Saturday, November 19, 2011

ကျွန်ုပ်လွတ်လပ်သွားပါပြီ။ ( I'm free )

လှမ်းကြည့်လိုက်ပါ။ သူ ကျွန်ုပ်တို့ကို နှုတ်ဆက်နေပါပြီ။ ကျွန်ုပ်အတွက် မငိုပါနှင့် တော့ ကျွန်ုပ် လွတ်လပ် သွားပါပြီဟု လှမ်းပြော နေပါသည်။

ဘုရား ရှင်ညွှန်ပြသော လမ်းကလေး အတိုင်း လျှောက်လှမ်းနေပြီဖြစ်သောကြောင့် ဖြစ်သည်။ ဘုရားရှင်၏ လက်ကို ဆုပ်ကိုင်လျက် နောက်မှာ ကျွန်ုပ်တို့အားလုံးကို ချန်ရစ်ခဲ့ပြီ ဖြစ်သည်။

ဤကမ္ဘာမြေပေါ်မှာ နောက်တစ်နေ့ အထိ ကျွန်ုပ် မနေနိုင်တော့ပါ။ အလုပ်လုပ်ရန် အတွက်သော် လည်းကောင်း၊ ချစ်ခင်စွာ နှင့် ရယ်မောခြင်း၊ ကစားခြင်း စသည်တို့ကို အဆုံး မသတ်နိုင်သေးခင်၊ ကျွန်ုပ်အားလုံးကို ထားရစ်ခဲ့ပြီဖြစ်သည်။ ဤနေ့၏ လှပသော နောက်ဆုံး အချိန်လေးကို နောက်ဆုံးနှုတ်ဆက် ခဲ့ရတော့ မည်ဖြစ်သည်။

ချစ်ခဲ့ရသူများ၊ တွယ်တာခဲ့သော အပြုံးပွင့်များ၊ ဝေမျှခဲ့သောအကြင်နာများ အားလုံးအားလုံးကို အထူး သတိရနေမည် ဖြစ်သည်။ ခံထမ်းခဲ့ရသော ဆင်းရဲဒုက္ခများကို မနက်ဖြန်ရောက်လျှင် လှပသော နေရောင်ခြည်အောက်၌ မေ့ပျောက်ပစ် လိုက်ပါတော့မည်။ ကျွန်ုပ်၏ ဘ၀မှာလည်း အလွန် တန်ဖိုး ထားခဲ့ရသော သူငယ်ချင်းများ၊ ချစ်ခင်ခဲ့ရသူများ၏မေတ္တာတရားများနှင့် ပြည့်စုံခဲ့ပါပြီ။ သတ်မှတ် ထားသောအချိန် လေး ကုန်ဆုံးတော့မည်ဖြစ်၍ သည်အချိန်ကို ကြေကွဲစွာနှင့် မဆွဲဆန့်စေချင်တော့ပါဟု မြည်တမ်းရင်း ထွက်ခွာသွားသော သူကို လောက၏ဝေဒနာများဖြင့် ပင်ပန်းနွမ်းနယ် လှပြီကို သိသော ဘုရားရှင်မှ လက်ကမ်း ကြိုဆို နေပါပြီ။ သူ့ ပခုံးလေးကို ဖက်လျက် ညင်သာစွာနှင့် ချစ်သား ငါနှင့် လိုက်ခဲ့ပါတော့ ဟုခေါ်သွားခဲ့ပါပြီ။ သူ တဖြည်းဖြည်းပျောက်ကွယ် သွားသည်ကို မျက်ရည်ရွှဲနှင့် လှမ်းကြည့်ရင်း၊ ကျွန်ုပ်တို့နှင့် သံယောဇဉ် ကြီးမားခဲ့ပါသော်လည်း ဤလောကထဲနေပါဦးဟု တားမြစ်လို့ မရခဲ့ပါ။

နှလုံးသား လှပစွာနှင့် အနစ်နာခံတတ်သော၊ အလုပ် ကြိုးစားသော သူ့ကို ဘုရားရှင်မှ နားခွင့်ပေးခဲ့ပါပြီ။ သူ့ကို ချစ်သော ကျွန်ုပ်တို့၏နှလုံးသားများ ကွဲအက်ခဲ့ရပါပြီ။


ဘုရားရှင်၏နာမတော်အားဖြင့်
လေးစားစွာဖြင့်
ထရေဇားမြင့်

Read More...

မြန်မာပြည်ကိုချစ်ပါ (Myanmar Christian Song)



မြန်မာပြည်ကို ချစ်ပါ။

Read More...

Friday, November 11, 2011

နည်းမှန်သောအလှူဒါန

လွန်ခဲ့တဲ့ ၁၉၄၉ ခုနှစ်ထုတ် ဗိုလ်တထောင် သတင်းစာထဲက "လှူတတ်လျှင်မြတ် ပါသည်" ဆိုတဲ့ ဆောင်းပါးကို ဖတ်ဖူးပါတယ်။


ဘုရားတစ်ဆူရဲ့ ပရ၀ဏ် တံတိုင်းကြီးမှာ အကန့်တိုင်း အကန့်တိုင်း အလှူရှင်တွေရဲ့ နာမည်၊ ကမ္ဗည်းတွေကို ထိုးတတ် ကြပါတယ်။ တစ်နေရာမှာ ကမ္ဗည်းစာတန်း လုံးဝ မထိုးဘဲ ကွက်လပ် ကျန်နေတဲ့ နေရာကိုတွေ့ရတဲ့ လူတစ်ယောက်က ဒီနာမည် မထိုးတဲ့ အလှူရှင်ကို ပိုပြီး အထင်ကြီး လေးစားသွားခဲ့ပါတယ်။

ဒီအလှူရှင် ကတော့ မဏ္ဍပ်တိုင်တက် မပြလိုတဲ့ အလှူရှင်ပဲ၊ ထင်ပေါ်ကျော်ကြားမှုကို မလိုလားတဲ့ စေတနာရှင် အစစ်ပဲ" လို့ အတွေးနဲ့ သာဓုခေါ်နေမိတယ်လို့ ဆိုပါတယ်။ အဲဒီအချိန်မှာပဲ အုတ်တံတိုင်းအနီးမှာ တခြား လူတစ် ယောက်ကိုတွေ့လို့ သူ့ရဲ့ အတွေးကို အဖော်စပ် လိုတဲ့ သဘောနဲ့ စကားစ လိုက်ပါတယ်။

"ဒီ အုတ်တံတိုင်းနေရာမှာ အလှူရှင် နာမည်ရေးထားတာ မတွေ့ရပါလား" လို့ အပြောမှာ အဲဒီလူက- "ဟုတ်ပါတယ်ဗျ၊ အလှူရှင် ကတော့ ကျွန်တော် ပါပဲ။ တံတိုင်းနေရာက ကျဉ်းနေတော့ ကျွန်တော့် မိသားစုနာမည် အကုန်ပါအောင် ဘယ်လို ကမ္ဗည်းထိုးရမှန်း မသိသေးလို့ကြာနေတာပါ"လို့ ပြန်ဖြေလိုက် ပါတယ်။

"ဒါနသည် လောကီလောကုတ္တရာ ခပ်သိမ်းသော အကျိုးကို ပြီးစီးစေနိုင်သည်လို့ အဆိုရှိတဲ့ အတိုင်း လုပ်ငန်း ကိစ္စတွေကို ဆောင်ရွက်ရာမှာ ပေးကမ်းခြင်းကို ရှေ့သွားပြုရင်း အောင်မြင်မှု ဆုလာဘ်ကို မလွဲမသွေ ရရှိနိုင်ပါတယ်။ လောကမှာပေးနိုင်၊ ကမ်းနိုင်ရင် မျက်နှာပွင့်ပါတယ်။ ပေးကမ်းခြင်းဖြင့် မေတ္တာနှောင်ကြိုး ဖွဲ့ချည်နိုင်ပါတယ်။ ရှိပြီးတဲ့နှောင်ကြိုးကို ပိုပြီး ခိုင်မြဲစေနိုင်ပါတယ်။ မုန်းစိတ်ကို ပျောက်စေပြီး ချစ်စိတ်ရောက်စေနိုင်တယ်။

နောက်တစ်ခါ ကောင်းမှု ကုသိုလ်ပြုရာမှာ "လှူဒါန်းခြင်း"သည် အခြေခံဖြစ်သည် ဆိုတဲ့စကားဟာ ကျွန်တော်တို့ မြန်မာလူမျိုးများနဲ့ အလွန် အင်မတန် ရင်းနှီးနေပါတယ်။ သာမန်အားဖြင့် အလှူဒါနပြုခြင်းဟာ ရဟန်း၊ သံဃာတော်များကို ပစ္စည်းလေးပါး စသည်တို့ကို လှူဒါန်း ဆက်ကပ်ခြင်း၊ အသင်းတော်အား ကူညီ ထောက်ပံ့ခြင်း၊ အလှူပွဲလာ ဧည့်သည် ပရိတ်သတ်အား ဧည့်ခံကျွေးမွေးခြင်း၊ မိမိရဲ့ကုသိုလ် ရဖို့ အမျှ အတန်းဝေခြင်း ဆိုပြီး နားလည် ထားကြပါတယ်။ တကယ်တမ်း လှူဒါန်းတယ်ဆိုတဲ့ နေရာမှာလည်း အပို အလျှံရှိသူ၊ ချမ်းသာကြွယ်ဝ သူတွေက မရှိ ဆင်းရဲသားတွေကို စွန့်ကြဲပေးကမ်းခြင်းဟာလည်း အကျုံးဝင် ပါတယ်။ ပိုသူက လိုသူကို ဖြည့်ဆည်းပေးကမ်းခြင်းဟာလည်း ဘာသာတရားတိုင်းရဲ့ အဆုံးအမနဲ့ ကိုက်ညီ ပါတယ်။ ဒီထဲမှာမှ မပိုလျှံပေမဲ့ မိမိ အသက်ရှင်ဖို့ရှိတာထဲက ရှိသမျှလေးကို ဘုရားအား လှူဒါန်းတာ ကတော့ အမြတ်ဆုံးဖြစ်တဲ့ အကြောင်း ခရစ်တော်က မုဆိုးမရဲ့ အလှူအကြောင်း (လုကာ ၂၁း၁-၄) မှာ မိန့်ကြားထား ခဲ့ပါတယ်။

အထူးသဖြင့် သာသနာ ထွန်းကားရေး၊ လူအများကောင်းစားရေး၊ လူအများ ကျန်းမာချမ်းသာရေး၊ လူအများမေတ္တာပြန့်ပွားရေး တို့ကို ဆောင်ရွက်နေခဲ့တဲ့ ပုဂ္ဂိုလ်များ၊ အသင်းအဖွဲ့များကို စေတနာ သန့်သန့်နဲ့ ရက်ရောစွာ လှူဒါန်းခြင်း ဟာမြင့်မြတ်တဲ့ အလှူဒါနများပင် ဖြစ်ပါတယ်။

လှူဒါန်းပေးကမ်းတယ် ဆိုတာ မေတ္တာရဲ့ ရုပ်သွင်ဖြစ်ပါတယ်။ ပေးကမ်းခြင်းဟာ မေတ္တာတရားကို ကာယကံ၊ ၀စီကံတို့နဲ့ ပီပီ ပြင်ပြင် ပုံဖော်ခြင်းဖြစ်ပါတယ်။ မေတ္တာတရား ရှိမှပေးနိုင်၊ ကမ်းနိုင်ပါတယ်။ ကျွေးနိုင်၊ မွေးနိုင် ပါတယ်။ သူတစ်ပါးကို ကျွေးလိုမွေးလိုစိတ်၊ ပေးလိုကမ်းလိုစိတ်ဟာ မေတ္တာတရားကို အကောင်အထည်ဖော်နေခြင်း ဖြစ်တယ်။ ဒါကြောင့် "ထိုင်ပါဦး၊ နားပါဦး၊ စားပါဦး၊ သောက်ပါဦး" စသဖြင့် ပြောဆိုခြင်းဟာ မိမိရဲ့ ၀စီကံမေတ္တာကို သရုပ်ဖော်ခြင်း ဖြစ်ပါတယ်။

လက်တွေ့ပေးကမ်း၊ ထောက်ပံ့၊ကျွေး မွေးခြင်းကတော့ ကာယကံမြောက်မေတ္တာကို သရုပ်ဖော်ခြင်းဖြစ်ပါတယ်။
ဘာသာတရားတိုင်းရဲ့ အဓိက အခြေခံသွန်သင်ချက်ဖြစ်တဲ့ ဘုရားကိုချစ်ခြင်း၊ ရိုသေဆည်းကပ်ခြင်း၊ လူသား အချင်းချင်း မေတ္တာ တရားထားခြင်းဆိုတာဟာ အလွန် အင်မတန် အရေးကြီးလှပါတယ်။ ဒါနပြုဖို့ ပေးကမ်း စွန့်ကြဲဖို့ဆိုတာ တော်တော် ခက်ခဲတတ်ပါတယ်။ လူရဲ့ ပင်ကိုယ် သဘာဝစရိုက်ဟာ ပစ္စည်းဥစ္စာကို ပိုင်ဆိုင် သိမ်းဆည်းထားလိုတယ်။ သူတစ်ပါးကို ပေးဖို့ နှမြောတွန့်တို တတ်ပါတယ်။ နှမြောတွန့်တိုမှုကို အနိုင်ယူပြီးမှသာ အလှူဒါနဟာ အထမြောက် ပါတယ်။

ဒါကြောင့် ရှင်ပေါလူးက လူတိုင်းပင် မိမိ၏ စေတနာ စိတ်ပြဌာန်းသည့် အတိုင်း ပေးလှူရာ ၏။ နှမြောသောစိတ်နှင့်သော် လည်းကောင်း၊ ပေးလှူရန် တာဝန်ဝတ္တရားရှိသည် ဟူသော စိတ်ဖြင့်သော် လည်းကောင်း၊ မပေး လှူအပ်။ ထာဝရဘုရားသည် စေတနာနှင့်ပေးလှူ တတ်သော သူကိုနှစ်သက်တော်မူ၏။ သင်သည် လိုအပ်သမျှသော အရာတို့ကို အစဉ်ပင် ရရှိပြီးလျှင် ကောင်းမှုအမျိုးမျိုးတို့တွင် ကူညီ မစနိုင်ကြစေရန် ထာဝရဘုရားသည် သင်တို့ အလိုရှိသမျှသော အရာတို့ထက် ပို၍ပေးရန် တတ်နိုင်တော်မူ၏။ ကျမ်းစာ တော်တွင် "သူသည် ဆင်းရဲသူတို့ကို ရက်ရောစွာ ပေးကမ်းစွန့်ကြဲ၏" သူ၏ သနားကြင်နာမှုသည် ထာဝစဉ်တည်၏ ဟူ၍ဖော်ပြပါရှိ၏ လို့ (ဒု-ကော် ရိန်သု - ၉း၇-၉) မှာ တိုက်တွန်းနှိုးဆော် ထား ပါတယ်။

အလှူဒါန တစ်ခု အထမြောက်ဖို့ ဘယ် လောက် ခက်ခဲတဲ့အကြောင်း ဗုဒ္ဓမြတ်စွာရဲ့ လက်ထက်တုန်းက အဖြစ် ကလေးက သင်ခန်း စာ ယူစရာပါပဲ။

မြတ်စွာ ဘုရားလက်ထက် သာဝတ္ထိပြည်မှာ ပုဏ္ဏား လင်မယားနှစ်ယောက်ပေါင်းမှ အပေါ်ရုံခြုံထည်၊ ပုဆိုးလေးသာ ပိုင်ဆိုင်တဲ့ ဆင်းရဲသား ပုဏ္ဏား လင်မယားရှိတယ်လို့ ဆိုပါတယ်။ ပွဲလမ်းတစ်ခုခုရှိလို့ လင်သွား၊ မယားက အိမ်မှာနေခဲ့ရပြီး၊ မယားသွားရင် လင်ကအိမ် မှာနေခဲ့ရတယ်။ ခြုံထည်တစ်ခုကို တစ်လှည့်စီ ခြုံပြီး ပွဲတိုး ရပါတယ်။

တစ်နေ့မှာတော့ ပုဏ္ဏားကြီးက မြတ်စွာဘုရား တရားဟောတာကို သွားရောက် နာယူတဲ့အခါ စေတနာ သဒ္ဒါတရား တဖွားဖွား ပေါ်လာပြီး အပေါ်ရုံပုဆိုးကို မြတ်စွာဘုရားအား လှူဒါန်းဖို့ စိတ်ကူးလိုက်ပါတယ်။ လှူလိုက်ရင်တော့ လင်ရော၊ မယားရော ပွဲတိုးစရာခြုံ ထည်မရှိတော့တာကို ကြိုတင်တွေးမြင်မိလို့ လှူဖို့ စိတ်ကူးကို ဖျက်လိုက်ပါတယ်။ ထပ်လှူချင် စိတ်ပြန်ဖြစ်ပေါ်လာ ခဲ့ပါတယ်။ ဒါပေမယ့် နှမြောစိတ်က တားလို့ အလှူ စိတ်ကူးပျက်သွား ပြန်ပါတယ်။ ဒီလိုနဲ့ ညသုံးယံ ပတ်လုံး တရားပွဲ မပြီးမချင်း လှူဖို့ စိတ်ကူး လိုက်၊ နှမြောစိတ်က နှောင့်ယှက်လိုက်နဲ့ ချီတုံ၊ ချတုံဖြစ်နေခဲ့ပါတယ်။

ဒါနဲ့ တရားပွဲပြီး ခါနီးတဲ့အခါမှာတော့ "မရှိလို့ မလှူ၊ မလှူလို့ မရှိ" ဒီလို ပုဂ္ဂိုလ်ထူး၊ ပုဂ္ဂိုလ်မြတ်နဲ့ ကြုံရခိုက်မှာမှ မလှူလိုက်ရရင် မိုက်ရာ ကျတော့မယ်လို့ ဆင်ခြင်ပြီး အပေါ်ရုံ ပုဆိုးကိုမြတ်စွာဘုရားအား လှူဒါန်းမယ်လို့ ဆုံးဖြတ်ခဲ့တယ်။ ဆုံးဖြတ်ပြီး မြတ်စွာဘုရား လက်တော်အရောက် ကပ်လှူပြီးတဲ့အခါမှာတော့ "အောင်ပြီ၊ အောင်ပြီ၊ အောင်ပြီ" စစ်ပွဲကြီးကို အောင်နိုင်ခဲ့တဲ့ ဗိုလ်ချုပ်တစ်ဦးလို ၀င့်ကြွားတဲ့ အသံနဲ့ သုံးကြိမ်တိုင်တိုင်ကြွေးကြော် လိုက်တယ် လို့ဆိုပါတယ်။ ဒါကို ကြည့်ခြင်းအားဖြင့် အလှူ ဒါနတစ်ခုဖြစ်မြောက်ဖို့ ဘယ်လောက်ခက်ခဲ တယ်ဆိုတာ သိနိုင်ပါတယ်။ တစ်ဖက်က ကြည့်ရင်လည်း ခရစ်တော်ညွှန်းခဲ့တဲ့ မုဆိုးမရဲ့အလှူလိုပဲ လှူပြီးတဲ့နောက် မိမိမှာ ဘာမှကို မကျန် တော့လောက်အောင် ရက်ရောလို့ ရှိတာလေးကို ပဲ လှူဒါန်း လိုက်လို့ အလွန် အင်မတန်မြတ်တဲ့ အလှူဖြစ်ပါတယ်။ အတုယူ၊ တရားရစရာပါပဲ။

ဒါကြောင့် ရှင်ပေါလူးက အလှူနဲ့ပါတ် သက်ပြီး နည်းတာ များတာ မလို၊ "သင်တို့၏ စွမ်းအားနှင့် အမျှပေး လှူကြလော့၊ သင်တို့၏ လှူလို သောစေတနာစိတ် ရှိပါလျှင် ထာဝရဘုရားသည် သင်တို့၏ စွမ်းအား အရပေးလှူသော အရာကို လက်ခံတော်မူလိမ့်မည် မဟုတ်၊ သင်တို့ ပေးလှူ နိုင်စွမ်း မရှိသောအရာ ကို တောင်းဆိုတော်မူ လိမ့်မည် မဟုတ်ပါ" လို့ (ဒု-ကော်ရိန်သု -၈း၁၁-၁၂) မှာ မိန့်ကြားထားပါတယ်။

"မိမိရဲ့ ပိုလျှံတဲ့ ချမ်းသာ ကြွယ်ဝမှုဟာ ချို့တဲ့သူ၊ မရှိ၊ ဆင်းရဲတဲ့သူရဲ့ပစ္စည်းဖြစ်တယ်"

"သင် သိုလှောင်ထားတဲ့ ဆန်ရေစပါး (အစားအသောက်သည်) ငတ်မွတ်ခေါင်းပါး သူတို့ ပိုင်ဆိုင်၏။ သေတ္တာ၊ ဘီရိုများထဲတွင် ထည့်ထားသော အ၀တ်အစားတို့သည် အ၀တ်အစား မရှိသူတို့နှင့် သက်ဆိုင်၏။ သင်မြေကြီးထဲတွင် မြှုပ်ထားသောရွှေ ၊ငွေ ၊ကျောက်သံပတ္တမြား တို့သည် ဆင်းရဲ၊ ချို့တဲ့သူတို့၏ ဥစ္စာဖြစ်၏" လို့ ရဟန္တာ Basil က မိန့်ကြားခဲ့ဖူးပါတယ်။

ဒီလို ပေးကမ်း စွန့်ကြဲမှုနဲ့ ပတ်သက်ပြီး ရှင်ပေါလူးက "သင်တို့အား တာဝန်လေးစေ၍၊ သူတစ်ပါးတို့အား သက်သာစေရန် ငါအကြံပြု နေသည် မဟုတ်ပါ။ ညီတူ ညီမျှဖြစ်စေရန် အကြံ ပြုခြင်းဖြစ်၏။ ယခုအခါ သင်တို့၏ ချမ်းသာမှုသည် ထိုသူတို့၏ ချို့တဲ့မှုကို ဖြည့်ဆည်းပေး သကဲ့သို့ နောင်တစ်နေ့၌ ထိုသူတို့၏ ချမ်းသာမှုသည် သင်တို့၏ ချို့တဲ့မှုကို ဖြည့်ဆည်းပေးနိုင်ပါ လိမ့်မည်။

ကျမ်းစာတော်က "များများရသောသူ မပို၊ နည်းနည်းရသောသူ မလို"ဟု ဖော်ပြ သကဲ့သို့ပင် ဖြစ်လိမ့်မည်လို့ (ဒု-ကော်ရန်သု -၈း၁၄-၁၅) မှာ ပေးကမ်း စွန့်ကြဲလှူဒါန်းမှုဟာ ပေးသူရော၊ အပေးခံရသူပါ အပြန်အလှန် အကျိုးပြုတဲ့အကြောင်း အကြံပေးထားပါတယ်။

မြန်မာနိုင်ငံမှာ နာမည်ကြီး ထင်ရှားခဲ့တဲ့ ဆရာတော်ကြီး အရှင်ဇနကဘိဝံသက "သူ တော်ကောင်း ဓနရှင်တို့သည် လက်ရှိ ဓနများကို ဆင်းရဲသူများအား ဖြန့်ဖြူးနိုင်မှသာ ရှေးဘ၀က ဒါနရှင်၊ ယခု ဘ၀ဓနရှင်၊ နောင်ဘ၀ အဆက်ဆက် ဓနရှင်"ဟု နိဗ္ဗာန်စံဝင်သည့်တိုင်အောင် အမြဲဓနရှင်များဖြစ်နိုင်မည်။ ဒါကြောင့် "တစ်ဘ၀မျှခေတ္တ ပိုင်ဆိုင်ရသော ဓနကို ငါပိုင်ဟု သဘောမထားဘဲ ဆင်းရဲသားချို့တဲ့ သူအများ ဆိုင်သော ငါပိုင်ဟု သဘောထား၍ လိုအပ်သူများကို ဝေမျှပေးကမ်း စွန့်ကြဲရမယ်" လို့ မိန့်ကြား ခဲ့ဖူးတာ အမှန်ပင် တရားရ စရာပါပဲ။

ရှင်ပေါလူး မိန့်မြွက်သလို ကျွန်တော်တို့ ဘယ်သူ့ကိုပဲပေးပေး၊ ဘာပဲ လှူလှူ၊ ပေးလှူလိုတဲ့ စေတနာစိတ်ရှိရင်၊ ကျွန်တော်တို့ရဲ့ ဘ၀ အသက်တာအရ ပေးလှူတဲ့ အရာကို ဘုရားသခင်က ကြည်ဖြူနှစ်သက် လက်ခံမှာ ဖြစ်ပါတယ်။ အထူးသဖြင့် အခုလို မျက်မှောက်ခေတ် စီးပွားရေး ကျပ်တည်းပြီး အစစအရာရာ ဈေးတက်နေတဲ့ ခက်ခဲရာကာလမှာ အဆင်ပြေရှာဖွေလို့ လွယ်ကူ နေတဲ့သူတွေက ဝေငှပေးကမ်းကြမယ် ဆိုရင် ရေရှည်မှာ အားလုံးအတွက် အကျိုးကျေးဇူးများ ပါလိမ့်မယ်။

ဝဿန်မိုး

Read More...

Tuesday, November 8, 2011

ပွန်ပေသက်သေ

လွန်ခဲ့တဲ့ နှစ်ပေါင်း ၁၉၀၀ တုန်းက အီတလီနိုင်ငံမှာ ဗီဆူးဗီဘူးစ် Vesuvivus ဆိုတဲ့ မီးတောင်ပေါက်ကွဲခဲ့လို့ ပွန်ပေမြို့တော်ဟာ မီးတောင်ချော်ရည်တွေ ရဲ့အောက် ၁၈ပေ မြုပ်သွားခဲ့ပြီးမြေပုံပေါ်ကနေ ပျောက်ကွယ်ခဲ့ရ တယ်။


ကျွန်တော်တို့ ခေတ်သစ်ကာလမှာ ရှေးဟောင်း သုတေသနပညာရှင်များက ပြန်လည် တူးဖော်ကြည့်ကြတဲ့ အခါမှာ တွေ့ရတဲ့အရာတွေက လူတိုင်းကို အံ့သြစေခဲ့ပါတယ်။

မီးတောင်ချော်ရည်ရဲ့ ကာဗွန်ဒိုင်အောက်ဆိုဒ်ဓာတ်ကြောင့် ချော်ရည် ဖုံးသွားတဲ့ပေါင်မုန့် တွေ၊ သစ်သီးတွေဟာ နှစ်ရာပေါင်း များစွာ ကြာခဲ့ပေမယ့် အနံ့အရသာ ကျန်နေသေးပြီး၊ သံလွင်ဆီတွေဟာလည်း ဒီအတိုင်း ရှိနေတုန်းပဲလို့ သိရပါတယ်။

ပိုပြီး ထူးဆန်းတာကတော့ မီးတောင် ပေါက်ကွဲပြီး ချော်ရည်တွေ ဖုံးလွှမ်းတဲ့အခါ လူ တွေ၊ တိရိစ္ဆာန်တွေဟာ အဲဒီ အချိန်တုန်းက ရှိနေ၊ လုပ်နေ၊ ဖြစ်နေတဲ့ ကိုယ်နေ ကိုယ်ဟန် အနေအထား ပုံစံအတိုင်း ရေခဲသလို ဖုံးအုပ်အေးခဲ သွားခဲ့ပါတယ်။

လူဖြစ်စေ၊ တိရစ္ဆာန်ဖြစ်စေ အတွင်းက ဆွေးမြေ့သွားပေမယ့် ချော်တွေဟာ ခဲနေပြီး အနေအထား၊ အမူအရာ အတိုင်း ပုံစံခွက် သဖွယ် အခေါင်း (ဟောင်းလောင်း) ကြီးဖြစ်နေပါတယ် ။ရှေးဟောင်း သုတေသနပညာရှင်တွေက အဲဒီ ဟောင်းလောင်းဖြစ်နေတဲ့ ပုံစံခွက်မျိုးထဲကို ပလာစတာရည်လောင်း ထည့်လိုက်တဲ့ အခါမှာ သေဆုံး သွားတဲ့လူသား (သို့) တိရစ္ဆာန်တွေရဲ့ ရုပ်လုံးတွေပေါ်လာပါတယ်။ တစ်ချို့ ပုံတွေဟာ တော်တော်လေးကို စိတ်လှုပ်ရှား စရာကောင်းတယ် လို့ဆိုပါတယ်။

ဥပမာကြည့်ရင်တော့ မိခင်တစ်ဦးဟာ မိမိရဲ့သားငယ်ကို ရင်ခွင်ထဲထည့်ပြီး တင်းကျပ်စွာ ဖက်တွယ်၊ ကာကွယ်နေတဲ့ မိခင်မေတ္တာပြသ နေပုံ၊ ရောမ စစ်သားတစ်ချို့ဟာ မိမိတာဝန်ကျတဲ့ အတိုင်း လက်နက် အပြည့်အစုံနဲ့ မတ်မတ်ရပ်ကာ ရင်ကော့နေတဲ့ အနေအထားကတော့ တည်တည်ငြိမ်ငြိမ်နဲ့ တာဝန်ကို နောက်ဆုံးထိတိုင် သစ္စာရှိစွာ ထမ်းဆောင်သွားတဲ့ ပုံစံ၊ နောက်တစ်ခုတော့ လူတစ်ယောက်ဟာ ဓားရှည်ကို လက်ထဲမှာ ကိုင်ကာ အဖိုးတန်ရွှေ၊ ငွေ၊ ကျောက်သံ ပတ္တမြားတွေပေါ်မှာ သူ့ရဲ့ခြေထောက်ကို ၀င့် ကြွားစွာတင် ထားပါတယ်။ ပတ်ဝန်းကျင်မှာလည်း သေဆုံးနေတဲ့ လူလေးငါးဦးရဲ့ ကိုယ်ခန္ဓာများ ကိုတွေ့ရပါတယ်။ မီးတောင်ပေါက်ကွဲတဲ့ အချိန်ပြေးလွှားကြရင်း ဥစ္စာ ပစ္စည်းလုယက်မှုကို ရှောရှောရူရူ မပေးလို့ အသတ်ခံထားရတဲ့ ပုံစံမျိုး၊ ပလာစတာ ရုပ်ကြီးများတို့ ပင်ဖြစ်ပါတယ်။ အထက်ကဖော်ပြခဲ့တဲ့ ပလာစတာ ရုပ်ကြီးတွေက စာထဲက အချက် ၂ ချက်ကို မြင်ယောင်စေပါတယ်။

ပထမ အချက်ကတော့ ရုတ်တရက် အမှတ်တမဲ့ဖြစ်ခြင်း၊ ခရစ်တော်ဒုတိယအကြိမ် ကြွလာခြင်းနဲ့ ကမ္ဘာကုန်ခြင်းတို့ဟာ လျှပ်တစ်ပြက်၊ မမျှော်လင့်ဘဲ ရုတ်တရက်ဖြစ်ပေါ်လာမယ် ဆိုတဲ့ အချက်ပါပဲ။ ကျွန်တော်တို့ သေဆုံးတာဟာ ကျွန်တော်တို့အတွက် ကမ္ဘာကုန်တာ ပါပဲ။ (ပ-သက်သာ-၅း၂) မှာ "သခင်ဘုရား ကြွတော်မူရာ နေ့ရက်သည် ညအခါ သူခိုးလာသကဲ့သို့ မမျှော်လင့်ဘဲရောက်ရှိ လာလိမ့်မည်" လို့ဆိုထားပါတယ်။ သခင်ဘုရားကြွလာတဲ့ အချိန်မှာ မျက်နှာလိုက်တယ်ဆိုတာ မရှိ။ ဆင်းရဲသည်ဖြစ်စေ၊ ချမ်းသာသည်ဖြစ်စေ ထည့်တွက်မှာ မဟုတ်ဘူး။

ကျွန်တော်တို့ ကြီးသလား၊ ငယ်သလား ဆိုတာလဲ ထည့်သွင်း မစဉ်းစားပါဘူး။ ကျွန်တော် တို့ဟာ လူသိများ ထင်ရှားသလား၊ မထင်ရှားဘူးလား ဆိုတာလဲ ဂရုမစိုက်ပါဘူး။ ကျွန်တော်တို့ ဖြူသလား၊ မဲသလား၊ ညိုသလားဆိုတာ မသိပါဘူး။ လူတိုင်းအတွက် နောက်ဆုံးသောအချိန် ကာလဟာ လျှပ်တစ်ပြက် ရုတ်တရက်သာ ဖြစ်ပါ လိမ့်မယ်။

ဒီလို အဖြစ်အခြေအနေမှာ ဒုတိယ အချက် စဉ်းစားဖို့ဖြစ်လာတာ ကတော့ - နောက်ဆုံးသော အချိန်အတွက် ကျွန်တော်တို့ တစ်ဦး တစ်ယောက်စီရဲ့ ပြင်ဆင်ထားမှုများပင် ဖြစ်ပါတယ်။

ဒီတော့ ကျွန်တော်တို့ မေးစရာရှိတာက သမ္မာကျမ်းစာထဲမှာဖော်ပြတဲ့ အမြော်အမြင် ပညာရှိတဲ့ သတို့သမီးတွေလို နောက်ဆုံး အချိန်အတွက် သေခြင်းတရားက ကျွန်တော်တို့ကို ပြင်ပြင်ဆင်ဆင်နဲ့ တွေ့မလား၊ ဒါမှမဟုတ် အမြော် အမြင်မရှိတဲ့ သတို့သမီးတွေလို မပြင်မဆင်ဘဲ ပေါ့ပေါ့တန်တန် ရှိနေတဲ့ အချိန် သေခြင်းတရားနဲ့ တွေ့မလား။ သူတို့ တံခါးခေါက်တဲ့ အချိန် "သင်တို့ကို ငါမသိ" ဆိုတဲ့ ထိတ်လန့်စရာ ငြင်းပယ်ခံ ရတဲ့အသံကိုပဲ ကြားရမလား။ ဒါမှ မဟုတ်ရင်လည်း နောက်ဆုံးသော အချိန်မှာ ပွန်ပေမြို့ မီး တောင်ပေါက်ကွဲမှု ခံရတုန်းကလို လက်ထဲမှာ လူသတ်၊ ဓားကိုင်ကာ တမလွန်အတွက် အကျိုးမဲ့ပြီး တန်ဖိုးမရှိတဲ့ ရွှေငွေပုံပေါ်မှာခြေထောက်တင် နေတဲ့ အခြေအနေမျိုးမှာပဲတွေ့ မလား။

တာဝန်ကို အဆုံးအထိ သစ္စာရှိစွာ ထမ်းဆောင်ကျြွေပန်သွားတဲ့ ရောမစစ်သားလို အဆောင်အယာင် အစုံအလင်နဲ့ သတိ အနေအထားမှာ ပဲတွေ့မလား။ ဒီနေ့ စဉ်းစားအဖြေ ရှာကြည့်ရ ပါမယ်။ နောက်ဆုံးသော အချိန်ဟာ လျှပ်တစ်ပြက်၊ ရုက်တရက်ဖြစ်ချင်ဖြစ်လိမ့်မယ်။ အဲဒီနောက်ဆုံးသော အချိန်ကာလ အတွက် ကျွန်တော်တို့ တစ်ဦးတစ်ယောက်စီ ရဲ့ ပြင်ဆင် ထားရမယ်ဆိုတဲ့ အချက်(၂)ချက်ဟာ ကျွန်တော်တို့ရဲ့ ဘ၀ကို ပြောင်းလဲစေသင့်တဲ့ အချက်များပင်ဖြစ်ပါတယ်။ ကျိုးကြောင်း ဆင်ခြင်မှုပြုစရာ ကောင်းတဲ့ အရေးကြီးတဲ့ တရားများပင်ဖြစ်ပါတယ်။ ဒီအချက်တွေဟာ ကြားနာပြီး မေ့ပစ်လုိ့ ကောင်းတဲ့အရာ မဟုတ်ပါဘူး။

ဒီအချက်တွေဟာ (ဟေဗြဲ ၄း၁၂-၁၃) မှာ ပြောထားတဲ့ အသွားနှစ်ဖက် စွမ်းအားရှိတဲ့ ဘုရားသခင်ရဲ့ နှုတ်တော်ထွက် စကားသာ ဖြစ်ပါတယ်။

လူ့ရဲ့နောက်ဆုံး နိဂုံး ပုံပမာကို စေ့စေ့ စဉ်းစားကြည့် ပြန်ရင် လူသားတွေ့ရဲ့ နောက်ဆုံး စီရင် စစ်ကြောခံရမယ့်နေ့၊ တစ်ဦး၊ တစ်ယောက်စီရဲ့ သေချိန်၊ နောက်ဆုံး အချိန်မှာ အချိန်ဆိုတာ လုံးဝ မရှိတော့ပါဘူး။ အချိန်ဟာ ဆုံးခန်းတိုင် သွားပါပြီ။ ဒီအချိန်မှာ လူတိုင်းဟာ ပြင်ဆင်ပြီး သား ဖြစ်ရင်လည်းဖြစ်ရမယ်။ ဒါမှမဟုတ် လက်ထဲမှာ ဗလာနတ္တိနဲ့ မပြင် မဆင်ဘဲ ရှိ ကောင်း ရှိနေပါလိမ့်မယ်။ တစ်ခုခုပါပဲ။ လျစ်လျူရှုပေါ့လျော့ ခဲ့တာတွေကို ပြန်လည် ဖာထေးလို့ မရတော့ပါဘူး။ လစ်လပ်၊ ပျက်ကွက်နေတဲ့ အရာတွေ အတွက် အစားသွင်းဖို့ အချိန် မရှိတော့ပါဘူး။

ဒါကြောင့် သင်ခန်းစာက အမြဲတမ်း ပြင်ဆင်ထားပါ။ အဆင်သင့်ဖြစ်နေပါတဲ့။ ဒါမှ မဟုတ်ရင်တော့ လုံးဝနောက်ကျနေမှာ သေချာပါတယ်။ ကျွန်တော်တို့ရဲ့ ဘ၀ အသက်တာမှာ တစ်ချို့သော အရာတွေဟာ တစ်ခါပဲ လုပ်နိုင်ပါတယ်။ တကယ်တမ်း ကြည့်ရင်တော့ အရာတိုင်းကို ကျွန်တော်တို့ တစ်ခါပဲ ပြုလုပ်နိုင်ပါတယ်။ လုပ်သမျှတွေဟာ ဘုရားရဲ့ မျက်စိထဲမှာ အသစ် သော ပြုမူချက်ပင် ဖြစ်ပါတယ်။

ကျွန်တော်တို့ တစ်ခုခုကို ပြုလုပ်ဆောင်ရွက်တယ်။ အရမ်းကို ကြိုစားပြီး လုပ်ပါတယ် ဆိုတာလဲ မလုံလောက်သေး ပြန်ပါဘူး။ ကျွန်တော်တို့ကို ပေးအပ်ထားတဲ့ တာဝန် ၀တ္တရားကို ကောင်းမွန်စွာပြီးမြောက်အောင် ဆောင်ရွက် ရပါမယ်။ ကျမ်းစာက အတိုင်းဆိုရင် ကညာစင် တွေဟာ သတို့သားကို တစ်ညလုံးစောင့်နေ တာပဲ။ မင်္ဂလာဆောင်ပွဲကိုလည်း သူတို့ အရမ်း တက်ချင်ခဲ့တာ။ ဒါပေမယ့် လုံလောက်အောင် လိုအပ်တဲ့ ဆီကို မယူ ခဲ့မိတာပါလို့ အကြောင်းပြလို့ မရခဲ့ပါဘူး။ သူတို့ရဲ့ အဓိက အလုပ်က သတို့သားနဲ့သတို့သမီးကို ပွဲတော် မီးခွက်နဲ့ လိုက်ပါဖို့ ဖြစ်ပါတယ်။ နောက်မှရောက်လာတယ် ဆိုတာ ကတော့ အဓိက အရာ၊ ရည်ရွယ်ချက်ကို မဖြည့်ဆည်းတာနဲ့ အတူတူပါပဲ။ ဒါကြောင့် သူတို့ဟာ မလိုအပ်ဘဲ အပယ်ခံဖြစ် သွားရပါတယ်။ ဥပမာ - ကျွန်တော်တို့ဟာ ဆရာ၊ ဆရာမဖြစ်ပြီး စာကိုကောင်းကောင်း မွန်မွန် မရှင်းပြပါက ကျွန် တော်တို့ရဲ့ အဓိက တာဝန် လစ်ဟင်း သွားပါပြီ။ ပညာပေး၊ (Training) ပေးတဲ့သူဖြစ်ပြီး ကိုယ်တိုင်က စည်းကမ်း မလိုက်နိုင်ရင် အဓိက တာဝန် ပျက်ကွက်တာပါပဲ။ ဒါမျိုး မဖြစ်စေ ရပါဘူး။

ဒါကြောင့် ကျွန်တော်တို့ဟာ ကောင်းတဲ့ ရည်ရွယ်ချက် ရှိရုံ၊ ကောင်းတဲ့ စိတ်ထားရှိရုံနဲ့ မလုံလောက်ပါဘူး။ တကယ့် လက်တွေ့ အစစ် အမှန် ဦးတည်ချက် ပြီးရပါမယ်။ ကျမ်းစာအတိုင်း သတို့သားဟာ လာရမယ့် လူထဲက တစ်ဝက်သာ လာတဲ့အတွက် ဘယ်လောက် စိတ်ဓါတ်ကျမလဲ ဆိုတာ စဉ်းစား ကြည့်နိုင်ပါတယ်။ ကျွန်တော် တို့အတွက် အားကိုး ယုံကြည် စိတ်ချရခြင်းဆိုတဲ့ အရည်အချင်းဟာ ဘ၀အသက်တာမှာ အကောင်းဆုံး၊ အမွန်မြတ်ဆုံး အရည်အချင်း ပင်ဖြစ်ပါတယ်။ မိမိရဲ့ လုပ်ဆောင်၊ ဖြည့်ဆည်းရမယ့် တာဝန် ၀တ္တရားများကို ကောင်းမွန်ကျြွေပန်စွာ ဆောင်ရွက်ရင်း ဦးတည်ချက်ကို ပြီးမြောက်အောင် လုပ်ကိုင်ရင်း ပြင်ဆင်နေကြရပါမယ်။

နောက် သင်ခန်းစာ တစ်ခုကတော့ ဒီပုံ ပမာအားဖြင့် ခရစ်တော်က ကျွန်တော်တို့ရဲ့ ၀ိညာဉ်ရေးမှာပဲဖြစ်စေ၊ လုပ်ငန်းတာဝန်မှာပဲ ဖြစ်စေ နောက်ဆုံးအချိန်၊ နောက်ဆုံး မိနစ်ကျမှ ထိုးသိပ်၊ အကြိတ်အနယ် ပြုလုပ်တာမျိုး မလုပ်ဖို့ သတိပေးနေပါတယ်။ ဒီလိုနောက်ဆုံး မိနစ်၊ နောက်ဆုံး အချိန်ကျမှ မလှမပ မဖြစ်ဖို့ ခရစ် တော်က မကြာခဏ ဆိုသလို ဘုရားသခင်ရဲ့ စကားကို ကြားနာ၊ သတိတရားရဖို့ သတိပေးလျက် ရှိပါတယ်။ အမြော်အမြင် ရှိဖို့ သတိပေးပါတယ်။

အမြော်အမြင် ရှိခြင်းဟာ မှန်ကန်တဲ့ ဥာဏ်ပညာရဲ့အစ ဖြစ်တယ်လို့ ဆိုပါတယ်။ ပညာ ရှိရှိ၊ သတိတရားရှိရှိနဲ့ အသက်ရှင်နေထိုင်ခြင်းဟာ ရှေ့ရေးကိုမျှော်ကြည့်ခြင်း ဖြစ်ပါတယ်။ နောက်ဆုံး နိဂုံးကို ကြည့်မျှော်ပြီး နောက်ဆုံး အချိန်ကျမှ မဟုတ်ဘဲ ကြိုတင်ပြင်ဆင်ကာ အမြော်အမြင်နဲ့နေခြင်း ဖြစ်ပါတယ်။ အမြော် အမြင် ဥာဏ်ပညာရှိတဲ့ သူတွေက အမြဲတမ်း အဆင်သင့်ပြင် ထားတယ်။ ဒါဟာ သူတို့ရဲ့ အကျင့်၊ အစဉ်အလာ၊ သူတို့ဘ၀ရဲ့ အပိုင်းအစ တစ်ခုဖြစ်ပါတယ်။

ဘယ်လိုများ ပြင်ဆင်မှုတွေ ပြုလုပ်ကြမလဲ။ ခရစ်တော်က (ရှင်မဿဲ-၆း၂၀) မှာ သံချေးထိုး၍ မပျက်မစီး၊ သူခိုး ဓားပြ မဖောက် မထွင်း၊ မခိုးမယူနိုင်သော ဘဏ္ဍာကိုကောင်းကင်ဘုံ၌ စုဆောင်းကြလော့" လို့ ဆိုခဲ့ပါတယ်။ ဒီနေရာမှာ ဘဏ္ဍာဆိုတာကတော့ အထက်က တင်ပြခဲ့သလို ကျွန်တော်တို့ရဲ့ကောင်းမှု ကုသိုလ်၊ မိမိရဲ့ တာဝန်ဝတ္တရားများကို ကောင်းမွန်စွာ သစ္စာရှိရှိ ပြုလုပ်ခြင်း စတာတွေဖြစ် ပါတယ်။ နောက်တစ်ခါ (ရှင်မဿဲ-၂၅း ၃၁) ကနေ ဖတ်ရတဲ့အတိုင်း နောက်ဆုံးသောနေ့ တရားစီရင်တဲ့ အခါမှာ ကျွန်တော်တို့ရဲ့ တရားမျှတခြင်းနဲ့ မိမိနဲ့ နီးစပ်တဲ့သူတွေ အပေါ် မေတ္တာ ကရုဏာ၊ စေတနာထား ကူညီရိုင်းပင်း ချစ်ခင်မှု အပေါ်စံထားပြီး စစ်ဆေးမှာ ဖြစ်ကြောင်း ခရစ်တော် မိန့်ကြားခဲ့ပါတယ်။

ဒါ့ကြောင့် ကျွန်တော်တို့ အားလုံး လောကမှာ အသက်ရှင် လှုပ်ရှားနေတဲ့ အချိန်မှာ နောက်ဆုံးအချိန် အတွက်ပေးလာတဲ့ အခွင့်ရေျးားကို အသုံးချကာ အမြော်အမြင်နဲ့ အနာဂတ် ရေးကို ကြည့်ပြီး အမြဲတမ်းပြင်ဆင် ထားကြပါစို့။ အစဉ်အမြဲ အသင့်ဖြစ်နေ ကြပါစို့။

"သို့ဖြစ်၍ သင်တို့သည်လည်း ထိုနေ့၊ ထိုအချိန်ကို မသိကြသဖြင့် သတိနှင့်စောင့်နေကြ လော့" (ရှင်မဿဲ-၂၅း ၁၃)။

ဒီနေ့ ကျွန်တော်တို့ ကိုယ်ကို မေးရမယ့် မေးခွန်းက-"ငါ့ရဲ့ လက်ရှိ အခြေအနေဟာ သတိ ပညာရှိတဲ့ အပျိုရံတွေ လိုလား၊ သတိပညာ မရှိတဲ့ အပျိုရံတွေလိုလား" လို့ဖြစ်ပါတယ်။ သတိပညာ မရှိတဲ့ အပျိုရံတွေလို အခြေအနေမျိုး ဆိုရင် စိတ်ဓါတ် မကျပါနဲ့။ ဒီအခြေအနေကို ပြုပြင်ဖို့ အချိန် ရှိပါသေးတယ်။ အခုစတင် လှုပ်ရှားပါ။ ဒီနေ့ခရစ်တော်က သတိပေးနေ ပါတယ်။ သတိပညာရှိတဲ့ အပျိုရံတွေလိုဆိုရင် တော့ ဥာဏ်အမြာ်အမြင်နဲ့ ကျေးဇူးတော် အတွက် ကျေးဇူးဆပ်တင်ပြီး အဆုံးတိုင် တည်ကြည်ဖို့ ဆုတောင်းရမှာ ဖြစ်ပါသည်။

ဘုန်းဘုန်း ဂါဗြီအဲလ် ဦးထွန်းမြင့်


Read More...