Wednesday, May 19, 2010

ခေတ်သစ်နည်းပြ ရဟန္တာ "ဂျိုဆေမာရီယာ အက်စ်ခရီးဗာ"


ခေတ်သစ်နည်းပြ ရဟန္တာ "ဂျိုဆေမာရီယာ အက်စ်ခရီးဗာ"

"ဂျိုဆေမာရီယာ အက်စ်ခရီးဗာ" သူဟာ ရဟန်းဘုန်းတော်ကြီး တစ်ပါးပါ။ စစ်ပြေးဒုက္ခနဲ့ ရင်းနှီးကျွမ်းဝင်ခဲ့သူဖြစ်သလို ကမ္ဘာအနှံ့ခြေဆန့် သွားလာခဲ့သူလည်းဖြစ်တယ်။ ရှေ့နေလည်း လုပ်ဖူးသလို စာများစွာ ရေးသားထုတ်ဝေခဲ့တဲ့ စာရေးဆရာတစ်ဦး လည်းဖြစ်တယ်။ ဆောက်လုပ်ရေး ဗိသုကာပညာကို နှစ်သက်ပြီး ဂီတကိုလည်း မြတ်နိုးသူပါ။ မြို့ပြကို ခင်တွယ်တတ်သလို ကျေးလက်တောရွာမှာလည်း ပျော်ရွှင်စွာ နေထိုင်တတ်တဲ့ ရဟန်းတစ်ပါးဖြစ်ပါတယ်။ ဒီလို သူ့ရဟန်းဘ၀ကို အသားပေးတင်ပြခြင်းကတော့ သူ့လို ရဟန်းတစ်ပါးရဲ့ ဘ၀အခြေအနေကသာ ရဟန္တာဖြစ်နိုင်တယ်လို့ မီးမောင်းထိုးပြချင်တာမျိုး မဟုတ်ဘဲ၊ သာမန်လူဘယ်သူမဆို ရေပိုက်ပြင်သမားပဲဖြစ်ဖြစ်၊ လျှပ်စစ်ပြင်သမားပဲ ဖြစ်ဖြစ်၊ အိမ်ဆောက်သူ၊ ရှေ့နေ၊ ဈေးသည်၊ ကျောင်းသား၊ အိမ်ဖော်၊ အိမ်ထောင်သည်၊ လူလွတ်ဘယ်လိုလူမျိုးပဲဖြစ်စေ ကမ္ဘာပေါ်မှာ နေထိုင်သွားလာ လှုပ်ရှားရင်းနဲ့ သူတို့ရဲ့ လုပ်သမျှအလုပ်လေးတွေကို ဘုရားသားသမီးတွေအနေနဲ့ ဖြည့်ဆည်းသွားကြရင် အားလုံးသောသူတိုင်း ရဟန္တာဖြစ်နိုင်ကြတယ် ဆိုတာပါပဲ။
ဂျိုဆေမာရီယာ အက်စ်ခရီးဗာက အလုပ်လုပ်ရတာ သိပ်ကိုကြိုက်နှစ်သက်တဲ့သူပါ။ အကျိုးအမြတ်ကို တွက်ချက် ရည်မှန်းပြီးလုပ်တဲ့ လုပ်ငန်းသဘောမျိုးတော့ လုံးဝ မဟုတ်ပါဘူး။ "နေ့စဉ် လုပ်သော အလုပ်များအားဖြင့် သန့်ရှင်းစင်ကြယ်သော ဘ၀ရနိုင်ခြင်း" ဆိုတဲ့ ဂျိုဆေမာရီယာအက်စ်ခရီးဗာရဲ့ ဆိုလိုရင်းက "အလုပ်တစ်ခုကို လူသားတစ်ဦးရဲ့ ဥာဏ်ကုန်သုံးပြီး အကောင်းဆုံး ဖြစ်အောင်လုပ်မယ်။ အဲဒီလို အလုပ်မျိုးကို ဘုရားဂုဏ်တော်အတွက် ပူဇော်ပြီး လူသားကောင်းကျိုးအတွက် အသုံးတော်ခံမယ်" ဆိုတဲ့ ပုံစံနည်းလမ်းနဲ့ပါ။ သူ့ရဲ့ဘ၀ပေးတဲ့ သင်ခန်းစာကတော့ အသေခံစရာမလိုဘဲ၊ ခြင်္သေ့လှောင်အိမ်ထဲ ပစ်ထည့်မခံရဘဲ၊ ရသေ့ကျောင်းမှာ နံရံအလုံပိတ် တရားမကျင့်ဘဲနဲ့လည်း
- နေ့တိုင်းလုပ်နေကျ အလုပ် လုပ်ရင်း
- ကိုယ့်တာဝန်ကို အချိန်မီပြီးစီး အောင်လုပ်ရင်း
- တံမျက်လှည်း၊ ကလေးအနှီး လျှော်၊ ဈေးရောင်းရင်း၊
- ညှိုးငယ်နေတဲ့သူကို အပြုံးလေးတစ်ချက်နဲ့အားပေးရင်း ရဟန္တာဖြစ်နိုင်ကြတယ် ဆိုတဲ့ အချက်ပါ။
သူ့အဆိုတစ်ခုက "သေးငယ်တဲ့ အရာတွေကို အချစ်ကြီးကြီးနဲ့ လုပ်လိုက်တဲ့အခါ ဘုရားရှေ့တော်မှာ ကြီးကျယ်တဲ့ အရာတစ်ခုဖြစ်သွားတယ်" တဲ့။ သူဟာ ဘုရားကိုချစ်သလို ကမ္ဘာကြီးကိုချစ်တဲ့သူပါ၊ သူ့လိုပဲ လုပ်ကြလို့ပြောလေ့ရှိပါတယ်။ လုပ်ငန်းမျိုးစုံလုပ်နေတဲ့ လူဝတ်ကြောင်တွေကို ဂျိုဆေမာရီယာအက်စ်ခရီးဗာ အားပေးတိုက်တွန်းလေ့ရှိတဲ့ စကားက "လုပ်ငန်းခွင်မှာဖြစ်ဖြစ်၊ ဘယ်နေရာမှာဖြစ်ဖြစ် ကျွန်ုပ်တို့ရဲ့ လုပ်ဖော်ကိုင်ဖက်တွေ၊ မိတ်ဆွေတွေ၊ အမျိုးတွေနဲ့ရင်ဘောင်တန်းပြီး အတူတကွ လှုပ်ရှားနေကြရင်း သူတို့ စိတ်ဝင်စားစရာလေးတွေကို ပြောဆိုရင်း သူတို့ကို ခရစ်တော်နဲ့ပိုနီးလာအောင် လုပ်ဆောင်ကြရမယ်။ အရင်ဆုံးတော့ သင့်ရဲ့စရိုက်၊ အမူအကျင့်နဲ့ အရင်ဟောပြီး နောက်မှ နှုတ်ကပတ်တော်နဲ့ ဟောကြားပါ။ လူဝတ်ကြောင်တွေဟာ နေရာတကာ ထိုးဖောက်နိုင်တဲ့ သာသနာပြုတွေ ဖြစ်တယ်ဆိုတာ မမေ့ပါနဲ့" ဆိုတာပါပဲ။ လူဝတ်ကြောင်တွေကို အတွင်းစိတ်နဲ့ ဆုတောင်းတတ်ဖို့၊ နေ့စဉ်မစ္ဆားနာယူဖို့၊ အာပတ်မှန်မှန်ဖြေဖို့၊ နှုတ်ကပါတ်တော် ကျမ်းစာဖတ်ရှုဖို့စတဲ့ ခရစ်ယာန်ကျင့်စဉ်များကို လုပ်နိုင်သမျှလုပ်ဖို့လည်း အားပေးကူညီလေ့ရှိပါတယ်။ ဂျိုဆေမာရီယား အက်စ်ခရီးဗာဟာ လူတွေဆီက ကြီးကျယ်ပြင်းထန်တဲ့ စွန့်လွှတ်ခြိုးခြံမှုတွေ မတောင်းဆိုပါဘူး။ လုပ်တတ်ရင် မြတ်တယ်ဆိုသလို ပေးဆပ်တဲ့ အသက်တာမျိုးကို မိမိတို့လုပ်သမျှ သေးငယ်တဲ့ ခြိုးခြံခြင်းများအားဖြင့် ရရှိနိုင်ကြပါတယ်လို့ ပြောလေ့ရှိပါတယ်။ ဥပမာ - "ကျလာတဲ့ တာဝန်ကိုကျေအောင် ဆောင်ရွက်လိုက်ခြင်း၊ သူများအတွက် စိတ်သက်သာရာရစေတဲ့ ဆက်ဆံမှုပေးခြင်း၊ စားသောက်တဲ့အခါ မသိမသာအနည်းငယ် ခြိုးခြံမှုပြုခြင်း၊ နည်းနည်းပါးပါး စွန့်ကြဲပေးကမ်းခြင်း၊ အနည်းအကြဉ်းသော အပျော်အပါးအချို့ကို စွန့်ပယ်ချုပ်တီးခြင်း၊ စတာတွေလောက်ပါပဲ" လို့အကြံပေး တိုက်တွန်းလေ့ရှိသူပါ။
ဂျိုဆေမာရီ အက်စ်ခရီးဗာရဲ့ ဘ၀ခရီးစဉ်အကျဉ်းကတော့
- ၁၉၀၂ - ဇန်န၀ါရီလ ၉-ရက် နေ့၊ စပိန်ပြည် ဘာဘာစ်ထရိုမြို့မှာ မွေးဖွားပြီး၊
- ၁၉၁၂ - မှာ ပထမကိုယ်တော်မြတ်ယူခဲ့၊
- ၁၉၂၂ - မှာ ရဟန်းဖြစ်သင်ကျောင်းဝင်ခဲ့၊
- ၁၉၂၅ - မတ်လ ၂၈-ရက်၊ ရဟန်းသိက္ခာခံယူခဲ့၊
- ၁၉၂၇ - မှာ ရဟန်းဘ၀နှင့်ပင် တရားဥပဒေဆိုင်ရာ ဒေါက်တာဘွဲ့ရအောင်ယူခဲ့၊
- ၁၉၂၈ မှာ ရဟန်းဘုန်း တော်ကြီး အသင်းအဖွဲ့တစ်ခုဖြစ်သော (Opus Dei) ကို တည်ထောင်ခဲ့၊
- ၁၉၃၆ - မှာ စပိန်ပြည်တွင်း စစ်ဖြစ်ကာ အသင်းတော်ကို (အထူးသဖြင့်) ရဟန်းတွေကို လိုက်လံချေမှုန်းခြင်း ပြင်းထန်နေချိန်၍ စစ်ပြေးအဖြစ်ပုန်း ရှောင်နေရင်း ရဟန်းတာဝန်များ တက်ကြွစွာထမ်းဆောင်ခဲ့၊
- ၁၉၄၆ - မှာ ပေါ်တူဂီ၊ အီတလီ၊ ဗြိတိန်၊ အမေရိကသို့တိုင်ကျယ်ပြန့်လာသော Opus Dei လုပ်ငန်းများပိုမို ဆောင်ရွက်နိုင်ရန် ရောမမြို့သို့ ပြောင်းရွှေ့လာပြီး စွမ်းစွမ်းတမံတာဝန်ထမ်းဆောင်နေခဲ့ရင်း
- ၁၉၇၅ ဇွန်လ ၂၆- ရက်နေ့ အသက် (၇၃) နှစ်အရွယ်တွင် ရောမမြို့၌ပျံလွန်ခဲ့။
၁၉၇၅ မှ ၁၉၈၁ တိုင်အောင် ဂျိုဆေမာရီယာ အက်စ်ခရီးဗာအား ရဟန္တာတင်မြှောက်နိုင်ဖို့ အဆိုကို သီလရှင်အသင်းဂိုဏ်းများမှ အကြီးအကဲ (၄၁) ပါး၊ ဆရာတော် (၉၈၇) ပါး၊ ဂိုဏ်းချုပ်ဆရာတော် (၂၄၁) ပါး၊ ကာဒီနယ် (၆၉) ပါး အပါအ၀င် လူပေါင်း (၆၀၀၀)ခန့်တို့မှ ရဟန်းမင်းကြီးထံ တောင်းခံတင်သွင်းခဲ့ကြတယ်။ ၁၉၈၁ - ခုနှစ်မှာ ရဟန်းမင်း ကြီးက ရဟန္တာတင်မြှောက်နိုင်ဖို့ လုပ်ငန်းစဉ်ကို စတင်စုံစမ်းဖော်ထုတ်စေပြီး ၁၉၉၂-၂၀၀၁ အတွင်း ဂျိုဆေမာရီယာ အက်စ်ခရီးဗာပြခဲ့တဲ့ တန်ခိုးလက္ခဏာများကို အသင်းတော်ကနေ အတည်ပြုပေးခဲ့တဲ့ နောက်ရဟန်းမင်းကြီး ဒုတိယမြောက် ယောဟန်ပေါလူးကနေ ရောမမြို့၊ စိန်ပီတာရင်ပြင်မှာ ဂျိုဆေမာရီယာ အက်စ်ခရီးဗာကို သူတော်စင်ဖြစ်တယ်လို့ ကြေညာတာကတော့ ၁၉၉၂ ခု၊ မေ ၁၇ ရက်နေ့မှာ ဖြစ်ပါတယ်။ ဂျိုဆေမာရီယာ အက်စ်ခရီးဗာကို ရဟန္တာတင်မြှောက်နိုင်စေတဲ့ တန်ခိုးလက္ခဏာများအနက် တစ်ခုကတော့ ဆရာဝန်များ လက်လွှတ်ထားရတဲ့ အိပ်စ်ရေးရောင်ခြည် ထိတွေ့မှုများလွန်းခြင်းကြောင့်ဖြစ်တဲ့ စပိန်ပြည်က အရေပြားရောဂါသည် "မဲန် နျူယယ်နေဗာဒိုရေး"ရဲ့ ရောဂါကို ချက်ချင်းပျောက်သွားစေခဲ့တာ အပါအ၀င်ဖြစ်ပါတယ်။
၂၀၀၂ - ခုနှစ် အောက်တိုဘာ ၆- ရက်မှာတော့ စိန်ပီတာရင်ပြင်ကနေပဲ ရဟန်းမင်းကြီး ဒုတိယမြောက် ယောဟန်ပေါလူးဟာ ဂျိုဆေမာရီအက်စ်ခရီးဗာကို ရဟန္တာတစ်ပါးအဖြစ် တင်မြှောက်ကြောင်း ကြေညာခဲ့ပါတယ်။ ဂျိုဆေမာရီယာ အက်စ်ခရီးဗာကို ရဟန္တာတင်မြှောက်ခြင်းအခမ်းအနားမှာ နိုင်ငံပေါင်း ၈၄- နိုင်ငံလောက်က လူပေါင်း သုံးသိန်းခန့် ပါဝင်တက်ရောက်ခဲ့ကြတယ်။ ရဟန္တာဂျိုဆေမာရီယာ အက်စ်ခရီးဗာဟာ ရဟန်းမင်းကြီး ဒုတိယမြောက်ယောဟန် ပေါလူးက တင်မြှောက်ခဲ့ပြီးတဲ့ ရဟန္တာ ပေါင်း ၄၆၅ - ပါးထဲက၊ ၄၈ - ပါးမြောက် ရဟန္တာဖြစ်ပါတယ်။
ဂျိုဆေမာရီယာ အက်စ်ခရီးဗာ ကနေ ၁၉၂၈ - ခုနှစ်မှာ စတင်ဖွဲ့စည်း တည်ထောင်ခဲ့တဲ့ Opus Dei ဘုန်းတော်ကြီး အသင်းတော်အဖွဲ့ရဲ့ အဓိကရည်ရွယ်ချက်ကတော့ လုပ်ငန်းအမျိုးမျိုးလုပ်ရတဲ့ အမျိုးသား၊ အမျိုးသမီးတွေဟာ သန့်ရှင်းခြင်း ဘ၀တာရစေဖို့ ဘုရားကခေါ်တယ်ဆိုတာကို ဘ၀မှာ ထင်ထင်လင်းလင်း သတိထားမိလာစေဖို့ဖြစ်ပါတယ်။ မိမိတို့ ကျရာတာဝန် ထမ်းဆောင်လုပ်ကိုင်နေတဲ့ လူမှုနယ်ပယ်ဒေါင့်အသီးသီးမှာ ထိုးဖောက်ပြီး ဧ၀ံဂေလိတရားနဲ့ မိမိရဲ့ယုံကြည်ခြင်းကို ဖြန့်ဝေကြစေဖို့ပါ။ Opus Dei ဘုန်းတော်ကြီးအသင်းဂိုဏ်းဟာ လူဝတ်ကြောင်တွေလည်းပါဝင်နိုင်တဲ့ အသင်းအဖွဲ့တစ်ခု ဖြစ်တာကြောင့် Opus Dei အသင်းဂိုဏ်းဟာ လူဝတ်ကြောင်တို့နဲ့သက်ဆိုင်တဲ့ အဖွဲ့အစည်းကြီး တစ်ခုလည်းဖြစ်ပါတယ်။ Opus Dei ဆိုတာ လက်တင်စကားလုံး ဖြစ်ပြီး "ဘုရားရဲ့လုပ်ငန်း"လို့ အဓိပ္ပာယ်ရပါတယ်။ ဂျိုဆေမာရီယာ အက်စ်ခရီးဗာရဲ့ အကြံပေးချက်တွေကဖြင့် အလုပ်ရှုပ်လွန်းလို့ တရားဟောဖို့၊ ဘုရားရှိခိုးဖို့၊ သက်သေခံဖို့တွေ မလုပ်အားပါဘူးလို့ ဆင်ခြေတက်တတ်တဲ့ ဒီခေတ်ရာစုလူသားတွေအတွက် ဖြေဆေးတစ်ဆူပင် ဖြစ်နေပါတယ်။ ဂျိုဆေမာရီယာအက်စ်ခရီးဗာပြောသလို ဒီကမ္ဘာပေါ်မှာ လူတိုင်းသန့်ရှင်းတဲ့ ရဟန္တာဖြစ်ဖို့ ဘုရားကထားရှိရခြင်းဖြစ်တယ်ဆိုတာ ဟာလည်း အင်မတန်စူးရှတဲ့ အလင်းတန်းတစ်ခုနဲ့ ညွှန်ပြနေခြင်းပါပဲ။ အချိန်တိုင်း နေရာတိုင်းမှာ အသေးငယ်ဆုံးသော အရာကစပြီး အကောင်းဆုံး လုပ်သွားကြခြင်းအားဖြင့် အမှန်တကယ်ပင် သင်နဲ့ကျွန်ုပ်တို့ဟာ ရဟန္တာလောင်းများဖြစ်ကြတယ် ဆိုတာ ယုံကြည်ဝံ့စေပါတယ်။
ဂျိုဆေမာရီယာ အက်စ်ခရီးဗာနဲ့ တွေ့ဆုံဖူးသူတွေရဲ့ ရင်ဖွင့်သံများကလည်း စိတ်ဝင်စားစရာကောင်းပါတယ်။ နယူးယောက်မြို့သူ ဂျင်နီမာရေးရဲ့ ပြောပြချက်က "ဂျိုဆေမာရီယာ အက်စ်ခရီးဗာရဲ့ သြ၀ါဒတွေ၊ သူရေးတဲ့စာအုပ်တွေအားဖြင့် ဘုရားသခင်ဟာ ကျွန်မတို့ ကမ္ဘာမြေပေါ် မှာ လူသားတစ်ဦးစီတိုင်းအတွက် စောင်မစောင့်ရှာက်ပေးနေသော အလွန်ချစ်ဖွယ်ကောင်းတဲ့ ဖခင်ဖြစ်တယ်ဆိုတာ လုံးဝ သိလာရပါတယ်။ အမှန်ပဲ ဘုရားသခင်ဟာ ကျွန်မတို့ကို တစ်ဦးတည်းသော သားသမီးကို ချစ်သလိုချစ်တာပါ။ အဖဘုရားဟာ ကျွန်မတို့သားသမီးများအတွက် အကောင်းဆုံးဖြစ်စေဖို့သာ လိုလားတော်မူတယ် ဆိုတာတွေကို သိနားလည်လာတာ၊ ကျေးဇူးတင် နှစ်သက်လာရတာကတော့ ဂျိုဆေမာ ရီယာအက်စ်ခရီးဗာကြောင့်ပါ" လို့ဆိုပါတယ်။ Dia Boyle ကတော့ "ကျွန်မကို တွေ့တွေ့ခြင်းပဲ ဂျိုဆေမာရီယာအက်စ် ခရီးဗာဟာ မယုံနိုင်စရာကောင်းလောက်အောင် လေးနက်တဲ့အမူအရာနဲ့ ကျွန်မအပေါ် စူးစိုက်ကြည့်ပြီး (မင်းကို ဘုရားသခင်က ဒီကမ္ဘာမြေပေါ်မှာ ချောမောတင့်တယ်သူ၊ အောင်မြင်တဲ့ စွမ်းဆောင်နိုင်သူ ဖြစ်ရုံမျှအတွက်ရှိနေစေတာ မဟုတ်ဘူးနော်)လို့ ပြောပါတယ်။ သူဆိုလိုဟန်ရှိတာက မင်းဟာ ဘုရားရဲ့သမီးဖြစ်တယ်။ ဒီကမ္ဘာမြေပေါ်မှာ ကောင်းတဲ့သူဖြစ်ဖို့၊ သူတော်စင်ရဟန္တာဖြစ်ဖို့ ရှိနေတာဖြစ်တယ်လို့ ကျွန်မဒီလို နားလည်ခံယူလိုက်ပါတယ်" လို့ပြောပြတယ်။
နောက်တစ်ယောက်က Paul Barbara ဆိုသူပါ။ လော့စ်အိန်ဂျယ်မှာ နေထိုင်သူဖြစ်ပါတယ်။ "ကျွန်တော်ဟာ မီးသတ်သမားတစ်ယောက် အနေနဲ့အထိတ်တလန့် အခြေအနေတွေ၊ အနာတရဖြစ်နေသူတွေ၊ အသက်ငင်နေတဲ့ သူတွေ စတဲ့ အရေးပေါ် ကိစ္စတွေအတွက် အမြဲစေလွှတ် ခံရလေ့ရှိပါတယ်။ ဒီလို လူတွေကို နှစ်သိမ့်ဖို့ရန်မှာ ကျွန်တော့်အဓိက တာဝန်လို့ ခံယူပြီး အတတ်နိုင်ဆုံး ကူညီအားပေးတယ်။ အတွင်းစိတ်ထဲကနေ ဆုတောင်းပေးပါတယ်။ အထူးသဖြင့် အလားအလာ မကောင်းတဲ့အခြေအနေ တွေ့ကြုံချိန်မှာ ပိုဆုတောင်းပေးမိပါတယ်။ ကျွန်တော်ဒီလို လုပ်တတ်လာတာကတော့ Opus Dai အသင်းဂိုဏ်းတည်ထောင်သူ ဂျိုဆေ မာရီယာအက်စ်ခရီးဗာရဲ့ သွန်သင်သတိပေးမှုတွေကြောင့်ပါ။ သူဟာ ကျွန်တော်တို့ကို ဆုတောင်းခြင်းမှာ အားကိုးစေတယ်။ မယ်တော်နဲ့ ကောင်းကင်တမန်တော်တွေ ရဲ့ စောင့်ရှောက်ပေးမှုကိုလည်း တောင်းခံတတ်လာစေပါတယ်"လို့ သက်သေခံပြောဆိုခဲ့သူပါ။
ချီကာကိုမြို့သူ Julie Koening ကနေ ပြောပြတာက "Opus Dei အသင်းဂိုဏ်းနဲ့ ဂျိုဆေမာရီယာအက်စ်ခရီးဗာဟာ ကျွန်မဘ၀ရဲ့ အပိုင်းကဏ္ဍတစ်ခု ဖြစ်လာရခြင်းကတော့ ကျွန်မရဲ့ မိတ်ဆွေတစ်ယောက်ဟာ သူနဲ့အတူ အဲဒီဘုန်းတော်ကြီးတွေနဲ့ ဥပုသ်စောင့်ရာမှာ ပါဝင်ဖို့ ဖိတ်ခေါ်ရာကစပါတယ်။ ဒီအသင်းရဲ့ ပြုပြင်ပုံသွင်းပေးတဲ့ သင်တန်းသဖွယ်ဖြစ်တဲ့ ပို့ချချက်၊ ဥပုသ်ဆောက်တည်မှု၊ ဘုရားနဲ့ပေါင်းစပ်စေခြင်းစတဲ့ ၀ိညာဉ်ရေးကျင့်စဉ်တွေဟာ ကျွန်မကို ဘ၀ရဲ့ အစိတ်အပိုင်းအခြေအနေတိုင်းမှာ ဘုရားကို နေရာပေးတတ် လာစေတယ်။ ကျွန်မဟာ တနင်္ဂနွေဝတ်ကျေရုံ ခရစ်ယာန်တစ်ယောက် မဟုတ်တော့ပါဘူး"လို့ ပြောပြပါတယ်။
နယူးယောက်မြို့တော်က Dodie Briggs ကလည်း "ဒီအသင်းဂိုဏ်းကို ကျွန်မကြိုက်နှစ်သက်ရခြင်းရဲ့ အဓိကအချက်ကတော့ သူရဲ့ကျင့်စဉ်ဟာ သိပ်လက်တွေ့ဆန်လို့ပါပဲ။ ကျွန်မထင်ပါတယ်၊ လူတွေဟာ အမှန်တော့ သိပ်ကောင်းချင်ကြတာပါ။ ဒါပေမဲ့ရိုးစင်းတဲ့ နည်းလမ်းနဲ့ကောင်းလာနိုင်ကြတဲ့နည်းကို မသိကြလို့ပါ။ ဘုရားတရားရှိဖို့၊ ဖြောင့်မှန် စာနာတတ်ဖို့ဆိုတာတွေကို သီးခြားတိကျတဲ့ လမ်းညွှန်ချက်များ ဒီနေရာက ပြသပေးနေပါတယ်။ အကယ်၍ ဘာမှမလုပ်နိုင်တဲ့သူတောင်မှ ဒီအကြောင်းကို အခြားလူတွေအား ဝေငှပြောပြတာမျိုး လောက်တော့ လုပ်နိုင်ကြပါလိမ့်မယ်" လို့ ပြောခဲ့ပါတယ်။
Orange ခရိုင်မှာ နေထိုင်တဲ့ "လော်ရီ မောစ်လေ"ရဲ့ ပြောပြချက်ကလည်း တစ်မျိုးထူးခြားပါတယ်။ "ဂျိုဆေ မာရီယာအက်စ်ခရီးဗာဟာ ကျွန်တော့်ဘ၀မှာ အတော်ကို ထင်ထင်ရှားရှား သြဇာလွှမ်းခဲ့သူပါ။ သာမန် လုပ်ရိုးလုပ်စဉ် အရာတွေအားဖြင့် ရဟန္တာဘ၀ကို ရနိုင်တယ်ဆိုတဲ့ သူ့ရဲ့သတင်းစကားကို ကျွန်တော်ပထမဆုံး အကြိမ်ကြားရတာ လွန်ခဲ့တဲ့(၇)နှစ်လောက်ကပါ။ အဲဒီအချိန်မှာ ကျွန်တော်ဟာအသင်းတော် အပြင်ဖက်ကို လမ်းလွဲနေချိန်ပေါ့။ မိတ်ဆွေတစ်ယောက်ဆီက ဂျိုဆေမာရီယာ အက်စ်ခရီးဗာရဲ့ လမ်းစဉ်ကိုသိခွင့်ရပြီးနောက် မကြာခင်မှာပဲ ကျွန်တော်ဟာကက်သလစ်ကျင့်စဉ်ကို စောင့်ထိန်းလိုက်နာတဲ့ ဘာသာဝင်တစ်ဦးဘ၀ ပြန်ရောက်ခဲ့ပါတယ်။ ဂျိုဆေမာရီယာအက်စ်ခရီးဗာရဲ့ သာမန်အလုပ်လေးတွေကို ဘုရားဂုဏ်တော်အတွက် ရည်ရွယ်လုပ်ဆောင်ခြင်းဆိုတဲ့ အညွှန်းဟာ တကယ် လက်ဆုပ်လက်ကိုင်ရှိတဲ့နည်းပါ။ အဲဒါကပဲ ကျွန်တော့်ဘ၀ရဲ့ ကျင့်စဉ်ဖြစ်လာပါတော့တယ်" သက်သေခံခဲ့ပါတယ်။ ဂျိုဆေမာရီယာ အက်စ်ခရီးဗာကို ရဟန္တာတင်မြှောက်တဲ့နေ့မှာ ကာဒီနယ်လ် ဂျိုးဇက်ရက်ဇင်းဂါး (ယခုလက်ရှိ ပုပ်ရဟန်း မင်းကြီးဘယ်နဒိတ် ၁၆)က "သန့်ရှင်းမြင့်မြတ်တယ်ဆိုရာမှာ သူများထက် သာလွန်ကောင်းမွန်ခြင်းလို့ မဆိုလိုပါဘူး။ ရဟန္တာများကလည်း အားနည်းယိမ်းယိုင်တဲ့ သူဖြစ်ချင်ဖြစ်နေမယ် သူ့ဘ၀မှာ အပြစ်အမှားများစွာ ရှိချင်ရှိနေပါမယ်။ သန့်ရှင်း မြင့်မြတ်သူဖြစ်ရခြင်းကတော့ ဘ၀ရဲ့ အဆိုးအကောင်းတွေမှာ ဘုန်းတော်ရှင်ရဲ့ အလိုတော်ကို နာခံလိုက်လျှောက်ရင်း ဘုရားရှင်ရဲ့ မိတ်ဆွေအဖြစ် တည်ဆောက်ကြခြင်းရဲ့ နက်နဲတဲ့အချက် တစ်ချက်ပဲဖြစ်ပါတယ်"လို့ မှတ်ချက်ချခဲ့ပါတယ်။
အဲဒီနေ့မှာပဲ ရဟန်းမင်းကြီး ဒုတိယမြောက်ယောဟန်ပေါလူး ထုတ်ဖေါ်ပြောကြားတာက "ကျွန်ုပ်တို့ဟာ ကျွန်ုပ်တို့ လုပ်ကိုင်ထိတွေ့ မြင်နေရတဲ့အရာတွေအားဖြင့် မမြင်မထိတွေ့နိုင်သော ဘုရားကို ရှာတွေ့ရမယ်လို့ ဂျိုဆေမာရီယာအက်စ်ခရီးဗာ အသက်ရှင်စဉ်က ကျွန်ုပ်နဲ့စကား စမြည်ပြောဆိုရင်း ပြောခဲ့ဖူးပါတယ်" လို့ ဆိုပါတယ်။
ဒီအချက်ကဖြင့် ရုပ်ဝတ္ထုပစ္စည်း ကမ္ဘာကြီးလျှံထွက်မတတ် တီထွင်တိုးတက်နေတဲ့နောက်ကို အမီပြေးလိုက်နေကြရတဲ့ ဒီနေ့ခေတ် လူတွေအတွက် ဘုရားဆီ ချဉ်းကပ်ရန် အခြေခံကျလွန်းအောင်ကောင်းနေတဲ့ နည်းလမ်းတစ်ခုကို ဂျိုဆေမာရီယာ အက်စ်ခရီးဗာက ညွှန်ပြနေခြင်းပါပဲ။ ဂျိုဆေမာရီယာ အက်စ်ခရီးဗာ ရေးသားခဲ့တဲ့ မြောက်များစွာသော လူ့စိတ် ၀ိညာဉ်များကို ထိတွေ့ပြောင်းလဲစေနိုင်အောင် လေးနက် အစွမ်းထက်တဲ့နည်းကောင်း လမ်းညွှန်အဖြစ် The Way of the Cross, Furrow, The Forge, The Way, Christ is passing by နဲ့ In love with the Church ဆိုတဲ့ စာအုပ်တွေအားဖြင့် ခေတ်သစ်ရဟန္တာဖြစ်နည်းကို ဆက်လက်ပြောပြနေဆဲပင် ဖြစ်ပါတယ်။

Ref :
- Inside the Vatican. Nov, 02
- "Introducing the Church's Newest Saint"
- (Opus Dei) ကို ဆီလျော်အောင်ပြန်ဆိုပါသည်။

အင်ဝိုင်းပန် (SJA)