Sunday, September 25, 2011

(CBCM)၏ ဒုတိယနှစ်ပတ်လည် အစည်းအဝေးမှတ်တမ်း

စာဖတ် ပရိတ်သတ်များခင်ဗျား ဒီလထုတ်ဝေတဲ့ သိုးထိန်းအသံစာစောင်တွင် ဘာသာတရားများ အချင်းချင်းနှီးနှော ဖလှယ်ခြင်းအစား မြန်မာပြည် ကက်သလစ်ဆရာတော်ကြီးများ အစည်းအဝေး အကြောင်းကို ဘာသာသူများ သိရှိခွင့်ရအောင် ထည့်သွင်း တင်ပြပေးလိုက်ပါတယ်။

မြန်မာပြည်ကက်သလစ် ဆရာတော်ကြီးများအဖွဲ့ချုပ် (စီဘီစီအမ်)၏ ဒုတိယနှစ်ပတ်လည် အစည်းအဝေးမှတ်တမ်း (စုစည်းတင်ပြသူ ဖါသာရ်မာကုတင်ဝင်း (အမှုဆောင်အတွင်းရေးမှူး)

မြန်မာပြည် ကက်သလစ်ဆရာတော် ကြီးများ၏ အစည်းအဝေးကို ဇန်န၀ါရီလနှင့် ဇွန်လများတွင် နှစ်စဉ်နှစ်ကြိမ် ကျင်းပလေ့ရှိရာ ယခုနှစ်အတွက် ဒုတိယနှစ်ပတ်လည် အစည်းအဝေးကို ဇွန်လ (ရ -၁၁) ရက်နေ့များတွင် မြန်မာပြည်ဆရာတော်ကြီးများ (၁၈)ပါးရှိသည့်အနက် အားလုံးစုံစုံညီညီ တက်ရောက် ခြဲ့ကပါသည်။

နှစ်စဉ် ဇွန်လအစည်းအဝေးသည် အထူးသဖြင့် မြန်မာကက်သလစ် ဆရာတော်ကြီးများ၏ လမ်းညွှန်မှုကို ခံယူဖွဲ့စည်းထားသော ကော်မရှင် (၂၅)ခုမှ နှစ်ချုပ်တင်ပြချက်များနှင့် ဆရာတော်ကြီးများ၏ ထပ်ဆင့် လမ်းညွှန်ပေးခြင်း အစီအစဉ်များက အဓိကဖြစ်ပါသည်။ အစည်းအဝေးကို ဆုတောင်းမေတ္တာနှင့် အစပြု ဖွင့်လှစ်ကြကာ၊ အဖွဲ့ချုပ်၏ နာယကဆရာတော် ဂျွန်မန်းဆိန်းဟီးမှ အဖွင့်သြ၀ါဒ မိန့်ကြားခြင်းနှင့် စတင်ခဲ့ပါသည်။ ထို့နောက် ဇန်န၀ါရီလ အစည်းအဝေးမှတ်တမ်းကို ဆရာတော်ကြီးများက အတူတကွ ပြန်လည် ဖတ်ကြား သုံးသပ်ခြဲ့ကပါသည်။ ရှေးဦးစွာ ပြင်ဦးလွင်မြို့ရှိ မြန်မာပြည်လုံးဆိုင်ရာ ကက်သလစ် ရဟန်းဖြစ်တက္ကသိုလ်(ဖီလောဆော်ဖီ)၏ ကျောင်းအုပ်ဘုန်းတော်ကြီး၏ တင်ပြချက်အရ (၂၀၁၁-၂၀၁၂) ခု နှစ်နှစ်တာ ပညာသင်နှစ်အတွက် ဘုန်းကြီးလောင်းအပါး (၁၂၀) ရှိကြောင်း သိရပါသည်။ တောင်ကြီးမြို့မှ မြန်မာပြည်လုံးဆိုင်ရာ ကက်သလစ်ရဟန်းဖြစ်တက္ကသိုလ် (ပညာ၊ သီလ၊ သမာဓိ ကျင့်စဉ်) ၏ ကျောင်းအုပ်ဘုန်းတော်ကြီးမှ (၂၀၁၁-၂၀၁၂)ခု တစ်နှစ်တာ ပညာသင်နှစ်အတွက် ဘုန်း တော်ကြီးလောင်း (၆၀)ပါး ရှိကြောင်း မှတ်သားရပါသည်။ ထို့နောက် ရန်ကုန်မြို့ရှိ မြန်မာပြည်လုံးဆိုင်ရာ ကက်သလစ် ရဟန်းဖြစ်တက္ကသိုလ် (သီအော် လော်ဂျီ)၏ ကျောင်းအုပ်ဘုန်းတော်ကြီး တင်ပြချက်အရ (၂၀၁၁-၂၀၁၂) ခုနှစ် ပညာသင်နှစ်အတွက် ဘုန်းကြီးလောင်း (၁၆၇) ပါးရှိကြောင်းသိရပါသည်။

ဤ ရန်ကုန်ရဟန်းဖြစ်တက္ကသိုလ်ကြီးသည် အီတလီနိုင်ငံ၊ ရောမားမြို့ရှိ အူးဘမ်း တက္ကသိုလ်ကြီး ၏ တွဲဘက် တက္ကသိုလ်ဖြစ်တာကြောင့် (၄) နှစ်တာပညာသင်နှစ်ကို ဖြေဆိုအောင်မြင်ပါက အဆိုပါ အူးဘမ်း တက္ကသိုလ်ကြီးမှပေးသော ဘတ်ချလာ (Bachelor) ဘွဲ့ရရှိကြပါသည်။ ထို့နောက် ဆရာတော်ကြီးများမှ လမ်းညွှန် အကြံပြုပေးခဲ့ကြပါသည်။ ထိုအချက်များထဲမှတစ်ချက်မှာ "ကက်သလစ် သာသနာ့ ၀တ်ပြု ကိုးကွယ်ခြင်းများတွင် ကျမ်းစာတော်မြတ်ကို ဖတ်ရှုနှလုံးသွင်းခြင်းနှင့်ဝတ်ပြုခြင်းကို ဦးဆောင်သူ ဘုန်းတော်ကြီးမှ ဖတ်ရှုခဲ့သော ကျမ်းစာတော်ကိုအခြေခံလျှက် သြ၀ါဒတရားဟောဖို့ အရေးကြီးပါကြောင်း၊ ထို့ကြောင့် သြ၀ါဒတရားဟောခြင်းကို ဘုန်းကြီးလောင်း ကိုရင်များကို ဟောခိုင်းခြင်း မပြုလုပ်ကြဖို့" ဖြစ်ပါသည်။ ထို့နောက် ၀တ်ပြုကိုးကွယ်ခြင်းကော်မရှင်၊ သမ္မာကျမ်းစာကော်မရှင်၊ လူငယ်ကော်မရှင်၊ သာမန်လူဝတ်ကြောင်ကော်မရှင်၊ ကက်သလစ်မိသားစုကော်မရှင်၊ ခရစ်ယာန်များ စည်းလုံး ညီညွတ်ရေးကော်မရှင်၊ ဘုရားတရားသင်ကြားခြင်းနှင့် ဓမ္မဆရာသင်တန်း၊ ဂရုဏာ၊ ကိုးကွယ်မှု ဘာသာတရား အချင်းချင်းတွေ့ဆုံနှီးနှော ဖလှယ်ခြင်းကော်မရှင် အစရှိသဖြင့် ကော်မရှင် (၂၅) ခုတို့၏ နှစ်ချုပ် တင်ပြချက်နှင့် ဆရာတော်ကြီးများ၏ မှတ်ချက်ပေးခြင်း၊ အဆုံးအမခံယူခြင်း၊ လမ်းညွှန်ပေးခြင်း၊ အကြံပေးခြင်းများမှ မှတ်သားဖွယ် တချို့ကို အတိုချုပ်ပြီးတင်ပြပါမည်။
  • "ခရစ်ယာန်တို့အားမှိုင်းမတော်မူသော မယ်တော်ပွဲနေ့" ဖြစ်သည့် မေလ (၂၄)ရက်နေ့ကို နှစ်စဉ် နှစ်တိုင်း "တရုတ်ပြည်" အတွက် အထူးဆုတောင်းပေးအပ်သောနေ့ရက်အဖြစ် သာသနာပိုင်ပုပ်ရဟန်းမင်းကြီး ဘက်နဒစ် (၁၆) အရှင်သူမြတ်က သတ်မှတ်ပေးပါသည်။
  • ယခုနှစ် မေလတွင် တစ်ပြည်လုံးမှ ကက်သလစ်ဘုန်းတော်ကြီးအငယ် (၂၂)ပါးအား ရန်ကုန်မြို့၊ ဆလေးရှင်း ဘုန်းတော်ကြီးများကျောင်းတွင် ဘုန်းကြီးများ၏ ၀ိနည်းနှင့် ဘာသာတရားရေးရာများ ပို့ချပေးနိုင် ခဲ့ပါသည်။
  • ကက်သလစ်ဘာသာဝင်များ၏ ၀တ်ပြု ကိုးကွယ်ခြင်းအစီအစဉ် အသီးသီးတွင် သီကျူးကြသော ဘုရားချီးမွမ်းခြင်း၊ ဓမ္မသီချင်းများမှစာလုံး၊ စကားလုံးများဟာ သာသနာ့ သွန်သင်ချက်များနှင့် သွေဖီမသွား စေဖို့၊ ကျမ်းစကား၊ ဘာသာရေးစကားလုံးများဖြစ်စေဖို့၊ သံစဉ်များဟာ လည်း နိုင်ငံ့ ရိုးရာယဉ်ကျေးမှု အရရော တရားသဘောအရပါ ဘုရားဝတ်ပြုခြင်း သံစဉ်ဖြစ်စေဖို့၊ တူရိယာပစ္စည်းများဆိုရင်လည်း ဘာသာရေးနှင့် ကက်သလစ်ဘာသာ ဓလေ့ထုံးများမှသွေဖီ မသွားစေဖို့ ဦးဆောင်ကြီးကြပ်စေလိုကြောင်း" ဆရာတော်ကြီးများမှ မှာကြားပါသည်။
  • ကက်သလစ်ဘာသာဝင်များ သမ္မာကျမ်းစာတော်မြတ်ကိုနေ့စဉ်နေ့တိုင်း ဖတ်ရှုနှလုံးသွင်းဖို့၊ သမ္မာတရားတော် အဆုံးအမများနှင့် အညီ တရားဆောက်တည်ကြဖို့၊
  • သမ္မာကျမ်းစာကော်မရှင်၏ ဆုတောင်းစုစည်းခြင်းအစီအစဉ်ကို တစ်ပြည်လုံးအတိုင်းအတာနှင့် ကျင်းပ နိုင်ရန် အတွက်ပြင်ဦးလွင်မြို့တွင် ၂၀၁၂ ခုနှစ်မှာ ပြုလုပ်ဖို့၊
  • ကက်သလစ်သာသနာ (ရပ်ကွက်၊ ကျေးရွာ၊ မြို့) အသီးသီးရှိ ကျောင်းထိုင်ဘုန်းတော်ကြီး များအနေနှင့် ဘုရားဝတ်ပြု ကိုးကွယ်ခြင်း အစီအစဉ်များနှင့် ဦးဆောင်ဦးရွက်ပြုခြင်း အစရှိသည့်ကဏ္ဍ အသီးသီးမှာ ဘုန်းတော်ကြီးနှင့် သီလရှင်များကသာ ထိပ်ကနေလုပ်ဆောင်မနေကြဘဲ သာမန် ဘာသာဝင် ကြီးငယ် မရွေး၊ ကျားမ မရွေးပါဝင်လုပ်ကိုင်နိုင်ခွင့်ပေးဖို့၊ ပါဝင်လာကြအောင် တိုက်တွန်းသင်ကြားပေးဖို့၊ ရင့်ကျက်သော ယုံကြည်သူ ဘာသာဝင်များဖြစ်လာအောင်သွန်သင်ပေးဖို့၊
  • ကက်သလစ်မိသားစုများသည် မိမိတို့၏ စားဝတ်နေရေး၊ သားသမီးများပညာရေး၊ လူမှုရေး၊ ကျန်းမာ ရေး အစရှိသော အရေးပေါင်းများစွာကို ခက်ခဲပင်ပန်းစွာလုပ်ကိုင်နေကြရကြောင်း၊ ပူပန်မှုနှင့်အဆင် မပြေခြင်း များကို ခါးစည်းရုန်းကန်နေကြရတာကြောင့် ကိုယ်စိတ်နှလုံးဝိညာဉ်နွမ်းနယ်နေမှုကို ဘုန်းတော် ကြီးများနှင့် သူတော်စင်များက သိရှိနားလည်ကြလျှက် ဘုရားတရားတော်၊ သမ္မာကျမ်းလာ အဆုံးအမ များနှင့် ဖေးကူ၊ အားပေး၊ နှစ်သိမ့်၊ အကြံပေးရင်း အတူလျှောက်လှမ်းနိုင်ဖို့ သူတို့တစ်တွေနှင့် နီးနီးကပ်ကပ် ရှိနေကြစေကြောင်း၊
  • ဘုရားစကား/ဘုရားတရား သင်ကြားရာတွင်လည်း ကလေး၊ လူငယ်၊ လူကြီး၊ အိမ်ထောင်သည် အစရှိသလို သူတို့နှင့် သင့်တင့်ကိုက်ညီသော ဘုရားစကားစာပေများ တစ်နိုင်ငံလုံး တစ်ပြေးညီတည်း အသုံးပြုနိုင်ရန်ထုတ်ဝေဖို့၊ ကက်သလစ်သာသနာမှဦးဆောင်သော ပရဟိတဂရုဏာလုပ်ငန်းများ၊ ပညာရေး၊ ခုခံအားကျဆင်းခြင်းရောဂါသည်များ စောင့်ရှောက်ရေးအပါအ၀င် ကျမ်းမာရေးစောင့်ရှောက် ခြင်းလုပ်ငန်းများတွင် ပါဝင်လုပ်ဆောင်နေကြသူများနှင့် ကက်သလစ် ဆရာတော်ကြီးများ အတူတကွ နီးနီးကပ်ကပ် တိုင်တိုင်ပင်ပင် လုပ်ဆောင်ကြစေလိုကြောင်း၊ ထိုကဲ့သို့ လူမှုဖွံ့ဖြိုးရေးပရဟိတလုပ်ငန်းများ တွင်လုပ်ဆောင်နေသူများအနေနှင့်လည်း မိမိတို့ ချမှတ်ရေးဆွဲ ထားသော လုပ်ငန်းအစီအစဉ်များနှင့် ပရောဂျက်များထက် မိမိတို့လုပ်ကိုင်ပေးခြင်းကို အားကိုးတကြီး ခံယူနေကြသူများသည့် လူပုဂ္ဂိုလ် များဖြစ်ကြကြောင်း၊ ဆင်းရဲချို့တြဲ့ကပေသော်လည်း သူတို့တွင် ဘုရားပေးအမွေဖြစ်သည့် မွေးရာပါ လူ့ဂုဏ် နှင့် လူ့သိက္ခာရှိနေကြတာကို မမေ့ကြစေလိုကြောင်း၊
  • ခရစ်ယာန်ဘာသာဝင်တို့သည် မိမိတို့ကိုယ်တိုင်တစ်ဦးစီ၏ နေ့စဉ်အသက်တာမှာ "တရား မျှတခြင်းနှင့် ငြိမ်းချမ်းခြင်း" တရားများမှသွေဖီကာ မနေထိုင် မပြုမူမိကြစေ လိုကြောင်း၊ သည့်အပြင် ဤကော်မရှင်သည် ဂရုဏာမြန်မာကော်မရှင်အောက်မှာ မရှိဘဲ သီးသန့် ကော်မရှင်တစ်ခုဖြစ်ကြောင်း၊
  • ပညာရေးကော်မရှင်သည် ဂရုဏာမြန်မာကော်မရှင်အောက်တွင် မရှိဘဲ သီးသန့် ရပ်တည်စေဖို့၊
  • သာသနာပိုင် ပုပ်ရဟန်းမင်းကြီး အရှင်သူမြတ်၏ သာသနာပြုအသင်းအတွက် မြန်မာကက်သလစ် ဘာသာဝင်များ နှစ်စဉ် ထည့်ဝင်လှူဒါန်းကြသောအလှူငွေသည် တစ်နှစ်ထက်တစ်နှစ် တိုးလာကြောင်း၊
  • ကိုးကွယ်မှုဘာသာတရားများ အချင်းချင်းနှီးနှော ဖလှယ်ခြင်းကော်မရှင်၏ တင်ပြချက်များမှ မြန်မာ့ ကက်သလစ်သာသနာတော်ကြီးအနေနှင့် နိုင်ငံအတွင်းရှိ ကိုးကွယ်မှု ဘာသာတရားအသီးသီး၏ မြင့်မြတ် ကြီးကျယ်ခြင်းကို အသိအမှတ်ပြုကာ၊ မတူညီကွဲပြားရာများကို လေးစားစွာအသိအမှတ်ပြုလျှက် တူညီရာများကိုမြတ်နိုးစွာ တန်ဖိုးထားရင်း ငြိမ်းချမ်းစွာအတူ ယှဉ်တွဲနေထိုင်ဖို့လိုအပ်ကြောင်း၊ ဤကော်မရှင် အနေနှင့် ကက်သလစ်ဘာသာဝင်တိုင်း အတွက် သာသနာ၏ရှေးထုံး ကျင့်စဉ်တစ်ခုဖြစ်သည့် တရားထိုင်ခြင်း၊ ကမ္မဌာန်းထိုင်ခြင်း၊ ကိုယ်စိတ်နှလုံး ဆိတ်ဆိတ်ထားကာ ဘုရားရှင်နှင့် အတူရှိခြင်း (Meditation and Contemplation Center) စသည်တို့ ပြုလုပ်နိုင်ရန်အတွက် ဥပုသ် သီလစောင့်ရာ ကျောင်းသင်္ခန်းသီးသန့် တစ်ခုဖြစ်ပေါ်လာရေး ရည်စူးကြောင်း၊
  • မြန်မာကက်သလစ် သာသနာတော်ကြီးတွင် ဘုန်းတော်ကြီး သီလရှင်များအများအပြား ခေါ်တော်မူခြင်း ခံရသည့်အလျောက် တခြားတိုင်းနိုင်ငံများသို့ လည်းကောင်း၊ မြန်မာပြည်ကက်သလစ်သာသနာ နယ်အသီးသီးသို့ လည်းကောင်း သာသနာပြုများစေလွှတ်ကြဖို့လိုအပ်ကြောင်း၊
  • သီအော်လောဂျီ ဘာသာရပ်နှင့်သော်လည်းကောင်း၊ ဖီလောဆော်ဖီ၊ လူမှုဖွံ့ဖြိုးခြင်း၊ စီမံခန့်ခွဲခြင်း အစရှိသဖြင့် အမ်အေပါရဂူဘွဲ့အသီးသီး ယူထားကြသော ကက်သလစ်ဘုန်းတော်ကြီးများအနေနှင့် မိမိတို့သင်ယူခဲ့ကြသော ဘာသာရပ်အလိုက် စာအုပ်စာပေများရေးသား ထုတ်ဝေကြစေလိုကြောင်း၊ လစဉ် သို့မဟုတ် ခြောက်လပတ်စာစောင်များ၊ မဂ္ဂဇင်းများ ထုတ်ဝေကြစေလိုကြောင်း ... အစရှိသဖြင့် ကက်သလစ်ဆရာတော်ကြီးများမှညွှန်ကြားခဲ့ကြပါသည်။
ထို့အပြင် ကက်သလစ်ဆရာတော်များအစည်းအဝေးဆုံးဖြတ်ချက်များမှ တချို့မှာ . . .
  • မြန်မာ့ကက်သလစ်သာသနာတော်အတွက် ခရစ်နှစ် (၂၀၁၂)ကို ခွန်အားအသစ်နှင့် သာသနာပြုခြင်းနှစ် (Year of New Evangelization:Ad Gentes) အဖြစ် ဆက်ကပ်ဖို့ဆုံးဖြတ်ခဲ့ကြပါသည်။
  • ကက်သလစ်သာသနာ (ဖယ်ခုံ)မှ ဖါသာရ်ဖေလိချေဘထူးကိုရန်ကုန်မြို့ရှိ ကက်သလစ်ရဟန်းဖြစ် တက္ကသိုလ်အတွက် ၀ိညာဉ်ရေးလမ်းညွှန်ဘုန်းတော်ကြီးအဖြစ်ခန့်အပ်ပေးခြဲ့ကပါသည်။
  • Episcopal Commission for Social Communications/SIGNIS အတွက် လစ်ဟာနေသော ဒါရိုက်တာနေရာအတွက် အနီးစခန်းရှိ ဆလေးရှင်း ဘုန်းတော်ကြီးများအနက်(၂)ပါးက ဇူလိုင်လမှ စတင်ကာ တာဝန်ယူကြပါမည်။
  • လက်ထပ်ထိမ်းမြားခြင်းခံယူကြမည့် ကက်သလစ်သတို့သားသတို့သမီးများသည် ကျောင်းထိုင် ဘုန်းတော်ကြီးထံမှ ကက်သလစ် ခရစ်ယာန်လက်ထပ်ထိမ်းမြားခြင်း စက္ကရမင်တူးနှင့်ပတ်သက်သော သွန်သင်ချက်များကို မဖြစ်မနေခံယူဖို့လိုအပ်ကြောင်း (Prenuptial Instruction to be compulsory) လမ်းညွှန်ပါသည်။ ရန်ကုန်ကက်သလစ်ဂိုဏ်းချုပ်ဆရာတော်ချားစ်ဘို ဦးစီးထုတ်ဝေ သော "ကက်သလစ် လက်ထပ်ထိမ်းမြားမှုပြင်ဆင်ရေး ရက်တိုသင်တန်း လက်စွဲစာအုပ်" ထုတ်ဝေထား ကြောင်း အသိပေး ပါသည်။
  • ၂၀၁၂ ခုနှစ် ဇန်န၀ါရီလထုတ် မျိုးကြဲသူစာစောင်ကို ရန်ကုန်မြို့ စိန်မေရီကာသီဒြယ် ဘုရာရှိခိုး ကျောင်းတော်ကြီးရာပြည့်ပွဲနှင့် ပတ်သက်သော သတင်းဆောင်းပါးများကို ဦးစားပေးရေးသား ထုတ်ဝေကြဖို့ စသည်ဖြင့် ဆုံးဖြတ်ခြဲ့ကပါသည်။
ကျန်းမာချမ်းသာကြပါစေ။ ဘုရားရှင်ကောင်းချီးပေးတော်မူပါစေ။

ဖါသာရ် မာကုတင်ဝင်း
(အမှုဆောင်အတွင်းရေးမှုး၊ စီဘီစီအမ်)

Read More...

Thursday, September 8, 2011

"ချစ်ရသော ကျွန်ုပ်၏အမေနှင့် ကျွန်ုပ်၏ အစ်မ" (My Eve,Mary)

မယ်တော်မာရီယားသည် ကျွန်ုပ်တို့ ချစ်ခင်အားကိုးကြရသော မိခင်အရင်းထက်ပင် ခရစ်ယာန်များ မှလေးစား ရသော၊ ချစ်ခင်စွာ အားကိုးကြသော ဘုရား၏မယ်တော်ဖြစ်သည်။ ကမ္ဘာ့နိုင်ငံအနှံ့အပြားရှိ ဘုရားရှိခိုးကျောင်း များ၌ လှပသောမယ်တော်၏ပုံတော်များ၊ ဆင်းတုတော်များကို တွေ့မြင်နိုင်ကြပါသည်။ ကျွန်ုပ်သည် ယခင်က ခရစ်ယာန် ဂိုဏ်းကွဲတစ်ဦးဖြစ်သော ကြောင့် သခင်ယေဇူးကိုသာ ရှိခိုးကိုးကွယ် ခဲ့သူဖြစ်သည်။ အထက်တန်းကျောင်းသို့ ပြောင်းတက်ရ သောအခါမှ ကက်သလစ်သူငယ်ချင်းများနှင့် ရင်းနှီးလာပြီး မယ်တော် အကြောင်းကို သိရှိလာခဲ့ သည်။ ကြင်နာခြင်းပြည့်ဝသော မယ်တော်၏ မျက်နှာတော်လေး ကို နေ့စဉ်တွေ့မြင်လာရသော အခါ မိဘများကို အနူးအညွတ်တောင်းပန်၍ ကက်သလစ်ဘာသာ သို့ ပြောင်းလဲသက်ဝင်ခဲ့ သည်။

လုပ်ငန်းခွင်သို့ဝင်ရောက်ပြီး လူအများ နှင့်ဆက်ဆံလာရသောအခါ အလုပ်ဖိစီးမှု၊ ဆက်ဆံရေး မပြေပြစ်မှု များတွေ့ကြုံလာရသည်။ တခါတရံစိတ်ဆင်းရဲခြင်း၊ စိတ်ဖိစီးမှုများကြောင့် မခံမရပ်နိုင်အောင်ဖြစ် လာသောကြောင့် "အမေ၊ အမေ ကျွန်ုပ်ကိုကယ်ပါဦး" ဟု အကြိမ်ကြိမ်တမ်းတမိပါသည်။ ပြန်စဉ်းစား ကြည့်သော အခါ "အမေ" ဟု ကျွန်ုပ်တမ်းတ နေသူသည် ကျွန်ုပ်၏ အမေအရင်းမဟုတ်ဘဲ အမိမယ်တော်ကို တမ်းတနေခြင်း သာဖြစ် ကြောင်းသိရှိရသည်။ ငယ်စဉ်အခါက ကျွန်ုပ်၏မိဘများသည် ဂိုဏ်းကွဲခရစ်ယာန် များဖြစ်သောကြောင့် မယ်တော်ကို လုံးဝ မကြားဖူးခဲ့ပါ။ ထိုအချိန်က ဧ၀ (Eve) ကို ကျွန်ုပ်တို့ချစ်ခင်ခဲ့ဖူးသည်။ ဧ၀၏မသိသော အမှားကြောင့်သာ ဤကမ္ဘာမြေမှာလှပသော၊ ချစ်စဖွယ်ကောင်းသော လူသားမျိုးနွယ်သား သ္မီးများမွေးဖွား လာခဲ့ရသည်။ ဧ၀သည် ဘုရားရှင်ဖန်ဆင်းခဲ့သော ပထမဆုံးအမျိုး သ္မီးဖြစ်သည်။ အချို့သောသူများမှာဧ၀ကို ယုတ်ညံ့သော အမျိုးသ္မီးတစ်ဦးအဖြစ် သတ်မှတ်ခဲ့သော်လည်း ကျွန်ုပ်ကတော့ ဤသို့ တခါမှ မတွေးခဲ့ဖူးပါ။ မယ်တော်အကြောင်း မသိရ သေးခင်က ဧ၀ကိုသာချစ်ခင်ခဲ့မိသည်။

လွန်ခဲ့သော (၁၀) နှစ်ခန့်ကတော့ ဘော့စနီးယားနိုင်ငံ၊ ခရိုအေးရှားတောင်တန်း တစ်နေရာ၊ ခရစ်ယာန်များနေထိုင် သည့် အရှေ့ဘက်ခြမ်း၌ မယ်တော် ထင်ရှားပြခဲ့သည်ကို လူ အမြောက်အမြားတွေ့ရှိခဲ့ကြသည်။ ထိုတောင်တန်း၏ အနောက်ဘက်ခြမ်း၌ ဆားဗီးယား မူဆလင်များနေထိုင် ကြသည်။ ဤ (၂၀) ရာစု သည် မယ်တော်၏ ရာစုနှစ် ဟုခေါ်တွင်ရအောင် ပင်။ ဤနှစ် (၁၀၀) အတွင်း ကမ္ဘာအနှံ့အပြား၌ အကြိမ်ပေါင်း (၄၀၀) ကျော် ထင်ရှားပြ ခဲ့သည်။ မယ်တော်ထင်ရှားပြခဲ့သောနေရာတိုင်း၌ လူမမာများ ၏ရောဂါများ ထူးဆန်းစွာ ပျောက်ကင်းခဲ့ သလို၊ ယုံကြည်သူဘာသာဝင်များလည်း အထူး တိုးပွားလာခဲ့သည်။ ခရိုအေးရှားနိုင်ငံ တစ်နိုင်ငံ ထဲ၌ပင် မယ်တော် ထင်ရှားပြသခဲ့ပြီးနောက် ယနေ့အချိန်ထိဆိုလျှင် ဘုရားဖူး သန်း (၁၀၀) ကျော်မျှရောက်ရှိ ဖူးမြှော်ခဲ့ကြသည်။ ရဟန်းမင်းကြီး ဒုတိယမြောက်ယောဟန်ပေါလူးသည် လူသတ်သမား၏ လုပ်ကြံမှုကြောင့် သေနတ် ဒဏ်ရာများစွာ ပစ်ခတ်ခြင်း ခံခဲ့ရသော်လည်း မယ်တော်၏ ဂုဏ်ကျေးဇူးတော်ကြောင့် အသက် မသေခဲ့ခြင်းဖြစ်သည်ဟု ရဟန်းမင်းကြီးမှ နက်နဲစွာ ယုံကြည်ခဲ့သည်။

မယ်တော်သည်ချမ်းသာကြွယ်ဝသော ဒေးဗစ်ဘုရင်ကြီး၏မျိုးနွယ်ဖြစ်သော်လည်း ပိုင်ဆိုင်သမျှကို ဆင်းရဲသား များသို့ လှူဒါန်းခဲ့ပြီး ဆင်းရဲနှိမ့်ချစွာကျင့်ကြံနေထိုင်ခဲ့သည်။ လူသား တို့၏ဒုက္ခဟူသမျှကို နားညောင်းတော် မူပြီး တောင်းသမျှဆုများကိုလည်း ထိုက်တန်စွာ ရရှိရန်၊ ဖြည့်ဆည်းပေးရန် သားတော်ထံမှ ဆု တောင်းပေးရှာ သည်။ ဒုက္ခသည်များအတွက် မယ်တော်သည် ယုံကြည်ခြင်းနှင့် မျှော်လင့်ခြင်း အလင်းရောင်ကို ထာဝစဉ်ပေးလျက်ရှိသည်။ ထို့ကြောင့် ကမ္ဘာအနှံ့အပြားမှ ခရစ်ယာန်များ သာမက ရဟန်းမင်းကြီး ကိုယ်တိုင်မှ မယ်တော်ကို သည်ထက်ကြီးမြတ်သော ဂုဏ်ထူးဘွဲ့ထူး များကို ထပ်မံ၍ပေးရန် စဉ်းစား လျက်ရှိသည်။

မယ်တော်၏ ချစ်စရာအကောင်းဆုံး စွမ်းဆောင် ချက်များဖြင့်မြတ်သော ဘုရားရှင်နှင့် အပြစ်သားများဖြစ်သော ကျွန်ုပ်တို့ လူသားများကို ထိတွေ့ ဆက်သွယ်ပေးခြင်း ပင်ဖြစ်သည်။ မယ်တော်ကြောင့်ပင် လူသားများသည် ဘုရားရှင်နှင့် ပိုမို နီးကပ်လာကြရသည်။ အီတလီနိုင်ငံ ဖလောရင့်(စ်) (Florence) မြို့ရှိ ဘုရား ကျောင်း အ၀င် တံခါးပေါက်၌ နာမည်ကျော် ပန်းပုပညာရှင် ဂီဘာတီ၏ မယ်တော်မာရီယားနှင့် ဧ၀တို့၏ လှပသော ရုပ်တုနှစ်ခုကို တင့်တယ်စွာတွေ့နိုင်ပါသည်။ ဤရုပ်တုများကို လက်တွဲ လျှက် တွေ့မြင်ရခြင်းကြောင့် အပြစ် ကျူးလွန်ခဲ့ သူနှင့် အပြစ်ကင်းစင်သူ ပုဂ္ဂိုလ် နှစ်ဦးတို့ကို ကောင်းကင်ဘုံသို့ တက်တော့မည့် ဟန် ဖန်တီးထားခြင်းမှာလည်း ထူးခြားချက် တစ်ခုဖြစ်ပါသည်။ ထို့ကြောင့် ကျွန်ုပ်တို့သည် မယ်တော်ကို ချစ်သကဲ့သို့ ဧ၀ကို လည်း ချစ်ခင် နိုင်ကြောင်း ပြသထားခြင်း ပင်ဖြစ်ပါသည်။ ကျွန်ုပ်တို့၏ ကမ္ဘာဦးက မိခင်ဧ၀ကြောင့် သာလျှင် ဘုရားရှင်ကို ချစ်မြတ်နိုးရန်၊ မကောင်းမှုကို ငြင်းပယ်ရန် စေ့ဆော်ပေးခဲ့ပါသည်။ ဧ၀ မရှိခဲ့ပါလျှင်လည်း သခင်ယေဇူးကို ကျွန်ုပ်တို့ ဖူးတွေ့နိုင်ကြမည် မဟုတ်ပေ။ ထို့ကြောင့်ပင် ဤအမေနှစ်ဦး စလုံးကို ကျွန်ုပ်တို့ အမြဲတစေ ချစ်ခင်လေးစားနေကြရမည်ဖြစ်ပါသည်။ ဤလောက ၏ အမေများ အားလုံးကို လည်း ထိုနည်းတူချစ် ခင်လေးစားကြဖို့ လိုအပ်ပါကြောင်း ဆန္ဒပြုမိပါ သည်။

ဘုရားရှင်နှင့်မယ်တော်ကို ချစ်ခင်လေးစားလျက်
ကက်သလင်းခင်

Read More...

ဆန္ဒလေးများ

လူ့ဝန်းကျင်မှာ
အီးမေးလ်၊ အင်တာနက်တွေ
သွားလာရေး ယာဉ်ကြီး၊ ယာဉ်ငယ်တွေ
တယ်လီဖုန်းမျိုးစုံ၊ ဆွေးနွေးပွဲ အဖုံဖုံနဲ့
ကူးလူး ဆက်သွယ်ရေးတွေ၊ လွယ်ကူလာလိုက်တာ၊
ကမ္ဘာက -- ရွာတစ်ရွာလိုဖြစ်လာပေါ့....

ခက်နေတာတစ်ခုက
တိုးတက်ခြင်းနောက်၊ ပျက်ဆီးခြင်းက
တစ်ကောက်ကောက် လိုက်နေတာမို့
ခက်ထန်မှုနဲ့ ၊ မတရားမှုတွေကြား
အချို့လူသားတွေကို ပစ်မထားဘဲ
နူးညံ့ သိမ်မွေ့တဲ့နှလုံးသားနဲ့
ချစ်ခြင်းမေတ္တာတရားရှေ့မှာထားကာ
ဒုက္ခရောက်သူ၊ အားငယ်သူနှင့်
အကူအညီ လိုနေသူတွေအနား၊ အရောက်သွားပြီး
ဖေးမပေးဖို့တော့ လိုပါလိမ့်မယ်.....
ဘာပဲဖြစ်ဖြစ်လေ
ကမ္ဘာကြီးက
ရွာကြီးတစ်ရွာနဲ့ တူလာတယ်ဆိုပေမယ့်
ကမ္ဘာက
ကဗျာဆန်ရင်တော့ ပိုကောင်းတာပေါ့နော်....

မေသစ္စာ(င်္F.S.A.G)

Read More...

Wednesday, September 7, 2011

မေတ္တာတရားရှိသော နေရာ၌ ဘုရားရှင်ရှိသည်

၁၈၈၅ခုနှစ်ခန့်က ဆိုဗီယက်ရုရှား ပြည်၊ မြို့ငယ်လေးတစ်မြို့၌ ဖိနပ်ချုပ်သမား လေး မာတင်အက်ဒစ် (Martin Audeich) ဆိုသူရှိခဲ့ပါသည်။ အလုပ်ကြိုးစားသော လူငယ်လေးတစ်ယောက်ဖြစ်ပြီး ဘုရားတရား ရိုသေ ကိုင်းရှိုင်းသူဖြစ်သည်။ လိမ္မာရေးခြားရှိ သော အမျိုးသမီးတစ်ယောက်နှင့် အိမ်ထောင်ကျပြီး သားလေး တစ်ယောက်မွေးဖွားခဲ့သည်။

အလွန် ချမ်းအေးလှသော ဆောင်းရာသီ၌ ပြင်းထန်သော အဆုတ် အအေးမိရောဂါနှင့် ဇနီးနှင့် သားလေးတို့ ရှေ့ဆင့်နောက်ဆင့် ဆုံးပါးသွားကြသည်။ မာတင်လည်း အလွန် စိတ်ထိခိုက်သွားကာ ဘုရားကျောင်းလည်း မတက်နိုင်၊ ဘုရားပင် မရှိခိုးနိုင်လောက် အောင် စိတ်ဓါတ် ကျသွားရှာသည်။

တစ်နေ့၌ မာတင်၏ ဇာတိရွာမှ အဖိုးအိုတစ်ဦး ဘုရားဖူးရင်း အလည်အပတ် ရောက်ရှိလာသည်။ မာတင်က သူ၏အဖြစ် အပျက်များကို ပြောပြသောအခါ အဖိုးအိုသည် သေချာစွာ နားထောင်ပြီးသောအခါ မာတင် မှားယွင်းနေကြောင်း၊ ပြန်လည်ပြောပြ လိုက်သည်။ မာတင်သည် နေ့စဉ် "ဘုရားရှင် သူ့အား မြန်မြန်ခေါ်တော်မူပါဟု ဆုတောင်းခြင်းသည်လည်း မှားယွင်းနေကြောင်း၊ လူ့လောက ဖြစ်စဉ် များသည် ဘုရားရှင်၏ အလိုတော်သာ ဖြစ် ကြောင်း၊ မာတင်မှာ ပျော်ရွှင်မှုကိုသာ ရှာဖွေနေ သောကြောင့် ဤကဲ့သို့ ခံစားနေရကြောင်း ရှင်းပြသည်။ လူတစ်ယောက်ဖြစ်လာလျှင် ဘုရားရှင်အတွက် အသက်ရှင်ဖို့ လိုအပ်ကြောင်း၊ ကျမ်းစာများ ဖတ်မှသာ အသက်ရှင်နေထိုင်နည်းကို သိလာမည်ဖြစ်ကြောင်းပြောပြသည်။ ထိုနေ့မှ စတင်ပြီး ကျမ်းစာကို နေ့စဉ် ဖတ်ရှုလာသောအခါ မာတင်၏ စိတ်ဓါတ်ပြောင်းလဲလာခဲ့သည်။ ယခင်က အားလျှင်ပျော်ပျော်ပါးပါး စားသောက် နေထိုင်လေ့ရှိသော်လည်း ယ္ခုအခါ ထိုသို့ မဟုတ်ဘဲ အားလပ်လျှင် ကျမ်းစာ ဖတ်နေတတ်ပြီးလျှင် လူသားများအပေါ်လည်း အကောင်း ပိုမြင် လာပါသည်။

ရှင်လုကာ - ၆ မှာ "သင့်ပါးတဖက်ကို တစ်စုံတစ်ယောက်ရိုက်ခဲ့လျှင် အခြားတဖက်ကို လှည့်ပေးပါ။ နွမ်းပါးသူမှ သင့်ခြုံထည်ကို တောင်းလျှင် ပေးလိုက်ပါ။ သင့်ကိုတစ်ပါးသူ ကောင်းစွာ ပြုမူစေချင်သလို သင့်မှာလည်း တစ်ပါးသူကို ကောင်းစွာဆက်ဆံပါ" ဤကျမ်းပိုဒ်များကို အကြိမ်ကြိမ်ဖတ်မိသည်။ ဘုရားရှင်ကို ဖာရီ ဇေဦးမှ ကောင်းမွန်စွာ မဆက်ဆံဘဲ အပြစ်ရှိ သောအမျိုးသမီးမှ ကောင်းမွန်စွာ ဆက်ဆံ ခဲ့သည်ကိုလည်း သဘောကျမိသည်။ အကယ်၍များ ဘုရားရှင် သူ့ထံ ဆင်းကြွလာလျှင် အဘယ်သို့ ဧည့်ခံရမည်နည်း ဟုတွေးတောရင်း အိပ်ပျော်သွားခဲ့ပါသည်။ ထိုအခိုက် အသံ တစ်သံကို ကြည်လင်ပြတ်သားစွာ ကြားလိုက်ရ သည်။ "မာတင် မနက်ဖြန် သင့်ထံကျွန်ုပ် အလည်လာမည်" ဟူ၍ဖြစ်သည်။ မာတင် လည်း နံနက်စောစောထကာ လက်ဘက်ရည် အိုးနှင့် စွပ်ပြုပ်အိုးတည်၍ ကျမ်းစာဖတ်ပြီးလျှင် ဖိနပ်ချုပ်ရင်း သူ့ပြတင်းပေါက်လေးမှ လမ်းမကို လှမ်း ကြည့်နေမိသည်။

ထိုအခိုက် လမ်းမပေါ်မှရေခဲများကို ဖယ်ရှားပေးနေသော စစ်သားအိုကြီး စတီးဗင်း သည် မောပန်းစွာနှင့် သူ့အခန်းပြတင်းပေါက် နားလာရပ်လျက် နားနေသည်ကိုတွေ့လိုက်ရ သည်။ မာတင်မှ အခန်းထဲသို့ ဖိတ်ခေါ်၍ စွပ်ပြုပ်နှင့် လက်ဘက်ရည် တိုက်ပြီးသောအခါ သူ့ထံကို ဘုရားရှင်လာမည်ဟု ပြောကြား ကြောင်း ကျမ်းစာထဲမှ ဘုရားရှင်သည် ရိုးရိုး သာမန်လူသားများကို ချစ်ခင်စွာရွေးချယ် တတ်ကြောင်းပြောပြသောအခါ စတီးဗင်းမှ တရားနာရင်း မျက်ရည်များစီးဆင်းလျက် ကျွန်ုပ်အားစိတ် ၀ိညာဉ်သာမက ခန္ဓာကိုယ်ပါ အင်အားပေးသောကြောင့် ကျေးဇူးတင် ကြောင်းပြောလျက် ထွက်ခွာသွားပါသည်။

ခဏကြာလျှင် သူ့ပြတင်းပေါက်နားသို့ ကလေးချီ လာသောနွမ်းပါးသူ အမျိုးသ္မီးလေးတစ်ယောက် မတ်တတ် ရပ်နေသည်ကို တွေ့သောကြောင့် အခန်းအတွင်းဝင်ပါရန် ဖိတ်ခေါ်လိုက်သည်။ စွပ်ပြုတ်နှင့် လက်ဘက်ရည် တိုက်ကျွေးပြီးသော်၊ သူမ အကြောင်းမေးမြန်းသောအခါ၊ သူမသည် စစ်သားတစ်ဦး၏ ဇနီးဖြစ်ပြီး၊ ခင်ပွန်းသည်မှာ၊ တိုက်ပွဲ၌ ကျဆုံးသွားပြီဖြစ်ကြောင်း၊ သူမ၌လည်း လောလောဆယ် အလုပ် မရှိသေးသောကြောင့် ဒုက္ခရောက်နေ ရကြောင်းပြောပြ ရှာသည်။ မာတင်မှ ကလေးလေးအား ပိုက်ထွေးရန် သူ၏စောင် ပိုင်းလေးတစ်ထည်နှင့် ငွေသား အနည်းငယ်ပေး၍ ဆုတောင်းပေးပါမည့် အကြောင်း ပြောပြလိုက် သည်။ ထိုအမျိုးသမီးမှ မာတင်ကို အထူးပင် ကျေးဇူးတင်ပါကြောင်းပြောလျက် ထွက်ခွာ သွားပါသည်။ မာတင်လည်း ဖိနပ်ချုပ်ရင်း လမ်းမ ပေါ်သို့ လှမ်းကြည့်နေလိုက်သည်။ ထိုအခိုက် အသက်ကြီးလှပြီဖြစ်သော အဖွားအိုတစ် ယောက် ပန်းသီးအိတ်ကြီးကို မနိုင့်တနိုင် မလျက် မာတင်၏ပြတင်းပေါက် အနီးသို့ ရောက်လာပါသည်။ သူမ အိတ်ကြီးကို အောက်သို့ချလျက် အမောဖြေနေခိုက် ဆာလောင်နေ ပုံရသော လူငယ်လေးတစ်ယောက်မှ ပန်းသီးတစ်လုံးကို နှိုက်ယူရန် ကြိုးစားလိုက်ပါသည်။ ထိုအခါ အဖွားကြီးမှာ လူငယ်လေးကို ဖမ်းဆွဲလျက် စစ်သားများထံ အပ်နှံမည်ဟု ဆူပူကြိမ်း မောင်းလျက်ရှိသည်။ ထိုအခါမာတင်မှ လူငယ် လေးလည်း ဆာလောင်လွန်း၍သာ ဤသို့ ပြုမူမိကြောင်း၊ သူ့ကို ခွင့်လွှတ်ပါရန် တောင်းပန် လိုက်ပါသည်။ ထို့နောက် အိမ်ထဲသို့ နှစ်ဦးလုံး ၀င်ရောက်ကြပါရန် ဖိတ်ခေါ်လျက် စွပ်ပြုတ် နှင့် လက်ဘက်ရည်ကို တိုက်ကျွေးလိုက်သည်။ ထို့နောက် ဘုရားရှင်၏ ခွင့်လွှတ်ခြင်း တရား တော်ကို တဆင့်ပြန်လည်ပြောပြ လိုက်ပါသည်။ သူတစ်ပါး၏ အပြစ်ကို ခွင့်လွှတ်မှသာ ကိုယ့်အပြစ်များကိုလည်း ဘုရားရှင်မှ ခွင့်လွှတ် မည်ဖြစ်ကြောင်း၊ အဖွားအို နားလည်စေရန် ရှင်းပြခဲ့သည်။ အဖွားအိုလည်း တိတ်ဆိတ်စွာ နားထောင်ပြီးသော် မာတင်ကိုကျေးဇူးတင် ကြောင်း၊ သူကြောင့် ဘုရားရှင် ထံမှ နောင်တ ကျေးဇူးတော်ကို ရခဲ့ခြင်းဖြစ်ကြောင်း ပြန်ပြောပြခဲ့သည်။ လူငယ်လေးမှာလည်း အဖွားအိုကို ဤအိတ်ကြီးကို သူသယ်ဆောင် ကာ လိုက်လံ ပို့ဆောင်ပေးပါမည့် အကြောင်း ပြောကြား၍ မာတင်ကိုကျေးဇူး တင်ကြောင်း ပြောကာ ထွက်ခွာ သွားကြပါသည်။

မာတင်လည်း သူ၏အလုပ်ကို ဆက်လုပ်ရန် ထိုင်ခုံ၌ ထိုင်လိုက်သောအခါ ညနေ စောင်းဖြစ်လာပြီး မှောင်လာပြီဖြစ်သောကြောင့် မီးအိမ်လေးထွန်းကာ ကျမ်းစာအုပ်ကို ဖွင့်လျှက် ဖတ်နေ လိုက်ပါသည်။ "အငယ်ဆုံး၊ အနိမ့်ကျဆုံး သော ညီအစ်ကိုကို သင်ကူညီစောင်မလျှင် ကျွန်ုပ်ကို ကူညီခြင်း ပင်ဖြစ်ကြောင်း" ဘုရားရှင်၏ တရားတော်ကို ဖတ်နေမိသည်။ ထိုအခိုက်မှာပင် အခန်းထောင့်မှ လူရိပ် လူယောင်များတွေ့ မိပြီး အသံများပါ ကြားမိသောကြောင့် မော့ကြည့်လိုက်မိရာ စစ်သားအိုကြီး စတီးဗင်းနှင့် နေ့ခင်းက လာသွားသော ဒုက္ခသည် အမျိုးသ္မီးနှင့်ကလေးငယ်တို့ကို မှုန်ဝါးဝါးတွေ့မြင်လိုက်ရပြီး သူ့အား ၀မ်းသာကြည်နူးစွာနှင့် လက်ပြနှုတ်ဆက် သွားကြသည်ကိုတွေ့လိုက် ရပါသည်။

မာတင်လည်း ထိုနေ့က သူ့အိပ်မက်သည် အမှန်တကယ် အကောင်အထည်ပေါ်ခဲ့ပြီး ဘုရားရှင် ကိုယ်တိုင်ပင် သူ့ထံသို့ ကြွလာခဲ့ကြောင်း ၀မ်းမြောက်စွာ သိရှိခဲ့ရသည်။ ထို့ကြောင့် ကျွန်ုပ်တို့ထံသို့ ဘုရားရှင် ကိုယ်တော်တိုင် ကြွမလာပါ သော်လည်း သူ့ကိုယ်စား ဘုရားရှင်မှနေ့စဉ် ဤသို့ အကူအညီလိုသူများကို လွှတ်နေမည် ဖြစ်ပြီး ကျွန်ုပ်တို့မှ တတ်အားသ၍ ကူညီဖေးမဖို့ မာတင်ကဲ့သို့ မမေ့မလျော့ တာဝန်ယူကြရန် ကြိုးစားကြ ရမည်ဖြစ်ပါသည်။

Ref: Selected Stories From ''Leo Tolstoy (2)''

ဘုရားရှင်ကို ထာဝရအစေခံလျက်
ထရေးဇားမြင့်

Read More...