Friday, July 15, 2011

မြင့်မြတ်သောကျင့်စဉ်

စိန်ဘဲနဒစ် အသင်းတော်ကို ရဟန်းမင်းကြီးအဖြစ် အုပ်ချုပ်ခဲ့စဉ်ကာလ ရေးသားခဲ့သော မြင့်မြတ်သော ကျင့်စဉ်သည် ကျွန်ုပ်တို့ ခရစ်ယာန်များအတွက် သာမက လူသားတိုင်း ကျင့်ကြံ အားထုတ်ကြရန် အလွန် ကောင်းမြတ်သော ကျင့်စဉ်များ ဖြစ်ပါသည်။ အဓိက အချက်မှာ ဘုရားသခင်ထံမှ စီးဆင်းလာသော ချစ်ခြင်း မေတ္တာတရားကို ကျွန်ုပ်တို့ ရင်ထဲမှ တစ်ဆင့် ပတ်ဝန်းကျင်ရှိ လူသားများအပေါ် ဖြန့်ဝေပေးရန် တိုက်တွန်း နှိုးဆော်ခဲ့ပါတယ်။

ဤမြတ်သော ကျင့်စဉ်သည် တည်မြဲသော ချစ်ခြင်း မေတ္တာ၊ တစ်ဦးနှင့် တစ်ဦး လေးစားမှုရှိခြင်း ပံ့ပိုး ကူညီခြင်း၊ စိတ်ရှည် သည်းခံခြင်းနှင့် အနစ်နာခံခြင်းတို့ ပေါင်းစပ်ထားခြင်း ဖြစ်သည်။

ကော်ရိန်သုကျမ်း(၁း၁) မှ ချစ်ခြင်းမေတ္တာသည် စိတ်ရှည် သည်းခံခြင်း၊ သနားကြင်နာခြင်း စသည့် အချက်များနှင့် တူနေပါသည်။ ကျွန်ုပ်တို့ကိုယ်တိုင် လူသား အများစုသည် ကိုယ့်အတွက် ပထမ၊ သူများ အတွက် ဒုတိယ ဆိုသောမူအတိုင်း လိုက်နာ ကျင့်သုံးတတ်ကြသည်။ ကိုယ့်အတွက်ဆိုလျှင် အကောင်းဆုံးအရာကိုသာ ရွေးချယ် ရယူတတ်ကြသည်။

စိန်ဘဲနဒစ်၏ အဆိုအမိန့်၌ အထက်ပါ အယူအဆနှင့် ဆန့်ကျင်ဘက် ကျင့်သုံးရန် တိုက်တွန်း ထားပါသည်၊၊ ကိုယ့်အတွက်ကို ဦးစွာ ပထမ မစဉ်းစားရန်နှင့် ကိုယ်နှင့်နီးစပ်သူ(သို့) အများတွက် စဉ်းစားပေးရန် ဖြစ်သည်။ ကိုယ့် မိသားစုထဲမှ အင်အားနည်းပါးသူ (ကိုယ်၊ စိတ်၊ ဓန)ကို ဦးစားပေးရန် ဖြစ်ပါသည်။ သည့်နောက် ကိုယ့်အလုပ်ခွင်တွင်းမှ လုပ်ဖော်ကိုင်ဖက်များ အဆင်ပြေရေးကို စောင့်ရှောက်ကြရန် ဖြစ်ပါသည်၊၊ လက်ထပ်ထိမ်မြားပြီးသော ဇနီးမောင်နှံများ၊ မိဘနှင့် သားသမီးများ လုပ်ငန်းခွင်၌ အတူ လုပ်ကိုင်သူများသည် တစ်ဦးနှင့်တစ်ဦး သည်းခံစိတ်ထားလျက်၊ မတူညီသော အတွေးအခေါ်များ၊ အမြင် မတူခြင်းများကို ညှိနှိုင်းလျက် ပြေလည်စွာ ဆက်ဆံရမည်ဟု စိန်ဘဲနဒစ်က မိန့်ဆို ခဲ့ပါသည်။ မေတ္တာတရားနှင့် ရိုသားမှုကို ရှေ့တန်းတင် ကျင့်သုံးရန် ရေးသားခဲ့ပါသည်။

လူသားတို့သည် ကိုယ် စိတ်ဝိညာဉ်ထဲ၌ ရှိနေသော ဤကောင်းမြတ်သော ကျင့်စဉ်ကို နေ့စဉ် ကျင့်သုံးနေကြသော်လည်း သတိမထားမိခဲ့ကြပေ၊၊ ဈေးဝယ်သွားစဉ် ဈေးရောင်းသူအား ပြုံးပြခြင်း၊ အကူညီလိုသူကို အနည်းနှင့် အများ လိုက်လျောစွာ ကူညီခြင်းစသည်ဖြင့် ကောင်းမွန်သော အပြုမူလေးများကို ကျင့်သုံး နေတတ်ကြသည်။ တစ်ခါတစ်ရံ တစ်ဦးနှင့်တစ်ဦး လက်ဆောင်လေးများ ပေးကမ်းခြင်း လိုအပ်သည့် နေရာများသို့ လှူဒါန်းခြင်းစသည် တို့သည်လည်း မွန်မြတ်သော စိတ်၏ နှိုးဆော်မှုများကြောင့်ပင် ဖြစ်ပါသည်။ ကျွန်ုပ်တို့၏ နှလုံးသား ၀ိညာဉ်ထဲသို့ ကောင်းမွန်သော စိတ်ထား ကိန်းအောင်းစေရန်အလို့ငှာ၊ ကရုဏာရှင် ယေဇူးထံ ဆုတောင်းမေတ္တာ တောင်းဆိုကြရမည် ဖြစ်သည်။

ခရစ်ယာန် အများစု နေထိုင်ရာ အမေရိကန်ပြည်ထောင်စု၊ အင်္ဂလန်ပြည်၊ ဥရောပတိုက်တို့၌ တနင်္ဂနွေဘုရားကျောင်း ဆင်းလျှင် လမ်းထောင့်များ၊ လမ်းဆုံများ၌ အသင့် စားသုံးနိုင်သော ထုပ်ပိုးပြီး စားသောက်ဖွယ်ရာများကို ဝေငှ လှူဒါန်းလေ့ရှိသည်။ လှူဒါန်းသူများနှင့် လုပ်အားပေးသူများ ကိုယ် စိတ်နှစ်ပါး စွန့်လွှတ် အနစ်နာခံကြရသည်။ စိတ်ကောင်း စေတနာရှိသူများသာ ဤလုပ်ရပ်များကို လုပ်ကိုင်နိုင်ကြသည်၊၊ ပိုလျှံ၍ လှူဒါန်းခြင်းထက် ကိုယ်စားမည့် ဝေစုထဲမှ ခြိုးခြံ၍ လှူဒါန်းခြင်းသည် သာ၍ မွန်မြတ်သည်။ ကျမ်းစာထဲမှ ဆင်းရဲသော မုဆိုးမတစ်ဦး လှူဒါန်းသော အလှူမျိုးကို ဘုရားရှင်က ပိုမို နှစ်သက်ပါသည်။

တစ်ဦးနှင့်တစ်ဦး မေတ္တာ စေတနာ ထားရမည် ဆိုသည်ကပင် တစ်ခါတစ်ရံ ခက်ခဲသော အလုပ် တစ်ခုဖြစ်သည်။ မေတ္တာတရားနှင့် ရိုးသားမှု မရှိလျှင် လူတိုင်းနှင့် အဆင်ပြေစွာ ဆက်ဆံဖို့ ခဲယဉ်း ပေလိမ့်မည်။ ကမ္ဘာတစ်လွှား အငတ်ဘေးအတွက် ရံပုံငွေ ရှာနေသူများသည် ၎င်းင်း၊ မုန်တိုင်းဒဏ် ခံစားနေရသူများ အတွက် ဂီတပွဲတော်များ ပြုလုပ်၍ ရံပုံငွေရှာကြသူများ၊ အိတ်(ခ်ျ)အိုင်ဗီရောဂါသည်များကို ပြုစု စောင့်ရှောက်နေသူများသည်လည်း ဘုရားရှင်၏ ကောင်းမြတ်သော ကျင့်စဉ်ကို လိုက်နာ ကျင့်ကြံနေသူများ ဖြစ်ကြသည်။ ထို့ကြောင့် စိန်ဘဲနဒစ်မှ ဤကျင့်စဉ်ကို ကျင့်သုံးရာ၌ လူမျိုး ဘာသာ၊ အဆင့်အတန်း ခွဲခြားစရာမလိုဟု ဆိုမိန့်ဆိုခဲ့ပါသည်။ လူသားတိုင်းအတွက်ဟု ရည်ညွှန်းခဲ့သည်။

ကျွန်ုပ်တို့အပေါ်မှာ ထားရှိသော ဘုရားရှင်၏ မေတ္တာတရားကို မျှဝေပေးခြင်းထက်ပင် သာလွန်၍ ခက်ခဲသော ဤကျင့်စဉ်ကို အသက်အရွယ်ငယ်စဉ်မှပင် ကျင့်သုံးတတ်ကြစေရန် ကလေးအရွယ်မှပင် သင်ကြားပေးရန် လိုအပ်ပါသည်၊၊ ကလေးငယ်များကို အချင်းချင်း မုန့်ကိုမျှဝေ စားတတ်စေရန်၊ တစ်ဦးနှင့် တစ်ဦးအနိုင်အထက် မပြုကြရန်၊ ချစ်ခင်စွာ နေတတ်ကြစေရန် ပြုပြင် သင်ကြားပေးရမည်မှာ အရွယ်ရောက်သူတိုင်း၏ တာဝန် ဖြစ်ပါသည်။

အများအတွက်ဟု ရည်ရွယ်လိုက်သည်နှင့် မေတ္တာစိတ်၊ ကိုယ်ပိုင်ဆိုင်သော ငွေကြေး၊ အချိန်၊ ကိုယ့်ပစ္စည်း ဥစ္စာတို့ကို ခွဲဝေ ပေးရတော့မည် ဖြစ်သည်။ စွန့်လွှတ်နိုင်သော စိတ်ထားကို အရင်းခံ ပါသည်။ လူဆိုသည်မှာလည်း ကိုယ့် အနီးနားပတ်ဝန်းကျင်၌ ကိုယ့်ကို ခင်မင်လိုလားသူ တို့ကိုသာ မေတ္တာထား ချင်ကြသော်လည်း ကိုယ်မချစ်ခင် မလိုလားသူ တို့ကိုမူ စေတနာလျော့ပါး တတ်ကြသည်။ ဘုရားရှင်မှာ ကိုယ့်ကို ရန်လိုသူများကိုပင် မေတ္တာစိတ်ထားရန် ကိုယ်တိုင် စံပြနမူနာအဖြစ် ပြသခဲ့ပါသည်၊၊ ကျွန်ုပ်တို့သည်လည်း လက်ဝါးကားတိုင်ပေါ်မှာ သခင်ယေဇူးကို ရည်မှန်းပြီး နေ့စဉ် တွေ့ဆုံ နေကြရသူတိုင်း အပေါ် နီးသည်ဖြစ်စေ၊ အဝေးမှဖြစ်စေ မေတ္တာစိတ်ထားပြီး ဆက်ဆံကြလျှင် ဘုရားရှင်ကို ကျွန်ုပ်တို့ အမှန်တကယ် ချစ်ခင်ကြောင်း ပြသရာ ရောက်ပါသည်။

ကက်သလင်းခင်