    အာဒ်ဝင်တူးကာလစတင်တဲ့နေ့ မှာသခင်ခရစ်တော်ကြလာတဲ့အခါနိုးနိုး ကြားကြားနဲ့အဆင်သင့်ဖြစ်နေကြဖို့သတိပေး နှိုးဆော်ထားတဲ့ကျမ်းချက်များကိုဖတ်ရှုရ ပါတယ်။ ဘုရားသခင်ဟာ မိမိလူမျိုးအစ္စရေး များကိုဘေးအန္တရယ် ဆိုးများနဲ့ အဆုံးမသတ် စေဖို့အတွက် ၊ပြုပြင်ပြောင်းလဲကြရန်ကြိမ်ဖန်  များစွာ သတိပေးခဲ့ကြောင်း (လု၁၃း၃၅)မှာ  တွေ့ရပါတယ်။ ခရစ်တော် ဟာဂျေရုဆလင်  မြို့တော်ကြီး ပျက်စီးမဲ့ အကြောင်း ကြိုတင် ဟောပြောပြီးမြို့တော်ကြီးအတွက်ငိုကြေး မြည်တမ်းခဲ့ကြောင်း (လု ၁၉း၄၄)မှာတွေ့ရ ပါတယ်။ ဒီလိုကြိုတင် သတိပေးထားတာကို  ဘယ်သူမှဂရုမပြုကြပါဘူး။လောကီရေးရာ ကိစ္စများမှာသာ ကျင်လည်နေကြတဲ့ အတွက် ရောမလူမျိုးများဝင်ရောက်ကာမြို့တော်ကြီး ကိုဖျက်ဆီးပစ်ပြီး လူအများအပြားကို သုံ့ပန်း အဖြစ်ခေါ်ဆောင်သွား ခြင်းခံခဲ့ကြရတယ်။ ဒီနေ့ဖတ်ကြားခဲ့ရတဲ့ ဧ၀ဂလိကျမ်းစာ မှာ လည်းပဲ၊ကမ္ဘာကုန်မဲ့နေ့ဘုရားသခင်စီရင် ဆုံးဖြတ်ဖို့ကြလာမဲ့အကြောင်း၊နိုးနိုးကြားကြား သတိ ရှိရှိစောင့်နေကြဖို့ကျွန်တော်တို့လေး လေးနက်နက်သတိပေးနှိုးဆော်နေပါတယ်။ ဒီလိုကြိမ်ဖန် များစွာနှိုးဆော်ပေမဲ့ အများစု ကတော့ကိုယ်ရေးကိုယ်တာကိစ္စများမှာသာ အလေးအနက်ထားပြီး သတိပေးချက်များ ကို လျစ်လျူရှုနေခဲ့ကြတယ်။ ခရစ်တော်က ဓမ္မဟောင်းကာလ နောဧအချိန်က လူသား များနဲ့ နှိုင်းယှဉ်သွန်သင် ခဲ့ပါတယ်။ရေလွှမ်း မိုးခြင်းမခံရမီကလူတွေဟာစားကြသောက် ကြ၊ပျော်ကြ ပါးကြ ကာမဂုဏ် တပ်မက်ကြ နဲ့ဘုရားသခင်ရဲ့သတိပေးနှိုးဆော်ချက်ကို လည်း ဂရုမစိုက်ကြလို့ရေလွှမ်းမိုး ဖျက်ဆီး ခံခဲ့ရတယ်။ဒီကနေ့ကမ္ဘာကြီးကိုပြန်ကြည့် လိုက်ရင်လည်းဟော်တယ်တွေ၊စားသောက် ဆိုင်တွေ၊ ကမ်းခြေတွေ မှာပျော်ကြ၊ပါးကြ၊စား သောက်ကြ၊တဏှာရာဂများမှာတပ်မက်နေ ကြတော့နောဧခေတ်ကို ရည်ညွှန်းပြီး၊ ကျွန်တော် တို့ခေတ်ကိုနှိုင်းယှဉ်ပြောနေပါပြီ။ကျွန် တော်တို့ဟာဘုရားသခင်ရဲ့နှိုးဆော်ချက်ကို  ဂရုမမူရင်ဖြင့် ပျက်စီးခြင်းနဲ့သာအဆုံးသတ် ရပါလိမ့်မယ်။

    ကျွန်တော်တို့လူသားများဟာ နောင်ထာဝရမှာတည်မြဲမဲ့ကောင်းမှုကုသိုလ်  ပါရမီများကို မဆည်းပူးကြဘဲ ၊ခေတ္တယာယီ တည်မြဲမဲ့ဥစ္စာပစ္စည်းများကိုသာပိုမိုရည်သန် ကြပါတယ်။ကောင်းမွန်တဲ့ ကမ္ဘာကြီးတည် ဆောက်ဖို့၊ဘ၀တူလူသားများကိုကူညီယိုင်း ပင်းဖို့၊ထာဝရကယ်တင်ခြင်းအတွက်အာမခံ ချက်ရဖို့လောကီ ဥစ္စာများကိုအခြေပြုအသုံးချ  သွားသင့်ပါတယ်။ ဒါပေမဲ့ လူအများစုက တော့ကိုယ့်ရဲ့ကြီးပွားချမ်းသာရေး၊ကိုယ့် စိတ်ဖျော်ဖြေရေး ၊အပန်းဖြေရေး ၊ဇိမ်ခံရေး၊ ပျော်ပါးရေးအတွက်သာအသက်ရှင်လှုပ်ရှား နေကြပါတယ်။နိုင်ငံတကာကိုလေ့လာကြည့် မယ်ဆိုရင်လည်း ၀ါဒအမျိုးမျိုး လက်ခံကျင့် သုံးနေကြပါတယ်။ကွန်မြူနစ်ဝါဒကိုလက်ခံ ကျင့်သုံး တဲ့နိုင်ငံများဟာ ကွန်မြူနစ်ဝါဒပြိုကွဲ  ဖို့နည်းမျိုးနဲ့ကြိုးပမ်းနေကြပေမဲ့ပြိုကွဲ သင့်သလောက်တော့ ပြိုကွဲပါရဲ့။ ဒါပေမဲ့ ၀ါဒရဲ့အငွေ့အသက်တွေတော့ကျန်နေသေး တာပါပဲ။ စစ်ပွဲတွေဆက်လက်ဆင်နွဲနေဆဲ ပါပဲ။ ကမ္ဘာပေါ်မှာ အများစုကြိုက်တဲ့ အကောင်းဆုံးလို့ဆိုနိုင်တဲ့ဒီမိုကရေစီဝါဒ ကျင့်သုံးနေတဲ့နိုင်ငံများမှာ လည်းဆွေးနွေး နေကြတယ်၊တိုင်ပင်ကြတယ်၊စေ့စပ်ညှိ နှိုင်းကြတယ်။ကမ္ဘာ့ကုလသမဂ္ဂအဖွဲ့ကြီး ကလည်း ငြိမ်းချမ်းရေးရဖို့ကောင်းမွန်တဲ့ ကမ္ဘာကြီးတည်ထောင်ဖို့လုပ်ဆောင်နေ ကြတာပဲ။ ဒါပေမဲ့ စစ်မှန်တဲ့ ငြိမ်းချမ်းရေး၊ တရားမျှရေး၊လူ့အခွင့်အရေးအပြည့်အ၀ ရရှိရေး အမှန်တကယ်ရရှိအောင်တော့ မစွမ်း  ဆောင်နိုင်သေးပါဘူး။နိုင်ငံရေးအရပဲ ဖြစ်ဖြစ်၊စီးပွားရေးအရပဲဖြစ်ဖြစ်မိမိတို့ရဲ့ လက်အောက်ခံ၊ သြဇာဖြစ်စေဖို့သာ ဦးတည် နေတာတွေ့ရပါတယ်။ စစ်မှန်တဲ့ငြိမ်းချမ်း ရေးကိုတော့ ခရစ်တော် သာလျှင်ပေးစွမ်း နိုင်ပါလိမ့်မယ်။ ဘုရားသခင်ရဲ့သတိပေး နှိုးဆော်ချက်ကိုသတိမမှုကြ၊ဘုရား သခင်အပေါ် ယုံကြည်မှုကင်းမဲ့ကြတာကြောင့် သခင်ခရစ်တော်က ””လူသား သည်ကြလာ သောအခါ ယုံကြည်ခြင်းကို မြေကြီးပေါ်မှာ တွေ့မည်လော””လို့(လု ၁၈း၈ )မှာမိန့် မြက်ထားပါတယ်။ ဘုရားသခင် အပေါ်ယုံ ကြည်မူကင်းမဲ့လာတာနဲ့ အမျှကျွန်တော်တို့ ရဲ့စိတ်ဟာလောကီ စည်းစိမ်ဥစ္စာဘက်သာ ယိမ်ယိုင်သွားပြီး  ၊လောကီဥစ္စာသာ ကျွန်တော် တို့ရဲ့ ဗဟိုအချက်အချာ အထွတ်အထိပ်လို့အမြင်မှားပြီး သူတပါးအတွက် လုံးဝ ထည့်မစဉ်းစားဘဲကိုယ့်ဖို့သာ ရယူလိုကြတယ်၊ ဘုရား သခင်အပေါ် ယုံကြည်ခြင်းကသာလျှင် ဘုရားသခင်နဲ့ဘုရားသခင်နိုင်ငံတော်ကို သတိရစေပြီးလောကီ ဘ၀တာကိုလည်း တန်ဖိုး ရှိစေပါတယ်၊ မြင့်မားစေပါတယ်။
       
 အာဒ်ဝင်တူးကာလဟာ ကျွန်တော် တို့ဘ၀ ပြန်လည်အစပြုတဲ့ ကာလဖြစ်ပြီး လုပ်ဆောင်မဲ့အလုပ်ကို မှန်မှန်ကန်ကန်  လုပ်ဆောင်ဖို့အချိန်အခါဖြစ်ပါတယ်။ ဒီလိုလုပ်ဆောင်ရာမှာ ခရစ်တော်ကို စံထား ပြီးခရစ်တော်ကို ၀တ်ဆင်ကြဖို့သံပေါလူး ကဆုံးမသွန်သင်ထားပါတယ်။ကယ်တင်ရှင် ခရစ်တော်ရဲ့ စိတ်နေသဘောထား၊ ရည်မှန်း ချက်များနဲ့အညီလျှောက်လှမ်းကြဖို့၊ကျွန်တော် တို့လုပ်ကိုင်ဖြည့်ဆည်းနေတဲ့ တာဝန်ဝတ္တရား တွေ၊ကျွန်တော်တို့ရဲ့အဖြစ်အပျက်တွေ၊ ကျွန်တော်တို့ဆက်ဆံနေရတဲ့လူတွေဆီမှာ ခရစ်တော်ရဲ့ကြလာခြင်းကိုတွေ့မြင်နိုင် အောင်ကြည့်မြင်တတ်ကြဖို့ဖြစ်ပါတယ်။

    အာဒ်ဝင်တူးပထမတနင်္ဂနွေက စပြီး ရက်သတ္တပတ်(၄)ပတ်လုံးလုံးခရစ္စမတ်   ပွဲတော်မှာကြလာမဲ့ ခရစ်တော်ကိုကြိုဆို လက်ခံကြဖို့စိတ်နှလုံးသား၊၀ိညဉ်ရေး၊ ဘာသာရေးဆိုင်ရာ ကြိုတင် ပြင်ဆင်မှု တွေ လုပ်ဖို့နှစ်စဉ်နှစ်တိုင်းဆော်သြနေပါ တယ်။ဘာသာရေးအရကြိုတင်ပြင်ဆင်ကြရန် အမိ သင်းတော်ကြီး ကနှိုးဆော်နေပါပြီ။ ဒါပေမဲ့ကမ္ဘာတစ်ဝန်းကိုကြည့်လိုက်ပါ၊  အထူးသဖြင့် ခရစ်ယာန်နိုင်ငံများမှာ ဆိုရင် ပြင်ပပြင်ဆင်မှုအနေနဲ့ရော၊ ခရစ္စမတ် အသုံးအဆောင်များ အနေနဲ့ ပါပြင်ဆင်ထား ကြတာဟာဖြင့် အသင်းတော် ကြီးက နှိုးဆော်စရာမလိုဘဲပြင်ဆင်ပြီးကြပါပြီ။ စီးပွားရေးသမားများရဲ့ လျင်မြန်ဖျတ်လတ် မှုစီးပွားရေးအမြင်၊အကျိုးအမြတ်အတွက် သူ့ထက်ငါ ဦးအောင်ပြင်ဆင်ပြီးကြပါပြီ။ ကျွန်တော်တို့လည်းဘယ်လိုစားမယ်၊၀တ်မယ်၊ ဘာတွေဝယ်မယ်ဆိုတာ အာဒ၀င်တူးမတိုင်မီ ကတည်းကစီစဉ်နေကြပါပြီ။ဒါပေမဲ့အလွန် အရေးကြီးတဲ့ အတွင်း စိတ်နှလုံးပြင်ဆင်မှု၊ မိမိကိုယ်ကိုပြုပြင်ပြောင်းလဲမှု၊ ၀ိညာဉ်ရေး ဆိုင်ရာကြိုတင်ပြင်ဆင် မှုတွေရောလုပ်ကြ ပြီလား။ ဒီနေ့ စဉ်းစားဖို့ကောင်းပါပြီ ။ပြင်ပပြင်ဆင်မှု ဆိုတာလည်းကောင်းပါတယ်။  ရှိလည်းရှိရပါမယ်။ ဒါပေမဲ့ အတွင်းစိတ်နှလုံး သားကိုယ်ကျင့်တရားပြောင်းလဲမှုပြင်ဆင်မှု  မပါတဲ့ပြင်ပပြင်ဆင်မှုနဲ့တော့ခရစ်တော် ကိုကြိုဆိုနိုင်မှာ မဟုတ်ပါဘူး။

    ဒါကြောင့်အစဉ်သတိရနေရမှာ ကတော့ဘုရားသခင်ဟာလူသားများကို အစဉ်အမြဲ ကယ်ဆယ်နေကြောင်း၊လူသား အားလုံးကို အကျွတ်တရားရစေလိုကြောင်း ၊ယခုအာဒ်ဝင်တူးကာလဟာ လည်း ခရစ္စမတ် ပွဲတော်မှာကြလာမဲ့ခရစ်တော်ကိုနွေးနွေး ထွေးထွေး၊ ထိုက်ထိုက်တန်တန်နဲ့ကြိုဆိုနိုင် ဖို့၊ ကမ္ဘာကုန်တဲ့နေ့ ခရစ်တော်ကြလာတဲ့ အခါမှာလည်းပဲ ၊နိုးနိုးကြားကြားနဲ့ အဆင်သင့်  ဖြစ်ဖို့ပြင်ဆင်နေကြမှာဖြစ်ကြောင်း၊ခရစ် တော် ပထမအကြိမ်ကြလာခြင်းနဲ့ဒုတိယ အကြိမ်ကြလာခြင်း ကဲ့သို့ ကျွန်တော်တို့ ထံထပ်ခါတလဲလဲနည်း မျိုး စုံနဲ့လာရောက် လည်ပတ်နေကြောင်း၊ အတူတကွဆုတောင်း ကြတဲ့အခါ၊မစ္ဆားပူဇော်တဲ့အခါ၊သမ္မာ ကျမ်းစာကိုဖတ်ကြားနာယူတဲ့အခါတိုင်းမှာ လည်းတစ်ဦးချင်းစီရဲ့ ဘ၀သက်တာမှာ ခရစ်တော်ကြရောက်လည်ပတ်နေကြောင်း ကိုနားလည် သဘောပေါက်ပြီး၊ ဘုရားသခင် ကြလာမဲ့အချိန်နာရီမှာနိုးနိုးကြားကြားနဲ့ အဆင်သင့်ဖြစ်နေကြဖို့ ကြိုးစားကြပါစို့။

Ref:
Biblical Notes and Homilies: Vol I, Year A.
The Word of God, Commentries on the Sunday Readings.

 ဘုန်းတော်ကြီးတစ်ပါး