Tuesday, April 6, 2010

သူတို့နဲ့ကျွန်တော်တို့ နှိုင်းယှဉ်ကြည့်ကြစို့


သူတို့နဲ့ကျွန်တော်တို့ နှိုင်းယှဉ်ကြည့်ကြစို့


အာဒံနဲ့ဧ၀ဟာ ဘုရားသခင်ရဲ့စကားကို နားမထောင်ဘဲ တားမြစ်ထားတဲ့ အသီးကိုစားပြီး တစ်ကြိမ်သာ အပြစ်ကျူးလွန်ခဲ့ကြတာပါ။ ကျွန်တော်တို့ဟာ ဘုရားသခင် တားမြစ်ထားတဲ့ ပညတ်တော်များ၊ စောင့်ရှောက်ရမည့်ဝတ္တရားများ၊ အသင်းတော်ကျင့် ၀တ်တော်များကို သိလျက်နဲ့ နားမထောင်ဘဲ အကြိမ်ပေါင်း မရေတွက်နိုင်လောက်အောင် ပြစ်မှား ကျူးလွန်နေကြတယ် မဟုတ်လား။

ကာဣနဟာ မနာလိုတဲ့စိတ်နဲ့ ညီငယ်အာဗေလကို တစ်ကြိမ်သာ သတ်ခဲ့တာပါ။ ကျွန်တော်တို့ဟာ မနာလိုဝန်တို စိတ်အပြည့်နဲ့ သူတစ်ပါးရဲ့အသက်အိုး အိမ်စည်းစိမ်တွေကို ပျက်ဆီးဆုံးရှုံး၊ ဘ၀ပျက်သွားအောင် စိတ်၊ နှုတ်၊ အမူအကျင့်တွေနဲ့နေ့စဉ်နှင့် အမျှ ဖျက်ဆီးကြံစည် လုပ်ဆောင်နေကြတယ် မဟုတ်လား။ ဖာရောဘုရင်ဟာ အဲဂုတ္ထုပြည်မှာ ဣသရေလလူမျိုးတွေကို ဖမ်းဆီးချုပ် နှောင်ထားပြီး မိမိကိုသာ ကြောက်ရွံ့ရိုသေ လေးစားရမယ်။ မိမိရဲ့ အမိန့်အာဏာတွေကိုသုံးကာ ဣသရေလလူမျိုးတွေကို နှစ်ကာလ ကြာမြင့်စွာ ကျွန်ပြုခဲ့တယ်။ ကျွန်တော်တို့ဟာ ဘုရားသခင်က ရွေးကောက်ထားတဲ့ ရဟန်းမင်းကြီး၊ ဆရာတော်ကြီးများ၊ ဘုန်းတော်ကြီးများ၊ သီလရှင်များ စတဲ့ပုဂ္ဂိုလ်တွေရဲ့ လမ်းပြသွန်သင်၊ ညွှန်ကြားချက်များကို နာခံမှုအပြည့် ရှိသယောင်နဲ့ လက်တွေ့မှာတော့ ဆန့်ကျင်ဘက် ပြုနေကြတယ်။ ငါ့ရဲ့အသိပညာ၊ ငါ့ရဲ့အတတ်ပညာ၊ ငါ့ရဲ့အရည် အချင်းသာလျှင်ရှိရမယ်။ ငါသာလျှင် အသိဆုံး၊ ငါသာလျှင် အတတ်ဆုံးဆိုပြီး မိမိကိုယ်ကို အဟုတ်ကြီးထင်ကာ အနည်းငယ်မျှသာ ပေးထားသော အခွင့်အရေးလေးကို အခွင့်ကောင်းယူပြီး ဘာသာသူတွေရဲ့ ဆန္ဒသဘောထားများ၊ အရည်အချင်းတွေကို အညွှန့်ချိုးကာ မိမိရဲ့အုပ်ချုပ်မှု့ အာဏာသာ တည်မြဲရေးကို ရှေ့တန်းတင်ပြီး နည်းပရိယာယ်ကြွယ်ဝလှတဲ့ လုပ်ရပ်မျိုးနဲ့ သွေးခွဲနေခြင်းကြောင့် စိတ်ဝမ်းကွဲခြင်း၊ ဘုရားကျောင်း မတက်ခြင်း၊ အသင်းတော်ကို ထာဝရစွန့်လွှတ်သွားခြင်း၊ ဘာသာတရားဝတ္တရားများကို မလိုက်နာတော့ခြင်း စသည်ဖြင့် သာသနာတော်နယ် အသီးသီးမှာ ဖြစ်နေကြခြင်းဟာလည်း ကျွန်တော်တို့ရဲ့ မှားယွင်းမှု့တွေကြောင့် ဖြစ်ပါတယ်။ ကျွန်တော်တုိ့သာလျှင် လုပ်ဆောင်နေကြတဲ့ သူတွေပါဘဲ။

ဣသရေလူတွေဟာ မကောင်းတဲ့ အကြံအစည်တွေနဲ့ သူတို့ရဲ့ရှေ့ကသွားမဲ့ ဘုရားများကိုလုပ်ပေးဘို့ အာရုန်ကို ပြောပါတယ်။ အာရုန်ကလည်း နွားသူငယ်ရုပ်တုလေးကို လုပ်ပေးလိုက်သောကြောင့် သူတို့ဟာ ဒီရုပ်တုလေးကို ဘုရားအမှတ်နဲ့ကိုးကွယ်ပြီး ထာဝရဘုရားသခင်ကို ပြစ်မှားကြပါတယ်။ ကျွန်တော်တို့ဟာ ဗိမ္မာန်တော်ကျောင်းဆောင် ကလေးထဲမှာ အမှန်တကယ် ကိန်းဝပ်လျှက် အစဉ်တည်ရှိနေတော်မူသော စစ်မှန်တဲ့ ဘုရားသခင်ရဲ့ ရှေ့မှောက်မှာ ပြောချင်သလိုပြောကြ၊ လုပ်ချင်သလိုလုပ်နေကြပြီး၊ ဘုရားသခင်ကို ယုံကြည်အားကိုးရမဲ့အစား ဗေဒင်၊ လက္ခဏာ၊ ယတြာချေတာတွေစတဲ့ မလုပ်သင့်တဲ့ လုပ်ရပ်တွေနဲ့ ဘုရားသခင်ကို တစ်နည်းတစ်ဖုံ စော်ကားနေကြတဲ့သူတွေပါ။


ဖာရိရှဲတွေဟာ သူတစ်ပါးကို အပြစ်တင်ရုံတင်မကပါဘူး။ ခရစ်တော်ဘုရားရှင်ကို တောင်မှ အပြစ်တင်ကြတယ်။ သူတို့ကတော့ အပြစ်မရှိတဲ့ သူတော်ကောင်းတွေပမာ ကိုယ့်ကိုကိုယ်ချီးမွမ်းကြပြီး ဘုရားသခင်ကို ပြစ်မှားကျူးလွန်ကြပါတယ်။ ကျွန်တော်တို့
တစ်တွေဟာလည်း သူတစ်ပါးကို အဆိုးမြင်ဝါဒနဲ့ ကြည့်ပြီး ဘုရားသခင်ကို အပြစ်တင် ပြောဆိုတဲ့နေရာမှာ ဖာရိရှဲတွေ ရှုံးလောက်အောင် ပြောဆိုပြစ်မှား ကျူးလွန်နေတဲ့သူတွေပါဘဲ။

ယုဒရှကာရုတ်ဟာ ခရစ်တော်ဘုရားရှင်ကို ငွေအသပြာသုံးဆယ်နဲ့ တစ်ကြိမ်သာ ရောင်းစားခဲ့တယ်။ ပေတရူးဟာ (၃)ကြိမ်ပဲ ငြင်းပယ်ခဲ့တယ်။ ရောမစစ်သားတွေဟာ ခရစ်တော်ဘုရားသခင်အတွက် သက်သေခံဘို့ ကားတိုင်လမ်းကို ကိုယ်တိုင်ထမ်းဆောင်ဖို့၊ မိမိရဲ့အသက်တာကို အစဉ်ပေးဆက်နေဖို့၊ သူတစ်ပါးကိုကူညီဖို့၊ ချစ်ခြင်း၊ ခွင့်လွှတ်ခြင်း၊ နာခံခြင်း၊ ပေးဆပ်ခြင်း၊ စိတ်ရှည်သီးခံခြင်း၊ ကိုယ့်ကျိုးစွန့်အနစ်နာခံခြင်း၊ နှုတ်ကပတ်တရားတော်နဲ့အညီ လက်တွေ့ကျင့်ကြံနေထိုင်ခြင်းတွေမှာ ဟန်ဆောင်မှုသဘောမျိုးနဲ့သာ ရှိနေကြပြီး အနှစ်သာရ မရှိခြင်းကြောင့် ဘုရားသခင်ကို အကြိမ်ကြိမ်ငြင်းပယ်ပြီး ကားတိုင်းတင်သတ်နေကြတဲ့သူတွေပါပဲ။


ကျွန်တော်တို့ရဲ့ ခရစ်ယာန်ဘာသာဝင် တော်တော်များများဟာ သမ္မာကျမ်းစာတော်မြတ်နဲ့ ဘာသာရေးဆိုင်ရာ သမိုင်းရာဇ၀င်စာအုပ်၊ စာပေများကိုဖတ်ရှုပြီး ထိုပုဂ္ဂိုလ် တွေဟာ အင်မတန်မှ အပြစ်ကြီးပြုလုပ်ခဲ့တဲ့သူတွေပဲ၊ ကျွန်တော်တို့ကတော့ ထိုပုဂ္ဂိုလ်တွေလောက် အပြစ်ကြီးမရှိသေးတဲ့သူတွေလို့ ထင်မှတ်နေကြပါလိမ့်မယ်။ တကယ်တမ်း လေးလေးနက်နက်စဉ်းစားပြီး ဖတ်ရှုကြည့်လိုက်မယ်ဆိုရင် ထိုပုဂ္ဂိုလ်တွေထက် ပို၍ (ပို၍) အပြစ်ကြီးနေကြတဲ့ သူတွေဆိုတာကို စဉ်းစားမိတာနဲ့ ကျမ်းစာတော်မြတ်မှာပါရှိတဲ့ ပုဂ္ဂိုလ်အချို့နဲ့ ကျွန်တော်တို့ရဲ့ လက်ရှိ ပြုမှုကျင့်ကြံနေကြတဲ့ စိတ်နေသဘောထားတွေကို နှိုင်းယှဉ်ပြီးတင်ပြ ရေးသားလိုက်ခြင်း ဖြစ်ပါတယ်။ စာဖတ်မိတ်ဆွေများ ဒီထက် ပိုပြီး နက်ရှိုင်းစွာ ဆက်လက် စဉ်းစားနိုင်ကြမယ်လို့ မျှော်လင့်လျက်
-

(ပုဂ္ဂိုလ် (၃)ပါးတစ်ဆူဘုရားရဲ့ ချစ်မေတ္တာရိပ်အောက်၌)

ဇင်ယော်ငှက် (မြစ်ငယ်မြို့)