Monday, June 28, 2010

ဘာအရေးကြီးဆုံးလဲ

ဘာအရေးကြီးဆုံးလဲ

"ဒီမှာ သူငယ်ချင်း - သဘာဝအမှန်တရားကို အမှန်တရားအတိုင်း မမြင်တတ်သေးလို့ လူတွေဟာ လောဘ၊ ဒေါသ၊ မောဟတွေများနေကြတာ။ လောကမှာ အရေးကြီးဆုံးက သဘာဝအမှန်တရားကြီးကို အမှန်တရားအတိုင်းမြင်တတ်ဖို့ပဲ"။

"ခင်ဗျားပြောပုံအရဆိုရင် ချစ်ခြင်းမေတ္တာကို လွှင့်ပစ်ရမလိုဖြစ်နေပြီ၊ သခင်ယေဇူးက ကြီးမားတဲ့ဒုက္ခဝေဒနာတွေကို ခံစားခဲ့တာ ကျုပ်တို့ကို ချစ်လို့ပဲပေါ့။ လောကမှာ အရေးကြီးဆုံးချစ်ခြင်း မေတ္တာဖြစ်လိမ့်မယ်"။

"ဟားဟား ဟားဟား ..... ဒီက နောင်ကြီးတို့ ပြောတာတွေတစ်ခုမှ မဟုတ်ဘူး။ လောကမှာအရေးကြီးဆုံးက ယုံကြည်ခြင်း၊ မုန်ညင်းစေ့လေးလောက် ယုံကြည်ခြင်းရှိရင် မြင်နေရတဲ့ တောင်တန်းကို ရွှေ့လို့ရတယ်..တဲ့၊ သခင်ယေဇူးပြောခဲ့တာနော်။ ဒါကြောင့် လောကမှာ အရေးကြီးဆုံးက ယုံကြည်ခြင်းပဲ"။

"မှားနေကြပြီ ထင်တယ် လောကမှာ အရေးကြီးဆုံးက၊ သေဆုံးပြီးရင် ကောင်းကင်နိုင်ငံတော် ၀င်ရဖို့ပဲ၊ လူ့ဘ၀ဆိုတာ နိုင်ငံတော်ဝင်ရဖို့ အတွက် လှေကားတစ်ခု။ ဒါဟာလောကမှာ အရေးကြီးဆုံးပေါ့"။

"ကဲ- ကဲ ခင်ဗျားတို့၊ ကျွန်တော်တို့ ပြောတဲ့အရေးကြီးဆုံးဆိုတာတွေကို ဘုန်းတော်ကြီးကို ဆုံးဖြတ်ခိုင်းမှ ဖြစ်မယ်။ ဒါနဲ့တစ်ချိန်လုံး ငြိမ်ပြီး နားထောင်နေတဲ့ အငယ်ဆုံးညီလေး - မင်းကရော ဘာအရေးကြီးဆုံးထင်လဲ"။

အမေးခံရသော လူငယ်လေးသည် မတ်တပ်ရပ်လိုက်၏။ လက်မှနာရီကို တစ်ချက်ငုံ့ကြည့်ကာ.... "အစ်ကိုကြီးတို့ မေးတဲ့မေးခွန်းကို မဖြေတတ်ပါဘူး၊ ကျွန်တော်ကို သွားခွင့်ပြုပါဦး... ဒီနေ့တနင်္ဂနွေနေ့၊ ဘုရားကျောင်းတက်ဖို့ အချိန် ဆယ့်ငါးမိနစ်ပဲ လိုတော့တယ်။ ဒါကြောင့် ဘုရားကျောင်း သွားတက်ဖို့ ကျွန်တော့်ကို ခွင့်ပြုပါဦး"ဟု ဆိုကာ လှည့်ထွက်သွားလေသည်။ ဘုရားကျောင်းဆီသို့ ဦးတည်၍ လျှောက်လှမ်းသွားသော လူငယ်လေး၏ ကျောပြင်ကို ကြည့်ရင်း ကျန်လူလေးယောက်၏ ရင်ထဲ၌ "လောကမှာ ဘာအရေးကြီးဆုံးလဲ"ဆိုသည့် မေးခွန်း၏ အဖြေကို တွေ့ရှိ သွားလေတော့သတည်း။

စန်းယုပိုင် (ဟင်္သာတ)

Read More...

Wednesday, June 23, 2010

"ခြိုးခြံခြင်း"

"ခြိုးခြံခြင်း"

ဤကမ္ဘာမြေပေါ်၌၊ အရွယ်ရောက်လာသော လူသားတစ်ဦးသည်၊ မိမိတို့တတ်စွမ်းသမျှ အလုပ်လုပ်ကြရသည်၊ လွတ်လပ်စွာ စားသောက်နိုင်သည်၊ လှပစွာ ၀တ်စားဆင်ယင် နိုင်ကြသည်။ သို့သော် လွန်ကျူးလျှင်၊ မကောင်းမှုဖက်သို့ ရှေ့ရှုသွားနိုင်သောကြောင့်၊ ထိန်းချုပ်မှုသည် အမှန်တကယ်ပင် လိုအပ်ပါသည်။ မိမိ၏ ကိုယ်နှင့် စိတ်နှစ်ပါးစလုံးကို ထိန်းချုပ် ခြိုးခြံခြင်းသည်၊ လူသားတို့၏ ဘ၀တွင် အရေးကြီးသော ပါရမီတစ်ပါး ဖြစ်ပါသည်။

ကျွန်ုပ်တို့၏ ကယ်တင်ရှင်သခင် ခရစ်တော်က (ရှင်မာတေဦး၁၆း၂၄)၌ "ငါ့နောက်သို့လိုက်လိုသောသူသည်၊ မိမိကိုယ်ကို ငြင်းပယ်စေ။ မိမိလက်ဝါးကပ်တိုင်ကိုလည်း ထမ်း၍ ငါ့နောက်သို့လိုက်စေ"ဟု မိန့်တော်မူခဲ့သည်။ တပည့်တော်ကြီး သံပေါလူးကမူ၊ လူသားတိုင်းသည် ဘုရားရှင်၏ စွန့်လွှတ်အနစ်နာခံခြင်း၊ သည်းခံခြင်းတရားကို ကျင့်ကြံရမည်ဟု မိန့်ဆိုခဲ့ပါသည်။

အာရုံငါးပါးသည် စိတ်ဝိညာဉ်ကို ဖျက်ဆီးနိုင်သကဲ့သို့၊ မကောင်းသော စိတ်သည်လည်း ခန္ဓာကိုယ်ကို ပျက်စီးစေပါသည်။ လူသားတို့၏ စိတ်ဝိညာဉ်များ ပျက်စီးခဲ့ရသောကြောင့်ပင် သခင်ခရစ်တော်မှ၊ သူ၏ ခန္ဓာကိုယ်ကို လက်ဝါးကားတိုင်ပေါ်မှာ အသက်အသေခံ၍ ပူဇော်ခဲ့ရသည်။ ကမ္ဘာဦးလူသား အာဒန်မှစ၍ အမှားများကို ကျူးလွန်ခဲ့သော ကျွန်ုပ်တို့သည် ကိုယ့်စိတ်ကို ထိန်းချုပ်ခြင်းမရှိခဲ့လျှင် တန်ဖိုးရှိသော လူသားများ(သို့) ရဟန္တာလောင်းများ ပေါ်ထွန်းလာမည် မဟုတ်ပေ။ လောကီစည်းစိမ်ချမ်းသာများသည် လူသားများကို ဖျက်ဆီးဖို့ရန် အဆင်သင့် ရှိနေပါသည်။ ထို့ကြောင့်ပင် ဤစည်းစိမ်ချမ်းသာများ ကျူးကျူး၊ လွန်လွန် ခံစားကာ ငရဲပြည်ကို သွားမလား၊ ခြိုးခြံချုပ်တီး၍ ဘုရားရှင်၏ ကောင်းသော ကျင့်စဉ်များကို လိုက်နာပြီး ကောင်းကင်တံခါးကို မော်ကြည့်မည်လား ဆိုသည်ကို ကိုယ့်အသိဉာဏ်နှင့်ကိုယ် ရွေးချယ်ကြရပေမည်။ ဖြူစင်သောစိတ်၊ နှိမ့်ချသောစိတ်ထားများသည် သခင်ခရစ်တော်မှ စံပြုလျက် စီးဆင်းလာသော မြင့်မြတ်သော စိတ်ထားများပင် ဖြစ်သည်။


ကျွန်ုပ်တို့ လူသားတိုင်း မှတ်သားဖွယ်ရာ စကားလေးတစ်ခွန်းကို ရဟန္တာ ဂျိုးဇက်ကယ်လန်ဆန်တီယူးမှ မိန့်ဆိုခဲ့သည်မှာ "သတိတရားနှင့် စိတ်ကို ထိန်းချုပ်မှု့မရှိသော တစ်နေ့တာသည်၊ တစ်နေ့တာ ပျောက်ဆုံးသွားခြင်းပင် ဖြစ်သည်"ဟု ဆိုခဲ့ပါသည်။ စိတ်၏ လွတ်လပ်ပျော်ပါးမှုကို သာရှေ့ရှုနေလျှင်၊ နတ်ဆိုးလမ်းပြရာနောက်သို့သာ လိုက်ပါနေခြင်းဟုလည်း ဆိုခဲ့ပါသည်။ဘုရား တရား ကြည်ညို လေးစားသူများအတွက် စိတ်နှင့် ခန္ဓာကိုယ် ခြိုးခြံခြင်းသည် သိပ်ခက်ခဲသော အလုပ်တစ်ခု မဟုတ်ပေ၊ ရဟန္တာ အယ်လ်ဖွန်း(စ)မှ လွယ်ကူစွာနှင့် အကောင်းဆုံးသော ခြိုးခြံခြင်းသည်၊ တရားဥပဒေအတွင်းမှာ ရှိသော၊ ခွင့်တောင်းစရာမလိုသော အချက်များကို ကျင့်ကြရန် ပြသခဲ့ပါသည်။ တန်ဘိုး မရှိသောစကားများ အချိန်ကြာမြင့်စွာ၊ အဓိပ္ပါယ်မဲ့စွာ ပြောဆိုကြခြင်း၊ သူတစ်ပါးအကြောင်း မကောင်းပြောဆို ဝေဖန်ခြင်းများ စသည်တို့ကို ရှောင်ရှားရမည်ဖြစ်သည်။ တန်ဖိုးနည်းပါး၍၊ အရသာထူးခြားအောင် ပြုပြင်ထားခြင်းမရှိသည့် သဘာဝဆန်သော အစားအသောက်များကိုသာ ရွေးချယ် စားသောက်ကြသင့်သည်။ သို့ဖြင့် စားသောက်မှု အသုံးစရိတ် နည်းပါးလာခြင်းကြောင့် ပိုမို လှူဒါန်းလာနိုင်မည် ဖြစ်သည်။

အခြားအရေးကြီးသော အချက်တစ်ချက် ရှိပါသေးသည်၊ တစ်ပါးသူကို မိမိခံစားနေရသော ဒုက္ခများကို ညည်းတွားပြခြင်း၊ အထူးသဖြင့် စီးပွားရေး၊ ကျန်းမာရေးချို့တဲ့သည် စသဖြင့် ပြောဆိုခြင်းကို ရှောင်ကြဉ်ကြရမည် ဖြစ်သည်။

ဤသို့ ခြိုးခြံခြင်း၌ အခက်ခဲများတွေ့ခဲ့လျှင် သာသနာအဖွဲ့အစည်းမှ အကြီးအကဲများ (သို့)မိမိနှင့် အတူလုပ်ဆောင်နေသော ဘာသာရေးအသင်းအဖွဲ့ မှ အသင်းသားများနှင့် တိုင်ပင် ဆွေးနွေးလျက် နည်းလမ်းရှာ၊ ခွန်အားယူနိုင်ကြပါသည်။

အတွင်းစိတ် ထိန်းချုပ်မှုပြီးလျှင်၊ အာရုံငါးပါးနှင့် ထိတွေ့နေရသော ခန္ဓာကိုယ် ထိန်းချုပ်ကြရမည်ဖြစ်သည်၊ လောကစည်းစိမ်၊ အပျော်အပါးများသည် အာရုံငါးပါးမှတဆင့် စိတ်ဝိညာဉ်ကို အထူး ထိခိုက်ပျက်စီးစေပါသည်။ ရဟန္တာသြဂုတ်စတင်းကမူ အမြင်အာရုံသည် အရေးကြီးဆုံးဟု ဆိုခဲ့ပါသည်၊ အားလုံးသော အမှားများ အမြင်အာရုံမှ စတင်ပါသည်။

မြင့်မြတ်သော သူတော်စင်လူဝီကမူ သခင်ယေဇူးသည် အစာရေစာကိုရက်ပေါင်းများစွာ မစား၊ မသောက်ဘဲ ဆုတောင်းမှု့ပြုခဲ့သည်ဟု ဆိုပါသည်။ ခြိုးခြံခြင်းကြောင့် ကျွန်ုပ်တို့၏ အပြစ်များအတွက် ဒဏ်ဆပ်ဖြေပြီးသားလည်း ဖြစ်သွားပါသည်။ မိမိတို့၏ အတ္တနှင့်မာနများကို ခြိုးခြံ လျှော့ချနိုင်လေ၊ တစ်ပါးသူအပေါ် မေတ္တာတရားများများ ထားနိုင်လေလည်း ဖြစ်သည်။

ဤသို့ စိတ်ကိုခြိုးခြံခြင်း ကျင့်စဉ်ကို အသက်အရွယ်ကြီးရင့်သူများ သာမက လူငယ်၊ လူရွယ်လေးများပါ ကျင့်ကြံကြလျှင် ကမ္ဘာမြေပေါ်ဝယ် လူတော်၊ လူကောင်း၊ ရဟန္တာလောင်းများ မြောက်များစွာ ပေါ်ထွန်းလာမည် ဖြစ်ပေသည်။


Ref:
Conference matter for Religious compiled by Rev.Ferreol Girardey,C.SS.R

ကက်သလင်းခင်

Read More...

Sunday, June 20, 2010

ကလေးသာသနာသစ်၏ ပလ္လင်အပ်နှင်းပွဲနှင့် ရဟန်းသိက္ခာအပ်တင်ခြင်း ဖိတ်ကြားလွှာ


ကလေးသာသနာသစ်၏ ပထမဆရာတော်အဖြစ် ပလ္လင်အပ်နှင်းပွဲနှင့် ဒီကင်ငါးပါးအား ရဟန်းသိက္ခာအပ်တင်ခြင်း အခမ်းအနား ဖိတ်ကြားလွှာ



Read More...

လူငယ်နှင့်တမန်တော်လုပ်ငန်း


လူငယ်နှင့်တမန်တော်လုပ်ငန်း


နိုင်ငံတိုင်း၊ အဖွဲ့အစည်းတိုင်းနဲ့ သက်ဆိုင်တဲ့ ကဏ္ဍတွေမှာဆိုရင် လူငယ်များရဲ့ လှုပ်ရှားမှုဟာဘယ်လောက် အရေးကြီးတယ်ဆိုတာ လူတိုင်းအသိပဲ ဖြစ်ပါတယ်။ ကျွန်တော်တို့ သာသနာတော်ကြီးမှာလည်း ခရစ်တော်ယေဇူးရဲ့ သတင်းကောင်းကို ဟောပြောရာမှာ လူငယ်များကို အသုံးပြုခဲ့တာဟာ၊ သာသနာတော်ကြီးကို စတင်တည်ထောင်ကတည်းကပဲ ဖြစ်ပါတယ်။ ခရစ်တော်ယေဇူးရဲ့ တမန်တော်ကြီးများဟာလည်း အများအားဖြင့် အသက်ငယ်ရွယ်တဲ့သူများ ဖြစ်ကြပါတယ်။ အဘိုးအိုကြီးတွေ မဟုတ်ကြပါဘူး။ ခရစ်တော်ယေဇူး ကိုယ်တိုင်လည်း အသက်သုံးဆယ်ပတ်ဝန်းကျင်သာ ရှိလို့အသက်အားဖြင့် ငယ်ရွယ်တဲ့သူ ဖြစ်ပါတယ်။ ဒါကြောင့် ယနေ့အသင်းတော်ဟာလည်း ခရစ်တော်ရဲ့သတင်းကောင်းကို ဟောကြားဖို့ရန် လူငယ်မောင်၊ မယ်များရဲ့ လုပ်အားကို အမြဲပဲ ဖိတ်ခေါ်နေပါတယ်။ တချို့သောနေရာများမှာ ခေါင်းဆောင်မှု့သင်တန်းများ၊ နယ်အသီးသီးမှာ နွေရာသီလူငယ်သင်တန်းများ ပြုလုပ်ကြပြီး ကိုယ်နည်းကိုယ့်ဟန်နဲ့ လှုပ်ရှားနေကြတာကိုလည်း တွေ့ရပါတယ်။
လူငယ်များအနေနဲ့ တမန်တော်လုပ်ငန်းများကို ဆောင်ရွက်ရာမှာ မှန်မှန်၊ ကန်ကန်နဲ့ အကျိုးသက်ရောက်မှု ပိုမိုရှိစေရန်အတွက် တစ်ဆင့်ပြီးတစ်ဆင့် ပြုလုပ်သွားဖို့ လိုအပ်ပါတယ်။ တမန်တော်လုပ်ငန်း အဆင့်ဆင့်ကို တင်ပြ ရမယ်ဆိုရင် . . .

(၁) မိမိကိုယ်ကိုဟောပြောခြင်း
ကျွန်တော်တို့က မျက်စိကန်းနေတယ်ဆိုရင် သူတစ်ပါးကို လမ်းပြနိုင်မှာ မဟုတ်ပါဘူး။ သူတစ်ပါးကို မဟောပြောခင် ကိုယ့်ဘာသာအကြောင်းကို ရှေးဦးစွာ ကောင်းကောင်း သိထားသင့် ပါတယ်၊ လေ့လာထား သင့်ပါတယ်။ ဟောပြောတဲ့အတိုင်းလည်း ကျင့်ထား သင့်ပါတယ်။ မိမိရဲ့ ဘာသာအကြောင်းကို သူတစ်ပါးနားလည်အောင် ရှင်းပြနိုင်တတ်ဖို့ ဘုရားစကားကို ကောင်းမွန်စွာ လေ့လာထားရပါမယ်။
  • ကျမ်းစာကို နေ့စဉ်မှန်မှန်ဖတ်ပြီး မိမိကိုယ်ကို ဆန်းစစ်ကြည့် ရပါမယ်။
  • အချို့သော ကျမ်းစာပိုဒ်တွေကို အလွတ်ရအောင် ကျက်မှတ်ရပါမယ်။ မသိနားမလည်တဲ့ ကျမ်းချက်များကို သိတဲ့သူထံ မေးမြန်းရပါမယ်။
  • တခြားဘာသာရေး စာပေတွေကိုဖတ်ရှုပြီး ဘာသာရေး ဗဟုသုတများရနိုင်သမျှရအောင် လေ့လာရပါမယ်။
  • တခြားဘာသာအကြောင်းကိုလည်း လေ့လာရပါမယ်။ ဥပမာ - တခြားဂိုဏ်းကွဲခရစ်ယာန်များနဲ့ ကက်သလစ်ဘာသာ ခြားနားချက်များ၊ ဗုဒ္ဓဘာသာအကြောင်း၊ မူစလင်ဘာသာ၊ ဟိန္ဒူဘာသာစတဲ့ ဘာသာများအကြောင်း စတာတွေကိုလည်း သိထား သင့်ပါတယ်။
ဘာလို့လဲဆိုတော့ သူတစ်ပါးရဲ့ အတွေးအခေါ် အယူအဆနဲ့ ယုံကြည်မှုတွေကိုသိထား မှသာလျှင်၊ ကိုယ့်ဘာသာအကြောင်းကို သူတစ်ပါး သဘောပေါက်အောင် ပြောပြနိုင်မှာ ဖြစ်ပါတယ်။ ကျွန်တော်တို့ ယုံကြည်ရာအချက်နဲ့ အခြားဘာသာသူများရဲ့ ယုံကြည်ရာ အချက်များ၊ ခြားနားမှုများ ရှိသလို တူညီတဲ့အပိုင်းလည်း အများကြီးရှိနိုင်ပါတယ်။

(၂) သူတစ်ပါးကို ခရစ်တော်အကြောင်း သက်သေခံရပါမယ်။
အခွင့်အရေး ကြုံလာတိုင်း ခရစ်တော်အကြောင်း၊ ကိုယ့်ဘာသာတရားအကြောင်း ဆွေးနွေးရပါမယ်။ ကိုယ်သိသလောက်ကိုလည်း သူတစ်ပါးအား ဟောပြော ဝေငှရပါမယ်။ ပုဂ္ဂိုလ်ခင်မှတရားမင်တယ် ဆိုတဲ့ အတိုင်းပဲ၊ ကိုယ်မကောင်းရင် သူတစ်ပါးက ခရစ်ယာန် မကောင်းဘူးလို့ ပြောလာပါလိမ့်မယ်။ ကိုယ်တစ်ယောက် မကောင်းလမ်းပြမှုကြောင့် အသင်းတော်တစ်ခုလုံး ထိခိုက်လာ နိုင်ပါတယ်။ ဒါကြောင့် ကောင်းတဲ့ အကျင့်တရားကို ကျင့်ခြင်းအားဖြင့် ခရစ်တော်ကို သက်သေခံကြရပါမယ်။

(၃) မိမိရဲ့အလုပ်တာဝန်ကို သစ္စာရှိရှိနဲ့လုပ်ဆောင်ရပါမယ်။
ကျွန်တော်တို့ ခရစ်ယာန်များဟာ ကိုယ့်အလုပ်ဖြစ်စေ၊ သူတစ်ပါးအလုပ်ကို ဖြစ်စေ၊ အများနဲ့ဆိုင်တဲ့လုပ်ငန်းတွေမှာ ဖြစ်စေ သစ္စာရှိရှိနဲ့ ကိုယ့်အလုပ်လိုပဲ သဘောထားပြီး လုပ်ကိုင်ကြရပါမယ်။ ဒီလိုလုပ်ခြင်းဟာ ခရစ်တော်ကို သက်သေခံခြင်း ဖြစ်ပါတယ်၊ တမန်တော်လုပ်ငန်းကြီး တစ်ရပ်လည်း ဖြစ်တယ်။ ဘယ်ကဏ္ဍမှာပဲလုပ်လုပ် မေတ္တာတရားအပြည့်အ၀နဲ့ လုပ်တယ်ဆိုရင် ကုသိုလ်လည်း အများကြီး ရနိုင်ပါတယ်။

(၄) ဘာသာရေးဆိုင်ရာ လှုပ်ရှားမှု များမှာ ပါဝင်ရပါမယ်။
သာရေး၊ နာရေးလုပ်ငန်းများမှာ တက်တက်ကြွကြွနဲ့ ပါဝင်လှုပ်ရှားရပါမယ်။ ဥပမာ-လူငယ်သင်တန်း၊ လူငယ့်ခေါင်းဆောင်သင်တန်း၊ သာသနာ့လူငယ်အဖွဲ့ စတဲ့တမန်တော်လုပ်ငန်းများမှာ ၀င်ရောက် လုပ်ကိုင်ရပါမယ်။
ဆေးကြောခြင်းခံယူပြီးသူများ ဖြစ်ကြတဲ့ ကျွန်တော်တို့အားလုံးဟာ တမန်တော်များ ဖြစ်ကြပါတယ်။ လူတိုင်း တမန်တော်လုပ်ငန်းကို လုပ်ရမယ့်တာဝန် ၀တ္တရားရှိလာပါတယ်။ ဒါကြောင့် အခုလို ခေတ်ကြီးမှာ ဘုန်းကြီး၊ ကိုယ်ရင်၊ သီလရှင်များကိုပဲ လွှဲထားလို့ မရတော့ပါဘူး။ ခရစ်ယာန်တစ်ဦး၊ တစ်ယောက်စီတိုင်း ၀င်ရောက်လှုပ်ရှားနိုင်အောင် ကြိုးစားရမယ့် အချိန်ကိုရောက်နေပါပြီ။ အထူးသဖြင့် ကျွန်တော်တို့ လူငယ်များ ပညာသင်ယူရင်း တမန်တော်လုပ်ငန်းကို လုပ်ဆောင် သွားကြရပါမယ်။
"သင်တို့သည် သွားကြ၍ လူမျိုးတကာတို့ကို ငါ့တပည့် ဖြစ်စေလျက် ခမည်းတော်၊ သားတော်၊ သန့်ရှင်းသော ၀ိညာဉ်တော်၏ နာမတော်၌ ဗတ္တိဇံပေးကြလော." (ရှင်မာတေဦး ၂၈း၁၉)၊၊

ဘုန်းတော်ကြီးဂျိုးဇက်ဘိုထွန်း

Read More...

Thursday, June 17, 2010

ငါ့အမြင်ဘယ်လိုရှိလိမ့်

ငါ့အမြင်ဘယ်လိုရှိလိမ့်

ယေဇူးရှင်ဘုရား တိုင်တော်ဖျားမှာ
ရှိနေစဉ် ဟိုးအရင်တစ်ခါက . . . ။

သူ့ဘေးဝဲ၊ယာ
တံကျင်ခံရှာတဲ့ သူခိုးနှစ်ယောက်လည်းရှိလေရဲ့
ဒါပေမယ့် အမြင်ခြင်းမတူညီကြ . . . ။

တစ်ယောက်က
ကိုယ်တော့်ကိုဝေဖန် ခပ်ထန်ထန်ပဲငြိုး
နောက်တစ်ယောက်တော့ မဆိုးပါဘူး
ကိုယ်တော့်ကိုအားကိုးလို့ တောင်းပန်သတဲ့လေ ...။

ဒီလိုပဲနော် . . . လောကကြီးမှာ
အရာရာတွင် ကိုယ်ခံယူသလိုမြင်
ဘုရားကိုပင် အမြင်တွေဝါး . . . ။

အကယ်၍များ . . .
ဒုက္ခချိန်ရောက် စိတ်ပူနောက်ကာ
ကားတိုင်ပေါ်သာ ငါရှိခဲ့ရင်
ဘယ် (*စောရ) နဲ့ယှဉ်မလဲ . . . ။

* စောရ (ပါဋ္ဌိ) = သူခိုး

အင်ဝိုင်းပန် (SJA)

Read More...

Wednesday, June 16, 2010

စိန်အန်ထော်နီ

စိန်အန်ထော်နီ

(ယခင်လမှအဆက်)

စိန်အန်ထော်နီဟာ အဲဒီမြို့ကို ရောက်သွားတော့ တရားဟောဖို့လူတွေကို စုလိုက်တယ်။ အာဘောင်အာရင်းသန်သန်နဲ့ တရားဟောတယ်။ ပြီးနောက် မိမိအပြစ်များအတွက် ဒဏ်ဆပ်ဖြေဖို့အကြောင်း ဟောပြောပါလေရော။ အဲဒီလိုနောင်တရဖို့ အပြစ်ဒဏ်ဆပ်ဖို့လည်းဟောရော လူတွေဟာ စိန်အန်ထော်နီကို အပြတ်ဝိုင်းဟားကြတယ်။ စိန်အန်ထော်နီဟာ စိတ်မကောင်းစွာနဲ့ပဲ "သင်တို့မနာ ယူလိုတဲ့တရားကို ပင်လယ်ထဲက ငါးတွေကို သွားဟောမယ်"လို့ ဆိုပြီး ပင်လယ်ကိုထွက်ခဲ့သတဲ့။ ပင်လယ်ကမ်းစပ် နားရောက်တော့ ငါးတွေကို တရားလာနာကြပါလို့ ခေါ်လိုက်ပါတယ်။ ပင်လယ်ထဲက ငါးတွေဟာလည်း ရေထဲကနေ ကမ်းစပ်ကိုတက်လာပြီး သူ့အုပ်စုလိုက်၊ သူ့အရွယ်လိုက် အုပ်စုဖွဲ့ပြီး စိန်အန်ထော်နီရဲ့တရားကို လာရောက်နာယူကြပါတယ်

ထုံးစံအတိုင်းတော့ စိန်အန်ထော်နီဟာ သမ္မာကျမ်းစာကို အခြေခံပြီး လူတွေကိုတရား ဟောလေ့ရှိပါတယ်။ အထူးသဖြင့်တော့ တရားနာပရိသတ်ကို ဘုရားရှင်ဟာ သတ္တ၀ါတိုင်းကို ချစ်တော်မူကြောင်း၊ သူတို့ အပေါ်မှာလည်း ကောင်းမြတ်တော်မူကြောင်း စသဖြင့် ဟောလေ့ရှိပါတယ်။ ငါးတွေ အသက်ရှင်ဖို့အတွက် ရေပေးထားတယ်။ ဒီရေတွေဟာ ကြည်လင်သန့်ရှင်းနေတဲ့အတွက် ငါးသတ္တ၀ါတွေဟာလည်း ရေထဲမှာတင် အစာရှာဖွေ စားသောက်နိုင်ကြတယ်။

ကုန်းပေါ်က သတ္တ၀ါတွေကိုလည်း ကိုယ်တော်ရှင်ဟာ သူ့နည်းသူ့ဟန်နဲ့ အသက်ရှင်စေခဲ့တယ်။ သူဖန်ဆင်းတဲ့ သတ္တ၀ါတွေကိုလည်း အချိန်အခါအလိုက် အသုံးပြုခဲ့တယ်ဆိုတဲ့ အကြောင်း ဟောပြောခဲ့တယ်။ အထူးသဖြင့် ငါးသတ္တ၀ါတွေနဲ့ ပတ်သက်ပြီး ဘုရားရှင်ရဲ့အသုံးတော်ခံ တွေဟာ အင်မတန် အားကျစရာကောင်းတဲ့ အကြောင်း ထောက်ပြခဲ့ပါတယ်။


ဓမ္မဟောင်းခေတ်ကာလမှာ ပရောဖက်ယောနကို ငါးသတ္တ၀ါကြီးက ၀မ်းတွင်းမျိုပြီး ဘုရားရှင်ညွှန်ကြားရာ ကုန်းပေါ်မှာ ပြန်ထွေးအန် ပေးခဲ့ပါတယ်။ အဲဒီနေရာမှာ နောင်တနဲ့ ဆိုင်တဲ့တရားတွေကို ပရောဖက်ယောန ဟောကြားခဲ့ပါတယ်။

ဓမ္မသစ်ကာလမှာ ခရစ်တော်နဲ့ တပည့်တော်ကြီးတွေအတွက် ကျသင့်အခွန်ငွေတွေကို ငါးသတ္တ၀ါကပဲ မိမိဝမ်းတွင်းကပင် ထွေးအန်ပြီး ပေးခဲ့ပါတယ်။ ခရစ်တော်ဘုရား ရှင်ပြန်ထမြောက်ပြီး တပည့်တော်ကြီးတွေကို သုံးကြိမ်မြောက် ထင်ရှားပြခဲ့တဲ့အခါမှာလည်း ခရစ်တော် ဘုရားသည် မိမိဟာသေခြင်းကနေ ရှင်ပြန်ခဲ့သူတစ်ဦး ဖြစ်တယ်ဆိုတာကို သက်သေ ပြဖို့အတွက် ငါးတွေကို ကင်ထားခဲ့ပါတယ်။


အဲဒီ ဥပမာတွေနဲ့ ငါးသတ္တ၀ါတွေကို ဘုရားရှင်ချစ်တော်မူကြောင်း၊ ဘုရားရှင် အသုံးချတော်မူကြောင်း စသဖြင့် ငါးသတ္တ၀ါတွေကို ဟောကြားတော်မူခဲ့ပါတယ်။ ငါးသတ္တ၀ါတွေ အားလုံး အကြီး ကစ အငယ်အထိ အန်ထော်နီကို ဦးညွှတ် အလေးပြုတဲ့အခါ အန်ထော်နီက ကောင်းချီးပေးတော်မူခဲ့ပါတယ်။

အပြစ်သည်များကို အကျင့်ပြောင်းလဲ စေသူ
"လေအိုနာဒို"လို့ အမည်ရတဲ့ ပါဒူအားမြို့သား လူငယ်လေးတစ်ဦးဟာ တစ်နေ့မှာ စိန်အန်ထော်နီထံလာပြီး အာပတ်ဖြေသတဲ့။ သူဟာ ဒေါသကြီးပြီး မထိန်းနိုင်လို့ သူ့မိခင်ကို ခြေထောက်နဲ့တအား ပစ်ဆောင့်ကန်လိုက်တဲ့အတွက် မိခင်ကြီးဟာ မြေပေါ်မှာ မှောက်လျက်သား လဲကျသွားပါသတဲ့။ အဲဒီအခါ စိန်အန်ထော်နီဟာ သူ့ကိုဆုံးမပြီး မိခင်ကို ကန်မိတဲ့ ခြေထောက်ဟာ ဖြတ်ပစ်ဖို့ ကောင်းတယ်လို့ ပြောလိုက်မိတယ်။ လေအိုနာဒိုကလည်း အိမ်ပြန်ရောက်တာနဲ့သူ့ခြေ ထောက်ကို ဖြတ်ပစ်လိုက်သတဲ့။

အဲဒီ ထိန့်လန့်စရာကောင်းတဲ့ သတင်းဟာ တမဟုတ်ခြင်းပဲ မြို့ထဲအထိ ပျံ့နှံ့သွားပါလေရော။ ရက်စက်တဲ့ အပြစ်ဒဏ်ပါလားလို့လည်း လူတွေက ကောက်ချက်ချခဲ့ကြတယ်။ နောက်ဆုံးတော့ အဲဒီ သတင်းဟာ စိန်အန်ထော်နီနားထံသို့ ရောက်သွားတာပေါ့။ စိန်အန်ထော်နီဟာ ဒီသတင်းကိုကြားတယ်ဆိုရင်ပဲ ချက်ခြင်း အဲဒီလူငယ်ဆီ အပြေးသွားရောက်ခဲ့တယ်။ သူကြားတဲ့အတိုင်း ဒီလူငယ်ဟာ ခြေထောက်ပြတ်ကြီးနဲ့။ ဒါနဲ့ပဲ စိန်အန်ထော်နီဟာ ဖြတ်ထားတဲ့ ခြေထောက်ကို သူ့နေရာရင်းမှာ ပြန်တပ်လိုက်တယ်။ ပြီးတော့ အဲဒီခြေထောက်တွေပေါ် ခရစ္စတူးအမှတ်သားပြီး ဆုတောင်းလိုက်တဲ့အခါ အကောင်းပကတိပြန် ဖြစ်သွားတယ်တဲ့။ ဒီတော့ အဲ့သည်လူငယ်လည်း ခြေပြတ်ကြီးနဲ့ ထော့နဲ့ ထော့နဲ့ မဖြစ်တော့ဘူးပေါ့။

နောက်လူငယ်လေးတစ်ဦး ကတော့ စိန်အန်ထော်နီ ဟောကြားတဲ့ တရားဒေသနာတွေကို ကြားနာမိပြီး နောင်တရလာတယ်။ ဒါ့ကြောင့် စိန်အန်ထော်နီ ခြေရင်းကိုလာပြီး သူအာပတ်ဖြေလိုကြောင်း လျှောက်ထားခဲ့တယ်။ စိန်အန်ထော်နီဟာ သူ့ကို နွေးထွေးစွာကြိုဆိုပြီး အာပတ်ဖြေ နားထောင်ပေးခဲ့ပါတယ်။ ဒါပေမဲ့ ဒီလူငယ်ဟာ သူ့အပြစ်တွေများလွန်းလို့ တစ်ခုခုများ မေ့ကျန်ခဲ့ရင် ဘုရားရှင်ခွင့်လွှတ်ပါ့မလားလို့လည်း စိတ်ထဲမှာ သံသယ၀င်လာမိတယ်။ ဒါနဲ့ စိန်အန်ထော်နီက သူ့ကို အိမ်ပြန်ခိုင်းပြီး သူ့အပြစ်တွေကို စာရွက်နဲ့ ရေးမှတ်ခဲ့ပါလို့မှာ လိုက်တယ်။ လူငယ်လည်း သူ့အပြစ်တွေကို စာရွက်ပေါ်ချရေးလိုက်တယ်။ ပြီးတော့ စိန်အန်ထော်နီထံ ပြန်လာပြီး ဒီစာရွက်ကိုပြလိုက်တယ်။ စိန်အန်ထော်နီလည်း ဒီအပြစ်တွေရေးထားတဲ့ စာရွက်ကို အစအဆုံးဖတ်ပြီး အခွင့်ချမ်းသာ ပေးတဲ့မေတ္တာ ရွတ်ဆိုပြီး အဲ့သည် စာရွက်ကိုပိုင်ရှင်ထံ ပြန်ပေးလိုက်တယ်။ ပိုင်ရှင်ဖြစ်တဲ့ အဲသည် လူငယ်ရဲ့လက်ထဲကို စာရွက်လည်း ရောက်သွားရော စာရွက်ပေါ် ရေးထားတဲ့ အပြစ်တွေအားလုံး တစ်လုံးမကျန် ပျောက်ကုန်တယ်။ စာရွက်ကြီးဟာ ဗလာ ဖြစ်ကျန်ခဲ့တယ်။ ဒါ့ကြောင့် အာပတ်ဖြေတဲ့အခါ ရဟန်းရွတ်ဆိုတဲ့ အပြစ်အခွင့်ချမ်းပေးတဲ့မေတ္တာဟာ အပြစ်လျှောက်တဲ့ အပြစ်တွေရော၊ မေ့ကျန်နေတဲ့အပြစ်တွေရော စာရွက်ပေါ် ရေးမှတ်ထားတဲ့ အပြစ်တွေ အားလုံးကိုပါ ချေဖျက်ပျောက်ကွယ် သွားစေခဲ့ပါတယ်။ အဲ့သည်အံ့သြစရာ အဖြစ်အပျက်က မှတ်ယူရမယ့် သင်ခန်းစာကတော့ တကယ်စစ်မှန်တဲ့ နောင်တနဲ့ မိမိ အပြစ်တွေကို လျှောက်ထားတယ်ဆိုရင် ဘယ်လောက်ပဲ ပြစ်မှုတွေများများ ဘယ်လောက်ပဲ ပြစ်မှုတွေကြီးကြီး အဲသည် အပြစ်တွေအားလုံးကို ဘုရားရှင်အခွင့် လွှတ်တယ်ဆိုတာပဲ ဖြစ်ပါတယ်။


(နောက်လဆက်ဖတ်ရန်)

ဘုန်းတော်ကြီးဂျော့ခ်ျ ခင်မောင်ထွေး

Read More...

Monday, June 14, 2010

အမေး၊ အဖြေ ။ စိတ်ပုတီး ဆိုတာ ဘယ်က၊ ဘယ်လို စပြီးအသုံးပြု လာခဲ့တယ်ဆိုတာရှင်းပြပေးပါ။

မေး။ ။ ကျမ်းစာထဲမှာ သခင်ယေဇူး ကိုယ်တိုင်မကြာခဏ ဆုတောင်းတယ်ဆိုတာ ဖတ်ရပါတယ်။စိတ်ပုတီး စိပ်တာကိုတော့ တစ်ခါမှမတွေ့ရဘူး။ ဒါကြောင့် စိတ်ပုတီး (Rosray) ဆိုတာ ဘယ်က၊ ဘယ်လို စပြီးအသုံးပြုလာခဲ့တယ် ဆိုတာ ရှင်းပြပေးပါ ခင်ဗျာ။

ဖြေ။ ။ ကျမ်းစာထဲမှာ သခင်ယေဇူးကိုယ်တိုင် မကြာခဏ ဆုတောင်းတယ်ဆိုတာ မှန်ပါတယ်။ သူစိတ်ပုတီးမစိပ်ခဲ့ရခြင်း အကြောင်းကတော့ သူဟာ ခမည်းတော် ဘုရားနဲ့တိုက်ရိုက်စကား ပြောနိုင်တဲ့အတွက်ကြောင့် သူဆုတောင်းတဲ့အခါတိုင်း သူနဲ့ ခမည်းတော်ဘုရားတို့အကြား ကြားဝင်ဖြန် ဖြေဆက်သွယ်ပေးမဲ့သူ သူ့အတွက် မလိုအပ်ပါဘူး။ ဒါကြောင့် သူဟာ စိတ်ပုတီးကို မစိပ်ခဲ့တာပါ။ အဲဒီအချိန်တုန်းကလည်း စိတ်ပုတီးဆိုတာ မပေါ်ခဲ့သေးပါဘူး။ စိတ်ပုတီးပေါ်ခဲ့ရင်တောင်မှ သူဟာ စိတ်ပုတီးကိုစိပ်ပြီး ဆုတောင်းခဲ့မှာ မဟုတ်ဘူး။ ဘာဖြစ်လို့လည်းဆိုရင် အထက်ကပြောခဲ့သလိုပဲ သူနဲ့ခမည်းတော်ဘုရားတို့အကြား ကြားဝင်ဖြန်ဖြေ ဆက်သွယ်ပေးမဲ့သူ သူ့အတွက် မလိုအပ်လို့ပဲ ဖြစ်ပါတယ်။

စိတ်ပုတီးဆိုတာ ဆုတောင်းနည်း တစ်မျိုး၊ သဒ္ဓါကြည်ညိုခြင်းနည်း တစ်မျိုး ဖြစ်ပါတယ်။ ပုတီးစိပ်ခြင်းကို ဗုဒ္ဓဘာသာ၊ အစ္စလာမ်ဘာသာ၊ ကက်သလစ်ဘာသာတွေမှာ တွေ့နိုင်ပါတယ်။


ကက်သလစ်ဘာသာ စိတ်ပုတီး (Rosray)ဆိုတဲ့ စကားလုံးဟာ လက်တင် ဘာသာစကား (Rosarium) ရိုဆားစရီယွမ်ကနေ ဆင်းသက်လာပြီး နှင်းဆီပန်းဥယျာဉ်လို့ အဓိပ္ပါယ်ရပါတယ်။ ကျွန်တော်တို့ လက်ရှိစိတ်ပုတီးစိပ်နည်းဟာ ရှေးယခင်ကတည်းက တည်ရှိခဲ့တာ မဟုတ်ပါဘူး။ တစ်ဆင့်ပြီး တစ်ဆင့် ပြောင်းလဲလာပြီးမှသာ အခုလို စိတ်ပုတီးစိပ်နည်းအဖြစ် တည်ရှိလာပါတယ်။


စိတ်ပုတီးစိပ်ခြင်းဟာ ရသေ့များ စတင်ခဲ့တာကို လေ့လာတွေ့ရှိရပါတယ်။ ရသေ့များဟာ နေ့စဉ် ဆာလံကျမ်းအစ၊ အဆုံးဖြစ်တဲ့ အခန်းကြီး (၁၅၀) လုံးကို ရွတ်ဆိုရန် တာဝန်ဝတ္တရား ရှိခဲ့ကြပါတယ်။ ဒီလို ဆာလံကျမ်းများကိုရွတ်ဆိုပြီး ပုဂ္ဂိုလ်သုံးပါး တစ်ဆူဘုရားအား
ချီးမွမ်းထောပနာပြုတဲ့ ဆုတောင်းမေတ္တာများအဖြစ် အသုံးပြုခဲ့ကြပါတယ်။ ဒါပေမဲ့ စာပေမတတ်ကျွမ်းတဲ့ တစ်သက်ကိုရင်ကြီးများ အတွက် ဆာလံ (၁၅၀)အစား ကောင်းကင်ဘုံမေတ္တာ အခါ(၁၅၀)ရွတ်ဆိုကြပါတယ်။ တချို့စွယ်စုံကျမ်းများမှာ ဖေါ်ပြချက်အရ အိုင်ယာလန် လူမျိုးရသေ့များဟာ သာမန်ဘာသာဝင်များ ၀ိညာဉ်ရေးတိုးတက်စေဖို့နဲ့ ၀တ်ပြုကိုးကွယ်ခြင်းမှာ ပါဝင်နိုင်စေဖို့ မိမိတို့ နေ့စဉ်ရွက်ဖတ်ရတဲ့ ဆာလံကျမ်း(၁၅၀)ကို ဆာလံ(၅၀)စီ၊ (၃)ပိုင်း ပိုင်းပြီး ရွတ်ဆိုစေခဲ့ကြပါတယ်။ ဒီလိုပိုင်းထား၊ ခွဲပေးထားတာကြောင့် သာမန်ဘာသာဝင်များလည်း ပါဝင်ရွတ်ဆိုလာနိုင်တာကို တွေ့ရပါတယ်။ စာမဖတ်တတ်တဲ့ သာမန်ဘာသာဝင်များလည်း ၀တ်ပြုကိုးကွယ်ခြင်းမှာ ပါဝင်နိုင်စေဖို့ ဆာလံအခန်း (၁၅၀) အစား ၊ ကောင်းကင်ဘုံမေတ္တာ အခါ (၁၅၀) ရွတ်ဆိုပြီး ၀တ်ပြုကိုးကွယ်ခြင်းမှာ ပါဝင်လာနိုင်တာကိုလည်း တွေ့ရပါတယ်။ တချို့စွယ်စုံကျမ်းများအရ ရသေ့ကျောင်းတော်ကြီးတွေမှာ သီတင်းသုံးနေကြတဲ့ တစ်သက်ကိုရင်ကြီးများဟာ ပျံလွန်တော်မူသွားတဲ့ ရသေ့တစ်ပါးအတွက် ဆာလံကျမ်းအခန်း (၁၅၀) (သို့) ကောင်းကင်ဘုံမေတ္တာ အခါ (၁၅၀) ရွတ်ဆိုကာ ဆုတောင်းပေးခဲ့ကြရာ ကနေ ဒီကျင့်စဉ်ကျင့်ထုံးကို ကျင့်သုံးလာခဲ့ကြတာဖြစ်ပါတယ်။ ဒီဆုတောင်းမေတ္တာများကို ရေတွက်ဖို့ကြိုးနဲ့သီကုံးထားတဲ့ အစေ့တွေ ကျောက်ခဲကလေးတွေကို အသုံးပြုလာခဲ့ကြရပါသည်။

တချို့စွယ်စုံကျမ်းများမှာတော့ ဆာလံကျမ်း (၁၅၀)ဟာ ပုဂ္ဂိုလ်(၃)ပါး ဘုရားတစ်ဆူအား ချီးမွမ်းထောပနာပြုတဲ့ ဆုတောင်းမေတ္တာများဖြစ်သလို မယ်တော်သခင်မအား ချီးမွမ်းထောပနာပြုချင်တဲ့ သူများကလည်း ဆာလံ(၁၅၀) အစား အာဝေမာရီယားမေတ္တာ အခါ (၁၅၀)ရွတ်ဆိုပြီး ချီးမွမ်းထောပနာ ပြုခဲ့ကြတယ်လို့လည်း တွေ့ရပါတယ်။

ဆာလံတစ်ခုစီရွတ်ဆိုစဉ်မှာ သခင်ယေဇူးနဲ့ မယ်တော်သခင်မတို့ရဲ့ လောကတစ်သက်တာက ဘ၀ဖြစ်စဉ် နက်နဲရာအချက်များကို စတင်ကမ္မဌာန်း ထောက်ရှုလာခဲ့ကြပါတယ်။ ၁၂ ရာစုမှာ ၀မ်းမြောက်ဖွယ်ရာ နက်နဲလှစွာသော (၅) ချက်နဲ့၊ ၁၄ ရာစုမှာ မယ်တော်သခင်မရဲ့ နာကျင်ခြင်း ခုနှစ်ထွေတို့ကို စတင်ကမ္မဌာန်း ထောက်ရှုလာခဲ့ကြပါတယ်။

ခရစ်နှစ် ၁၄၁၀ နဲ့ ၁၄၃၉ တွေ မှာတော့ ပရူးဆီရာက "ကာသူဆီယန် အသင်းဝင်" ဒေါမိနစ်ကနေ သခင်ယေဇူးနဲ့ မယ်တော်သခင်မတို့ရဲ့ ဘ၀ဖြစ်စဉ် ကမ္မဌာန်းထောက်ရှုချက်တွေကို အာဝေမာရီယားမေတ္တာ (၅၀)နဲ့ ပေါင်းပြီး ရွတ်ဆို သဒ္ဓါကြည်ညိုခြင်းကို စတင်ခဲ့ပါတယ်။ အသင်းဝင် ကားလ်ကာမှ ဟင်နရီက အာဝေမာရီယားမေတ္တာ (၅၀) ကို ၁၀-ပုဒ်စီ ခွဲပြီး မေတ္တာ(၁၀)ပုဒ်စီ အကြား၊ ကောင်းကင်ဘုံမေတ္တာတစ်ပုဒ်နဲ့ ခမည်းတော်၊ သားတော်နဲ့ သန့်ရှင်းသောဝိညာဉ်တော်အား ဘုန်းတော်ဂုဏ်တော်ရှိပါစေသော ဆိုတဲ့မေတ္တာကို ရွတ်ဆိုဖို့ ထည့်သွင်းခဲ့တာပါ။ ဒါ့အပြင် ၁၉၁၇ ခုနှစ် ဖာတီမာမြို့မှာ ကလေး (၃)ယောက်ကို မယ်တော် ထင်ရှားပြစဉ်က သင်ကြားပေးခဲတဲ့ "အိုသခင်ယေဇူး၊ ကျွန်ုပ်တို့၏ အပြစ်များကို ခွင့်လွှတ်တော်မူပါ၊ ငရဲမီးဒဏ်မှ ကျွန်ုပ်တို့ ကယ်တော်မူပါ၊ ၀ိညာဉ်များအားလုံး အထူးသဖြင့် ကိုယ်တော်၏သနားခြင်းကို လိုအပ်နေသော ၀ိညာဉ်များကို မိုးကောင်းကင်သို့ ပို့ဆောင်တော်မူပါ " ဆိုတဲ့ မေတ္တာကိုလည်း စိတ်ပုတီးစိပ်ရာမှာ ထည့်သွင်းလာခဲ့ကြပါတယ်။ ၁၆ ရာစုရောက်မှပဲ စိတ်ပုတီးစိပ်ရာမှာ ဆိုရတဲ့ မေတ္တာတွေဟာ စနစ်တကျဖြစ်လာခဲ့ပါတယ်။

အချုပ်ပြောရမယ်ဆိုရင်တော့ စိတ်ပုတီးကို သဒ္ဓါကြည်ညိုကိုးစားသူ ပုပ်ရဟန်းမင်းကြီးလို့ ကျော်ကြားခဲ့တဲ့ ပုပ်ရဟန်းမင်းကြီး ၁၃ ဆက်မြောက် လေအို (Pope Leo XIII) က အစပြုပြီး ပုပ်ရဟန်းမင်းကြီးများက စာချွန်တော် အသီးသီးကနေ စိတ်ပုတီးစိပ်ခြင်းကို ရှေးထုံး အစဉ်အလာ ဆုတောင်းမေတ္တာအဖြစ် ထိန်းသိမ်းခဲ့ကြပါတယ်။ စိတ်ပုတီးစိပ်ပြီး သဒ္ဓါကြည်ညိုခြင်းပြုကြဖို့ တိုက်တွန်းအား ပေးထားတဲ့ စာချွန်တော် (၁၇) စောင်ကိုလည်း တွေ့နိုင်ပါတယ်။ စိတ်ပုတီးစိပ်ခြင်းဟာ ဆုတောင်းနည်းတစ်မျိုး၊ သဒ္ဓါကြည်ညိုခြင်း တစ်မျိုးဖြစ်သလို စိတ်ပုတီးရဲ့ အံ့ဖွယ်တန်ခိုး အကျိုးကျေးဇူးတွေကို သမိုင်းမှာ လေ့လာသိရှိနိုင်ပါတယ်။

၁၅၇၁ အောက်တိုဘာ (၇)ရက် မှာ ခရစ်ယာန်များနဲ့တူရကီလူမျိုးတွေ စစ်ဖြစ်ကြတဲ့ လေပန်းတို (Lepoanto) ရေကြောင်းတိုက်ပွဲမှာ ခရစ်ယာန်တွေဖက်က စစ်သားများဟာ စိတ်ပုတီးစိပ်ကာ တိုက်ခိုက်ခဲ့လို့ တူရကီလူမျိုးတွေ အရေးနိမ့်သွားကြပြီး စိတ်ပုတီးတန်ခိုးနဲ့ ခရစ်ယာန်များ တိုက်ပွဲအောင်လံလွှင့်ထူ နိုင်ခဲ့ကြပါတယ်။ ဒီလို စိတ်ပုတီးတန်ခိုးနဲ့ အောင်လံလွှင့်ထူနိုင်ခဲ့တဲ့ အောက်တိုဘာလ (၇)ရက်နေ့ကို ပုပ်ရဟန်းမင်းကြီး ပဉ္စမမြောက် ပီဦး (Pope Pius V) က "အလွန်သန့်ရှင်းသော စိတ်ပုတီးပွဲနေ့" အဖြစ်နှစ်စဉ် ကျင်းပသွားကြဖို့ သတ်မှတ်ခဲ့ခြင်း ဖြစ်ပါတယ်။

Reference:
1. The Cahtolic Encyclopaedia Dictionary (Donald Attwater 1943)
2. The new dictionary of theology (Joseph A.Komonchak Mary Collions Dermot.A.Lane)
3. New Catholic Encyclopedia Vol.12,August, 1996
4. A Dictionary of Liturgy and Worship (J.G dayies)

မန်းကျော်ကျော်

Read More...

Saturday, June 12, 2010

ရဟန္တာများကို သတိရပါ


ရဟန္တာများကို သတိရပါ

ရဟန္တာများဟု ကျွန်ုပ်တို့သိမှတ် နားလည်ထားသော ပုဂ္ဂိုလ်တို့သည် အမှန်စင်စစ် ကျွန်ုပ်တို့ကဲ့သို့ လူသားများပင်ဖြစ်ပါသည်။ သို့သော် သာမန်လူတို့နှင့်မတူသည်မှာ အများအကျိုးအတွက် ကိုယ်ကျိုးစွန့် အနစ်နာခံ၍ သယ်ပိုးဆောင်ရွက်ခဲ့ကြပြီး မိမိတို့၏ အသက်ကိုပင် စွန့်လွှတ်သွားကြသူများဖြစ်သည်။ ၎င်းင်းတို့၏ ဘ၀အသက်တာများကိုသေချာစွာ ဆန်းစစ်ကြည့်လျှင် ဘ၀တစ်လျှောက်လုံး ဖြူစင်စွာ ကျင့်ကြံအားထုတ်ကြသကဲ့သို့ ခြိုးခြံစွာ နေထိုင်ခဲ့ကြသည်ကို တွေ့ရပေသည်။


ရဟန္တာတို့သည် အပြစ်ကြီး၊ အပြစ်ငယ်များကို မကျူးလွန်မိအောင် ကြိုးစားရှောင်ရှားကြသူများဖြစ်သည်။ အကယ်၍ အပြစ်ပြုမိခဲ့လျှင်လည်း မိမိတို့ စိတ်ထဲတွင် လေးလံစွာခံစားနေကြရပြီး အမြန်ဆုံး အာပတ်ဖြေ၀န်ခံပြီးမှသာလျှင် စိတ်ဓာတ်ခွန်အား ပြန်လည်ရရှိကြပြီး စိတ်ပေါ့ပါးမှု ရတတ်ကြသည်။ ဘုရားသခင်၏ မေတ္တာတရားနှင့် အကြင်နာတရားကို လက်နက်သဖွယ်၊ အဆောင်တစ်ခုသဖွယ် ကျင့်သုံးတတ်ကြပါသည်။

ရဟန္တာသူတော်စင်တို့သည် ခရစ်တော်ချမှတ်တော်မူခဲ့သော လမ်းစဉ်ကို နာခံလျှောက်လှမ်းခဲ့ကြသူများ ဖြစ်သည်။ စိန်ဖိလစ်နေရီဆို မိန့်ခဲ့ဖူးသည်မှာ "မိမိအတ္တကို ဖယ်ရှားပါ။ အများအတွက် ကိုယ်ကျိုးစွန့်ပါ"ဟု မိန့်မြွတ်ခဲ့ပါသည်။

ရဟန္တာတို့၏ ထူးခြားသော အပြုအမူတစ်ခုမှာ မိမိကိုယ်ကိုနှိမ့်ချခြင်း ဖြစ်ပါသည်။ ရောင့်ရဲတင်းတိမ်စွာ နေထိုင်ကြသည်။ ခြိုးခြံခြင်းကို အလေ့အထတစ်ခု ဖြစ်အောင်နေထိုင်ကြသည်။ သွေးဆောင်ဖြားယောင်းမှု၊ မကောင်းမှုများကို ကျော်လွှားနိုင်ကြသည်။ နေ့စဉ် ဆုတောင်းမေတ္တာဆိုခြင်း၊ လှူဒါန်းခြင်း၊ အနစ်နာခံခြင်းများ ပြုလုပ်နေသော်လည်း အပြစ်ကျူးလွန်နေသူ တစ်ယောက်သည် ရဟန္တာတပါး မဖြစ်နိုင်သေးပေ။ ရဟန္တာတို့သည် ဘုရားတရား ကြည်ညိုရုံသာမက မတရားပြုလုပ်မှုကို ရှောင်ရှားတတ်ကြသည်။

စိန်သြဂတ်စတင်း၏ အဆိုအမိန့် တစ်ခုမှာ "မာနတရားကို ရှောင်ကြဉ်ပါ။ အဘယ်ကြောင့်ဆိုသော် မာနတရားကို အခြေခံ၍ မကောင်းမှုများ နောက်မှပါလာတတ်သောကြောင့် ဖြစ်၏" ဟုဆိုခဲ့ပါသည်။ နေမင်း၊ လမင်းတို့၏ အလင်းရောင်သည် ပတ်ဝန်းကျင်ကို ဖြန့်ကျက်နေသကဲ့သို့ ရဟန္တာတို့၏ မေတ္တာတရားသည်လည်း အနီးအနားပတ်ဝန်းကျင်ကို မေတ္တာဓါတ်နှင့် အေးမြစေပါသည်။ ထို့ကြောင့် ဤ ပုဂ္ဂိုလ်များကို ဘုရားသခင်၏ ချစ်ခြင်းမေတ္တာနှင့် ထွန်းညှိထားသော မီးအိမ်လေးများဟု နှိုင်းဆိုတတ်ကြပေသည်။

ခရစ်တော်နှင့် အမိမယ်တော်ကို အထူးယုံကြည်ကိုးစားသူများ ဖြစ်ကြသောကြောင့် ၀ိညာဉ်ရေးရာ မြင့်မြတ်သူများ ဖြစ်ကြပါသည်။ တရားသော အသက်မွေးဝမ်းကြောင်းကိုသာ လုပ်ကိုင်တတ်ကြပြီး မိမိ လုပ်ကိုင်နေသော အလုပ်အပေါ်တွင်လည်း ညဉ်းညူခြင်း မရှိကြပေ။ သူတစ်ပါးအပေါ်တွင် မနာလိုဝန်တိုခြင်းမရှိဘဲ မည်သူ့ကိုမဆို လေးစားစွာ ဆက်ဆံတတ်ကြသည်။ မိမိနှင့် နီးစပ်သူတို့၏ ဆင်းရဲ ဒုက္ခများကိုလည်း အကူအညီပေး၍ မျှဝေခံစားတတ်ကြသည်။ စိတ်ဆင်းရဲနေသူများကို ကူညီပေးခြင်း၊ နှစ်သိမ့်အားပေးခြင်းဖြင့် စိတ်သက်သာရာ ရစေပါသည်။

စိန်ကက်သရင်း၏ အဆိုအမိန့် တစ်ခုမှာ "မိမိကို ရန်ရှာသူ၊ မကောင်းကြံသူများကို လက်စားမချေဘဲ သူတို့၏ ကောင်းကျိုးကို မျှော်မှန်းပြီး လုပ်ကိုင်ပေးခြင်း၊ ဆုတောင်းမေတ္တာ ပို့သပေးခြင်း သာလျှင် အကောင်းဆုံးဖြစ်သည်"ဟု ဆိုခဲ့ဖူးပါသည်။ စိန်ထရေဇားကမူ "ကျွန်ုပ်၏ အကြောင်း မကောင်းပြောသူများကို ပိုမို မေတ္တာတရားထားနိုင်ခဲ့သည်" ဟု ပြောခဲ့ဖူးပါသည်။

ဘုရားသခင် ဖန်ဆင်းပေးခဲ့သော ကမ္ဘာမြေသည် အလွန်လှပခဲ့ပါသည်။ ကျွန်ုပ်တို့လူသားများ၏ စိတ်နေစိတ်ထားများကြောင့် အကျည်းတန်ခြင်း မဖြစ်စေလိုပါ။ သဘာဝဘေးဒဏ်များ၊ စစ်ပွဲများကြောင့် ယိုယွင်းပျက်စီးလာနေသော ကမ္ဘာပေါ်တွင် အမြဲလှပစေရန်မှာ ကျွန်ုပ်တို့ အားလုံး၏ တာဝန်ဖြစ်ပါသည်။ ရဟန္တာတို့သည် ငယ်ရွယ်စဉ်မှ စ၍ ကျင့်ကြံ အားထုတ်ခဲ့ကြသကဲ့သို့ ကျွန်ုပ်တို့ လူငယ်လူရွယ်လေးများသည်လည်း ဥာဏ်ပညာ ထက်မြက်ပြီး အင်အား ပြည့်စုံကြသောကြောင့် ၎င်းင်းတို့၏ လမ်းစဉ်ကို ယခုမှစကာ ကျင့်ကြံအားထုတ်ကြလျှင် ကိုယ့်မိသားစု၊ ကိုယ့်ပတ်ဝန်းကျင်၊ ကိုယ့်နိုင်ငံသည် သာယာချမ်းမြေ့ပြီး ကမ္ဘာကြီးတစ်ခုလုံး လှပလာမည်မှာ ဧကန်ဖြစ်ပါသည်။

ထို့ကြောင့် ပျော်ရွှင်သောအချိန်၌လည်း ရဟန္တာများကို သတိရပါ။ စိတ်ဓာတ်ကျသော အချိန်၌လည်း ရဟန္တာများကို သတိရပါ။ ဆုတောင်းခြင်း၊ ၀တ်ပြုခြင်းများများ ပြုလုပ်ကြပါ။ သင်တို့ကို ရဟန္တာများက စောင့်ရှောက်နေသည်ကို မေ့မထားပါနှင့်။ အဘယ်ကြောင့်ဆိုသော် ရဟန္တာများက သင်တို့ ကျွန်ုပ်တို့ကို အမြဲသတိရနေကြသောကြောင့် ဖြစ်ပါသည်။


ကိုးကားကျမ်း -
"Conference matter for Religious"
Rev. Ferreol Giranday. C, SSR.London
(what is a Saint) မှ ဆီလျော်အောင်ပြန်ဆိုထားပါသည်။

ကက်သလင်းခင်

Read More...

Thursday, June 10, 2010

ထာဝရ နေအိမ်

ထာဝရ နေအိမ်

အားလုံးနီးပါးသော လူတွေဟာ သေခြင်းအကြောင်းကို မကြားချင်၊ မပြောချင်ကြဘူး။ မပြောကောင်းပါဘူး နိမိတ် မရှိလိုက်တာဆိုပြီး ရှောင်ဖယ်တတ်ကြပါတယ်။ သေခြင်းတရားဟာ ဆင်းရဲချမ်းသာ၊ လူမျိုးဘာသာမရွေး တွေ့ကြုံ ရင်ဆိုင်ကြရမဲ့အရာပါ။ ဒါကို လူတိုင်းသိနားလည် ပြီးသားပါ။ ကျွန်မတို့လူသားတွေဟာ ဒီ လောကနဲ့ဆိုင်တဲ့ အရာတွေ၊ မျှော်မှန်းချက်တွေ၊ ရည်မှန်းချက်တွေ ကိုယ်စီထားရှိ ကြပါတယ်။ သူဌေးကြီးဖြစ်ဖို့၊ ဆရာဝန်ကြီးဖြစ်ဖို့၊ အဆိုတော်စသဖြင့် လောကရဲ့ပြည့်စုံ ကြွယ်ဝမှုတွေအတွက် ကြိုးစားနေကြပါတယ်။ မိမိ ရည်မှန်းချက်အတွက်၊ မိသားစုအတွက် ကြိုးစားရှာဖွေခြင်းဟာ ကောင်းတဲ့ အချက်ပါပဲ။ ဒါပေမဲ့ လောကနဲ့ဆိုင်တဲ့ အရာတွေအတွက်သာ လုံးပမ်းရင်းနဲ့ ဘုရားသခင်ပေးထားတဲ့ အသက်ဝိညာဉ်ကို မေ့လျော့ နေတတ်ကြပါတယ်။ ကျွန်မတို့မှာ အခြားသတ္တ၀ါတွေလို ခန္ဓာကိုယ်ချည်းသာ ဖန်ဆင်းခံထားရတာ မဟုတ်ပါဘူး။ ဘုရားသခင်ရဲ့ ရွှေပုံသဏ္ဍာန်နဲ့တူတဲ့ အသက်ဝိညာဉ်ကိုပါ ထည့်သွင်းပေးထားတာပါ။ ကျွန်မတို့တွေ တန်ဖိုးထားကြတဲ့ ဒီခန္ဓာကိုယ်ကြီးဟာ လောကကြီးထဲမှာ ထာဝရနေထိုင်သွားရမှာ မဟုတ်ပါဘူး။ မြေကြီးကနေ ဖြစ်တည်လာတဲ့ ခန္ဓာကိုယ်ကြီးဟာ တစ်နေ့မှာ မြေကြီးအဖြစ် ပြန်လည်ရောက်ရှိ သွားမှာအမှန်ပါ။ ဒါကြောင့် ဘုရားသခင်ကလည်း သူပေးထားတဲ့ အသက်ဝိညာဉ်ကို ပြန်လည်အလိုရှိမှာပါပဲ။ ထာဝရအရှင်ဘုရားသခင်ရဲ့ ဖန်ဆင်းခြင်း ရည်ရွယ်ချက်ဟာ ကျွန်မတို့လူသားတွေ အားလုံးကို သူနဲ့အတူ ထာဝရ ဘုန်းစည်းစိမ် ခံစားရဖို့အတွက်ပါ။ ထာဝရဘုရားရဲ့ ချစ်ခြင်းမေတ္တာဟာ ကျွန်မတို့အားလုံး အပေါ်မှာ ကြီးမားလွန်းလှပါတယ်။ တစ်ပါးတည်းသော သားတော်ကို ဒီလောကကို စေလွှတ်ပြီး ချစ်ခြင်းမေတ္တာကို အရင်းခံကာ အပြစ်ကိုရှောင်နိုင်ဖို့၊ သေခြင်းကို အောင်နိုင်ဖို့ လမ်းခင်းပေးစေခဲ့ပါတယ်။ ခရစ်တော်ယေဇူးဟာ လူသားတစ်ယောက်အဖြစ် အမှန်စင်စစ်သေဆုံးခဲ့ပြီး သုံးရက်မြောက်တဲ့နေ့မှာ ရှင်ပြန်ထမြောက်တော်မူခြင်းအားဖြင့် သေခြင်းကို အောင်မြင်ခဲ့တယ် မဟုတ်လား။ ဒါကြောင့် စစ်မှန်တဲ့ ဘာသာတရားကို ယုံကြည်လက်ခံပြီး လိုက်နာကျင့်ကြံတဲ့ ခရစ်တော်နောက်လိုက်ဖြစ်တဲ့ ကျွန်မတို့ခရစ်ယာန်တွေဟာ သေခြင်းကို ကြောက်ရွံ့နေဖို့ လိုအပ်ပါသလား။ သေခြင်းတရားဟာ ဆုံးရှုံးသွားခြင်းလို့ ခံယူနေကြဦးမှာလား။ ကျွန်မတို့ရဲ့ထာဝရနေအိမ် ဖြစ်တဲ့ ကောင်းကင်နိုင်ငံကိုရောက်ရှိဖို့ အတွက် သေခြင်းဟာ မဖြစ်မနေ ဖြတ်လျှောက်ရမဲ့ တံတားလေးတစ်ခုမျှသာ ဖြစ်ပါတယ်။

ခရစ်တော်က "သူခိုးလာမဲ့အချိန်ကို အိမ်ရှင်သိပါလျှင် မအိပ်ဘဲ စောင့်နေကြလိမ့်မည်"လို့ ပြောခဲ့ပါတယ်။ ကျွန်မတို့တတွေဟာလည်း ဘယ်နေ့၊ ဘယ်အချိန်၊ ဘယ်နေရာမှာ ဘယ်လိုနည်းနဲ့ ဘုရားသခင်ပြန်လည် သိမ်းပိုက်ခြင်းခံရမယ်ဆိုတာ မသိကြပါဘူး။ အခုလို တိုးတက် လွန်းလှတဲ့ မီဒီယာခေတ်ကြီးထဲမှာ လူတွေဟာ အသစ်အဆန်းတွေကို အမျိုးမျိုး ဖန်တီးယူရင်း ဘ၀ရဲ့သာယာလှပခြင်းတွေကို ရယူ ခံစားနေကြပါတယ်။ အသိပညာတွေ မြင့်မားလွန်းလို့ သဘာဝကိုကျော်လွန်ပြီး ရေစီးကြောင်းကို ပြောင်းလဲပစ်နိုင်ခဲ့ရင်တောင် ထာဝရဘုရားရဲ့ အကြံအစည်တော်ကိုတော့ ဘယ်သူမှ ပြောင်းလဲပစ်လို့ မရနိုင်ပါဘူး။ သေခြင်းတရားကိုလည်း ရှောင်ပုန်းလို့ မရနိုင်ပါဘူး။ အသက်ငယ်သေးလို့၊ ပိုက်ဆံချမ်းသာလို့၊ ရုပ်ဆင်းအင်္ဂါလှပလွန်းလို့ မသေနိုင်သေးဘူးဆိုတာ မရှိသလို ဘုရားသခင်ဟာ ကျွန်မတို့ကို ဘယ်အချိန် ပြန်သိမ်းပိုက်မယ်ဆိုတာ ပြောမထားတဲ့အတွက် သေခြင်းတရားကို ကောင်းမွန်စွာ ရင်ဆိုင်နိုင်အောင် ပြင်ဆင်ထားဖို့ လိုမှာပါ။ ကျွန်မတို့အနေနဲ့ ဘုရားသခင်ရဲ့ နှုတ်တော်ထွက် သမ္မာကျမ်းစကားတွေကို လိုက်နာပြီး အသင်းတော်ရဲ့ စည်းကမ်းများကို စောင့်သိကာ စစ်မှန်သော ခရစ်တော်နောက်လိုက်ကောင်းများ ဖြစ်ကြရင်း ပြင်ဆင်နေထိုင်သင့်ပါတယ်။

လူသား သဘာဝအလျောက် လောကကြီးထဲက ထွက်ခွာသွားသူအတွက် ၀မ်းနည်းကြေကွဲမဆုံး ဖြစ်နေမဲ့အစား သူတို့ရဲ့ ၀ိညာဉ်အတွက် မစ္ဆားတရား ပူဇော်ပေးခြင်း၊ ဆုတောင်းပေးခြင်း၊ အလှူဒါနပြုပေးခြင်းအားဖြင့် ကူညီပေးရမှာဖြစ်ပါတယ်။ "သေသူ ရှင်သူတို့သည် တစ်လုံးတစ်ဝတည်းဖြစ်၍ အချင်းချင်း အကျိုးကုသိုလ် ခံစားရကြောင်း"ဆိုတဲ့ ယုံကြည်ရာအချက်အရ ကျွန်မတို့ရဲ့ ဆုတောင်းပေးခြင်း၊ ခြိုးခြံခြင်းအားဖြင့် သေလွန်သူဝိညာဉ်တွေဟာ အပြစ်အနာအဆာများမှ လွတ်ငြိမ်းခွင့် ရရှိနိုင်ကြပါတယ်။ ကျွန်မတို့အားလုံးပဲ အသက်ရှင် နေထိုင်ရတဲ့ ခဏတာအချိန်လေးမှာ ၀မ်းရေးအတွက် ကြိုးစား ရှာဖွေကြသလို ကျွန်မတို့ ၀ိညာဉ်ကယ်တင်ခြင်းရရှိဖို့အတွက်ကိုလည်း ကြိုးစားရမှာ ဖြစ်ပါတယ်။ "ကောက်ကွေ့သောလမ်းများကို ဖြောင့်စေကြလော့၊ တောင်ကြီး တောင်ငယ်ရှိသမျှကို ဖြိုကြ၍ ချိုင့်ဝှမ်းရှိသမျှတို့ကိုဖို့ ကြလော့"ဆိုတဲ့ သခင်ခရစ်တော်ရဲ့ ဆုံးမစကားကို အသစ် တဖန်ပြန်လည်ကြားယောင်ပြီး ကျွန်မတို့ တတွေ ကြိုးစားလိုက်နာကာ ထာဝရအဖရဲ့ အိမ်တော်ကိုရောက်ရှိနိုင်ဖို့ ကြိုးစားကြပါစို့။ "ပြီးခဲ့အချိန်ကာလမှာသာ ငါဘာလုပ်ခဲ့ရရင်" ဆိုတဲ့ ရင်နင့်ဖွယ်ရာ အကောင်းဆုံး နောင်တကို မခံစားရအောင် ယခုပစ္စုပ္ပန်ကာလမှာ မိမိရဲ့ဝိညာဉ်အတွက် ကြိုးစား ပြင်ဆင်ကြပါစို့။ ကျွန်မတို့အနေနဲ့ သေခြင်းတရားဟာ မီးရောင်ကိုမှိတ်လိုက်ခြင်း မဟုတ်ဘဲ နေမင်း အလင်းရောင်ဖြာထွက် လာတဲ့အတွက် မီးခွက်ကို ဖယ်လိုက်ခြင်း ဖြစ်တယ်ဆိုတာကို နားလည်လက်ခံပြီး ခရစ်ယာန်တွေအားလုံး သေခြင်းကို ရဲရဲဝံ့ဝံ့ ရင်ဆိုင်နိုင်ဖို့၊ အတိအကျမသိတဲ့ ကျန်ရှိနေတဲ့ အချိန်လေးမှာ မိမိရဲ့ဝိညာဉ် အသက်ရရှိဖို့ အကောင်းဆုံး ပြင်ဆင်ထားကြပါစို့။ သမ္မာကျမ်းစာတော်မြတ်ကို ကိုးကားပြီး ခရစ်တော်ရဲ့လမ်းစဉ်ကို ပုံတုယူကာ ၀ိညာဉ်တော်ရဲ့ကျေးဇူးကို တောင်းခံရင်း ထာဝရအဖဘုရားရဲ့ နေအိမ်တော်မှာ ပျော်ရွှင်စွာ စံစားနိုင်ဖို့ အားလုံးအတူတကွ ကြိုးစားကြပါစို့။

နှင်း (SJA)

Read More...

Wednesday, June 9, 2010

နှစ်ဦးနှစ်ဖက် အပြန်အလှန် အကျိုးခံစားရခြင်း


နှစ်ဦးနှစ်ဖက် အပြန်အလှန် အကျိုးခံစားရခြင်း ( Mutual Enrichment )


ယုံကြည်ကိုးကွယ်မှု မတူညီသူတွေနဲ့ တွေ့ဆုံနှီးနှောဖလှယ်ခြင်းကို ပြုလုပ်ခြင်းအားဖြင့် ပါဝင်ပြုလုပ်သူရဲ့ ယုံကြည်ခြင်း Faith ကိုလည်း တိုးတက် ရှင်သန်လာစေပါတယ်။ တစ်ခြားဘာသာရဲ့ ယုံကြည်ချက်တွေ beliefs၊ ကျင့်စဉ်တွေ practices နဲ့ သူတို့ အမြတ်တနိုးထားတဲ့ သူတို့ဘာသာရဲ့ တန်ဖိုးတွေကို ကြားရ၊ သိရတဲ့အခါ မခံမရပ်နိုင်ဖြစ်ပြီး လက်မခံနိုင်တာမျိုးမဖြစ်ဘဲ၊ တည်တည်ငြိမ်ငြိမ်နဲ့ လက်ခံမယ်ဆိုရင် မိမိရဲ့ဘာသာရေး ယုံကြည်ချက်တွေမှာ တိုးတက်ရှင်သန်လာပါတယ်။ တစ်ခြားဘာသာတရားရဲ့ အမြင်တွေကို တွေ့ကြုံ သိရှိလာရတဲ့အခါ မိမိရဲ့ဘာသာရေးခံယူချက် religious conviction တွေကို မိမိကိုယ်တိုင် ပိုပြီး နှစ်သက်လာရတယ်။ ပိုပြီးတော့ လေ့လာလာရတယ်၊ ပိုပြီးလေးနက် လာရတယ်၊ ကိုယ့်ဘာသာအကြောင်းကို ပိုမိုနားလည်လာပြီး ပိုပြီး ခိုင်မာတဲ့သံန္နိဌာန်နဲ့ မိမိဘ၀ကို အသက်ရှင်လာတယ်။


ဥပမာအားဖြင့် စာရေးသူဟာ ထိုင်းနိုင်ငံမှာရှိတဲ့ ဗုဒ္ဓဘာသာဘုန်းကြီးကျောင်းတစ်ခုကို သွားလည်တဲ့အခါ ဗုဒ္ဓ သံဃာတော်တွေဟာ ကျိန်းစက်တဲ့အခါမှာ နူးညံ့တဲ့ မွေ့ယာကိုမသုံးဘဲ အမာကြီးပေါ်မှာ ကျိန်းစက်ကြတာကို တွေ့ရတယ်။ တစ်နေ့လျှင် ဆွမ်းတစ်နပ်သာလျှင် ဘုဉ်းပေးကြတယ်။ သူတစ်ပါး အသက်ကိုရှောင်ပြီး သက်သက်လွတ်စားကြတာကို တွေ့ခဲ့ရတယ်။ အိမ်ထောင်သားမွေး မပြုဘဲ ငယ်ဖြူဘ၀နဲ့ ကျင့်ကြံနေထိုင်ကြတာကို တွေ့ရတဲ့အခါမှာ စာရေးသူကိုယ်တိုင် ခံစားမိတာက ငါတို့ ခရစ်ယာန်ဘာသာမှာလည်း ဒါမျိုး ကျင့်စဉ်တွေရှိတယ်ဆိုပြီး အရင်ကထက် ပိုပြီး ခိုင်ခိုင်မာမာ လေးလေးနက်နက် အသက်ရှင်နေထိုင်လာရအောင် စိန်ခေါ်နေသလိုမျိုး ခံစားခဲ့ရပါတယ်။ နောက်ပြီး အစ္စလာမ်ဘာသာတရားကို တကယ် အသက်ဝင်လိုက်စားတဲ့ အစ္စလာမ်ဘာသာဝင်တစ်ဦးဟာ တစ်နေ့လျှင် ငါးကြိမ် ဘုရားရှိခိုးတယ်။ လူတွေ ရှုပ်ယှက်ခတ်နေတဲ့ ဘူတာရုံထဲမှာရောက်နေရင်လည်း လူတွေ အထင်သေးရှုတ်ချမှာကို မရှက်မရွံ့ဘဲ ဘုရားရှိခိုးကြတယ်။ ဒီအခါမှာ မိမိကိုယ်ကို ပြန်မေးမိတယ်။ ခရစ်ယာန်တွေ ဘာကြောင့်များ စားသောက်ဆိုင်ထဲ ရောက်ရင် ခမည်းတော်၊ သားတော်တားရမှာကို ရှက်ကြရတာလဲ။ ဘတ်စ်ကားစီးနေရင်းနဲ့ ဘာကြောင့် စိတ်ပုတီး မစိပ်ရဲရတာလဲ။ လူစုဝေးရာနေရာတွေမှာ ရောက်နေရင် ဘာကြောင့် အန်ဂျေလူးမေတ္တာကို မဆိုရဲ ကြတာလဲ။

ဒါကြောင့် တွေ့ဆုံနှီးနှောဖလှယ်ခြင်းမှာ ပါဝင်လှုပ်ရှားသူဟာ မိမိတွေ့ ကြုံဆုံရတဲ့ တစ်ခြားဘာသာဝင်အားဖြင့် ဘုရားသခင်က မိမိထဲမှာ လုပ်ဆောင်နေတယ်ဆိုတာကို သတိပြုမိတယ်ဆိုရင် မိမိရဲ့ ဘာသာပျက်မသွားဘဲ ခိုင်မြဲစွာ ဘာသာထဲမှာ ဆက်လက်ပြီး နေထိုင်နိုင်တဲ့ အပြင် မိမိရဲ့ ၀ိညာဉ်ရေး Spirituality တိုးတက်ရှင်သန်လာနိုင်ပါတယ်။
တွေ့ဆုံနှီးနှောဖလှယ်ခြင်းကို ပြုလုပ်ခြင်းအားဖြင့် ပါဝင်လုပ်သူတို့ကို အကျိုးပြုတာ တင်မဟုတ်သေးဘဲ သူ့ကိုယ်စားပြုတဲ့ ဘာသာကြီးတစ်ခုလုံးကိုလည်း အကျိုးဖြစ်စေပါတယ်။

ဥပမာ - နှီးနှောဖလှယ်ခြင်းအားဖြင့် ခရစ်ယာန်ဘာသာတရား Christianity နေပြီး တစ်ခြားဘာသာတွေကို တိုးတက်သွားစေခြင်း၊ လှုံ့ဆော်ပေးခြင်းတွေ ဖြစ်စေပါတယ်။ ဘာသာတရားဟာ လူမျိုးစုတစ်စု၊ နိုင်ငံတစ်နိုင်ငံ၊ အုပ်စုတစ်စု ကလေးအတွက် သီးသန့်မဟုတ်ဘဲ စင်္ကြ၀ဠာတစ်ခုလုံးနဲ့ သက်ဆိုင်တယ်။ Universality ဆိုတာကို သဘောပေါက်စေပါတယ်။ ခရစ်ယာန်ဘာသာနဲ့ တွေ့ဆုံနှီးနှောခြင်းအားဖြင့် တစ်ချို့သော ဘာသာတွေမှာ သူတို့မှားယွင်းစွာ လက်ခံယုံကြည် လိုက်ကျင့်နေကြတဲ့ လူသတ်ပြီး ယဇ်အဖြစ်
ပူဇော်ပသခြင်း ဓလေ့၊ အမွှာပူးမွေးရင် သတ်ပစ်တာ၊ မိခင် ၀မ်းဗိုက်ထဲမှာရှိနေသေးတဲ့ ကလေးတွေရဲ့ အခွင့်အရေးတွေ၊ အမျိုးသမီးတွေရဲ့ အခွင့်အရေးတွေကို ပိတ်ပင်ချိုးနှိမ်ခြင်းတွေကို ပြောင်းလဲသွားစေပါတယ်။ ဗုဒ္ဓဘာသာဝင်တွေဟာ ခရစ်ယာန်တွေနဲ့ တွေ့ဆုံနှီးနှောဖလှယ်ခြင်း ပြုခြင်း အားဖြင့် လူသားတွေ ဖွံ့ဖြိုးတိုးတက်စေဖို့၊ လူမှုရေးလုပ်ငန်းတွေ ပိုမိုပြီး လုပ်ဆောင်နိုင်အောင် စိတ်ဝင်စားလာစေပါတယ်။ ထိုင်ဝမ်နိုင်ငံက ဗုဒ္ဓဘာသာမယ်သီလရှင်တစ်ပါးက သူမအခုလို လူမှုဖွံ့ဖြိုးရေးလုပ်ငန်းတွေ အများကြီး လုပ်ဆောင်လာရတာဟာ ကက်သလစ်သီလရှင်များရဲ့ လှုပ်ရှားမှုတွေကို မြင်တွေ့ပြီး စိတ်ဝင်စားခဲ့တဲ့ အတွက်ကြောင့်ဖြစ်တယ်လို့ ပြောပြတယ်။ ဗုဒ္ဓဘာသာဝင်တွေနဲ့ အစ္စလာမ်ဘာသာဝင်တွေက ခရစ်ယာန်ဘာသာမှာ အမျိုးသမီးတွေကို ခွဲခြားဆက်ဆံခြင်းမရှိဘဲ တန်းတူရည်တူ သဘောထားတာကို တွေ့မြင်ကြပါတယ်။ မိရိုးဖလာရိုးရာ ဘာသာတွေကို ကိုးကွယ်ကြသူတွေကလည်း မိမိတို့ရှာဖွေ နေကြတဲ့ အမြင့်မြတ်ဆုံးသောဝိညာဉ် The Supreme Spirit ကို ခရစ်ယာန် ဘာသာတရားတော်မှာ အပြည့်ဝဆုံး၊ အစုံလင်ဆုံး ရှိနေတယ်ဆိုတာကို တွေ့ရှိလာကြတယ်။ နောက်ပြီး မေးခွန်းတစ်ခု ရှိသေးတယ်။ "ဘာသာ (Religion)၊ တိုင်းပြည် (Country)နဲ့၊ ယဉ်ကျေးမှု (Culture) တို့အကြား တစ်ခုနဲ့ တစ်ခုစပ်ဆိုင်မှု ရှိသလား" တစ်ချို့ ဗုဒ္ဓဘာသာ အများစု၊ အစ္စလာမ်ဘာသာ အများစုဖြစ်တဲ့ နိုင်ငံတွေမှာ နိုင်ငံရဲ့ ယဉ်ကျေးမှုနဲ့ ဗုဒ္ဓဘာသာ၊ ဒါမှမဟုတ် အစ္စလာမ်ဘာသာနဲ့ ထပ်တူပြုတတ်ကြတယ်။ ဥပမာ - မြန်မာ့ယဉ်ကျေးမှုကို ဗုဒ္ဓဘာသာယဉ်ကျေးမှု အဖြစ် သတ်မှတ်တတ်ကြတာမျိုး ဖြစ်တယ်။ ဒီလိုမျိုးတွေ ထိုင်းနိုင်ငံနဲ့ အာရပ်နိုင်ငံအချို့မှာလည်း တွေ့ရတတ်တယ်။ တစ်ချို့ ဟိန္ဒူဘာသာဝင်တွေ တွေးထင်တတ်ကြတာက အိန္ဒိယလူမျိုးဆိုရင် ဟိန္ဒူပဲ ဖြစ်ရမယ်ဆိုတာမျိုး။ ဘာသာတရားဟာ လူမျိုးစုတစ်မျိုးတည်း၊ အုပ်စုတစ်ခု၊ နိုင်ငံတစ်နိုင်ငံထဲအတွက်သာ မဟုတ်ဘဲ စင်္ကြ၀ဠာတစ်ခုလုံး၊ လူမျိုး အားလုံးနဲ့ သက်ဆိုင်တယ်။ Universality ဆိုတာကို ခရစ်ယာန်ဘာသာ အထူးသဖြင့် ကက်သလစ်ဘာသာကနေ တွေ့ဆုံနှီးနှောဖလှယ်ခြင်း Dialogue ပြုလုပ်ရာမှာ တစ်ခြားဘာသာတွေ သဘောပေါက် လက်ခံလာအောင် လမ်းပြပေးပါတယ်။

အသင်းတော် The Church ကနေသွန်သင်ချက် Doctrine ကို သွန်သင်တဲ့အခါ ဟိုနေရာမှာတစ်မျိုး၊ ဒီနေရာမှာ တစ်မျိုးမဖြစ်ဘဲ တညီတညွတ်ထဲ သွန်သင်တယ်။ အသင်းတော်ဟာ ဘာသာရေး ခေါင်းဆောင်တွေ (Authority) တွေရဲ့ အောက်မှာ တစည်းလုံးတည်း (Unity) ရှိတယ်။ ဒါပေမဲ့လည်း လူတိုင်းမှာ ဘာသာရေးနဲ့ ပတ်သက်ပြီး လွတ်လွတ် လပ်လပ် ကိုယ်ကြိုက် နှစ်သက်ရာဘာသာကို ယုံကြည်ကိုးကွယ်နိုင်တဲ့ (င်္Freedom) ကိုလည်း တန်ဖိုးထားလေးစားတယ်။ ယုံကြည်ခြင်း (Faith) တစ်ခုထဲကိုပဲ လက်ခံထားတာ ဖြစ်ပေမဲ့ လူမျိုးစုတိုင်းမှာ ရှိကြတဲ့ သူတို့ရဲ့ ယဉ်ကျေးမှုထုံးတမ်းဓလေ့၊ သူတို့ရဲ့ ဘာသာစကား၊ ရိုးရာအတိုင်း ၀တ်ပြု ရှိခိုးကိုးကွယ်မှုတွေကို အသင်းတော်က တကယ် အလေးအနက်ထားပြီး အားပေးတယ်။ တကယ်တော့ ခရစ်ယာန် တရားတော်ကနေ ပြောနေတဲ့အချက်တွေက ဘုရားသခင်ဟာ ကျွန်ုပ်တို့လူသားတွေ အားလုံးရဲ့ ဖခင်ဖြစ်တယ်။ ကျွန်ုပ်တို့အားလုံးက ညီအစ်ကိုမောင်နှမတွေ ဖြစ်ကြတယ်။ ဒါကြောင့်မို့ ခွဲခြားခြင်းမရှိဘဲ အတူတကွလက်တွဲပြီး ကျွန်ုပ်တို့နေထိုင်တဲ့ ကမ္ဘာကြီးကို ပိုပြီး ပျော်ရွှင်စရာကောင်းတဲ့ နေရာ ဖြစ်လာအောင် အလုပ်လုပ်ကြရမယ် ဆိုတာတွေဖြစ်ပါတယ်။

ဒီသဘောတရားကို ကမ္ဘာ့ဘာသာကြီး တော်တော်များများက လက်ခံထားကြပါတယ်။ ကက်သလစ်ဘာသာရဲ့ အချို့သော အဓိကယုံကြည်ချက်များနဲ့ ကျင့်စဉ်တွေကို သူတို့ လက်မခံနိုင်ကြပေမဲ့လည်း သူတို့မှာ ပုပ်ရဟန်းမင်းကြီးကို လာရောက် တွေ့ဆုံလိုတဲ့ဆန္ဒ၊ ရောမကို အလည်သွားလိုတဲ့ ဆန္ဒ၊ ကက်သလစ်တွေနဲ့ အတူလက်တွဲပြီး အလုပ်လုပ်လိုကြတဲ့ ဆန္ဒတွေကြောင့် သူတို့မှာ ခရစ်ယာန်များနဲ့ အမြင်ခြင်း၊ အတွေ့အကြုံခြင်း ဖလှယ်လိုကြတဲ့ ဆန္ဒရှိကြကြောင်း တွေ့မြင်ရပါတယ်။


ဘာသာပြန်ဆိုသူ
ဘုန်းတော်ကြီး ရစ်ချတ်လှမင်းဦး

Read More...

Monday, June 7, 2010

သီရိဒုံအမေ "ရှားလတ်"

သီရိဒုံအမေ "ရှားလတ်"

အရိုင်းကာလ လွန်လေကတည်းက ယောင်္ကျား၊ မိန်းမတို့ တန်းတူအခွင့် အရေးကို ကြွေးကြော်ခဲ့ကြပါတယ်။ ဒါပေမဲ့ တချို့သော ဒေသတွေမှာတော့ အမှောင်ကျဆဲပါ။ ဒီအထဲမှာ အမျိုးသမီးတွေက အမေ (သို့) မိခင်နေရာ (သို့) ဒေသတစ်ခုရဲ့ ရှေ့ဆောင်ရှေ့ရပ်ပမာ ဖြစ်လာကြပါတယ်။ ဒါဟာ လိင်ခွဲခြားမှုဆိုတာ ပဓာနမကျတဲ့၊ အရေးမပါတဲ့ ကိစ္စရပ်ဖြစ်ကြောင်း ခွဲခွဲခြားခြား သိမြင်လာခြင်းပင် ဖြစ်ပါတယ်။ ကျား၊ မတို့ဟာ စိတ်သဘောအရ ခြားနားမှုမရှိကြောင်း ခိုင်မာတဲ့ကျမ်းတစ်စောင် ဖတ်ဖူးပါတယ်။ အမှန်တကယ် ကျား၊ မ ဟာ ပြဿနာတစ်ရပ် မဟုတ်ပါ၊ ၎င်းင်းတို့ ဘာတွေလုပ်ဆောင်နိုင်ကြတယ် ဆိုတာကိုသာ စဉ်းစားစရာကောင်းပါတယ်။ အသက်ပိုင်းနဲ့ ပိုင်းဖြတ်မလား၊ အရပ်ဒေသနဲ့ တွက်ချက်မလားဆိုတာကိုသာ သုံးသပ်ရမှာပါ။ ပုခက်လွှဲသောလက်သည် ကမ္ဘာကိုစိုးကိုင်နိုင်သည်ဆိုတဲ့ အဆိုလို သေချာတာတစ်ခုက ၎င်းင်းတို့ မွေးဖွားပေးသော သားသမီးများက ၎င်းင်းတို့ကိုယ်စား စွမ်းဆောင်ကြရင်ဖြင့် အမေနဲ့မကင်းသော မျက်မှောက် ကမ္ဘာကြီးဖြစ်လာတာက သက်သေပင်ဖြစ်ပါတယ်။ ကမ္ဘာမှာလူသိများခဲ့တဲ့ အမျိုးသမီးများကို ရေတွက်ကြည့်မိရင်း ဦးစွာ ပထမအိမ်နီးချင်းနိုင်ငံဖြစ်တဲ့ ထိုင်းနိုင်ငံကို ပြေးကြည့်မိပါတယ်။ ထိုင်းနိုင်ငံရဲ့ မိခင်လို့ဘွဲ့ခံယူခဲ့သူ သီရိမယ်ရဲ့မျက်နှာကို မြင်ယောင်မိပါတယ်။ ထိုင်းနိုင်ငံရဲ့မိခင်လို့ တင်စားခံရတဲ့ မိဖုရားကြီး သီရိမယ်ဟာ သူမရဲ့နိုင်ငံနဲ့လူမျိုးတို့အပေါ် စေတနာ ပိုရှာပါတယ်။ ဒေသမျိုးစုံသို့သွားကာ ထိုင်းလူမျိုးတို့အရေးကို တတ်နိုင်သည့် ဖက်က သယ်ပိုးခဲ့ပါတယ်။ မိဖုရားကြီးရဲ့ ဓါတ်ပုံများကိုကြည့်ရင် ခန့်ညားလှသလို၊ ကြင်နာတဲ့ မျက်နှာကို တွေ့မြင်နိုင်တဲ့အပြင် အလုပ်တစ်ခုမှာ အာရုံစူးစိုက်နေတဲ့ မျက်နှာထားကိုလည်း မြင်တွေ့နိုင်ပါတယ်။ ဘာသာတရားကို ကိုင်းရှိုင်းမှုရုပ်လွှာကိုလည်း တွေ့နိုင်ပါတယ်။ သူမရဲ့ အပြစ်အနာအဆာတွေကို သတင်းထဲမှာ မကြားရပါ။ မဂ္ဂဇင်းထဲမှာ မဖတ်ရပါ။ အနောက်နိုင်ငံက တော်ဝင်မိသားစုရဲ့ အသံတွေလို ပူပူညံညံမကြားရပါ။ မိဖုရားကြီးသီရိမယ်ကို ၁၉၃၂-ခုနှစ်၊ သြဂုတ်လ ၁၂- ရက်နေ့မှာ မွေးဖွားပြီး ဆွစ်ဇာလန်နိုင်ငံက အင်ဂျင်နီယာပညာရပ်ကို ငယ်ငယ်ရွယ်ရွယ်သင်ခဲ့တဲ့ မိန်းမသားတစ်ယောက် ဖြစ်ပါတယ်။ ၁၆နှစ်ပြည့် မွေးနေ့မှာ ကြင်ယာတော်ထံမှ စိန်လက်စွပ် တစ်ကွင်းကို လက်ဆောင်ရခဲ့ပြီး နောက်နှစ်မှာ လက်ထပ်ထိမ်းမြားခဲ့ပါတယ်။

၁၉၅၁-ခုနှစ်မှာ သားကြီး ဥဘောရာတာနာကို မွေးဖွားပြီး ၁၉၅၂-ခုနှစ်မှာ ဒုတိယသားတော် ဘာဂျီရာလောင်ကွန်း၊ ၁၉၅၅ ခုနှစ်မှာ သမီးကြီး မဟာချက်ကရီသီရိဒုံနဲ့ ၁၉၅၇ ခုနှစ်မှာ သမီးငယ်ချုလက်ဟုန်တို့ကို မွေးဖွားခဲ့ပါတယ်။ ဒီလို သား၊ သမီး ၄-ယောက် စလုံး သူတို့နေရာနဲ့ သူတို့ ထွန်းတောက်နေတဲ့ အတိုင်းအတာကို နှိုင်းဆကြည့်ရင် မိခင်တစ်ယောက်ရဲ့ အခန်းကဏ္ဍကို အောင်မြင်စွာ ထမ်းဆောင်နိုင်ခဲ့တယ်ဆိုတာကို တွေ့မြင်နိုင်ပါတယ်။ ဒါကြောင့်လည်း (National Mothers Day) ဆိုတဲ့ "နိုင်ငံရဲ့အမေများနေ့"ကို သူမမွေးနေ့မှာ သတ်မှတ်ခြင်းဖြစ်ပါတယ်။

ထီးရိပ် နန်းရိပ်အောက်မှာ အေးဆေး သက်သာစွာနေနိုင်သူ အမျိုးသမီးဖြစ်ပေမဲ့လည်း ၁၉၅၆ ခုနှစ်မှာ ထူထောင်ခဲ့တဲ့ ထိုင်းအမျိုးသမီးကောင်စီကို သူ့ရဲ့ထီးရိပ် နန်းရိပ်မှာ ဖွင့်လှစ်ပေးခဲ့ပြီး အမျိုးသမီးငယ်များရဲ့ ဘ၀တိုးတက်ရေး၊ ကိုယ်ကျင့်တရား ကောင်းမွန်ရေးကို အာရုံဝင်စားဆောင်ရွက်ခဲ့ ပြန်ပါတယ်။ ဒါ့အပြင် ဆေးဝါးဖက်ဆိုင်ရာ အမျိုးသမီးအသင်းတစ်ခုကို ၁၉၆၀ ခုနှစ်မှာ ထူထောင်ခဲ့ပြန်ပါတယ်။ ၁၉၅၃ ခုနှစ်မှာ ထူထောင်တဲ့ အမျိုးသမီးရှေ့နေများ၊ ဥပဒေပညာရှင်များအသင်းမှာလည်း ပါဝင် ဦးဆောင်မှု ပေးခဲ့ပါတယ်။


၁၉၈၀ ခုနှစ်မှာတော့ အရေးပေါ် အဆောက်အအုံလို့ခေါ်နိုင်တဲ့ ခိုကိုးရာမဲ့ အမျိုးသမီးများ၊ ကလေးများကိုစောင့်ရှောက်ဖို့ ရိပ်သာတစ်ခု ဖွင့်ခဲ့ပါတယ်။ ဒါတင်မကဘဲ စီးပွားရေးနဲ့ အသက်မွေးဝမ်းကျောင်းမှုဆိုင်ရာ အမျိုးသမီးအသင်းများကိုလည်း တတ်စွမ်းသမျှ ကူညီခဲ့ဟန်တူပါတယ်။

တိုင်းရေးပြည်ရာ မငြိမ်းချမ်းလို့ အင်ဒိုချိုင်းနားဒေသက ထွက်ပြေးလာကြတဲ့ ဒုက္ခသည်များကို စခန်းချပေးထားရာဖြစ်တဲ့ ထိုင်းနိုင်ငံ အရှေ့ဖက်နယ်နမိတ်စည်း ချောင်းတစ်လျှောက်ရှိ၊ ထိုင်းနိုင်ငံကြက်ခြေနီအသင်း ဒုက္ခသည်စခန်းကိုလည်း ကိုယ်တိုင်လိုက်ပြီး သွားရောက် ကြည့်ရှု့ပါသေးတယ်။


သားရိုင်းတိရိစ္ဆာန်များ မတိမ်ကော၊ မပပျောက်ရေးကိုလည်း သောကရှိဟန်တူပါတယ်၊ ကြိုးကြာငှက်လိုမျိုးကိုပင် လျစ်လျူရှုမထား၊ သားရိုင်းတိရစ္ဆာန်များနဲ့ ပတ်သက်တဲ့ W.F.T နဲ့ A.C.W လို အဖွဲ့များမှာလည်း ပါဝင် လိုက်ပါသေးတယ်။ သစ်တောရေးရာဌါနနဲ့ သဘာ၀၀န်းကျင် ထိန်းသိမ်းရေးမှာလည်း အားတက်သရော ပါဝင်ပြန်ပါတယ်။


နိုင်ငံရဲ့ ယဉ်ကျေးမှုအမွေ မပျောက်ပျက်ရေးအတွက်လည်း၊ ထိုင်းလက်မှုပညာကို Support ဆိုတဲ့ အဖွဲ့များ ဖွဲ့ကာ နည်းပညာထွန်းကားရေး အားပေးခဲ့ပါတယ်။ ကိုယ်တိုင် ကိုယ်ကျလည်း ရှေးဟောင်းပစ္စည်းများ ထိန်းသိမ်းဖို့ လှုံ့ဆော်တဲ့ လုပ်ငန်းခွင်တွေထဲ ပါဝင်ပါတယ်။ အမျိုးသမီးများ ယဉ်ကျေးမှုကလပ်မှာလည်း လုပ်အား ထည့်ဝင်ခဲ့ပြန်ပါတယ်။
သူမရဲ့ ထိုင်းလက်မှုပညာ ပြန့်ပွားရေး စွမ်းဆောင်ချက်တွေက များပြားလှပါတယ်။ သမီးဖြစ်သူ သီရိဒုံကိုလည်း သူမရဲ့ခြေရာကို နင်းစေခဲ့ပါတယ်။

သားကောင်းတို့ မိခင်လည်းဖြစ်ခဲ့ပြီး ထီးရိပ်ဘုံမှာ တçရာရဘ၀နဲ့ အပါးခိုမနေခဲ့ဘဲ အမျိုးသမီးကောင်းပီသစွာ တတ်နိုင်တဲ့ နေရာများကနေ လုပ်အားပေး စွမ်းဆောင်ခဲ့ပါတယ်။ ဒုက္ခသည်နဲ့သမီးငယ်များ၊ ခိုကိုးရာမဲ့ကလေးသူငယ်များအပြင် သူ့မြေ သူ့လေကို အားကိုးနေထိုင်ကျက်စားတဲ့ တိရစ္ဆာန်များ အရေးကိုပင် ပစ်ပယ်မထားခဲ့ပါ။


ဒါကြောင့် သီရိဒုံအမေ"ရှားလတ်"
ခေါ် "သီရိမယ်"မှာ စံနမူနာယူလောက်တဲ့ တော်ဝင်အမျိုးသမီးတစ်ဦးဖြစ်တယ် ဆိုတာကို လူတိုင်းက ထောက်ခံခဲ့တာ ဖြစ်ကြောင်း တင်ပြလိုက်ရပါတယ်။

မမာလာ (RVA)

Read More...

Saturday, June 5, 2010

ကျမ်းစကားများနှင့်အောင်မြင်သော လုပ်ငန်းရှင်များ


ကျမ်းစကားများနှင့်အောင်မြင်သော လုပ်ငန်းရှင်များ


သို့ ...
သူငယ်ချင်း

ငါလည်း စာမရေးတာ တော်တော့ကို ကြာသွားပြီကွယ်။ ခွင့်လွှတ်ပါ။ အလုပ်တွေ ရှုပ်ရှုပ်နေလို့ဆိုပြီး ဆင်ခြေပေးရင်း ဒီစာတိုလေးကိုရေးပြီး မျှဝေ ခံစားလိုက်ပါတယ်။ ငါ့ရဲ့ ဆရာမကြီးတစ်ယောက် ပြောခဲ့ဖူးတာကို ပြန်ပြီး သတိရမိတယ်။ အချိန် ၁ လက်မပေးပြီး ရွှေ ၁ လက်မ ၀ယ်လို့ရတယ်။ ရွှေ ၁ လက်မပေးပြီး အချိန် ၁ လက်မ ၀ယ်လို့မရဘူးတဲ့။ အချိန်ရဲ့ အဖိုးတန်မှုတွေပေါ့။ ဒါကိုစဉ်းစားပြီး အချိန် မရရအောင် ထုတ်ပြီးရေးလိုက်တာပါ။
ငါတို့ငယ်စဉ် ဆုံဆည်းခွင့်ရဖို့ ဘုရားသခင်ဖန်တီးပေးတဲ့ နေရာလေ။ ဘုရားကျောင်းတော်ကြီးပေါ့။ ဘုရားစကား သင်ကြားရင်း ဘုရားကျောင်းအတွက် လုပ်အားပေးခဲ့ပုံတွေ၊ ငါတို့ သူငယ်ချင်းတွေစုပြီး ကစားခဲ့ပုံတွေကို ရုပ်ရှင်ကြည့်ရသလို ပြန်ပြီးမြင်ယောင် လာစေပါတယ်။ သူငယ်ချင်းတွေထဲမှာ တစ်ချို့က ဘုန်းကြီး၊ တစ်ချို့က ကိုရင်၊ တစ်ချို့က သီလရှင်၊ တစ်ချို့က လုပ်ငန်းရှင်ကြီးတွေဖြစ်လို့၊ တစ်ချို့က ၀န်ထမ်းတွေဖြစ်လို့၊ တစ်ချို့ကတော့ စိတ်မကောင်းစရာ နတ်ဆိုးရဲ့ကျော့ကွင်းထဲက ပြန်မလွတ်မြောက်သေးကြပါလား။

ငါကတော့ လုပ်ငန်းရှင်သေးသေးလေးပေါ့။ လုပ်ငန်းရှင်ကြီးဖြစ်အောင် ကြိုးစားနေပါတယ်။ "လူသားတွေရဲ့ ဘ၀ကို ဘာတွေက မောင်းနှင်နေသလဲ"လို့ ဘုန်းတော်ကြီးတစ်ပါးကိုမေးဖူးတယ်။ ဘုန်းတော်ကြီးက မျှော်လင့်ချက်တဲ့။ မျှော်လင့်ချက်သာ မရှိတော့ဘူးဆိုရင် အဲဒီ လူကသေနေတယ်။ "သိပ်မှန်ပါတယ်" မျှော်လင့်ချက်သာမရှိခဲ့ရင် ဘယ်သူမှ ကိုယ်ရည်ရွယ်တဲ့ ပန်းတိုင်ရောက်မှာ မဟုတ်ပါဘူး။ မျှော်လင့်ချက်တွေ ဘယ်လောက်ပဲ ကြီးမားကြီးမား တကယ်လက်တွေ့ကျကျ
မကြိုးစားဘူးဆိုရင်လည်း မအောင်မြင်နိုင်ပါ။ ငါတို့လည်း လက်တွေ့ဘ၀မှာ အများကြီးကြိုးစားမှ မျှော်လင့်ချက် အလင်းတန်းလေးတွေကို နည်းနည်းလေးတွေ့ရပါတယ်။ ငါတို့ရဲ့ လုပ်ငန်းလေးတွေမှာလည်း အခက်အခဲတွေ အများကြီးပေါ့။ ကိုယ်ထင်တဲ့အတိုင်း မဖြစ်လာရင် ဒေါသထွက်၊ စိတ်ဓာတ်ကျ မကြာခဏဖြစ်ဖြစ်နေတယ်။ ဘုရားကျောင်းထဲ ရောက်သွားမှ ခရစ်တော်ဒုက္ခစရိယနဲ့ ငါ့ဘ၀ရဲ့ အခက်အခဲနဲ့ယှဉ်ကြည့် လိုက်ရင် ရယ်စရာတွေဖြစ်ခဲ့ရတယ်။" ကျမ်းစကားများနဲ့ အောင်မြင်တဲ့လုပ်ငန်းရှင်" ဆိုပြီး ငါဘာဖြစ်လို့ ခေါင်းစဉ်တပ်ရသလဲဆိုတော့ ငါက ခရစ်တော်ကို ဘ၀ရဲ့ စံပြဘုရားအဖြစ် ခံယူထားလို့ပါ။

ပြည်တွင်းပြည်ပမှ အောင်မြင်တဲ့ လုပ်ငန်းရှင်တွေကို လေ့လာကြည့်ရင် ငါလေ ကျမ်းစကားများကို သတိရတယ်။ တချို့သော ကျမ်းစကားတွေဟာ ငါ့ဘ၀အတွက် အားအင်တွေဖြစ်ခဲ့တယ်။ ဥပမာ- "သင်၌ပြုစေလိုသည့် အတိုင်း အခြားသူ၌ပြုလော့" ဆိုတဲ့ ကျမ်းစကားမျိုးပေါ့။


သူငယ်ချင်း ငါလေ မင်းကို တကယ့်အဖြစ်အပျက်လေး တစ်ခုပါထည့်ပြီး ရေးသားလိုက်ပါတယ်။ မောင်မောင် ဆိုသူက အရမ်းအောင်မြင်နေတဲ့ စားသောက်ဆိုင်မှာ သွားပြီး အလုပ်လုပ်ခဲ့တယ်။ သူ့ရဲ့ သူဌေးဟာ အရမ်းတော်ပြီး လာရောက်စားသောက်တဲ့ လူတွေရဲ့ လိုအင် ဆန္ဒတွေကို အမြဲဖြည့်ဆည်းနိုင်ခဲ့တဲ့အတွက် လူတွေရဲ့ အားပေးမှုကို အမြဲရခဲ့ပါတယ်။ အလုပ်လုပ်နေတဲ့ မောင်မောင်က သူ့ရဲ့သူဌေးကို အားကျပြီး အလုပ်ကနေထွက်ကာ အရင်းအနှီးအတွက် ဆွေမျိုးများ ထံသွားပြီး စားသောက်ဆိုင်ဖွင့်မယ်၊ ကျွန်တော်အကုန် နားလည်ပြီဆိုကာ ငွေတွေ ချေးယူပြီး သူ့သခင်ဖြစ်ခဲ့ဖူးတဲ့ သူဌေးရဲ့ ဆိုင်မျက်စောင်းထိုးမှာ စားသောက်ဆိုင် သွားဖွင့်လိုက်ပါတယ်
။ သူလည်း အတတ်နိုင်ဆုံးကြိုးစားပြီး လုပ်သော်လည်း တစ်နေ့တစ်ခြား စားသောက်မယ့်သူတွေ လျော့လျော့လာပြီး နောက်ဆုံးတော့ ဆိုင်ပိတ်လိုက်တဲ့အထိ အဆုံးရှုံးတွေနဲ့ ရင်ဆိုင်လိုက်ရတယ်။ မောင်မောင်က မကျေနပ်လို့ သူ့ရဲ့သူဌေးကို သွားပြီးမေးပါတယ်။ "သူ ဌေးကြီး သူဌေးကြီးရောင်းတဲ့အတိုင်းပဲ ကျွန်တော်လည်းရောင်းတာပဲ။ ဘာဖြစ်လို့ သူဌေးကြီးဆိုင်က ရောင်းရပြီး ကျွန်တော့် ဆိုင်မရောင်းရတာလဲ"လို့ မေးတော့ သူဌေးက "အရမ်းကောင်းတဲ့ မေးခွန်းပဲ"လို့ ပြန်ပြောပြီး အခုလို ဖြေကြားခဲ့ပါတယ်။ "ငါဒီလုပ်ငန်းလုပ်တာ နှစ်ပေါင်း (၄၀) ရှိသွားပြီ။ ငါ့မှာ အတွေ့အကြုံတွေ အများကြီးပဲ။ မင်းက (၂) နှစ်လောက် လုပ်ပြီး မင်းတော်တယ်၊ တတ်တယ်ထင်ပြီး သွားလုပ်လို့ ဘယ်ရမလဲ။ ငါ့ရဲ့အဖေလည်း ဒီစားသောက်ဆိုင်လုပ်ငန်းပဲ လုပ်ခဲ့တယ်။ ငါ့ရဲ့ အဖေက ငါ့ကို ဘာပြောခဲ့သလဲဆိုရင် သား မင်းအောင်မြင်တဲ့ စားသောက်ဆိုင်လုပ်ငန်းရှင် ဖြစ်ချင်ရင် လာပြီး စားသောက် သူတွေအပေါ် ပြုရမှာက အမျိုးသမီးတွေဟာ အမျိုးသားတွေကို ဘယ်လိုချက်ပြုတ်ပြီး ဘယ်လို စိတ်စေတနာကောင်းတွေနဲ့ ကျွေးတတ်သလဲဆိုတာ လေ့လာပြီး မင်းလည်းလာတဲ့ စားသုံးသူကို ဂရုစိုက်ပြီး ပြုစုပါတဲ့။ ဒီလို လုပ်နိုင်ရင် မင်းလည်းပဲ မုချ အောင်မြင်ပါလိမ့်မယ်"လို့ ပြောခဲ့တယ်။

ဒါတကယ့် အဖြစ်အပျက်ပါ။ ဒါကို ငါဖတ်ပြီးတော့ "သင်၌ ပြုစေလိုသည့် အတိုင်း သူတစ်ပါး၌ပြုလော့"ဆိုတဲ့ ကျမ်း စကားကိုသွားပြီး သတိရခဲ့တယ်။ ခရစ်တော်ရဲ့ ပြောကြားချက်တွေထဲမှာ အောင်မြင်ရေးအတွက် ညွှန်ကြားထားတာတွေ အများကြီးတွေ့ရတယ်။ သူငယ်ချင်း ဘုန်းကြီးပဲဖြစ်ဖြစ်၊ ကိုရင်ပဲဖြစ်ဖြစ်၊ သီလရှင်ပဲဖြစ်ဖြစ်၊ ၀န်ထမ်းပဲဖြစ်ဖြစ်၊ လုပ်ငန်းရှင်ကြီးပဲဖြစ်ဖြစ် ခရစ်တော်ရဲ့ ကျမ်းစကားတွေ အထူးသဖြင့် ဒီကျမ်းပိုဒ်ကို ဆောင်ပုဒ်အဖြစ် လက်ခံထားမယ်ဆိုရင် ကိုယ်လုပ်တဲ့ လုပ်ငန်းတိုင်းဟာ မအောင်မြင်စရာ မရှိပါဘူး။

ကဲ . . . စာလည်းရှည်သွားပြီ နောက်မှပဲ ငါစာတွေရေးအုံးမယ်။ မင်းရဲ့ ရည်ရွယ်ရာတွေ အောင်မြင်နိုင်ပါစေလို့ ဆန္ဒပြုဆုတောင်းရင်း .....

ခရစ်ဂျိုးဇက် (ကန်တော်မြေ)

Read More...

Tuesday, June 1, 2010

ဂုဏ်တုယောင်မှာ "စံ" ပုံဆောင်ပါ။


ဂုဏ်တုယောင်မှာ "စံ" ပုံဆောင်ပါ။


လူမှုဝန်းကျင်၌ သုံးလေ့သုံးထရှိသည့် "သူရူး ကိုးဆယ့်ကိုးယောက်က သူကောင်းတစ်ယောက်အား သူရူးပဲဟု ဆိုသည်" ဟူသော စကားတစ်ရပ်ကို ကြားဖူးကြပေမည်။ ဘယ်လောက်ပင် ကောင်းကောင်း အဆိုးက အားသာလွန်းသည့်အတွက် အကောင်းတစ်ခုက အဆိုးဖြစ်၊ အဆိုးပေါင်းများစွာက အကောင်းနေရာ ရောက်သွားရခြင်းကိုဆိုလိုသည်။ သို့သော် တစ်ခါတရံ၌ တစ်ဦးတစ်ယောက်တည်းက လက်ရှိ မိမိပိုင်ဆိုင်ထားသည့် ဂုဏ်ပကာသနဥစ္စာ (သို့) အာဏာတို့ကို အမှီပြု၍ အခြားသောသူအများစုကို အရူးလုပ်၍ စိုးမိုးချယ်လှယ်နေသည်များကို အချို့သော အဖွဲ့အစည်းများနှင့် အသိုင်းအ၀န်းများတွင် တွေ့နေရတတ်ပါသည်။ ဤသည်မှာ တစုံတစ်ဦးသည် လက်ရှိအခြေအနေ၌ မိမိတွင် လက်ဆုပ်လက်ကိုင် ရှိနှင့်ပြီဖြစ်သော ဥစ္စာဓန (သို့) မိမိစိတ်ကြိုက် ဖန်တီးနိုင်သည့် အခွင့်အာဏာများ အပေါ်တွင် တွယ်တာမှု ပိုလျှံကာ မာန်မာနဂုဏ်ဟူသည့် အရာက ၎င်းင်း၏ ငယ်ထိပ်အထိ ရောက်သွားရခြင်း ဖြစ်ပါသည်။

တစ်ခါက ကျွန်ုပ်သည် ဆိုင်ကယ်ဖြင့် သူငယ်ချင်းတစ်ဦးနှင့်အတူ လေးမျက်နှာမြို့သို့သွားခဲ့ပါသည်။ ကျွန်ုပ်သည် ကိုယ်ပိုင်ဆိုင်ကယ် မရှိသောကြောင့် တစ်ခါတရံ ဆိုင်ကယ်ကိုယ်တိုင် မောင်းရသည်ကို အလွန်နှစ်သက်လှပါသည်။ ဤသို့ဖြင့် ရွာအလယ် လမ်းမတစ်ခုကို ဖြတ်၍ လာခဲ့စဉ် လမ်းပျက်နေသည့် နေရာတစ်ခု၌ ဆိုင်ကယ်အား အရှိန်သတ်ရင်း ထိန်းမောင်းရကာ ထိုနေရာလွန်မှ ပုံမှန်အတိုင်း အရှိန်တင်၍ ဆက်လက် မောင်းနှင်လာခဲ့ပါသည်။ အနောက်မှာရှိသည့် သူငယ်ချင်းအား စကားများစွာပြောရင်း မောင်းလာခဲ့ပါသည်။ ကျွန်ုပ် သတိထားမိလိုက်သည်က ဆိုင်ကယ်သံကြားသည်နှင့် တပြိုင်နက် ကလေးများသာမက လူကြီးများပါ အိမ်ရှေ့ပြေးထွက် လာကြသည်။ တချို့က ဆိုင်ကယ်လာရာသို့ လက်ညှိုးတထိုးထိုးနှင့် တချို့က တစ်ခုခုပြောကာ ရယ်နေကြသည်။ ကျွန်ုပ်စိတ်ထဲ၌ "သြော် - တောသားတွေပဲ ဆိုင်ကယ်မှ မမြင်ဖူး၊ မစီးဖူးကြတာကိုး"ဟု တွေးမိခဲ့ပါသည်။ ရွာအပြင်ဖက်သို့ ရောက်လာသည့်အခါ "ဆီက အပြန်တစ်ကြောင်း စာလောက်ပါဦးမလား"ဟု သူငယ်ချင်းအား သုံးကြိမ်လောက် မေးလိုက်မိပါသည်။ သို့သော် အဖြေကိုမကြားရ၍ နောက်သို့ လှည့်ကြည့်လိုက်မှ သူငယ်ချင်းပါမလာကြောင်းကို သိလိုက်ရကာ လမ်းပျက်သည့်နေရာ၌ ဆင်းကျန်ခဲ့ခြင်းဖြစ်မည်ဟူသော အသိက ထိုအခါမှ ၀င်လာတော့သည်။ မိမိ ကိုယ်ကိုယ်လည်း ရှက်မိ၍ နောက်ကြောင်း ပြန်မလှည့်တော့ဘဲ ထိုနေရာမှပင် သူ့အား စောင့်နေခဲ့ပါတော့သည်။

ဤဖြစ်ရပ်လေးသည် ယနေ့ဥစ္စာ ပစ္စည်းအပေါ်၊ အခွင့်အာဏာရပ်တို့ အပေါ် တစ်ဖက်သတ် တပ်မက်စွဲလွန်းမှု ပိုသွားကာ ပတ်ဝန်းကျင်ကို လုံးလုံးမေ့လျော့ သွားတတ်ကြသည့် ပုဂ္ဂိုလ်များ၏ အခြေအနေနှင့် တိုက်ဆိုင်လှပါသည်။ အမှန်စင်စစ် တစ်စုံတစ်ခုသော လောကီအရာတို့၌ တက်မက်မှု ပိုလွန်းသွားခြင်းကြောင့် လောကီဧည့်သည် အာဂန္တုအချင်းချင်းပင် ဥပေက္ခာပြုခြင်း၊ လက်မခံနိုင်ခြင်းတို့ ဖြစ်လာရပေတော့သည်။ မိမိ၏အမြင်၊ အတွေးအခေါ်၊ ဥစ္စာစည်းစိမ်၊ လုပ်ငန်းနှင့်ယုံကြည်မှုများသာလျှင် မှန်ရမည်ဟု ယူဆကာ အခြားသောပုဂ္ဂိုလ်များအဖို့ ဖြန့်ကျက်တွေးတော ဆင်ခြင်ပေးမှု လုံးဝမရှိတော့ချေ။ ထိုအခါ တစ်ဦးတစ်ယောက်တည်း၏ တယူသန် မာန်မာနစွဲကြောင့် အခြားသောသူများ၏ အခွင့်အရေးနှင့် ရပိုင်ခွင့်များ ဆုံးရှုံးသွားရပါသည်။ အချို့ သောသူများက ငါသာ ဒီအရာကိုရလျှင် (သို့) ဒီနေရာကိုရောက်လျှင် ဒီပုဂ္ဂိုလ်တွေကို ကောင်းကောင်းလေး စိုးမိုးနိုင်ရမည်ဟူသော ရည်ရွယ်ချက်ဖြင့် ကြိုးစားလာခဲ့သူများရှိသည်။

အချို့သောသူများမှာ ဤကဲ့သို့ မူရင်းဆန္ဒမရှိခဲ့ကြသော်လည်း ဖြတ်သန်းခဲ့ရသည့် အတွေ့အကြုံပေါ်၌ နာကျည်းသွားခြင်း၊ ကြိုးစားမှု၏ ရလဒ်အပေါ်စွဲလမ်းမှု ပိုကာ အောက်ခြေလွတ်သွားခြင်း၊ လေ့လာဆည်းပူးနေချိန်၌ စနစ်တစ်ခု၏ မူဝါဒများရိုက်သွင်းခံရခြင်း တို့ဖြစ်ကြရသည်။ မည်သည့် ဘာသာတရား၌မဆို မိမိတို့ရရှိ ပိုင်ဆိုင်ထားသမျှအရာများသည် တဒင်္ဂအတွက်သာဖြစ်ကြောင်း မိန့်ဆိုထားလေသည်။ သို့သော် လက်ရှိအခြေအနေတွင် လုပ်ရပ်နှင့် ထိုတရားစကား အတော်ပင်အလှမ်းကွာနေကြောင်း သတိပြုမိကြလေမည်။


ကျွန်ုပ်တို့ ခရစ်ယာန်များ၏ အသက်တာ၌လည်း ဤကဲ့သို့ မတည်မြဲသည့် ဥစ္စာစည်းစိမ်နှင့် တန်ခိုးအာဏာအပေါ် ခရစ်တော်၏ တရားတော်နှင့် ဆန့်ကျင်ကာ အလွန်အမင်း တက်မက်မှုများ ရှိနေကြပါသည်။ ရုပ်ဝါဒနှင့် ၎င်းင်းတို့အား စိုးမိုးချုပ်ချယ်နိုင်သည့် အခွင့်အာဏာများကို ပိုင်ဆိုင်လာကြသည့်အခါ ပတ်ဝန်းကျင်အသိုင်းအ၀ိုင်းအား အကျိုးပြုဖို့ကို မဆိုထားလေနှင့် လူသားတိုင်း ပိုင်ဆိုင်ခွင့်ရှိသည့် ဘုရားပေးထားသော သဘာဝအရင်း အမြစ်နှင့်သယံဇာတများအား စိုးမိုးချုပ်ချယ်ကာ လိုရင်သုံး မလိုရင်
ဖျက်ဆီးပစ်တာ မျိုးရှိနေကြပါသည်။ စင်စစ်သော်ကား တစ်ဦးတစ်ယောက်၌ ဥစ္စာဓန၊ အာဏာနှင့် လုပ်ပိုင်ခွင့်များ မည်သို့ပင်ရှိနေစေကာမူ ပတ်ဝန်းကျင်အခြေအနေနှင့် မဆက်စပ်တတ်လျှင် (သို့) လိုက်လျောညီစွာ အသုံးမပြုတတ်လျှင် ဘုရားရှင်ပေးသည့် ကျေးဇူးတော်များအား အလွဲသုံးစားပြုခြင်းပင် ဖြစ်သည်။

"လောကနှင့် လောကီတပ်မက်ခြင်းသည် ရွေ့သွား၍ ကွယ်ပျောက်တတ်၏။ ဘုရားသခင်၏ အလိုတော်နှင့်အညီ ကျင့်သောသူမူကား နိစ္စထာဝရတည်၏"ဟု (၁-ယော ၂း၁၇)မှာ တွေ့ရပါသည်။ ကျွန်ုပ်တို့ပိုင်ဆိုင်ထားသည့် လောကီနှင့် ပတ်သက်သမျှသည် ကျွန်ုပ်တို့ ထာဝရပိုင်ဆိုင်ရမည့်အရာများ မဟုတ်ကြပေ။ ထို့ကြောင့် ၎င်းင်းအရာများအပေါ် စွဲလမ်း မက်မောမှုပိုလွန်းရန် မလိုအပ်ပေ။ ၎င်းင်းအရာများအပေါ် ခုတုံးလုပ်ရင်း အခြားသောသူများအား အထင်အမြင်သေးကာ အထက်စီးမှ မကြည့်သင့်ပေ။ အဘယ့်ကြောင့်ဆိုသော် မိမိတို့လက်ဝယ်ရှိနေသည့် ထိုအရာများမှာ မတည်မြဲသော လောကီစည်းစိမ်များသာဖြစ်ပြီး ကောင်းကင်ဘဏ္ဍာနှင့် နှိုင်းစာကြည့်လျှင် အတုအယောင်များသာ ဖြစ်ကြသည်။ ထို့ကြောင့် ကျွန်ုပ်တို့၏ စိတ်အာရုံ အမြဲရောက်နေရမည့်အရာမှာ သံချေးပိုးရွ မဖျက်ဆီးနိုင်သည့် ကောင်းကင်ဘဏ္ဍာများသာ ဖြစ်သည်။

လောကီနှင့်ဆိုင်သည့် အရာများမှာ ထိုကောင်းကင်ဘဏ္ဍာနှင့် နှိုင်းလျှင် အတုအယောင်ဟု ဆိုနိုင်သော်လည်း လောက၌ ဘုရားပေးသည့် ကျေးဇူးတော်တစ်ရပ်ပင် ဖြစ်သောကြောင့် မှန်ကန်စွာအသုံးပြုလျှင် များစွာအကျိုးရှိပေသည်။ မိမိပိုင်ဆိုင်ထားသည့် ဥစ္စာစည်းစိမ်နှင့် အခွင့်အာဏာများသည် ဘုရားရှင်ထံမှလာသည့် ကျေးဇူးတော်တစ်ရပ်ဟု လက်ခံကာ အများသောလူတို့၏ အကျိုးအတွက် ပြန်လည်ပေးဆပ် ဝေငှရင်းဖြင့် စံပြုနေထိုင် ကျင့်ကြံသင့်ပါသည်။ "သစ်တစ်ပင်ကောင်း ငှက်တသောင်းနားနိုင်"ဆိုသည့်အတိုင်း တစ်ပါးသော ပုဂ္ဂိုလ်များ၏ အကျိုးအတွက် ခရစ်တော်ကဲ့သို့ နှိမ့်ချခြင်းဖြင့် ပေးဆပ်အသက်ရှင်ရန် လိုအပ်ပါသည်။

မိမိ ပိုင်ဆိုင်ထားသည့် ဥစ္စာစည်းစိမ်၊ အာဏာတို့၏ ဂုဏ်နှင့်ကိုက်ညီသည့် ပုဂ္ဂိုလ်တို့၏ အရည်အချင်းသုံးရပ်ကို စာရေးဆရာအချို့က အောက်ပါအတိုင်း ဖော်ပြထားပါသည်။

၁။ သီလသမာဓိနှင့် ပြည့်စုံလျက် စိုးရိမ် ကြောင့်ကျမှုကင်းခြင်း၊
၂။ ဥာဏ်ပညာရှိလျက် ရှုပ်ထွေးမှု ကင်းခြင်း။
၃။ သတ္တိရှိလျက် ကြောက်ရွံ့မှု ကင်းခြင်းတို့ဖြစ်သည်။

ဤအရည်အချင်းများရှိသူသည် ဂုဏ်သရေရှိ၍ စံပြုထိုက်သည့် ပုဂ္ဂိုလ်ဖြစ်သည်ဟု ဆိုနိုင်ပါသည်။ ခရစ်ယာန်အသက်တာ၌မူ ဂုဏ်သရေရှိ ပုဂ္ဂိုလ်တစ်ဦး၏ အရည်အသွေးနှစ်ရပ်ကို အောက်ပါအတိုင်း တွေ့နိုင်ပါသည်။ ၎င်းင်းတို့မှာ -
၁။ ဘုရားရှင်ရှေ့၌ မျက်နှာရသောသူ၊
၂။ လူအများတို့ရှေ့၌ ပုံစံနမူနာ ကောင်းဖြင့် စံပြုထိုက်သူဟူ၍ ဖြစ်သည်။ ထို့ကြောင့် ကျွန်ုပ်တို့သည် မတည်မြဲသည့် လောကီဥစ္စာများနှင့် အာဏာတန်ခိုးများကို ပိုင်ဆိုင်လာရသည့်အခါတွင် ၎င်းင်းတို့ အပေါ်၌ အလွန်အကျွံ တပ်မက်စွဲလန်း စိတ်များကင်းပြီး ထိုဂုဏ်အတုအယောင်များ၌ သတိတရားအားဖြင့် ကျင့်ကြံ၍ "စံ"အဖြစ် ပုံဆောင်နေထိုင်သွားရန်ပင် အရေးကြီးလှပါတော့သည်။
Align Right

ဂျွန်သွီ (မော်လမြိုင်)

Read More...