Tuesday, October 18, 2011

ချစ်သုဝေနှင့် တွေ့ဆုံမေးမြန်းခြင်း

ကက်သလစ်လူငယ်တစ်ယောက်ဖြစ်တဲ့ သရုပ်ဆောင် အဆိုတော် ထရေဇားချစ်သုဝေနှင့် တွေ့ဆုံမေးမြန်းခြင်း
စာဖတ်သူ အပေါင်းတို့ရှင် ဒီလသိုးထိန်း အသံစာစောင်လူငယ်ကဏ္ဍနေရာမှာ ကက်သလစ် လူငယ် တစ်ယောက်ဖြစ်တဲ့ သရုပ်ဆောင် အဆိုတော် ထရေဇားချစ်သုဝေနဲ့ တွေ့ဆုံမေးမြန်း ထားတဲ့ အကြောင်းအရာလေးကို ဖော်ပြပေးချင်ပါတယ်။ ဆရာဝန်တစ်ယောက်လဲဖြစ်၊ သရုပ် ဆောင် အဆိုတော်လဲဖြစ်တဲ့ ချစ်သုဝေဟာ "ထရေဇား" လို့ သူမကိုယ်သူမ ပြောတတ်တဲ့ ချစ်စရာမြန်မာ အမျိုးသမီးငယ်လေး တစ်ယောက် ဖြစ်ပါတယ်။ ဇာတ်လမ်းတွေ ရိုက်နေရလို့ မအားလပ်တဲ့ကြားက အချိန်ပေးပြီး သူမရဲ့ လူငယ်ဘ၀ အသက်တာခံယူချက်နဲ့ ဘုရားသခင် အပေါ်မှာထားတဲ့ သူမရဲ့ယုံကြည်ခြင်း အသက်တာ ဘ၀အားဖြင့် ကျမတို့ စာဖတ်သူ ပရိတ်သတ်များအတွက် တစ်ထောင့်တစ်နေရာက ခွန်အားများ ရရှိစေဖို့ရန်အတွက် ရည်ရွယ်ပြီး မှတ်တမ်း တင်ဖော်ပြလိုက်ပါတယ်။
မေး။ ။မင်္ဂလာပါထရေဇား။ ထရေဇားရဲ့ မိသားစုအကြောင်းလေးနဲ့မိတ်ဆက်ပေးပါဦး။
ဖြေ။ ။မင်္ဂလာပါ စစ္စတာရ်။ မိသားစုမှာဆိုရင် ထရေဇားက သမီးအငယ် မေမေကဒေါ်ဒီဒီ၊ ဖေဖေက ဦးဇော်ဝင်း၊ ထရေဇားမမက မမမာရင်းပါ၊ ထရေဇားတို့ မိသားစုလေး မှာ မေမေက ခရစ္စယာန်၊ ဖေဖေက ဗုဒ္ဓဘာသာပါ။ ထရေဇားတို့ ညီမနှစ်ယောက်ကတော့ ခရစ္စယာန် ဘာသာဝင်တွေပါ။
မေး။ ။ထရေဇားက ဘုရားကျောင်းသွားတဲ့ အခါ မိသားစုနဲ့ အတူ သွားတတ်တဲ့ အကျင့်လေး ရှိပါသလား။
ဖြေ။ ။ဟုတ်ကဲ့။ မေမေရယ်၊ ထရေဇားတို့ ညီအမနှစ်ယောက်ကတော့ တနင်္ဂနွေနေ့တိုင်း ဘုရာကျောင်းကို မပျက်မကွက် တက်ပါတယ်၊ ထရေဇားခရီးသွားတဲ့အခါတွေမှာ ကိုယ်ရောက် တဲ့နေရာမှာ ဘုရားကျောင်းကို မဖြစ်မနေတက်ဖို့ မေမေက အလေ့အကျင့်လေး လုပ်ပေးထားတယ်။ ဖေဖေကတော့ ဘုရားကျောင်းလိုက်ပို့ ပါတယ်။
မေး။ ။မိသားစုနဲ့ ဘုရားကျောင်းတက်ရတဲ့ အခါ ထရေဇားရဲ့ ခံစားချက်လေးကိုလဲ သိပါရစေ။
ဖြေ။ ။ဓမ္မသီချင်းတွေဆိုတဲ့ အခါမှာတော့ ထရေဇား အပျော်ဆုံးပါပဲ။ ဘုရားကျောင်းတက်တဲ့ အခါ ဘုရားသခင်နဲ့ ပိုနီးစပ်သွားသလို ခံစား ရတယ်။ စိတ်ထဲမှာ ငြိမ်းငြိမ်းချမ်းချမ်းလေးဖြစ်တယ်။ ထရေဇား အပြစ်တွေရှိနေရင်လဲ ဘုရား ကျောင်းတက်နေတဲ့ တလျှောက် စိတ်ထဲက တတွတ်တွတ်လေးပြောနေတတ် ပါတယ်။
မေး။ ။ငယ်ငယ်ကတည်းက စပြီး ထရေဇား ဒီအရွယ်ရောက်တဲ့အထိ ထရေဇားမိဘတွေဆီ က ဘယ်လို အတုယူစရာလေးတွေ ရရှိခဲ့ပါသလဲ။
ဖြေ။ ။ အတုယူစရာဆိုရင် အဓိကဘုရားမြဲဖို့ ကတော့ မေမေ့ဆီကရခဲ့တဲ့အရာပါ။ မေမေက ဘုရားကို ချစ်တတ်အောင်၊ ဘုရားကျောင်းကို မပျက်မကွက်တက်ဖြစ်အောင် သေသေချာချာ လေး ပျိုးထောင်ခဲ့ပါတယ်။ ဖေဖေ့ဆီကတော့ ကိုယ့်ခြေထောက်ပေါ် ကိုယ်ရပ်တည်ပြီး ရိုးရိုး သားသား ကြိုးစားဖို့ဆိုတာတွေ ရရှိခဲ့ပါတယ်။
မေး။ ။ထရေဇား ယခုလက်ရှိ ပိုင်ဆိုင်ထားတဲ့ ဘ၀ အခြေအနေရောက်ဖို့ မိဘတွေဆီက ဘယ်လို အားပေး ကူညီမူ ရရှိခဲ့ပါသလဲ။
ဖြေ။ ။ အဲဒါကတော့ စာတစ်ကြောင်းနဲ့ပြောဖို့ ကတော့ အရမ်းခက်ခဲပါတယ်၊ ဒီနေ့ဒီအချိန်မှာ ဒီလို ရပ်တည်နိုင်ဖို့ဆိုတာ ဘုရားအလိုတော်ရှိခဲ့လို့၊ ထရေဇားဘေးနားမှာ support လုပ် ပေးတဲ့ မေမေရော၊ ဖေဖေရော ရှိခဲ့လို့ပါ။
မေး။ ။ဒီအရွယ်ထိထရေဇား မိဘတွေရဲ့ ပဲ့ပြင် လမ်းညွန်မှုတွေကို ဘယ်လို စိတ်ထားမျိုးနဲ့ ခံယူခဲ့ပါသလဲ။
ဖြေ။ ။အမှန်တိုင်းဝန်ခံရရင် ငယ်ငယ်က တော့ မေမေတို့ ဆုံးမပဲ့ပြင်တဲ့ အရာလေးတွေ ဆိုရင်လိုက်လုပ်တယ်။ ဒါပေမဲ့ စိတ်ထဲမှာငြိုငြင် တာပဲလေ၊ ကလေးဆိုတော့။ နဲနဲသိတတ်လာတဲ့ အခါမှာ လူငယ်နဲ့လူကြီးဆိုတော့ အမြင်မတူ တာတွေဖြစ်လာတယ်။ ကတောက်အဆတွေ ဖြစ်လာတယ်။ ဒါပေမဲ့ ထရေဇားအများအားဖြင့် တော့ လက်ခံလိုက်တယ်။ ညှိနှိုင်းတယ်။ ဘယ်လိုစိတ်နဲ့ ခံယူလဲဆိုတော့ ငါ့မိဘတွေငါ့ကိုချစ်လို့ ဆိုတဲ့ စိတ်တစ်ခုတည်းနဲ့ ခံယူပါတယ်။ ဘာဖြစ် လို့လဲဆိုတော့ ကိုယ်မိဘဖြစ်မှ သိလာမဲ့အရာ တွေမို့ပါ။ မေမေပြောနေတာတွေက ချစ်တဲ့စိတ် တစ်ခုတည်းနဲ့ပဲ ဆိုပြီး ခံယူလိုက်ပါတယ်။
မေး။ ။ထရေဇားရဲ့ပညာရေးအပေါ်မှာ ခံယူထားတဲ့ သဘောထားလေးကို လဲပြောပြပေးပါဦး။
ဖြေ။ ။လူတစ်ယောက်မှာ ဥာဏ်ပညာက အရေးကြီးဆုံးဆိုတာကို မေမေကက အသိပေးခဲ့တယ်။ ထရေဇားက ဒါကို လက်ခံခဲ့တယ်။ ဥာဏ် ပညာအလင်းမရှိဘဲနဲ့ ဘယ်နယ်ပယ်မှာမှ ဦးဆောင်တဲ့သူ မဖြစ်နိုင်ဘူး။ ဒါကြောင့် ထရေဇား ဥာဏ်ပညာကို လေ့လာဆည်းပူးတဲ့ နေရာမှာလဲ ဇွဲလုံ့လ၊ ၀ိရိယနဲ့ သေသေချာချာ လေးကြိုးစား အားထုတ်ခဲ့တယ်။
မေး။ ။ငယ်ငယ်က ထရေဇားဖြစ်ချင်တဲ့ဘ၀ ပုံစံနဲ့လက်ရှိဖြစ်နေတဲ့ ဘ၀အခြေအနေကရော ကိုက်ညီမှု ရှိတယ်လို့ ပြောနိုင်မလား။
ဖြေ။ ။ ထရေဇား ရှင်သန်တဲ့ဘ၀ပုံစံက ... နေ့တိုင်းကို ဘုရားသခင် အလိုတော်အတိုင်းပဲ ဖြတ်သွားတယ်။ ထရေဇား ယုံကြည်ထားတာ တစ်ခုက ဘုရားသခင်က သူ့သားသမီးတိုင်း အတွက် စီမံကိန်းတွေအားလုံးချထားပြီးသားပါ။ ဘုရားရဲ့အစီအစဉ်တိုင်းပဲ အားလုံးက မလွဲမသေ ဖြစ်လာရမယ်လို့ ထရေဇား ခံယူထားတယ်။ ဘုရားသခင်က အခွင့်အရေးလေးတွေ ချပေးမယ်။ ဒါကို တန်ဖိုးထားရင် ထားတတ်သလို ဘုရားသခင်အလိုရှိတဲ့ အတိုင်းဖြစ်လာမယ်။ တန်ဖိုး မထားတတ်ရင် မထားတတ်သလို စိတ် မကောင်းစရာတွေဖြစ်လာမယ်လို့ ထရေဇား ထင်တယ်။ ဒီလိုဖြတ်သန်း လာတဲ့အတွက် ငယ်ငယ်ကတည်းက ငါဘာကြီးဖြစ်ရမယ်၊ ညာကြီးဖြစ်ရမယ်လို့တော့ မရှိခဲ့ပါဘူး၊ ထရေဇား အနားမှာ ချစ်တဲ့ သူတွေဖြစ်စေချင်တဲ့ အတိုင်း ငယ်ငယ်ကတည်းက လိုက်လုပ်ခဲ့တယ်။မေမေက ဆရာဝန်မကြီးဖြစ်စေ ချင်တယ်။ ဒါကြောင့် ထရေဇား စာကြိုစားတယ်။ လုပ်ခဲ့တယ်။ လုပ်နိုင်ဖို့ အခွင့်အရေးလေးတွေကို ဘုရားသခင်ပေးခဲ့တယ်။ ရတဲ့အခွင့်ရေးကို ရသလိုကြိုးစားတယ်။ တန်းဖိုးထားတယ်။ အဲဒါကြောင့် ထရေဇား ဆရာဝန်မကြီးဖြစ်လာတယ်။ ဖြစ်လာတဲ့ အခါမှာလည်း တန်းဖိုးထားတတ်အောင် ဘုရား သခင်ကျေးဇူးပေးတဲ့ အတွက် တန်းဖိုးထားတယ်။ နောက်ပြီး ဘုရားသခင်က ထရေဇားကို အနုပညာလမ်းကြောင်းကို ချပေးတယ်။ သီချင်းဆိုတာ ၀ါသနာပါပေမယ့် သရုပ်ဆောင်ဖို့ ၀ါသနာမပါခဲ့ဘူး။ ဒါပေမယ့် ဘုရားသခင် လမ်းကြောင်းပေးတာလေးက အရမ်းသိသာ တယ်။ ဘယ်သူမှ မရတဲ့ အခွင့်အရေးတွေ ထရေဇားကိုပေးတယ်။ ဘုရားသခင်အလိုတော် ရှိတာကိုသိတယ်၊ တန်ဖိုးထားတယ်၊ ကြိုးစားတယ်။ အဲဒီတွက် ဒီနေ့ဒီလိုအခြေအနေလေး ဖြစ်တယ်။ ဘယ်လိုစိတ်နဲ့ ရှင်သန်နေလဲဆိုရင် ပစ္စုပ္ပန်ကိုပဲတန်ဖိုးထားတယ်။ ပစ္စုပ္ပန်မှာ ဘုရား သခင်အလိုရှိတဲ့အတိုင်း တန်းဖိုး ထားကြိုးစား ပြီး အကောင်းဆုံးဖြစ်အောင်နေထိုင်ပါတယ်။
မေး။ ။အခုလုပ်နေတဲ့အနုပညာ လုပ်ငန်းမှာ ရောကျေနပ်မှုရှိရဲ့လား။
ဖြေ။ ။ထရေဇားက ဘ၀ကို မကျေနပ်ရင် ဘာတစ်ခုမှမလုပ်ပါဘူး။
မေး။ ။ထရေဇားအနေနဲ့ ကက်သလစ် သာသနာရဲ့တိုးတက်ရေးအတွက် ဘယ်လိုမျိုး ပါဝင် ကူညီ လုပ်ဆောင်မှုတွေရှိပါသလဲ။
ဖြေ။ ။ဘုရားသီချင်းတွေတော့ အကူအညီ လာတောင်းရင်ဆိုပေးတယ်။ နှစ်ခြင်း အသင်း တော်တွေက အများဆုံး လာကြတယ်။
မေး။ ။ဘာသာမတူ၊ လူမျိုးမတူ၊ ယဉ်ကျေးမှု မတူတဲ့ အသိုင်းဝိုင်းကြားမှာလိုက်လျောညီထွေ ရှိဖို့ ဘယ်လို ကြိုးစားနေထိုင် ပါသလဲ။
ဖြေ။ ။ဘုရားသခင်ရဲ့ သားသမီးဆိုတဲ့စိတ် နဲ့ပဲ လိုက်လျော ညီထွေဖြစ်အောင် ထရေဇားနေ တတ်ပါတယ်။ ဘုရားသခင်ပြောထားတဲ့စကား တွေက ထရေဇားအတွက် လုံလောက်ပါတယ်။
မေး။ ။ထရေဇားရဲ့ လူမူရေးအသိုင်းဝိုင်းမှာ အခက်ခဲတွေတွေ့တဲ့အခါ ဘယ်လို ခွန်အားယုပြီး ကျော်ဖြတ်သွားပါသလဲ။
ဖြေ။ ။စာနာ၊ သည်းခံ၊ ခွင့်လွှတ်၊ နားလည် ခြင်းနဲ့ပဲကျော်လွှား ပါတယ်။
မေး။ ။ထရေဇားဘ၀မှာ သခင်ခရစ်တော်ကို လူအများကြားမှာ ဘယ်လိုနေထိုင် သက်သေပြ နေပါသလဲ။
ဖြေ။ ။ထရေဇားနေထိုင်ပြောဆို လှုပ်ရှားပုံ တွေကိုကြည့်ရင် သိနိုင်ပါတယ်။ ထရေဇားက ငါ ဘာတွေ လုပ်နေတယ်၊ ဘာကြီး လုပ်နေတယ်လို့ ပြောတာထက် ပိုပြီး ထိရောက်ပါတယ်။
မေး။ ။ထရေဇားရဲ့အားသာချက်တွေကို လက်ခံဖို့နဲ့ အားနည်းချက်တွေကိုဘယ်လို ကျော်ဖြတ်သလဲ။
ဖြေ။ ။ထရေဇားရဲ့အားသာချက်တွေကို သူများပြောလို့သတိထားမိရင် Thank You Jesus ပေါ့။ အားနည်းချက်တွေကို အတတ်နိုင်ဆုံး သတိ ထားပြီးပြင်တယ်။ ဒါပေမဲ့ ဘုရားသခင်ကို ကတိပေးဖို့ကတော့ ကိုယ့်စိတ်ကို မနိုင်သေးတဲ့ အခြေအနေ တစ်ခုမှာ ရှိနေသေးပါတယ်။
မေး။ ။ရင့်ကျက်တဲ့ လူငယ် တစ်ယောက်ဆိုတာကို ဘယ်လိုမြင်သလဲ။
ဖြေ။ ။ထရေဇား သတ်မှတ်ထားတဲ့ ရင့်ကျက်တဲ့ လူငယ်တစ်ယောက်ဆိုတာ ဥာဏ်ပညာနဲ့ ပြည့်စုံပြီး စာနာ၊ နားလည်မှု အရင်းခံကာ ရိုးသား ကြိုးစားတဲ့သူ တစ်ယောက်ဖြစ်တယ်။
မေး။ ။ဘ၀ကို တိုက်ပွဲဝင်နေတဲ့ လူငယ်တွေ အတွက် အားပေး စကားလေးလဲကြားချင်ပါ သေးတယ်။
ဖြေ။ ။တချို့တွေကတော့ ဘ၀ဆိုတာ တိုက်ပွဲလို့ ပြောကြတယ်။ တိုက်ပွဲရယ်လို့တော့ မဟုတ်ပါဘူး။ ဘ၀ဆိုတာ ဘုရားသခင် အလိုရှိသလောက်ကို လျှောက်လှမ်းနေရတဲ့ ခရီးတစ်ခု။ ခရီးဆိုကတည်းက လမ်းမှာ ကြုံတွေ့ရတဲ့၊ လူတွေ၊ သဘာဝဘေးအန္တရာယ်တွေ၊ တစ်ခါ တစ်လေ ကိုယ်တိုင် လုပ်မိလိုက်တဲ့ အခက်အခဲ တွေ၊ အမှားတွေ ဆိုတာလဲရှိနိုင်တယ်။ လူရယ်လို့ ဖြစ်လာပြီဆိုရင် အမှားနဲ့တော့ ကင်းမှာ မဟုတ်ဘူး။ ကိုယ့်ပတ်ဝန်းကျင်ရဲ့ ရိုက်ခတ်တဲ့ ဒဏ်ကို မခံနိုင်ကြဘူး။ အထူးသဖြင့် လူငယ်တွေပေါ့။ ယခုခေတ် ကာလက မှားယွင်းစွာဖြတ်သန်းနေ ကြသော၊ မှားယွင်းစွာ ခံယူနေကြသော သူတွေကိုလဲ လက်ခုတ် တီးနေကြသော ခေတ်ကာလ ဖြစ်နေတယ်။ ဘေးကလူတွေမှာ ကောင်းတာ ဆိုးတာကို လမ်းညွှန်ပြသူတွေက အရမ်းနည်း သွားတယ်။ မကောင်းတာကိုလည်း လက်ခုပ်တီး နေကြတဲ့အခါမှာ ကိုယ်တောင် သံယောင်လိုက်ပြီး မကောင်းတာလုပ်မှပဲ အစဉ်ပြေပြေဖြတ်သန်း နိုင်မယ်ဆိုတဲ့ ခေတ်ကာလကြီးထဲရောက်လာတယ်။ ထရေဇားပြောချင်တာကတော့ လူငယ် တွေကို ဘုရားတရားသိပါ၊ မိဘကိုရိုသေပါ၊ ရိုးသားပါ၊ ဇွဲလုံ့လနဲ့ ကြိုးစားပြီးတော့ ဦးတည်ရာကို ခိုင်မာပြတ်သားစွာလျှောက်လှမ်းပါ။ ကိုယ်ကိုတိုင် ခိုင်မာနေတဲ့ သူတစ်ယောက်ဟာ စိတ်ယိုင် ဖို့လဲ နည်းတယ်။ ကိုယ်တိုင် control လုပ်ပြီး သားဖြစ်မယ်။ အဓိကခေါင်းမာ သင့်တဲ့နေရာမှာ ဒီခေတ်ဒီအခါကတော့ ခေါင်းမာပစ်ပြလိုက်ပါ၊ အဲဒီအတွက် တစ်ယောက်ထဲဖြစ်နေတယ်ဆိုရင် ဘုရားသခင်နဲ့ နေလိုက်ပါလို့ ထရေဇားပြောချင် ပါတယ်။
မေး။ ။နောက်ဆုံးနေနဲ့ ထရေဇားဘ၀မှာ ကျင့်ကြံနေထိုင်တဲ့ ကျမ်းပိုဒ်လေးကိုလဲ သိပါရစေ။
ဖြေ။ ။ကျမ်းချက်ထဲမှာတော့ ထရေဇားက အမြဲတမ်း ပင်ပန်းနေတဲ့သူဆိုတော့ "၀န်လေး၍ ပင်ပန်းသောသူအပေါင်းတို့ ငါ့ထံသို့လာလော့၊ ငါသည်သင်တို့အား ချမ်းသာပေးမည်" ဆိုတဲ့ ကျမ်းချက်လေးက ထရေဇားအတွက် ခွန်အားရ စေပါတယ်။ ခံစားရတဲ့ကျမ်းပိုဒ်လေးပါ။

အခုလိုအချိန်ပေးပြီး ဖြေကြားပေး သွားတဲ့အတွက်ထရေဇားကို အထူးကျေးဇူး တင်ပါတယ်။ ထရေဇားရဲ့ လူငယ်ဘ၀ အသက်တာ၊ အနုပညာဘ၀အသက်တာမှလဲ ရင့်ကျက်တဲ့ ကက်သလစ် လူငယ်ပီသစွာ ဆက်လက် လျှောက်လှမ်းနိုင်ပါစေ၊ တွေ့ကြုံရမဲ့အောင်မြင်မှု တွေ၊ အခက်အခဲတွေကိုလဲ ဘုရားရှင်နဲ့အတူ ခံစားပြီး လျှောက်လှမ်းသွားနိုင်ဖို့ ဆုတောင်းပေးပါတယ်။

ထရေဇားကလဲ ကျေးဇူးတင်ပါတယ် စစ္စတာရ်။

Sr. ဧလိဇဘက်ဖြုနှင်းသက်