Sunday, May 9, 2010

စိန်အန်ထော်နီ

စိန်အန်ထော်နီ


အကြီးအကဲကလည်း ရှောရှောရှူရှူပဲ ခွင့်ပြုလိုက်ပါတယ်။ ဒါပေမဲ့ ဘုရားရှင်ရဲ့စီမံကိန်းမှာတော့ အန်ထော်နီဟာ အီတလီနိုင်ငံနဲ့ ပြင်သစ်နိုင်ငံတွေမှာ သာသနာပြုဖို့နဲ့ အဲဒီမှာ ၀ိညာဉ်အတော်အများကို ဘာသာတရားဖက်မှာ ဆွဲဆောင်နိုင်မဲ့အကြောင်း ဖြစ်ပါတယ်။

အန်ထော်နီဟာ အာဖရိကတိုက် ကိုရောက်တာနဲ့ ငှက်ဖျားမိလေရော၊ ဘာဆေးသောက်လို့မှ မသက်သာတဲ့အဆုံး တပ်ခေါက် ပြန်ခဲ့ရပါတော့တယ်။ အပြန် လမ်းမှာတော့ အန်ထော်နီစီးလာတဲ့ သင်္ဘောဟာအီတလီပြည် "စီစီလီကျွန်း"နား အရောက်မှာ ပျက်စီးခဲ့ပါတယ်။ ဒါကြောင့် အန်ထော်နီဟာစီစီလီကျွန်းမှာ သောင်တင်ခဲ့ပါတော့တယ်။ အဲဒီမှာ ခေတ္တနားနေရင်း စိန်ဖရန်စစ်က သူ့အသင်းရဲ့ ဂိုဏ်းလုံးကျွတ်အစည်းအဝေးကြီးကို အစီစီမြို့မှာ ကျင်းပတာနဲ့ကြုံခဲ့တယ်။ ဒါကြောင့် စိန်အန်ထော်နီဟာ အခြားအဖေါ်တွေနဲ့ အတူ အစီစီမြို့ကို ခရီးဆက်လိုက်တယ်။ အဲဒီအစည်းအဝေးကြီးကနေ ရသေ့အချို့ကို အပြောင်းအရွေ့လုပ်ခဲ့တယ်။


ဒါကြောင့် စိန်အန်ထော်နီဟာ မွန်တေပါအိုလိုမြို့ကို စေလွှတ်ခံခဲ့ရတယ်။ အဲဒီမှာ စိန်အန်ထော်နီဟာ ကိုရင်ကြီးများအတွက် နေ့စဉ်မစ္ဆားပူဇော်ပေးခဲ့ရတယ်။ သူ့ကိုသူ ဘာမှအသုံးမကျတဲ့သူ၊ လူဖျင်းတစ်ယောက်လို့ ယူဆခဲ့တယ်။ ဒါကြောင့် ရသေ့ကျောင်းရဲ့ အောက်ချေသိမ်းအလုပ်တွေကို ပျော်ပျော်ရွှင်ရွှင်နဲ့ပဲ ဒိုင်ခံလုပ်ခဲ့ပါတယ်။ အထူးသဖြင့် ကြမ်းတိုက်၊ တံမြက် စည်းလှည်းခြင်း၊ ဖုန်သုတ်၊ ပန်းကန်ဆေး၊ အလုပ်တွေပေါ့။ ဒါပေမဲ့လို့ အန်ထော်နီဟာ သူ့ရဲစိတ်ပညာကို ဘယ်တော့မှထင် ထင်ပေါ်ပေါ်မပြဘူး။ ဒါမှလည်း အဖော် ရသေ့တွေဟာ သူ့ကိုပညာမတတ်သူ၊ ရိုးရိုးသားသားနဲ့ ဘုရားတရားကြည်ညိုသူလို့ ယူဆကြမှာဖြစ်တယ်။ သူဟာ တစ်ကျောင်းလုံးရဲ့ အောက်ခြေသိမ်းအလုပ်တွေကို တစ်ယောက်ထဲ သိမ်းကြုံးလုပ်လေ့ရှိတယ်။ အဲဒါဟာ အန်ထော်နီအကြိုက်ပဲ။ သူ့ကိုပညာ မတတ်သူ၊ အသုံးမကျသူလို့ ထင်ခံရလေ၊ အကြိုက်တွေ့လေပဲ။ သူ့ကိုချီးမွမ်းတာ၊ မြှောက်စားတာကို သူနှစ်မသက်ဘူး။

အဲဒီအချိန်လောက်မှာ ဖရန်စစ် စကင်ရသေ့အများပိုင်းကို ရဟန်းသိက္ခာ ခံယူဖို့ဆရာတော်ကြီးဖိုလီ(Foli)ဆီ စေလွှတ်ခဲ့တယ်၊ ဒိုမီနီကန်ရသေ့ တချို့ လည်းပါဝင်ခဲ့ကြတယ်။


အန်ထော်နီဟာ သူ့အကြီးအကဲနဲ့အတူ ဒီသိက္ခာတင်ပွဲတော်ကြီးကို အဖော်အဖြစ် လိုက်ပါခဲ့ပါတယ်။ အကြီးအကဲတွေက ဒိုမီနီကန်ရသေ့တစ်ပါးပါးကို ဒီရဟန်း သိက္ခာတင်ပွဲတော်မှာ သြ၀ါဒပေးဖို့ တောင်းဆိုခဲ့တယ်။ ဒါပေမဲ့ ဘယ်သူမှကြို တင်မပြင်ဆင်ခဲ့ကြလို့ အသည်းအသန် ငြင်းပယ်ခဲ့ကြတယ်။ ဒါကြောင့် နောက်ဆုံး တော့အကြီးအကဲက အန်ထော်နီကို "ကဲ အန်ထော်နီရေ၊ မင်းပဲ သန့်ရှင်းသော ၀ိညာဉ်တော်ဘုရားရဲ့လှုံ့ဆော်သမျှကို ပြောပေရော့" လို့ တာဝန်ပေးလိုက်ပါတယ်။ ဒါကတော့ သူ့ရဲ့နှိမ့်ချခြင်းပါရမီကို စမ်းသပ်လိုက်သလိုပါပဲ။ စိန်အန်ထော်နီဟာလည်း နာခံခြင်းအပြည့်အ၀နဲ့ အကြီးအကဲစေခိုင်းချက်ကို ကျိုးကျိုးနွံနွံနဲ့ လက်ခံခဲ့တယ်။


စိန်အန်ထော်နီရဲ့ သြ၀ါဒဟာ ရိုးရိုးရှင်းရှင်းလေးပါ။ စိန်အန်ထော်နီဟာ သမ္မာကျမ်းစာတွေကို လေးလေးနက်နက်နဲ့အဓိပ္ပါယ် ရှင်းရှင်းလင်းလင်း ဟောနိုင်၊ ပြောနိုင်လို့ တရားနာပရိသတ်တွေအားလုံး ဟာ တအံ့တသြနဲ့မိန်းမောတွေဝေသွားစေ ခဲ့တယ်။


အဲဒီသြ၀ါဒကို လက်တန်းပြော တယ်ဆိုရင်ဘယ်သူမှ ယုံနိုင်ကြမှာမဟုတ်ဘူး။ သေသေချာချာကျကျနနပြင်ဆင်ပြီး ပြောရင်တောင် ဒီလောက်ကောင်းမှာမ ဟုတ်ပါဘူး။ အန်ထော်နီဟာပါမွှား ရသေ့တော့မဟုတ်ဘူး။ ၀ိညာဉ်တော်ဘုရားရဲ့ အသုံးပြုခြင်းခံရသူ တစ်ဦးဆိုတာ ပိုပြီးနား လည်သဘောပေါက်လာကြပါတယ်။


အဲဒီသိက္ခာတင်ပွဲကြီး နောက်ပိုင်းမှာတော့ အကြီးအကဲက စိန်အန်ထော်နီကို မီးဖိုချောင်မှာ မ၀င်ခိုင်းတော့ဘူး။ အဲဒီ တနယ်လုံးမှာ တရားလှည့်လည်ဟောဖို့ အထူးတာဝန်တစ်ရပ်အနေနဲ့ပေးအပ်ခဲ့ပါတယ်။ အဲဒီအလုပ်သာလျှင် သူနဲ့ကိုက် ညီတဲ့အလုပ်ဆိုတာကိုလည်း သိလာကြတော့တယ်။ စိန်အန်ထော်နီတရားဟော ကောင်းကြောင်းတွေ၊ သူဟောလိုက်ရင် တရားနာပရိသတ် တစ်ထိုင်တည်းတရား ကျသွားတာတွေ၊ အကျင့်ပြောင်းသွားတာတွေ၊ အကျွတ်တရားရသွားတာတွေကို ကြားရတော့ စိန်ဖရန်စစ်က ဘာပွဲရှိရှိ၊ ဘာ အခမ်းအနားရှိရှိ စိန်အန်ထော်နီကိုပဲ ဟော ခိုင်းပြောခိုင်းပါတော့တယ်။


"တရားဟောပြီး သာသနာပြုသူ" Appostolic Preacher
အခုအချိန်မှာတော့ စိန်အန် ထော်နီဟာ သူ့ဘ၀ကို တရားဟောခြင်း အမှုမှာ လုံးလုံးကြီးမြှပ်နှံလိုက်ပါတော့တယ်။ လူတွေအုပ်စုလိုက်ချီပြီး သူ့တရားဒေသနာတော်ကို လာရောက်နာယူကြပါတယ်။ သူ့ရဲ့တရားဒေသနာတော်တွေ လာရောက်နာယူကြသူတွေကိုလည်း ဘုရား ရှင်ဟာ ထူးဆန်းအံ့သြဖွယ် တန်ခိုးလက္ခ ဏာများဖြင့် ပံ့ပိုးပေးခဲ့ပါတယ်။

တစ်ခါတုန်းက စိန်အန်ထော်နီရဲ့ တရားပွဲကိုသွားရောက်နာယူမဲ့ အမျိုးသမီးတစ်ဦးကို ဘုရားတရားမရှိတဲ့သူ့ခင်ပွန်းက တားဆီးပိတ်ပင်ကာ ခွင့်မပြုခဲ့ဘူး။ ဒါကြောင့် ဒီအမျိုးသမီးဟာအိမ်ရဲ့အပေါ် ထပ်ကိုတက်ကာ စိန်အန်ထော်နီရှိတဲ့ အရပ်ဘက်က ပြတင်းပေါက်နားမှာ ထိုင်ခုံ တစ်လုံးနဲ့ထိုင်ပြီး တရားနာယူခဲ့သတဲ့။ သူ့အိမ်နဲ့ စိန်အန်ထော်နီတရားဟောတဲ့ နေရာဟာ လေးမိုင်လောက်ဝေးခဲ့တယ်။ ဒါပေမဲ့ အဲဒီအမျိုးသမီးဟာ သူ့အိမ်ပြတင်း ပေါက်ကနေ တရားနာနေသော်လည်းပဲ စိန်အန်ထော်နီဟာ သူ့အနီးအနားမှာ ရပ်ပြီးတရားဟောနေသလို၊ တရားဟောချက် အားလုံးကို ကြည်ကြည်လင်လင် ပြတ်ပြတ် သားသားကြားရသတဲ့။ ဒါကြောင့် အဲဒီ အမျိုးသမီးဟာ သူ့ယောက်ျားကိုအကျိုး အကြောင်းပြောပြတော့ သူ့ယောက်ျား ကိုယ်တိုင်အပေါ်ထပ်တက်ပြီး တရားနာ ကြည့်သတဲ့။


သူ့မိန်းမပြောတဲ့အတိုင်း စိန်အန် ထော်နီအသံကို ပြတ်ပြတ်သားသားကြားရသတဲ့။ အဲဒီနောက်မှာ အဲဒီအမျိုးသားလည်း ဘာသာထဲဝင်လာပါတော့တယ်။


နောက်ထပ် အမျိုးသမီးကြီးတစ်ဦး ကတော့ စိန်အန်ထော်နီရဲ့တရားနာချင်လွန်းလို့ သူ့ရဲ့နို့စို့ကလေးလေးကို အိမ်မှာ တစ်ဦးတည်း သိပ်ထားခဲ့ပြီး တရားနာခဲ့သတဲ့။


အဲဒီလို စိန်အန်ထော်နီရဲ့တရားကို လာရောက်နာယူနေတဲ့အချိန်မှာအိမ်က ကလေးဟာ ဆော့ရင်းနဲ့ ရေနွေးအိုးထဲကျ သွားသတဲ့။ ထုံးစံအတိုင်းကတော့ ပွက်ပွက်ဆူတဲ့ ရေနွေးအိုးထဲကျသွားတဲ့ ကလေးရဲ့အသက်ဟာ ဘယ်နည်းနဲ့မှပြန်ရှင်လာနိုင်စရာ အကြောင်းမရှိဘူး။ ဒါပေမဲ့ အဲဒီ အမျိုးသမီးဟာ စိန်အန်ထော်နီတရားကိုနာ ပြီးပြန်လာတော့ သူ့ရဲ့ရင်သွေးဟာ ပွက်ပွက်ဆူနေတဲ့ ရေနွေးအိုးထဲမှာ ရေအေးနဲ့ ကစားနေသလို ဘာဝေဒနာမှမခံစားရဘဲ ရေနွေးနဲ့ဆော့နေတာကိုတွေ့ရသတဲ့။

တတိယအမျိုးသမီးကြီးကတော့ စိန်အန်ထော်နီရဲ့တရားကိုနာပြီး အိမ်ပြန်ရောက်တော့ ပုခက်ထဲက ကလေးဟာ အသက်မရှိတော့တာကို တွေ့လိုက်ရတယ်။ ဒီအမျိုးသမီးကချက်ချင်းပဲ အန်ထော်နီဆီ ပြန်ပြေးလာကာ အကူအညီတောင်းခဲ့တယ်။ အန်ထော်နီကလည်း ခရစ်တော်က လူတစ်ရာတပ်မှူးကိုပြောလိုက်သလို "အိမ်ကို အမြန်သာသွားပါ၊ သင့်သားငယ် မသေပါဘူး "လို့ပြောလိုက်တယ်။

ဒီအမျိုးသမီးဟာလည်း စိန်အန်ထော်နီပြောသမျှကို တထစ်ချယုံကြည်ပြီး အိမ်ပြန်သွားခဲ့တယ်။ အိမ်ပြန်ရောက်တော့ သူ့ရဲ့ကလေးငယ်ဟာ အခြားကလေးဖော်တွေနဲ့ ဆော့ကစား နေတာကို တွေ့ရသတဲ့။


အန်ထော်နီရဲ့တန်ခိုးလက္ခဏာ အများပိုင်းဟာ သူတရားဟောနေတာနဲ့ ဆက်စပ်လျက်ရှိပါတယ်။ အထူးသဖြင့် ငါးတွေကို တရားဟောတဲ့အကြောင်းပဲဖြစ်ပါတယ်။ (၁၂၂၇) ခုနှစ်မှာ စိန်အန်ထော်နီဟာ နေရာအနှံ့ကိုလိုက်ပြီး တရားဟော တဲ့အခါမှာ ရိုမီနီဆိုတဲ့မြို့တစ်မြို့ကို ရောက်သွားသတဲ့။ အဲဒီမြို့သားတွေဟာ အသင်းတော်ကိုဆန့်ကျင်ပြီး အခြားဘက်ကိုစိတ် အားထက်သန်နေတဲ့အချိန်ဖြစ်တယ်။




ဘုန်းဘုန်းဂျော့ခ်ျ ခင်မောင်ထွေး