Tuesday, April 28, 2009

ကလေးငယ်ပြသည့် ကိုယ်တော်မြတ်၏ တန်ဘိုး


ကလေးငယ်ပြသည့် ကိုယ်တော်မြတ်၏ တန်ဘိုး

လွန်ခဲ့သည့် တပါတ်အတွင်း ရိုးရိုး သာမန်တနင်္ဂနွေနေ့ မစ္ဆားတရားအပြီးတွင် ကျွန်တော်သည်အံ့သြဘွယ်ရာ အဖြစ် အပျက်တစ်ခုကို ကြုံတွေ့လိုက်ရသည်။ မစ္ဆားဟောသည့် ဘုန်းတော်ကြီးသည် အသက် ၄ နှစ် မှ ၁၁ နှစ် အရွယ်ကလေးငယ်တို့အား ရှေ့သို့ထွက်လာစေလျှက် သူတို့ဘ၀တွင်အဘယ်အရာသည် အရေး ကြီးဆုံးနှင့် ဘာအတွက် ကျေးဇူးတင်ချင်သနည်းဟူသော မေးခွန်းကို တစ်ဦးချင်းစီ အားမေးလေ၏။ ကလးငယ်များစွာတို့က သူတို့ဘ၀တွင် မိသားစု အရေးကြီးကြောင်း သူတို့၏ မိသားစုအား ကျေးဇူးတင်ကြောင်း အစရှိသည်ဖြင့်ဖြေကြားသွားခဲ့သည်။ သို့သော် ကက်သရင်းစတီပါ (Catherine Stypa) ဟူသော ကလးမငယ်လေးအလှည့် ရောက်ရှိလာချိန်တွင်ကား ထိုကလေးမငယ်သည် တခြားသူများ မထင်မှတ်သော အဖြေကို ပေးလိုက်သည်။

သူမသည် သေးငယ်သောအသံ လေးဖြင့် "ကျွန်မသည် ယခုအသက်လေး နှစ်ရှိပါပြီ။ ဘုရားသခင်သည် ကျွန်မဘ၀တွင် အရေးကြီးဆုံးသောအရာ ဖြစ်ပါသည်။ အဘယ်ကြောင့်ဆိုသော် ကျွန်မသည် သူ့အား အရမ်းချစ်ပါသည်။ ထို့အတူ သူ့အား ကိုယ်တော်မြတ် စက္ကရမင်တူးကို ပင့်ယူခြင်းအားဖြင့် လက်ခံလိုပါသည်။ ဤလိုလားချက်သည် ကမ္ဘာပေါ်ရှိ မည်သည့်အရာတို့ နှင့်မျှမလဲနိုင်ပါ" ဟု တုန်ယင်စွာဖြင့် မျက် ရည်တသွင်သွင် စီးကျလျက် ပြောဆိုသွားခဲ့လေသည်။

ပရိသတ်ထဲရှိ ယောင်္ကျားကြီးတို့သည် ကလေး၏ အဖြေကိုကြားရသောအခါ သူတို့၏ မျက်နှာများကို လက်များဖြင့် ပွတ်လျှက်ရှိသည်။ အမျိုးသမီးတို့သည် သက်ပြင်းချကြသည်။ ဆယ်ကျော်သက် အရွယ်တို့ကမူ ကက်သလရင်း၏ ရိုးသား ဖြူစင်မှုနှင့်အပြစ် ကင်းမှုတို့ကို ကြည့်လျှက် ပြုံးကြသည်။ ကျွန်တော်သည် ဖော်မပြနိုင်သော ခံစားချက် တစ်ခုကိုရရှိလိုက်သည်။ ထို့နောက် ကျွန်တော်သည် ကျွန်တော်နှင့် အတူ ဘာသာတူအားလုံး မည်သည့် အချိန်တွင် ကိုယ်တော်မြတ်စက္ကရမင်တူးကို ထိုကလေးမ ကက်သရင်းကဲ့သို့ လိုလား တောင့်တခဲ့ကြသနည်း ဆိုသည်ကို စဉ်းစားမိနေမိသည်။

လောကကြီးထဲတွင် ကျွန်ုပ်တို့ လူသားများသည် အလကားရသော အရာတို့ကို တန်ဖိုး မထားတတ်ကြချေ။ အဘယ်ကြောင့်ဆိုသော် ထိုအရာများကို ကြိုက်သည့်အချိန်တွင် ရယူနိုင်သော ကြောင့်ဖြစ်သည်။ ထိုအရာများထဲတွင် ကျွန်ုပ်တို့ ကက်သလစ်ဘာသာဝင်တို့အဖို့ "ကိုယ်တော်မြတ် စက္ကရမင်တူး" ပါဝင်နေခြင်းကို ၀မ်းနည်းစွာ တွေ့မြင်ရသည်။ ကျွန်ုပ်တို့ ဘာသာဝင်တို့သည် ကိုယ်တော်မြတ် စက္ကရမင်တူးကို မစ္ဆားတရားအချိန်တိုင်းတွင် ပင့်ယူခွင့်ရရှိနေသောကြောင့်ဖြစ်သည်။

အကယ်၍ ကျွန်ုပ်တို့သည် အရာဝတ္ထုတစ်ခုခုနှင့် မပတ်သက်ရန် တားမြစ်ခံရပါက သို့တည်းမဟုတ် ဝေးကွာနေခဲ့ပါက ထိုအရာဝတ္ထု၏ အရေးပါမှုကို သိရှိလာရပေသည်။ ထို့အတူ ထိုအရာအားပို၍ပင် တောင့်တမိသည်။ ထားမြစ်ထားသော အရာကိုပို၍လိုချင်ကြသည်။ မစားရဟူသော အစားအစာကို ပို၍စားချင်ကြသည်။ ကက်သရင်းသည် အသက် ၄ နှစ်မျှသာ ရှိသေးသောကြောင့် ကိုယ်တော်မြတ် စက္ကရမင်တူးကို မပင့်ယူရသေးသဖြင့် သူမသည် ကိုယ်တော်မြတ် စက္ကရမင်တူးအား ကမ္ဘာပေါ်ရှိ အခြားအရာအားလုံးတို့ထက် ပိုမို တောင့်တမိပေမည်။

ထို့ကြောင့် နောင်ခါများ၌ ကျွန်ုပ်တို့သည် ကိုယ်တော်မြတ်ပင့်ယူရန် သွားကြသည့် အခါတိုင်း၊ ကမ္ဘာပေါ်ရှိ ကိုယ်တော်မြတ် စက္ကရမင်တူးပင့်ယူခွင့် ပိတ်ပင်ခံရသော ကက်သလစ် ဘာသာဝင်တို့အကြောင်း တွေးသင့်ကြသည်။ ထို့အတူ ကက်သရင်းကဲ့သို့ ကျွန်ုပ်တို့ အမြဲတမ်း လွယ်လွယ်ကူကူ ရရှိသော ကိုယ်တော်မြတ်ကို ကမ္ဘာပေါ်ရှိ အရာအားလုံးတို့ထက် ပိုမိုတောင့်တသင့် ကြသည်။

ဤအချက်ကို စဉ်းစားထောက်ရှု ပြီး ကျွန်ုပ်တို့ ရရှိလာသော ကျေးဇူးတော်အား တန်ဖိုးထားနိုင်ကြပေမည်။


ဘာသာပြန်-
အောင်မြင့်ဦး (ပြည်)