Thursday, April 23, 2009

အမေး ၊အဖြေ။ (အာမင် ဆိုတဲ့ စကားရဲ့ အဓိပ္ပာယ်)


အမေး ၊အဖြေ။


မေး ။ ။ ခရစ်ယာန်များ သုံးစွဲလေ့ရှိတဲ့ "အာမင်" ဆိုတဲ့စကားရဲ့ အဓိပ္ပာယ်ကို ပြည့်ပြည့်စုံစုံ သမ္မာကျမ်းစာ နောက်ခံတွေနဲ့ သိချင်ပါတယ်။

ဖြေ။ ။ "အာမင်" ဆိုတဲ့ ဝေါဟာရဟာ ဟေဗရူးဘာသာစကားရဲ့ ကြိယာဝိသေသန တစ်ခုဖြစ်ပါတယ်။ အင်္ဂလိပ်လို ဘာသာပြန်တဲ့အခါမှာ "So be it" မြန်မာလို "အထက်ကဆိုတဲ့အတိုင်း၊ ပြောတဲ့အတိုင်း ဖြစ်ပါစေ" လို့ ပြန်ဆိုကြပါတယ်။ ဒီသဘောတရားကတော့ ဆန္ဒ သက်သက်သာ ဖော်ပြရာရောက်လို့ မပြည့် စုံပါဘူး။ တကယ်တော့ "အာမင်" ရဲ့ အဓိပ္ပာယ်ဟာ သေချာရေရာခြင်း၊ သေချာတယ်လို့ ယုံကြည်စိတ်ချခြင်း၊ မှန်ကန်တည်တံ့ ခိုင်မာခြင်း၊ အခိုင်အမာ တညီတညာ တည်းဖြစ်ခြင်း၊ ဧကန်မုချ စိတ်ချယုံကြည်ရခြင်းဆိုတဲ့ သဘောတရားများ ဖြစ်ပါတယ်။

"အာမင်"လို့ ပြောဆိုလိုက်ခြင်းဟာ ဆုတောင်းမေတ္တာထဲမှာ မိမိကိုယ်မိမိ နှစ်မြှုပ်မည်၊ တလုံးတ၀တည်း ဖြစ်စေမည်၊ လုပ်မည် (သို့မဟုတ်) မိမိတင်ပြသည့် အကြောင်းအရာကို အတည်ပြုမည်ဆိုတဲ့
ရည်ရွယ်ချက်တွေနဲ့ မိမိပြောဆိုခဲ့တဲ့အရာ၊ ဆုတောင်းမေတ္တာအတွက် မှန်ကန်သေချာကြောင်း အာမခံ ပြောဆို ကြွေးကြော်ခြင်း ဖြစ်ပါတယ်။ ဒါကြောင့် သာမန်ဆန္ဒပြု ခြင်း မျိုးထက်ပိုပါတယ်။
"အာမင်"ဟာ မိမိကိုပေးအပ်တဲ့ တာဝန်ကို လက်ခံတာ၊ ပူဇော်တာ၊ အပ်နှံတာဖြစ်ပြီး တစ်ခဲနက် ၀ိုင်းဝန်းကြွေးကြော် အတည်ပြုခြင်းဆိုတဲ့ အဓိပ္ပာယ်လည်း ရှိပါတယ်။ ဥပမာ- (ဓမ္မရာဇ၀င် တတိယ စောင် ၁း၃၆) မှာ တစ်စုံတစ်ယောက်နဲ့ မိမိရဲ့ သဘောတူညီ လက်ခံမှုကို အတိ အလင်းထုတ်ဖော် ကြေညာတဲ့ သဘော တရားတွေ့ရပါတယ်။ "ယောယဒသား ဗေနာယက အာမင် အရှင်မင်းကြီး ကိုးကွယ်သော ဘုရားသခင် ထာဝရဘုရားသည်လည်း ထိုသို့ မိန့်တော်မူပါစေသော်" ဆိုပြီး ဒါဝိဒ်မင်းကြီးရဲ့ တာဝန်ပေးချက်ကို ဗေနာယ က လက်ခံကာ မိမိကိုယ် မိမိပေး အပ်ပူဇော်အပ်နှံပြီး တာဝန်ကျေအောင် လုပ်ဆောင်ပါမယ်လို့ ပြောဆိုခြင်း ဖြစ်ပါတယ်။

နောက်တစ်မျိုး အသုံးကတော့ မိမိကျိန်ဆိုတဲ့ အချက်ကို မိမိက တာဝန်ယူကြောင်း၊ ကျိန်စာတိုက်တဲ့အခါ မှာလည်း "အာမင်" ဆိုတဲ့စကားနဲ့ ၀န်ခံရတဲ့အကြောင်း (တောလည်ရာကျမ်း - ၅း၂၂) မှာ "ကျိန်ခြင်းဘေးဖြစ်စေသော ဤရေသည် သင်၏ ၀မ်းထဲသို့ဝင်၍ ၀မ်းရောင်ခြင်း၊ ပေါင်ပိန်ခြင်းကို ဖြစ်စေသတည်းဟု ယဇ် ပုရောဟိတ်သည် ကျိန်ခြင်း အကျိန်တိုက်လျှင် မိန်းမက အာမင်၊ အာမင် ဟု ၀န်ခံရ မည်။" လို့ ဖော်ပြပါရှိပါတယ်။


ဝတ်ပြုကိုးကွယ်ခြင်းများမှာ ကိုယ် ပြုထားတဲ့ ကတိသစ္စာကို ပြန်လည်ပြုလုပ်တဲ့ အခါမှာလည်း "အာမင်" ကိုဆိုကြောင်း ( တရားဟောရာကျမ်း- ၂၇း၁၅-၂၆) မှာ ဖတ်ရှုနိုင်ပါတယ်။ " ... မိဘကို မထီမဲ့ မြင်ပြုသောသူသည် အမင်္ဂလာရှိစေသတည်းဟုကျိန်လျှင် လူအပေါင်းတို့က အာမင်ဟု ၀န်ခံကြရမည် ..." စသဖြင့် ပါရှိပါသည်။ (ဆာလံကျမ်း- ၄၁း၁၃) မှာ "ဣသရေလအမျိုး၏ ဘုရားသခင်တည်း ဟူသော ထာဝရဘုရားသည် ကမ္ဘာ အဆက်ဆက် မင်္ဂလာရှိ တော်မူစေသတည်း။ အာမင်နှင့် အာမင်။" လို့ တွေ့ရ သလို (ရာဇ၀င်ချုပ် ပထမစောင် - ၁၆း၃၆) မှာလည်း "ဣသရေလအမျိုး၏ ဘုရားသခင်ထာဝရဘုရားသည် ကမ္ဘာ အဆက်ဆက်မင်္ဂလာရှိတော်မူစေသတည်း ဟု သီချင်းဆိုကြသောအခါ၊ လူများ အပေါင်းတို့သည် "အာမင်" ဟု ၀န်ခံလျက် ထာဝရဘုရား၏ ဂုဏ်တော်ကို ချီးမွမ်းကြ၏။" လို့တွေ့ရပြီး (ဗျာဒိတ်တော်ကျမ်း - ၃း၁၄) မှာ "ခရစ်တော်ကို ဘုရားသခင် ၏ အာမင်"လို့ ကြေညာထားပါတယ်။ ဘာကြောင့်လဲဆိုတော့ ခမည်းတော်ဘုရားရဲ့ ဗျာဒိတ်တော်အားလုံးဟာ ခရစ်တော်မှာ ပြည့်စုံတယ်။ ခရစ်တော်မှာ မျက်မြင်ကိုယ်တွေ့ အကောင်အထည် ဖော်လို့ဖြစ်ပါတယ်။ "ဤသြ၀ါဒသည် ထာဝရဘုရား ဖန်ဆင်းတော်မူသော အရာအပေါင်းတို့၏ အစမူလဖြစ်တော်မူသော၊ သစ္စာရှိ၍ဟုတ် မှန်သော သက်သေခံဖြစ်တော်မူသော အာမင်ထံ မှဖြစ်၏။" လို့ တွေ့ရတဲ့အပြင် (ဗျာဒိတ်-၅း၁၄) မှာလည်း ဘုရားသခင် အား ချီးမွမ်းထောမနာ ဧကျူးအပြီးမှာ သတ္တ၀ါလေးပါးတို့က "အာမင်" လို့ တုန့် ပြန်ကြတယ်ဆိုပြီးရေးသားထားပါတယ်။


ခေတ်သစ် ခရစ်ယာန်တွေက "အာမင်" ဆိုတဲ့ စကားကို အကြမ်းအားဖြင့် အောက်ပါအတိုင်း သုံးစွဲလေ့ရှိကြပါတယ်။

  • ပထမဦးဆုံး ခရစ်ယာန် မေတ္တာစာများနဲ့ ဆုတောင်းခြင်းများ၊ သီချင်းချီးမွမ်း ဧကျူးခြင်းများရဲ့ အဆုံးသတ် စကားအဖြစ် နှင့်တစ်မျိုး။
  • တရားဟောပွဲများမှာ ဖြစ်စေ၊ ဘာသာ ရေးဆွေးနွေးပွဲ၊ ၀ိညာဉ်ရေးရာအတွေ့ အကြုံရှင်းလင်းပွဲတွေမှာ ဟောပြော၊ ဆွေး နွေးတဲ့သူက ထိထိမိမိ အချက်ကျကျပြော ဆိုရင် အာမင်၊ အာမင်ဆိုပြီး တရားနာ ပရိတ်သတ်က သဘောကျလို့ ထောက်ခံ အားပေးတဲ့ အခါမျိုးမှာ အော်တတ်သလို။
  • တစ်ယောက်ယောက်က ဘုရားအတွက်၊ လူသားများအတွက် ကုသိုလ်လုပ်တဲ့အခါမှာ ကိုယ်ကျိုးစွန့် အလုပ်လုပ်တဲ့ အခါမျိုးမှာ အားပေး ထောက်ခံကြောင်း ၀မ်းသာ၊ ၀မ်းမြောက်ကြောင်းပြတဲ့အခါ "အာမင်"လို့ ရွက်ဆိုတတ်ကြပါတယ်။
  • တစ်ခုခု အရေးကြီးကြောင်း အဓိကထားပြောချင်တဲ့ အခါမှာလည်း ရှေ့ကနေ "အာမင်" လို့ ထည့်ပြောတတ်ကြပါတယ်။
"အာမင်" ဆိုတဲ့စကားကို တွင်တွင်ကြီး နေရာတကာမှာ သုံးတတ်တာကတော့ Charistmatic လို့ ခေါ်တဲ့ သန့် ရှင်းသောဝိညာဉ်တော်ဘုရားကို အထူးကြည်ညိုတဲ့ ခရစ်ယာန်အဖွဲ့သားများက အသုံးများပါတယ်။

မြန်မာနိုင်ငံမှာတော့ ကက်သလစ်ခရစ်ယာန်တွေဟာ မေတ္တာစာ (သို့) ဆုတောင်းခြင်း အဆုံးသတ်တာကလွဲပြီး ကျန်တဲ့နေရာတွေမှာ သုံးလေ့သုံးထ မရှိပါဘူး။ ဖိလစ်ပိုင်နိုင်ငံမှာရှိတဲ့ ကက်သလစ် ခရစ်ယာန်များကြားမှာတော့ တော်တော်လေး အသုံးပြုတာကိုတွေ့ရပြန်ပါတယ်။

ခရစ်ယာန်ဂိုဏ်းကွဲများက "အာမင်" ကို ကက်သလစ်ခရစ်ယာန်များထက် နေရာတကာမှာ ပိုမိုပြီး အသုံးပြုတာတွေ့ ရပါတယ် ဆိုတဲ့အကြောင်း ဖြေကြားလိုက်ရပါတယ်။


ဝဿန်မိုး